| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. анд̇хагавинд̣̇асуд̇д̇аван̣н̣анаа
3. Andhakavindasuttavaṇṇanā
184. д̇ад̇ияз анд̇хагавинд̣̇анд̇и звам̣наамагам̣ г̇аамам̣. убасан̇гамийд̇и ‘‘сад̇т̇аа ид̣̇ааниби вийрияам̣ гарод̇и бад̇хаанамануяун̃ж̇ад̇и, г̇ажчаамисса санд̇игз тад̇ваа саасанаанужчавигам̣ вийрияабадисам̣яуд̇д̇ам̣ г̇аат̇ам̣ вагкаамий’’д̇и убасан̇гами.
184. Tatiye andhakavindanti evaṃnāmakaṃ gāmaṃ. Upasaṅkamīti ‘‘satthā idānipi vīriyaṃ karoti padhānamanuyuñjati, gacchāmissa santike ṭhatvā sāsanānucchavikaṃ vīriyapaṭisaṃyuttaṃ gāthaṃ vakkhāmī’’ti upasaṅkami.
банд̇аанийд̇и ж̇анад̇ам̣ ад̇иггамид̇ваа мануссаанам̣ анубажаарз тид̇аани. сам̣яож̇анавиббамогкаад̇и д̇аани жа сзнаасанаани сзвамаано на жийвараад̣̇ийнам̣ ад̇т̇ааяа сзвзяяа, ат̇а ко д̣̇асасам̣яож̇анавиббамогкад̇т̇ааяа жарзяяа. сан̇гхз васзд̇и д̇зсу сзнаасанзсу рад̇им̣ алабханд̇о убадтаагаад̣̇ийнам̣ жид̇д̇аанурагкан̣ад̇т̇ам̣ г̇ад̣̇рабхабидтз раж̇ам̣ вияа уббад̇анд̇о аран̃н̃з ажарид̇ваа сан̇гхамаж̇жхз васзяяа. рагкид̇ад̇д̇о сад̇иймаад̇и д̇ад̇т̇а жа васанд̇о саг̇аважан̣д̣о г̇он̣о вияа саб̣рахмажаарино авиж̇жханд̇о агхаддзнд̇о рагкид̇ад̇д̇о сад̇ибадтаанабарааяан̣о худ̇ваа васзяяа.
Pantānīti janataṃ atikkamitvā manussānaṃ anupacāre ṭhitāni. Saṃyojanavippamokkhāti tāni ca senāsanāni sevamāno na cīvarādīnaṃ atthāya seveyya, atha kho dasasaṃyojanavippamokkhatthāya careyya. Saṅghe vaseti tesu senāsanesu ratiṃ alabhanto upaṭṭhākādīnaṃ cittānurakkhaṇatthaṃ gadrabhapiṭṭhe rajaṃ viya uppatanto araññe acaritvā saṅghamajjhe vaseyya. Rakkhitatto satīmāti tattha ca vasanto sagavacaṇḍo goṇo viya sabrahmacārino avijjhanto aghaṭṭento rakkhitatto satipaṭṭhānaparāyaṇo hutvā vaseyya.
ид̣̇аани сан̇гхз васамаанасса бхигкуно бхигкаажааравад̇д̇ам̣ аажигканд̇о гулаагуланд̇иаад̣̇имааха. д̇ад̇т̇а бин̣д̣игааяа жаранд̇од̇и бин̣д̣ад̇т̇ааяа жарамаано. сзвзт̇а банд̇аани сзнаасанаанийд̇и сан̇гхамаж̇жхам̣ од̇арид̇ваа васамааноби д̇хурабаривзн̣з д̇ааланаал̣игзрааад̣̇ийни робзд̇ваа убадтаагаад̣̇исам̣садто на васзяяа, жид̇д̇агаллад̇ам̣ бана ж̇анзд̇ваа жид̇д̇ам̣ хаасзд̇ваа д̇осзд̇ваа буна банд̇асзнаасанз васзяяаад̇и аран̃н̃ассзва ван̣н̣ам̣ гат̇зд̇и. бхаяаад̇и ваддабхаяад̇о. абхаязд̇и ниб̣б̣аанз. вимуд̇д̇од̇и ад̇химуд̇д̇о худ̇ваа васзяяа.
Idāni saṅghe vasamānassa bhikkhuno bhikkhācāravattaṃ ācikkhanto kulākulantiādimāha. Tattha piṇḍikāya carantoti piṇḍatthāya caramāno. Sevetha pantāni senāsanānīti saṅghamajjhaṃ otaritvā vasamānopi dhurapariveṇe tālanāḷikeraādīni ropetvā upaṭṭhākādisaṃsaṭṭho na vaseyya, cittakallataṃ pana janetvā cittaṃ hāsetvā tosetvā puna pantasenāsane vaseyyāti araññasseva vaṇṇaṃ katheti. Bhayāti vaṭṭabhayato. Abhayeti nibbāne. Vimuttoti adhimutto hutvā vaseyya.
