| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਅਨ੍ਧਕવਿਨ੍ਦਸੁਤ੍ਤવਣ੍ਣਨਾ
3. Andhakavindasuttavaṇṇanā
੧੮੪. ਜਨਤਨ੍ਤਿ ਜਨਾਨਂ ਸਮੂਹਂ, ਜਨਸਞ੍ਚਰਣਟ੍ਠਾਨਨ੍ਤਿ ਅਤ੍ਥੋ। ਮਨੁਸ੍ਸਾਨਂ ਅਨੁਪਚਾਰੇਤਿ ਯਤ੍ਤਕੇ ਕਸਨਾਦਿਕਿਚ੍ਚਂ ਕਰੋਨ੍ਤਾਨਂ ਸਞ੍ਚਾਰੋ ਹੋਤਿ, ਏਤ੍ਤਕਂ ਅਤਿਕ੍ਕਮਿਤ੍વਾ ਅਨੁਪਚਾਰੇ। ਸਂਯੋਜਨવਿਪ੍ਪਮੋਕ੍ਖਾਤਿ ਸਂਯੋਜਨવਿਮੋਕ੍ਖਹੇਤੁ। વਿવੇਕਰਤਿਂ ਪવਿવੇਕਸੁਖਜ੍ਝਾਨਂ ਅਲਭਨ੍ਤੋ। ਚਿਤ੍ਤਾਨੁਰਕ੍ਖਣਤ੍ਥਨ੍ਤਿ ਪੁਬ੍ਬੇ ਮਂ ਮਨੁਸ੍ਸਾ ‘‘ਅਰਞ੍ਞવਾਸੇਨ ਪવਿવਿਤ੍ਤੋ ਅਸਂਸਟ੍ਠੋ ਆਰਦ੍ਧવੀਰਿਯੋ’’ਤਿ ਮਞ੍ਞਿਂਸੁ, ਇਦਾਨਿ ਗਾਮਨ੍ਤੇ વਸਨ੍ਤਂ ਦਿਸ੍વਾ ਗਣਸਙ੍ਗਣਿਕਾਯ ਨਿવੁਟ੍ਠੋਤਿ ਅਪ੍ਪਸਾਦਂ ਆਪਜ੍ਜਿਸ੍ਸਨ੍ਤਿ। ਯਦਿਪਿ ਮੇ ਇਧ ਅਭਿਰਤਿ ਨਤ੍ਥਿ, ਏવਂ ਸਨ੍ਤੇਪਿ ਇਧੇવ વਸਿਸ੍ਸਾਮੀਤਿ વਿਕ੍ਖਿਤ੍ਤਚਿਤ੍ਤੇਨ ਹੁਤ੍વਾ ਨ વਸਿਤਬ੍ਬਂ, ਕੋ ਅਤ੍ਥੋ ਚਿਤ੍ਤવਸਂ ਗਨ੍ਤ੍વਾਤਿ ਅਧਿਪ੍ਪਾਯੋ। ਸਤਿਪਟ੍ਠਾਨਪਰਾਯਣੋਤਿ ਸਤਿਪਟ੍ਠਾਨਭਾવਨਾਰਤੋ। ਏવਂ ਹਿਸ੍ਸ ਗਣવਾਸੋਪਿ ਪਾਸਂਸੋ વਿવੇਕવਾਸੇਨ વਿਨਾ ਸਮਣਕਿਚ੍ਚਸ੍ਸ ਅਸਿਜ੍ਝਨਤੋ।
184.Janatanti janānaṃ samūhaṃ, janasañcaraṇaṭṭhānanti attho. Manussānaṃ anupacāreti yattake kasanādikiccaṃ karontānaṃ sañcāro hoti, ettakaṃ atikkamitvā anupacāre. Saṃyojanavippamokkhāti saṃyojanavimokkhahetu. Vivekaratiṃ pavivekasukhajjhānaṃ alabhanto. Cittānurakkhaṇatthanti pubbe maṃ manussā ‘‘araññavāsena pavivitto asaṃsaṭṭho āraddhavīriyo’’ti maññiṃsu, idāni gāmante vasantaṃ disvā gaṇasaṅgaṇikāya nivuṭṭhoti appasādaṃ āpajjissanti. Yadipi me idha abhirati natthi, evaṃ santepi idheva vasissāmīti vikkhittacittena hutvā na vasitabbaṃ, ko attho cittavasaṃ gantvāti adhippāyo. Satipaṭṭhānaparāyaṇoti satipaṭṭhānabhāvanārato. Evaṃ hissa gaṇavāsopi pāsaṃso vivekavāsena vinā samaṇakiccassa asijjhanato.
વਟ੍ਟਭਯਤੋ ਪਮੁਤ੍ਤੋ ਅਜ੍ਝਾਸਯવਸੇਨਾਤਿ ਅਧਿਪ੍ਪਾਯੋ।
Vaṭṭabhayato pamutto ajjhāsayavasenāti adhippāyo.
