| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. анд̇хасуд̇д̇аван̣н̣анаа
9. Andhasuttavaṇṇanā
29. навамз жагку на ход̇ийд̇и бан̃н̃аажагку на ход̇и. паад̇им̣ гарзяяаад̇и пийд̇ам̣ вад̣дхид̇ам̣ гарзяяа. сааваж̇ж̇аанаваж̇ж̇зд̇и сад̣̇осанид̣̇д̣̇осз. хийнаббан̣ийд̇зд̇и ад̇хамуд̇д̇амз. ган̣хасуггасаббадибхааг̇зд̇и ган̣хасуггааязва ан̃н̃аман̃н̃ам̣ бадиб̣ааханад̇о бадибагкавасзна саббадибхааг̇аад̇и вужжанд̇и. аяам̣ банзд̇т̇а сан̇кзбо – гусалз д̇хаммз ‘‘гусалаа д̇хаммаа’’д̇и ж̇аанзяяа, агусалз д̇хаммз ‘‘агусалаа д̇хаммаа’’д̇и ж̇аанзяяа. сааваж̇ж̇аад̣̇ийсуби зсзва наяо. ган̣хасуггасаббадибхааг̇зсу бана ган̣хад̇хаммз ‘‘суггасаббадибхааг̇аа’’д̇и ж̇аанзяяа, суггад̇хаммз ‘‘ган̣хасаббадибхааг̇аа’’д̇и язна бан̃н̃аажагкунаа ж̇аанзяяа, д̇ат̇ааруубамбисса жагку на ход̇ийд̇и. иминаа наязна сзсаваарзсуби ад̇т̇о взд̣̇ид̇аб̣б̣о.
29. Navame cakkhu na hotīti paññācakkhu na hoti. Phātiṃ kareyyāti phītaṃ vaḍḍhitaṃ kareyya. Sāvajjānavajjeti sadosaniddose. Hīnappaṇīteti adhamuttame. Kaṇhasukkasappaṭibhāgeti kaṇhasukkāyeva aññamaññaṃ paṭibāhanato paṭipakkhavasena sappaṭibhāgāti vuccanti. Ayaṃ panettha saṅkhepo – kusale dhamme ‘‘kusalā dhammā’’ti jāneyya, akusale dhamme ‘‘akusalā dhammā’’ti jāneyya. Sāvajjādīsupi eseva nayo. Kaṇhasukkasappaṭibhāgesu pana kaṇhadhamme ‘‘sukkasappaṭibhāgā’’ti jāneyya, sukkadhamme ‘‘kaṇhasappaṭibhāgā’’ti yena paññācakkhunā jāneyya, tathārūpampissa cakkhu na hotīti. Iminā nayena sesavāresupi attho veditabbo.
на жзва бхог̇аа д̇ат̇ааруубаад̇и д̇ат̇ааж̇аад̇игаа бхог̇аабисса на хонд̇и. на жа бун̃н̃аани губ̣б̣ад̇ийд̇и бун̃н̃аани жа на гарод̇и. зд̇д̇аавад̇аа бхог̇уббаад̣̇анажагкуно жа бун̃н̃агаран̣ажагкуно жа абхааво вуд̇д̇о. убхаяад̇т̇а галиг̇г̇ааход̇и ид̇халогз жа баралогз жаад̇и убхаяасмимби абарад̣̇д̇хаг̇г̇аахо, барааж̇аяаг̇г̇аахо ход̇ийд̇и ад̇т̇о. ат̇а ваа убхаяад̇т̇а галиг̇г̇ааход̇и убхаязсамби д̣̇идтад̇хаммигасамбарааяигаанам̣ ад̇т̇аанам̣ галиг̇г̇аахо, барааж̇аяаг̇г̇ааход̇и ад̇т̇о. д̇хаммаад̇хаммзнаад̇и д̣̇асагусалагаммабат̇ад̇хаммзнаби д̣̇асаагусалагаммабат̇аад̇хаммзнаби. сатод̇и гзраадиго. бхог̇аани бариязсад̇ийд̇и бхог̇з г̇авзсад̇и. т̇зяязна гуудагаммзна, мусааваад̣̇зна жуубхаяанд̇и т̇зяяаад̣̇ийсу убхаязна бариязсад̇ийд̇и ад̇т̇о. гат̇ам̣? т̇зяязна гуудагаммзна жа бариязсад̇и, т̇зяязна мусааваад̣̇зна жа бариязсад̇и , гуудагаммзна мусааваад̣̇зна жа бариязсад̇и. сан̇гхаад̇унд̇и сан̇гхарид̇ум̣. д̇хаммалад̣̇д̇хзхийд̇и д̣̇асагусалагаммабат̇ад̇хаммам̣ агобзд̇ваа лад̣̇д̇хзхи. удтаанаад̇хиг̇ад̇анд̇и вийриязна ад̇хиг̇ад̇ам̣. аб̣яаг̇гхамаанасод̇и ниб̣б̣ижигижчажид̇д̇о. бхад̣̇д̣̇агам̣ таананд̇и сздтам̣ д̣̇звадтаанам̣. на сожад̇ийд̇и яасмим̣ таанз анд̇осогзна на сожад̇и.
Na ceva bhogā tathārūpāti tathājātikā bhogāpissa na honti. Na ca puññāni kubbatīti puññāni ca na karoti. Ettāvatā bhoguppādanacakkhuno ca puññakaraṇacakkhuno ca abhāvo vutto. Ubhayattha kaliggāhoti idhaloke ca paraloke cāti ubhayasmimpi aparaddhaggāho, parājayaggāho hotīti attho. Atha vā ubhayattha kaliggāhoti ubhayesampi diṭṭhadhammikasamparāyikānaṃ atthānaṃ kaliggāho, parājayaggāhoti attho. Dhammādhammenāti dasakusalakammapathadhammenapi dasaakusalakammapathaadhammenapi. Saṭhoti kerāṭiko. Bhogāni pariyesatīti bhoge gavesati. Theyyenakūṭakammena, musāvādena cūbhayanti theyyādīsu ubhayena pariyesatīti attho. Kathaṃ? Theyyena kūṭakammena ca pariyesati, theyyena musāvādena ca pariyesati , kūṭakammena musāvādena ca pariyesati. Saṅghātunti saṅgharituṃ. Dhammaladdhehīti dasakusalakammapathadhammaṃ akopetvā laddhehi. Uṭṭhānādhigatanti vīriyena adhigataṃ. Abyagghamānasoti nibbicikicchacitto. Bhaddakaṃ ṭhānanti seṭṭhaṃ devaṭṭhānaṃ. Na socatīti yasmiṃ ṭhāne antosokena na socati.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. анд̇хасуд̇д̇ам̣ • 9. Andhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. анд̇хасуд̇д̇аван̣н̣анаа • 9. Andhasuttavaṇṇanā
