| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਅਨ੍ਧਕવਿਨ੍ਦਸੁਤ੍ਤવਣ੍ਣਨਾ
3. Andhakavindasuttavaṇṇanā
੧੮੪. ਤਤਿਯੇ ਅਨ੍ਧਕવਿਨ੍ਦਨ੍ਤਿ ਏવਂਨਾਮਕਂ ਗਾਮਂ। ਉਪਸਙ੍ਕਮੀਤਿ ‘‘ਸਤ੍ਥਾ ਇਦਾਨਿਪਿ વੀਰਿਯਂ ਕਰੋਤਿ ਪਧਾਨਮਨੁਯੁਞ੍ਜਤਿ, ਗਚ੍ਛਾਮਿਸ੍ਸ ਸਨ੍ਤਿਕੇ ਠਤ੍વਾ ਸਾਸਨਾਨੁਚ੍ਛવਿਕਂ વੀਰਿਯਪਟਿਸਂਯੁਤ੍ਤਂ ਗਾਥਂ વਕ੍ਖਾਮੀ’’ਤਿ ਉਪਸਙ੍ਕਮਿ।
184. Tatiye andhakavindanti evaṃnāmakaṃ gāmaṃ. Upasaṅkamīti ‘‘satthā idānipi vīriyaṃ karoti padhānamanuyuñjati, gacchāmissa santike ṭhatvā sāsanānucchavikaṃ vīriyapaṭisaṃyuttaṃ gāthaṃ vakkhāmī’’ti upasaṅkami.
ਪਨ੍ਤਾਨੀਤਿ ਜਨਤਂ ਅਤਿਕ੍ਕਮਿਤ੍વਾ ਮਨੁਸ੍ਸਾਨਂ ਅਨੁਪਚਾਰੇ ਠਿਤਾਨਿ। ਸਂਯੋਜਨવਿਪ੍ਪਮੋਕ੍ਖਾਤਿ ਤਾਨਿ ਚ ਸੇਨਾਸਨਾਨਿ ਸੇવਮਾਨੋ ਨ ਚੀવਰਾਦੀਨਂ ਅਤ੍ਥਾਯ ਸੇવੇਯ੍ਯ, ਅਥ ਖੋ ਦਸਸਂਯੋਜਨવਿਪ੍ਪਮੋਕ੍ਖਤ੍ਥਾਯ ਚਰੇਯ੍ਯ। ਸਙ੍ਘੇ વਸੇਤਿ ਤੇਸੁ ਸੇਨਾਸਨੇਸੁ ਰਤਿਂ ਅਲਭਨ੍ਤੋ ਉਪਟ੍ਠਾਕਾਦੀਨਂ ਚਿਤ੍ਤਾਨੁਰਕ੍ਖਣਤ੍ਥਂ ਗਦ੍ਰਭਪਿਟ੍ਠੇ ਰਜਂ વਿਯ ਉਪ੍ਪਤਨ੍ਤੋ ਅਰਞ੍ਞੇ ਅਚਰਿਤ੍વਾ ਸਙ੍ਘਮਜ੍ਝੇ વਸੇਯ੍ਯ। ਰਕ੍ਖਿਤਤ੍ਤੋ ਸਤੀਮਾਤਿ ਤਤ੍ਥ ਚ વਸਨ੍ਤੋ ਸਗવਚਣ੍ਡੋ ਗੋਣੋ વਿਯ ਸਬ੍ਰਹ੍ਮਚਾਰਿਨੋ ਅવਿਜ੍ਝਨ੍ਤੋ ਅਘਟ੍ਟੇਨ੍ਤੋ ਰਕ੍ਖਿਤਤ੍ਤੋ ਸਤਿਪਟ੍ਠਾਨਪਰਾਯਣੋ ਹੁਤ੍વਾ વਸੇਯ੍ਯ।
Pantānīti janataṃ atikkamitvā manussānaṃ anupacāre ṭhitāni. Saṃyojanavippamokkhāti tāni ca senāsanāni sevamāno na cīvarādīnaṃ atthāya seveyya, atha kho dasasaṃyojanavippamokkhatthāya careyya. Saṅghe vaseti tesu senāsanesu ratiṃ alabhanto upaṭṭhākādīnaṃ cittānurakkhaṇatthaṃ gadrabhapiṭṭhe rajaṃ viya uppatanto araññe acaritvā saṅghamajjhe vaseyya. Rakkhitatto satīmāti tattha ca vasanto sagavacaṇḍo goṇo viya sabrahmacārino avijjhanto aghaṭṭento rakkhitatto satipaṭṭhānaparāyaṇo hutvā vaseyya.
