| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਅਨ੍ਧਸੁਤ੍ਤવਣ੍ਣਨਾ
9. Andhasuttavaṇṇanā
੨੯. ਨવਮੇ ਚਕ੍ਖੁ ਨ ਹੋਤੀਤਿ ਪਞ੍ਞਾਚਕ੍ਖੁ ਨ ਹੋਤਿ। ਫਾਤਿਂ ਕਰੇਯ੍ਯਾਤਿ ਫੀਤਂ વਡ੍ਢਿਤਂ ਕਰੇਯ੍ਯ। ਸਾવਜ੍ਜਾਨવਜ੍ਜੇਤਿ ਸਦੋਸਨਿਦ੍ਦੋਸੇ। ਹੀਨਪ੍ਪਣੀਤੇਤਿ ਅਧਮੁਤ੍ਤਮੇ। ਕਣ੍ਹਸੁਕ੍ਕਸਪ੍ਪਟਿਭਾਗੇਤਿ ਕਣ੍ਹਸੁਕ੍ਕਾਯੇવ ਅਞ੍ਞਮਞ੍ਞਂ ਪਟਿਬਾਹਨਤੋ ਪਟਿਪਕ੍ਖવਸੇਨ ਸਪ੍ਪਟਿਭਾਗਾਤਿ વੁਚ੍ਚਨ੍ਤਿ। ਅਯਂ ਪਨੇਤ੍ਥ ਸਙ੍ਖੇਪੋ – ਕੁਸਲੇ ਧਮ੍ਮੇ ‘‘ਕੁਸਲਾ ਧਮ੍ਮਾ’’ਤਿ ਜਾਨੇਯ੍ਯ, ਅਕੁਸਲੇ ਧਮ੍ਮੇ ‘‘ਅਕੁਸਲਾ ਧਮ੍ਮਾ’’ਤਿ ਜਾਨੇਯ੍ਯ। ਸਾવਜ੍ਜਾਦੀਸੁਪਿ ਏਸੇવ ਨਯੋ। ਕਣ੍ਹਸੁਕ੍ਕਸਪ੍ਪਟਿਭਾਗੇਸੁ ਪਨ ਕਣ੍ਹਧਮ੍ਮੇ ‘‘ਸੁਕ੍ਕਸਪ੍ਪਟਿਭਾਗਾ’’ਤਿ ਜਾਨੇਯ੍ਯ, ਸੁਕ੍ਕਧਮ੍ਮੇ ‘‘ਕਣ੍ਹਸਪ੍ਪਟਿਭਾਗਾ’’ਤਿ ਯੇਨ ਪਞ੍ਞਾਚਕ੍ਖੁਨਾ ਜਾਨੇਯ੍ਯ, ਤਥਾਰੂਪਮ੍ਪਿਸ੍ਸ ਚਕ੍ਖੁ ਨ ਹੋਤੀਤਿ। ਇਮਿਨਾ ਨਯੇਨ ਸੇਸવਾਰੇਸੁਪਿ ਅਤ੍ਥੋ વੇਦਿਤਬ੍ਬੋ।
29. Navame cakkhu na hotīti paññācakkhu na hoti. Phātiṃ kareyyāti phītaṃ vaḍḍhitaṃ kareyya. Sāvajjānavajjeti sadosaniddose. Hīnappaṇīteti adhamuttame. Kaṇhasukkasappaṭibhāgeti kaṇhasukkāyeva aññamaññaṃ paṭibāhanato paṭipakkhavasena sappaṭibhāgāti vuccanti. Ayaṃ panettha saṅkhepo – kusale dhamme ‘‘kusalā dhammā’’ti jāneyya, akusale dhamme ‘‘akusalā dhammā’’ti jāneyya. Sāvajjādīsupi eseva nayo. Kaṇhasukkasappaṭibhāgesu pana kaṇhadhamme ‘‘sukkasappaṭibhāgā’’ti jāneyya, sukkadhamme ‘‘kaṇhasappaṭibhāgā’’ti yena paññācakkhunā jāneyya, tathārūpampissa cakkhu na hotīti. Iminā nayena sesavāresupi attho veditabbo.
