| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
8. анзгаван̣н̣авимаанаван̣н̣анаа
8. Anekavaṇṇavimānavaṇṇanā
анзгаван̣н̣ам̣ д̣̇арасоганаасананд̇и анзгаван̣н̣авимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна самаязна ааяасмаа махаамог̇г̇аллаано хздтаа вуд̇д̇анаязна д̣̇зважааригам̣ жаранд̇о д̇аавад̇им̣сабхаванам̣ аг̇амааси. ат̇а нам̣ анзгаван̣н̣о д̣̇звабуд̇д̇о д̣̇исваа сан̃ж̇аад̇аг̇аараваб̣ахумаано убасан̇гамид̇ваа ан̃ж̇алим̣ баг̇г̇аяха адтааси. т̇зро –
Anekavaṇṇaṃ darasokanāsananti anekavaṇṇavimānaṃ. Tassa kā uppatti? Bhagavā sāvatthiyaṃ viharati jetavane. Tena samayena āyasmā mahāmoggallāno heṭṭhā vuttanayena devacārikaṃ caranto tāvatiṃsabhavanaṃ agamāsi. Atha naṃ anekavaṇṇo devaputto disvā sañjātagāravabahumāno upasaṅkamitvā añjaliṃ paggayha aṭṭhāsi. Thero –
1199.
1199.
‘‘анзгаван̣н̣ам̣ д̣̇арасоганаасанам̣, вимаанамааруяха анзгажид̇д̇ам̣;
‘‘Anekavaṇṇaṃ darasokanāsanaṃ, vimānamāruyha anekacittaṃ;
бариваарид̇о ажчараасан̇г̇ан̣зна, суниммид̇о бхууд̇абад̇ийва мод̣̇аси.
Parivārito accharāsaṅgaṇena, sunimmito bhūtapatīva modasi.
1200.
1200.
‘‘самассамо над̇т̇и гуд̇о бануд̇д̇аро, яасзна бун̃н̃зна жа ид̣̇д̇хияаа жа;
‘‘Samassamo natthi kuto panuttaro, yasena puññena ca iddhiyā ca;
саб̣б̣з жа д̣̇зваа д̇ид̣̇асаг̇ан̣аа самзжжа, д̇ам̣ д̇ам̣ намассанд̇и сасим̣ва д̣̇зваа;
Sabbe ca devā tidasagaṇā samecca, taṃ taṃ namassanti sasiṃva devā;
имаа жа д̇з ажчарааяо саманд̇ад̇о, нажжанд̇и г̇ааяанд̇и бамод̣̇аяанд̇и.
Imā ca te accharāyo samantato, naccanti gāyanti pamodayanti.
1201.
1201.
‘‘д̣̇звид̣̇д̇хибад̇д̇оси махаанубхааво,
‘‘Deviddhipattosi mahānubhāvo,
мануссабхууд̇о гимагааси бун̃н̃ам̣;
Manussabhūto kimakāsi puññaṃ;
гзнааси звам̣ ж̇алид̇аанубхааво,
Kenāsi evaṃ jalitānubhāvo,
ван̣н̣о жа д̇з саб̣б̣ад̣̇исаа бабхаасад̇ий’’д̇и. –
Vaṇṇo ca te sabbadisā pabhāsatī’’ti. –
ад̇хиг̇ад̇асамбад̇д̇игид̇д̇анамукзна гад̇агаммам̣ бужчи. д̇ам̣ д̣̇ассзд̇ум̣ –
Adhigatasampattikittanamukhena katakammaṃ pucchi. Taṃ dassetuṃ –
1202. ‘‘со д̣̇звабуд̇д̇о ад̇д̇амано…бз…яасса гаммассид̣̇ам̣ пала’’нд̇и. –
1202. ‘‘So devaputto attamano…pe…yassa kammassidaṃ phala’’nti. –
вуд̇д̇ам̣ . соби –
Vuttaṃ . Sopi –
1203.
1203.