ਇਦਾਨਿ ਸਙ੍ਘੇ વਸਮਾਨਸ੍ਸ ਭਿਕ੍ਖੁਨੋ ਭਿਕ੍ਖਾਚਾਰવਤ੍ਤਂ ਆਚਿਕ੍ਖਨ੍ਤੋ ਕੁਲਾਕੁਲਨ੍ਤਿਆਦਿਮਾਹ। ਤਤ੍ਥ ਪਿਣ੍ਡਿਕਾਯ ਚਰਨ੍ਤੋਤਿ ਪਿਣ੍ਡਤ੍ਥਾਯ ਚਰਮਾਨੋ। ਸੇવੇਥ ਪਨ੍ਤਾਨਿ ਸੇਨਾਸਨਾਨੀਤਿ ਸਙ੍ਘਮਜ੍ਝਂ ਓਤਰਿਤ੍વਾ વਸਮਾਨੋਪਿ ਧੁਰਪਰਿવੇਣੇ ਤਾਲਨਾਲ਼ਿਕੇਰਆਦੀਨਿ ਰੋਪੇਤ੍વਾ ਉਪਟ੍ਠਾਕਾਦਿਸਂਸਟ੍ਠੋ ਨ વਸੇਯ੍ਯ, ਚਿਤ੍ਤਕਲ੍ਲਤਂ ਪਨ ਜਨੇਤ੍વਾ ਚਿਤ੍ਤਂ ਹਾਸੇਤ੍વਾ ਤੋਸੇਤ੍વਾ ਪੁਨ ਪਨ੍ਤਸੇਨਾਸਨੇ વਸੇਯ੍ਯਾਤਿ ਅਰਞ੍ਞਸ੍ਸੇવ વਣ੍ਣਂ ਕਥੇਤਿ। ਭਯਾਤਿ વਟ੍ਟਭਯਤੋ। ਅਭਯੇਤਿ ਨਿਬ੍ਬਾਨੇ। વਿਮੁਤ੍ਤੋਤਿ ਅਧਿਮੁਤ੍ਤੋ ਹੁਤ੍વਾ વਸੇਯ੍ਯ।
Idāni saṅghe vasamānassa bhikkhuno bhikkhācāravattaṃ ācikkhanto kulākulantiādimāha. Tattha piṇḍikāya carantoti piṇḍatthāya caramāno. Sevetha pantāni senāsanānīti saṅghamajjhaṃ otaritvā vasamānopi dhurapariveṇe tālanāḷikeraādīni ropetvā upaṭṭhākādisaṃsaṭṭho na vaseyya, cittakallataṃ pana janetvā cittaṃ hāsetvā tosetvā puna pantasenāsane vaseyyāti araññasseva vaṇṇaṃ katheti. Bhayāti vaṭṭabhayato. Abhayeti nibbāne. Vimuttoti adhimutto hutvā vaseyya.
ਯਤ੍ਥ ਭੇਰવਾਤਿ ਯਸ੍ਮਿਂ ਠਾਨੇ ਭਯਜਨਕਾ ਸવਿਞ੍ਞਾਣਕਾ ਸੀਹਬ੍ਯਗ੍ਘਾਦਯੋ, ਅવਿਞ੍ਞਾਣਕਾ ਰਤ੍ਤਿਭਾਗੇ ਖਾਣੁવਲ੍ਲਿਆਦਯੋ ਬਹੂ ਅਤ੍ਥਿ। ਸਰੀਸਪਾਤਿ ਦੀਘਜਾਤਿਕਾਦਿਸਰੀਸਪਾ। ਨਿਸੀਦਿ ਤਤ੍ਥ ਭਿਕ੍ਖੂਤਿ ਤਾਦਿਸੇ ਠਾਨੇ ਭਿਕ੍ਖੁ ਨਿਸਿਨ੍ਨੋ। ਇਮਿਨਾ ਇਦਂ ਦੀਪੇਤਿ – ਭਗવਾ ਯਥਾ ਤੁਮ੍ਹੇ ਏਤਰਹਿ ਤਤ੍ਰਟ੍ਠਕਭੇਰવਾਰਮ੍ਮਣਾਨਿ ਚੇવ ਸਰੀਸਪੇ ਚ વਿਜ੍ਜੁਨਿਚ੍ਛਾਰਣਾਦੀਨਿ ਚ ਅਮਨਸਿਕਤ੍વਾ ਨਿਸਿਨ੍ਨਾ, ਏવਮੇવਂ ਪਧਾਨਮਨੁਯੁਤ੍ਤਾ ਭਿਕ੍ਖੂ ਨਿਸੀਦਨ੍ਤੀਤਿ।
Yattha bheravāti yasmiṃ ṭhāne bhayajanakā saviññāṇakā sīhabyagghādayo, aviññāṇakā rattibhāge khāṇuvalliādayo bahū atthi. Sarīsapāti dīghajātikādisarīsapā. Nisīdi tattha bhikkhūti tādise ṭhāne bhikkhu nisinno. Iminā idaṃ dīpeti – bhagavā yathā tumhe etarahi tatraṭṭhakabheravārammaṇāni ceva sarīsape ca vijjunicchāraṇādīni ca amanasikatvā nisinnā, evamevaṃ padhānamanuyuttā bhikkhū nisīdantīti.