ਨਿਸੀਦਿ ਤਤ੍ਥ ਭਿਕ੍ਖੂਤਿ ਇਮਿਨਾ ਸਤ੍ਤੂਪਲਦ੍ਧਿਯਾ ਅਨਿਸ੍ਸਿਤਤ੍ਤਾ ਯਥਾਰੁਚਿਯਾ ਤੇਸਂ ਨਿਸਜ੍ਜਂ ਦਸ੍ਸੇਤਿ। ਤੇਨਾਹ ‘‘ਇਮਿਨਾ’’ਤਿਆਦਿ।
Nisīdi tattha bhikkhūti iminā sattūpaladdhiyā anissitattā yathāruciyā tesaṃ nisajjaṃ dasseti. Tenāha ‘‘iminā’’tiādi.
ਇਮਿਨਾ ਚ ਇਮਿਨਾ ਚ ਆਕਾਰੇਨ ਜਾਤਨ੍ਤਿ ਨ ਅਨੁਸ੍ਸવਦਸ੍ਸਨਮੇਤਂ, ਨ ਅਨੁਸ੍ਸવਗ੍ਗਹਣਂ। ਤਕ੍ਕਹੇਤੁ ਨਯਹੇਤੁ વਾ ਨ વਦਾਮੀਤਿ ਯੋਜਨਾ। ਪਿਟਕਂ ਗਨ੍ਥੋ ਸਮ੍ਪਦੀਯਤਿ ਏਤਸ੍ਸਾਤਿ ਪਿਟਕਸਮ੍ਪਦਾਨਂ, ਗਨ੍ਥਸ੍ਸ ਉਗ੍ਗਣ੍ਹਨਤੋ ਤੇਨ ਪਿਟਕਸ੍ਸ ਉਗ੍ਗਣ੍ਹਨਕਭਾવੇਨ, ਕੇਨਚਿ ਗਨ੍ਥਾਨੁਸਾਰੇਨ ਏવਂ ਨ વਦਾਮੀਤਿ ਅਤ੍ਥੋ। ਬ੍ਰਹ੍ਮਸ੍ਸ ਸੇਟ੍ਠਸ੍ਸ ਧਮ੍ਮਸ੍ਸ ਚਰਿਯਂ વਾਚਸਿਕਂ ਪવਤ੍ਤਤੀਤਿ ਬ੍ਰਹ੍ਮਚਰਿਯਂ, ਧਮ੍ਮਦੇਸਨਾ। ਭਾવਿਤੇਨ ਮਰਣਸ੍ਸ ਸਬ੍ਬਸੋ ਭਾਗੇਨ વਿਪ੍ਪਹਾਨੇਨ ਮਰਣਪਰਿਚ੍ਚਾਗੀਨਂ। ਤੇ ਚ ਖੀਣਜਾਤਿਕਾਤਿ ਆਹ ‘‘ਖੀਣਾਸવਾਨ’’ਨ੍ਤਿ।
Iminā ca iminā ca ākārena jātanti na anussavadassanametaṃ, na anussavaggahaṇaṃ. Takkahetu nayahetu vā na vadāmīti yojanā. Piṭakaṃ gantho sampadīyati etassāti piṭakasampadānaṃ, ganthassa uggaṇhanato tena piṭakassa uggaṇhanakabhāvena, kenaci ganthānusārena evaṃ na vadāmīti attho. Brahmassa seṭṭhassa dhammassa cariyaṃ vācasikaṃ pavattatīti brahmacariyaṃ, dhammadesanā. Bhāvitena maraṇassa sabbaso bhāgena vippahānena maraṇapariccāgīnaṃ. Te ca khīṇajātikāti āha ‘‘khīṇāsavāna’’nti.
ਦਸਧਾ ਦਸਾਤਿ ਦਸਕ੍ਖਤ੍ਤੁਂ ਦਸ। ਅਞ੍ਞਨ੍ਤਿ ਪਞ੍ਚਸਤਾਧਿਕਸਹਸ੍ਸਤੋ ਅਞ੍ਞਂ। ਪੁਞ੍ਞਭਾਗਿਨੋਤਿ વਿવਟ੍ਟਨਿਸ੍ਸਿਤਪੁਞ੍ਞਸ੍ਸ ਭਾਗਿਨੋ ਤਸ੍ਸਾ ਦੇਸਨਾਯ ਏਤ੍ਤਕਾ ਸਤ੍ਤਾ ਜਾਤਾਤਿ ਗਣੇਤੁਂ ਅਹਂ ਨ ਸਕ੍ਕੋਮੀਤਿ ਦਸ੍ਸੇਤਿ। ਬ੍ਰਹ੍ਮਧਮ੍ਮਦੇਸਨਨ੍ਤਿ ਬ੍ਰਹ੍ਮੁਨਾ વੁਤ੍ਤਂ ਆਹ।
Dasadhādasāti dasakkhattuṃ dasa. Aññanti pañcasatādhikasahassato aññaṃ. Puññabhāginoti vivaṭṭanissitapuññassa bhāgino tassā desanāya ettakā sattā jātāti gaṇetuṃ ahaṃ na sakkomīti dasseti. Brahmadhammadesananti brahmunā vuttaṃ āha.
ਅਨ੍ਧਕવਿਨ੍ਦਸੁਤ੍ਤવਣ੍ਣਨਾ ਨਿਟ੍ਠਿਤਾ।
Andhakavindasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਅਨ੍ਧਕવਿਨ੍ਦਸੁਤ੍ਤਂ • 3. Andhakavindasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਅਨ੍ਧਕવਿਨ੍ਦਸੁਤ੍ਤવਣ੍ਣਨਾ • 3. Andhakavindasuttavaṇṇanā