‘‘ахам̣ бхад̣̇анд̇з ахувааси буб̣б̣з, сумзд̇ханаамасса ж̇инасса сааваго;
‘‘Ahaṃ bhadante ahuvāsi pubbe, sumedhanāmassa jinassa sāvako;
бут̇уж̇ж̇ано анануб̣од̇хохамасми, со сад̇д̇а вассаани бариб̣б̣аж̇иссахам̣.
Puthujjano ananubodhohamasmi, so satta vassāni paribbajissahaṃ.
1204.
1204.
‘‘сохам̣ сумзд̇хасса ж̇инасса сад̇т̇уно, бариниб̣б̣уд̇ассогхад̇ин̣н̣асса д̇аад̣̇ино;
‘‘Sohaṃ sumedhassa jinassa satthuno, parinibbutassoghatiṇṇassa tādino;
рад̇анужжаяам̣ хзмаж̇аалзна чаннам̣, ванд̣̇ид̇ваа т̇уубасмим̣ манам̣ басаад̣̇аяим̣.
Ratanuccayaṃ hemajālena channaṃ, vanditvā thūpasmiṃ manaṃ pasādayiṃ.
1205.
1205.
‘‘на мааси д̣̇аанам̣ на жа мад̇т̇и д̣̇аад̇ум̣, барз жа ко д̇ад̇т̇а самаад̣̇абзсим̣;
‘‘Na māsi dānaṃ na ca matthi dātuṃ, pare ca kho tattha samādapesiṃ;
бууж̇зт̇а нам̣ бууж̇анийяасса д̇хаад̇ум̣, звам̣ гира саг̇г̇амид̇о г̇амиссат̇а.
Pūjetha naṃ pūjanīyassa dhātuṃ, evaṃ kira saggamito gamissatha.
1206.
1206.
‘‘д̇ад̣̇зва гаммам̣ гусалам̣ гад̇ам̣ маяаа,
‘‘Tadeva kammaṃ kusalaṃ kataṃ mayā,
сукан̃жа д̣̇иб̣б̣ам̣ анубхоми ад̇д̇анаа;
Sukhañca dibbaṃ anubhomi attanā;
мод̣̇аамахам̣ д̇ид̣̇асаг̇ан̣асса маж̇жхз,
Modāmahaṃ tidasagaṇassa majjhe,
на д̇асса бун̃н̃асса каяамби аж̇жхаг̇а’’нд̇и. – гат̇зси;
Na tassa puññassa khayampi ajjhaga’’nti. – kathesi;
ид̇о гира д̇им̣сагаббасахассз сумзд̇хо наама саммаасамб̣уд̣̇д̇хо логз уббаж̇ж̇ид̇ваа сад̣̇звагам̣ логам̣ згобхаасам̣ гад̇ваа гад̇аб̣уд̣̇д̇хагижжо бариниб̣б̣уд̇о, мануссзхи жа бхаг̇авад̇о д̇хаад̇ум̣ г̇ахзд̇ваа рад̇анажзд̇ияз гад̇з ан̃н̃ад̇аро бурисо сад̇т̇у саасанз баб̣б̣аж̇ид̇ваа сад̇д̇а вассаани б̣рахмажарияам̣ жарид̇ваа анавадтид̇ажид̇д̇ад̇ааяа гуггужжаго худ̇ваа уббаб̣б̣аж̇и. уббаб̣б̣аж̇ид̇о жа сам̣взг̇аб̣ахулад̇ааяа д̇хаммажчанд̣̇аванд̇ад̇ааяа жа жзд̇ияан̇г̇ан̣з саммаж̇ж̇анабарибхан̣д̣аад̣̇ийни гаронд̇о нижжасийлаубосат̇асийлаани рагканд̇о д̇хаммам̣ сун̣анд̇о ан̃н̃з жа бун̃н̃агирияааяа самаад̣̇абзнд̇о вижари. со ааяубарияосаанз гаалагад̇о д̇аавад̇им̣сзсу ниб̣б̣ад̇д̇и. со бун̃н̃агаммасса ул̣аарабхаавзна махзсагко махаанубхааво саггаад̣̇ийхи д̣̇звад̇аахи саггад̇абууж̇ид̇о худ̇ваа д̇ад̇т̇а яаавад̇ааяугам̣ тад̇ваа д̇ад̇о жуд̇о абараабарам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з д̇ассзва гаммасса вибаагаавасзсзна д̇аавад̇им̣сабхаванз ниб̣б̣ад̇д̇и, ‘‘анзгаван̣н̣о’’д̇и нам̣ д̣̇звад̇аа сан̃ж̇ааним̣су. д̇ам̣ санд̇хааяа вуд̇д̇ам̣ ‘‘ат̇а нам̣ анзгаван̣н̣о д̣̇звабуд̇д̇о…бз… на д̇асса бун̃н̃асса каяамби аж̇жхаг̇анд̇и гат̇зсий’’д̇и.