ਜਾਤੁ ਮੇ ਦਿਟ੍ਠਨ੍ਤਿ ਏਕਂਸੇਨ ਮਯਾ ਦਿਟ੍ਠਂ। ਨ ਯਿਦਂ ਇਤਿਹੀਤਿਹਨ੍ਤਿ ਇਦਂ ਇਤਿਹ ਇਤਿਹਾਤਿ ਨ ਤਕ੍ਕਹੇਤੁ વਾ ਨਯਹੇਤੁ વਾ ਪਿਟਕਸਮ੍ਪਦਾਨੇਨ વਾ ਅਹਂ વਦਾਮਿ। ਏਕਸ੍ਮਿਂ ਬ੍ਰਹ੍ਮਚਰਿਯਸ੍ਮਿਨ੍ਤਿ ਏਕਾਯ ਧਮ੍ਮਦੇਸਨਾਯ। ਧਮ੍ਮਦੇਸਨਾ ਹਿ ਇਧ ਬ੍ਰਹ੍ਮਚਰਿਯਨ੍ਤਿ ਅਧਿਪ੍ਪੇਤਾ। ਮਚ੍ਚੁਹਾਯਿਨਨ੍ਤਿ ਮਰਣਪਰਿਚ੍ਚਾਗਿਨਂ ਖੀਣਾਸવਾਨਂ।
Jātu me diṭṭhanti ekaṃsena mayā diṭṭhaṃ. Na yidaṃ itihītihanti idaṃ itiha itihāti na takkahetu vā nayahetu vā piṭakasampadānena vā ahaṃ vadāmi. Ekasmiṃ brahmacariyasminti ekāya dhammadesanāya. Dhammadesanā hi idha brahmacariyanti adhippetā. Maccuhāyinanti maraṇapariccāginaṃ khīṇāsavānaṃ.
ਦਸਾ ਚ ਦਸਧਾ ਦਸਾਤਿ ਏਤ੍ਥ ਦਸਾਤਿ ਦਸੇવ, ਦਸਧਾ ਦਸਾਤਿ ਸਤਂ, ਅਞ੍ਞੇ ਚ ਦਸੁਤ੍ਤਰਂ ਸੇਖਸਤਂ ਪਸ੍ਸਾਮੀਤਿ વਦਤਿ। ਸੋਤਸਮਾਪਨ੍ਨਾਤਿ ਮਗ੍ਗਸੋਤਂ ਸਮਾਪਨ੍ਨਾ। ਅਤਿਰਚ੍ਛਾਨਗਾਮਿਨੋਤਿ ਦੇਸਨਾਮਤ੍ਤਮੇਤਂ, ਅવਿਨਿਪਾਤਧਮ੍ਮਾਤਿ ਅਤ੍ਥੋ। ਸਙ੍ਖਾਤੁਂ ਨੋਪਿ ਸਕ੍ਕੋਮੀਤਿ ਮੁਸਾવਾਦਭਯੇਨ ਏਤ੍ਤਕਾ ਨਾਮ ਪੁਞ੍ਞਭਾਗਿਨੋ ਸਤ੍ਤਾਤਿ ਗਣੇਤੁਂ ਨ ਸਕ੍ਕੋਮੀਤਿ ਬਹੁਂ ਬ੍ਰਹ੍ਮਧਮ੍ਮਦੇਸਨਂ ਸਨ੍ਧਾਯ ਏવਮਾਹ। ਤਤਿਯਂ।
Dasā ca dasadhā dasāti ettha dasāti daseva, dasadhā dasāti sataṃ, aññe ca dasuttaraṃ sekhasataṃ passāmīti vadati. Sotasamāpannāti maggasotaṃ samāpannā. Atiracchānagāminoti desanāmattametaṃ, avinipātadhammāti attho. Saṅkhātuṃ nopi sakkomīti musāvādabhayena ettakā nāma puññabhāgino sattāti gaṇetuṃ na sakkomīti bahuṃ brahmadhammadesanaṃ sandhāya evamāha. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਅਨ੍ਧਕવਿਨ੍ਦਸੁਤ੍ਤਂ • 3. Andhakavindasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਅਨ੍ਧਕવਿਨ੍ਦਸੁਤ੍ਤવਣ੍ਣਨਾ • 3. Andhakavindasuttavaṇṇanā
