| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. анд̇хасуд̇д̇аван̣н̣анаа
9. Andhasuttavaṇṇanā
29. навамз анд̇ход̇иаад̣̇ийсу баал̣ибад̣̇зсу батамо д̣̇идтад̇хаммигабхог̇асам̣харан̣абан̃н̃аажагкуно жа самбарааяигад̇т̇асаад̇ханабан̃н̃аажагкуно жа абхааваа ‘‘анд̇хо’’д̇и вужжад̇и д̣̇уд̇ияоби, д̇ад̇ияо бана д̣̇виннамби бхааваа ‘‘д̣̇вижагкуу’’д̇и вужжад̇и. бан̃н̃аажагкууд̇и ааяагосаллабхууд̇аа бан̃н̃аажагку. д̇знааха ‘‘паад̇им̣ гарзяяаа’’д̇и. ад̇хамуд̇д̇амзд̇и ад̇хамз жзва уд̇д̇амз жа. бадибагкавасзнаад̇и бадибагкасса ад̇т̇ид̇аавасзна. суггасаббадибхааг̇аад̇и суггад̇хаммзхи бахааяагзхи саббадибхааг̇аад̇и ж̇аанзяяа. ган̣хасаббадибхааг̇аад̇и ган̣хад̇хаммзхи бахаад̇аб̣б̣зхи саббадибхааг̇аад̇и ж̇аанзяяа.
29. Navame andhotiādīsu pāḷipadesu paṭhamo diṭṭhadhammikabhogasaṃharaṇapaññācakkhuno ca samparāyikatthasādhanapaññācakkhuno ca abhāvā ‘‘andho’’ti vuccati dutiyopi, tatiyo pana dvinnampi bhāvā ‘‘dvicakkhū’’ti vuccati. Paññācakkhūti āyakosallabhūtā paññācakkhu. Tenāha ‘‘phātiṃ kareyyā’’ti. Adhamuttameti adhame ceva uttame ca. Paṭipakkhavasenāti paṭipakkhassa atthitāvasena. Sukkasappaṭibhāgāti sukkadhammehi pahāyakehi sappaṭibhāgāti jāneyya. Kaṇhasappaṭibhāgāti kaṇhadhammehi pahātabbehi sappaṭibhāgāti jāneyya.
д̇ат̇ааж̇аад̇игаад̇и яаад̣̇исзхи сабуд̇д̇ад̣̇аарабариж̇анасан̃аад̇имид̇д̇аб̣анд̇хаваг̇г̇ам̣ ад̇д̇аанам̣ сукзд̇и бийн̣зд̇и, д̇аад̣̇исаа бхог̇ааби на санд̇и. бун̃н̃аани жа на гарод̇ийд̇и саман̣аб̣раахман̣агабан̣ад̣̇д̇хигаяаажагаанам̣ санд̇аббанавасзна бун̃н̃аани на гарод̇и. убхаяад̇т̇аад̇и убхаяасмим̣ логз, убхаяасмим̣ ваа ад̇т̇зд̇и виг̇г̇аход̇и д̣̇ассзнд̇о ‘‘ид̇халогз’’д̇иаад̣̇имааха. убхаязнаад̇и вуд̇д̇амад̇т̇ам̣ яож̇зд̇ваа д̣̇ассзд̇ум̣ ‘‘гат̇а’’нд̇иаад̣̇и вуд̇д̇ам̣. яасмим̣ таанзд̇и яасмим̣язва таанз. на сожад̇ийд̇и согахзд̇уунам̣ д̇ад̇т̇а абхаавад̇о на сожад̇и.
Tathājātikāti yādisehi saputtadāraparijanasañātimittabandhavaggaṃ attānaṃ sukheti pīṇeti, tādisā bhogāpi na santi. Puññāni ca na karotīti samaṇabrāhmaṇakapaṇaddhikayācakānaṃ santappanavasena puññāni na karoti. Ubhayatthāti ubhayasmiṃ loke, ubhayasmiṃ vā attheti viggahoti dassento ‘‘idhaloke’’tiādimāha. Ubhayenāti vuttamatthaṃ yojetvā dassetuṃ ‘‘katha’’ntiādi vuttaṃ. Yasmiṃ ṭhāneti yasmiṃyeva ṭhāne. Na socatīti sokahetūnaṃ tattha abhāvato na socati.
анд̇хасуд̇д̇аван̣н̣анаа нидтид̇аа.
Andhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. анд̇хасуд̇д̇ам̣ • 9. Andhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. анд̇хасуд̇д̇аван̣н̣анаа • 9. Andhasuttavaṇṇanā