Ito kira tiṃsakappasahasse sumedho nāma sammāsambuddho loke uppajjitvā sadevakaṃ lokaṃ ekobhāsaṃ katvā katabuddhakicco parinibbuto, manussehi ca bhagavato dhātuṃ gahetvā ratanacetiye kate aññataro puriso satthu sāsane pabbajitvā satta vassāni brahmacariyaṃ caritvā anavaṭṭhitacittatāya kukkuccako hutvā uppabbaji. Uppabbajito ca saṃvegabahulatāya dhammacchandavantatāya ca cetiyaṅgaṇe sammajjanaparibhaṇḍādīni karonto niccasīlauposathasīlāni rakkhanto dhammaṃ suṇanto aññe ca puññakiriyāya samādapento vicari. So āyupariyosāne kālakato tāvatiṃsesu nibbatti. So puññakammassa uḷārabhāvena mahesakkho mahānubhāvo sakkādīhi devatāhi sakkatapūjito hutvā tattha yāvatāyukaṃ ṭhatvā tato cuto aparāparaṃ devamanussesu saṃsaranto imasmiṃ buddhuppāde tasseva kammassa vipākāvasesena tāvatiṃsabhavane nibbatti, ‘‘anekavaṇṇo’’ti naṃ devatā sañjāniṃsu. Taṃ sandhāya vuttaṃ ‘‘atha naṃ anekavaṇṇo devaputto…pe… na tassa puññassa khayampi ajjhaganti kathesī’’ti.
1199. д̇ад̇т̇а анзгаван̣н̣анд̇и нийлабийд̇аад̣̇ивасзна вивид̇хаван̣н̣ад̇ааяа ананд̇аравимаанаад̣̇ийнам̣ вивид̇хасан̣таанад̇ааяа жа наанаавид̇хаван̣н̣ам̣. д̣̇арасоганаасананд̇и сийд̇алабхаавзна д̣̇арат̇абарил̣аахаанам̣ винод̣̇анад̇о манун̃н̃ад̇ааяа д̣̇ассанийяад̇ааяа жа согасса аногаасад̇о д̣̇арасоганаасанам̣. анзгажид̇д̇анд̇и наанаавид̇хажид̇д̇аруубам̣. суниммид̇о бхууд̇абад̇ийваад̇и д̇аавад̇им̣сагааяигоби ул̣аарад̣̇иб̣б̣абхог̇ад̇ааяа суниммид̇ад̣̇зварааж̇аа вияа мод̣̇аси д̇уссаси абхирамаси.
1199. Tattha anekavaṇṇanti nīlapītādivasena vividhavaṇṇatāya anantaravimānādīnaṃ vividhasaṇṭhānatāya ca nānāvidhavaṇṇaṃ. Darasokanāsananti sītalabhāvena darathapariḷāhānaṃ vinodanato manuññatāya dassanīyatāya ca sokassa anokāsato darasokanāsanaṃ. Anekacittanti nānāvidhacittarūpaṃ. Sunimmito bhūtapatīvāti tāvatiṃsakāyikopi uḷāradibbabhogatāya sunimmitadevarājā viya modasi tussasi abhiramasi.