ਨ ਚੇવ ਭੋਗਾ ਤਥਾਰੂਪਾਤਿ ਤਥਾਜਾਤਿਕਾ ਭੋਗਾਪਿਸ੍ਸ ਨ ਹੋਨ੍ਤਿ। ਨ ਚ ਪੁਞ੍ਞਾਨਿ ਕੁਬ੍ਬਤੀਤਿ ਪੁਞ੍ਞਾਨਿ ਚ ਨ ਕਰੋਤਿ। ਏਤ੍ਤਾવਤਾ ਭੋਗੁਪ੍ਪਾਦਨਚਕ੍ਖੁਨੋ ਚ ਪੁਞ੍ਞਕਰਣਚਕ੍ਖੁਨੋ ਚ ਅਭਾવੋ વੁਤ੍ਤੋ। ਉਭਯਤ੍ਥ ਕਲਿਗ੍ਗਾਹੋਤਿ ਇਧਲੋਕੇ ਚ ਪਰਲੋਕੇ ਚਾਤਿ ਉਭਯਸ੍ਮਿਮ੍ਪਿ ਅਪਰਦ੍ਧਗ੍ਗਾਹੋ, ਪਰਾਜਯਗ੍ਗਾਹੋ ਹੋਤੀਤਿ ਅਤ੍ਥੋ। ਅਥ વਾ ਉਭਯਤ੍ਥ ਕਲਿਗ੍ਗਾਹੋਤਿ ਉਭਯੇਸਮ੍ਪਿ ਦਿਟ੍ਠਧਮ੍ਮਿਕਸਮ੍ਪਰਾਯਿਕਾਨਂ ਅਤ੍ਥਾਨਂ ਕਲਿਗ੍ਗਾਹੋ, ਪਰਾਜਯਗ੍ਗਾਹੋਤਿ ਅਤ੍ਥੋ। ਧਮ੍ਮਾਧਮ੍ਮੇਨਾਤਿ ਦਸਕੁਸਲਕਮ੍ਮਪਥਧਮ੍ਮੇਨਪਿ ਦਸਅਕੁਸਲਕਮ੍ਮਪਥਅਧਮ੍ਮੇਨਪਿ। ਸਠੋਤਿ ਕੇਰਾਟਿਕੋ। ਭੋਗਾਨਿ ਪਰਿਯੇਸਤੀਤਿ ਭੋਗੇ ਗવੇਸਤਿ। ਥੇਯ੍ਯੇਨ ਕੂਟਕਮ੍ਮੇਨ, ਮੁਸਾવਾਦੇਨ ਚੂਭਯਨ੍ਤਿ ਥੇਯ੍ਯਾਦੀਸੁ ਉਭਯੇਨ ਪਰਿਯੇਸਤੀਤਿ ਅਤ੍ਥੋ। ਕਥਂ? ਥੇਯ੍ਯੇਨ ਕੂਟਕਮ੍ਮੇਨ ਚ ਪਰਿਯੇਸਤਿ, ਥੇਯ੍ਯੇਨ ਮੁਸਾવਾਦੇਨ ਚ ਪਰਿਯੇਸਤਿ , ਕੂਟਕਮ੍ਮੇਨ ਮੁਸਾવਾਦੇਨ ਚ ਪਰਿਯੇਸਤਿ। ਸਙ੍ਘਾਤੁਨ੍ਤਿ ਸਙ੍ਘਰਿਤੁਂ। ਧਮ੍ਮਲਦ੍ਧੇਹੀਤਿ ਦਸਕੁਸਲਕਮ੍ਮਪਥਧਮ੍ਮਂ ਅਕੋਪੇਤ੍વਾ ਲਦ੍ਧੇਹਿ। ਉਟ੍ਠਾਨਾਧਿਗਤਨ੍ਤਿ વੀਰਿਯੇਨ ਅਧਿਗਤਂ। ਅਬ੍ਯਗ੍ਘਮਾਨਸੋਤਿ ਨਿਬ੍ਬਿਚਿਕਿਚ੍ਛਚਿਤ੍ਤੋ। ਭਦ੍ਦਕਂ ਠਾਨਨ੍ਤਿ ਸੇਟ੍ਠਂ ਦੇવਟ੍ਠਾਨਂ। ਨ ਸੋਚਤੀਤਿ ਯਸ੍ਮਿਂ ਠਾਨੇ ਅਨ੍ਤੋਸੋਕੇਨ ਨ ਸੋਚਤਿ।
Na ceva bhogā tathārūpāti tathājātikā bhogāpissa na honti. Na ca puññāni kubbatīti puññāni ca na karoti. Ettāvatā bhoguppādanacakkhuno ca puññakaraṇacakkhuno ca abhāvo vutto. Ubhayattha kaliggāhoti idhaloke ca paraloke cāti ubhayasmimpi aparaddhaggāho, parājayaggāho hotīti attho. Atha vā ubhayattha kaliggāhoti ubhayesampi diṭṭhadhammikasamparāyikānaṃ atthānaṃ kaliggāho, parājayaggāhoti attho. Dhammādhammenāti dasakusalakammapathadhammenapi dasaakusalakammapathaadhammenapi. Saṭhoti kerāṭiko. Bhogāni pariyesatīti bhoge gavesati. Theyyenakūṭakammena, musāvādena cūbhayanti theyyādīsu ubhayena pariyesatīti attho. Kathaṃ? Theyyena kūṭakammena ca pariyesati, theyyena musāvādena ca pariyesati , kūṭakammena musāvādena ca pariyesati. Saṅghātunti saṅgharituṃ. Dhammaladdhehīti dasakusalakammapathadhammaṃ akopetvā laddhehi. Uṭṭhānādhigatanti vīriyena adhigataṃ. Abyagghamānasoti nibbicikicchacitto. Bhaddakaṃ ṭhānanti seṭṭhaṃ devaṭṭhānaṃ. Na socatīti yasmiṃ ṭhāne antosokena na socati.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਅਨ੍ਧਸੁਤ੍ਤਂ • 9. Andhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਅਨ੍ਧਸੁਤ੍ਤવਣ੍ਣਨਾ • 9. Andhasuttavaṇṇanā