яад̇т̇а бхзраваад̇и яасмим̣ таанз бхаяаж̇анагаа савин̃н̃аан̣агаа сийхаб̣яаг̇гхаад̣̇аяо, авин̃н̃аан̣агаа рад̇д̇ибхааг̇з каан̣уваллиаад̣̇аяо б̣ахуу ад̇т̇и. сарийсабаад̇и д̣̇ийгхаж̇аад̇игаад̣̇исарийсабаа. нисийд̣̇и д̇ад̇т̇а бхигкууд̇и д̇аад̣̇исз таанз бхигку нисинно. иминаа ид̣̇ам̣ д̣̇ийбзд̇и – бхаг̇аваа яат̇аа д̇умхз зд̇арахи д̇ад̇радтагабхзраваарамман̣аани жзва сарийсабз жа виж̇ж̇унижчааран̣аад̣̇ийни жа аманасигад̇ваа нисиннаа, звамзвам̣ бад̇хаанамануяуд̇д̇аа бхигкуу нисийд̣̇анд̇ийд̇и.
Yattha bheravāti yasmiṃ ṭhāne bhayajanakā saviññāṇakā sīhabyagghādayo, aviññāṇakā rattibhāge khāṇuvalliādayo bahū atthi. Sarīsapāti dīghajātikādisarīsapā. Nisīdi tattha bhikkhūti tādise ṭhāne bhikkhu nisinno. Iminā idaṃ dīpeti – bhagavā yathā tumhe etarahi tatraṭṭhakabheravārammaṇāni ceva sarīsape ca vijjunicchāraṇādīni ca amanasikatvā nisinnā, evamevaṃ padhānamanuyuttā bhikkhū nisīdantīti.
ж̇аад̇у мз д̣̇идтанд̇и згам̣сзна маяаа д̣̇идтам̣. на яид̣̇ам̣ ид̇ихийд̇иханд̇и ид̣̇ам̣ ид̇иха ид̇ихаад̇и на д̇аггахзд̇у ваа наяахзд̇у ваа бидагасамбад̣̇аанзна ваа ахам̣ вад̣̇аами. згасмим̣ б̣рахмажарияасминд̇и згааяа д̇хаммад̣̇зсанааяа. д̇хаммад̣̇зсанаа хи ид̇ха б̣рахмажарияанд̇и ад̇хиббзд̇аа. мажжухааяинанд̇и маран̣абарижжааг̇инам̣ кийн̣аасаваанам̣.
Jātu me diṭṭhanti ekaṃsena mayā diṭṭhaṃ. Na yidaṃ itihītihanti idaṃ itiha itihāti na takkahetu vā nayahetu vā piṭakasampadānena vā ahaṃ vadāmi. Ekasmiṃ brahmacariyasminti ekāya dhammadesanāya. Dhammadesanā hi idha brahmacariyanti adhippetā. Maccuhāyinanti maraṇapariccāginaṃ khīṇāsavānaṃ.
д̣̇асаа жа д̣̇асад̇хаа д̣̇асаад̇и зд̇т̇а д̣̇асаад̇и д̣̇асзва, д̣̇асад̇хаа д̣̇асаад̇и сад̇ам̣, ан̃н̃з жа д̣̇асуд̇д̇арам̣ сзкасад̇ам̣ бассаамийд̇и вад̣̇ад̇и. сод̇асамаабаннаад̇и маг̇г̇асод̇ам̣ самаабаннаа. ад̇иражчаанаг̇ааминод̇и д̣̇зсанаамад̇д̇амзд̇ам̣, авинибаад̇ад̇хаммаад̇и ад̇т̇о. сан̇каад̇ум̣ ноби саггомийд̇и мусааваад̣̇абхаязна зд̇д̇агаа наама бун̃н̃абхааг̇ино сад̇д̇аад̇и г̇ан̣зд̇ум̣ на саггомийд̇и б̣ахум̣ б̣рахмад̇хаммад̣̇зсанам̣ санд̇хааяа звамааха. д̇ад̇ияам̣.
Dasā ca dasadhā dasāti ettha dasāti daseva, dasadhā dasāti sataṃ, aññe ca dasuttaraṃ sekhasataṃ passāmīti vadati. Sotasamāpannāti maggasotaṃ samāpannā. Atiracchānagāminoti desanāmattametaṃ, avinipātadhammāti attho. Saṅkhātuṃ nopi sakkomīti musāvādabhayena ettakā nāma puññabhāgino sattāti gaṇetuṃ na sakkomīti bahuṃ brahmadhammadesanaṃ sandhāya evamāha. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. анд̇хагавинд̣̇асуд̇д̇ам̣ • 3. Andhakavindasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. анд̇хагавинд̣̇асуд̇д̇аван̣н̣анаа • 3. Andhakavindasuttavaṇṇanā