1200. самассамод̇и само зва худ̇ваа само, ниб̣б̣арияааязна сад̣̇исо д̇з д̇уяхам̣ над̇т̇и, гуд̇о бана гзна гааран̣зна уд̇д̇ари ад̇хиго го наама сияаа. гзна бана самад̇аа уд̇д̇арид̇арад̇аа жаад̇и ааха ‘‘яасзна бун̃н̃зна жа ид̣̇д̇хияаа жаа’’д̇и. д̇ад̇т̇а яасзнаад̇и бариваарзна. ид̣̇д̇хияаад̇и аанубхаавзна. яасзнаад̇и ваа иссариязна, ид̣̇д̇хияаад̇и д̣̇звид̣̇д̇хияаа. яасзнаад̇и ваа вибхавасамбад̇д̇ияаа, ид̣̇д̇хияаад̇и яат̇ижчи д̇асса гаамаг̇ун̣асса иж̇жханзна. яасзнаад̇и ваа гид̇д̇игхосзна, ид̣̇д̇хияаад̇и самид̣̇д̇хияаа. бун̃н̃знаад̇и д̇ад̇т̇а д̇ад̇т̇а вуд̇д̇аавасидтабун̃н̃апалзна, бун̃н̃агаммзнзва ваа.
1200.Samassamoti samo eva hutvā samo, nibbariyāyena sadiso te tuyhaṃ natthi, kuto pana kena kāraṇena uttari adhiko ko nāma siyā. Kena pana samatā uttaritaratā cāti āha ‘‘yasena puññena ca iddhiyā cā’’ti. Tattha yasenāti parivārena. Iddhiyāti ānubhāvena. Yasenāti vā issariyena, iddhiyāti deviddhiyā. Yasenāti vā vibhavasampattiyā, iddhiyāti yathicchi tassa kāmaguṇassa ijjhanena. Yasenāti vā kittighosena, iddhiyāti samiddhiyā. Puññenāti tattha tattha vuttāvasiṭṭhapuññaphalena, puññakammeneva vā.
‘‘саб̣б̣з жа д̣̇зваа’’д̇и сааман̃н̃ад̇о г̇ахид̇амад̇т̇ам̣ ‘‘д̇ид̣̇асаг̇ан̣аа’’д̇и иминаа висзсзд̇ваа вуд̇д̇ам̣. згажжасса бажжзгам̣ нибажжагаарам̣ гаронд̇ааби бамуд̣̇ид̇аа на гаронд̇и , на звамзд̇асса . зд̇асса бана бамуд̣̇ид̇ааби гаронд̇иязваад̇и д̣̇ассзд̇ум̣ ‘‘самзжжаа’’д̇и вуд̇д̇ам̣. д̇ам̣ д̇анд̇и д̇ам̣ д̇вам̣. сасим̣ва д̣̇зваад̇и яат̇аа наама суггабагкабаадибад̣̇ияам̣ д̣̇иссамаанам̣ сасим̣ жанд̣̇ам̣ мануссаа д̣̇зваа жа аад̣̇араж̇аад̇аа намассанд̇и, звам̣ д̇ам̣ саб̣б̣зби д̇ид̣̇асаг̇ан̣аа намассанд̇ийд̇и ад̇т̇о.
‘‘Sabbe ca devā’’ti sāmaññato gahitamatthaṃ ‘‘tidasagaṇā’’ti iminā visesetvā vuttaṃ. Ekaccassa paccekaṃ nipaccakāraṃ karontāpi pamuditā na karonti , na evametassa . Etassa pana pamuditāpi karontiyevāti dassetuṃ ‘‘sameccā’’ti vuttaṃ. Taṃ tanti taṃ tvaṃ. Sasiṃva devāti yathā nāma sukkapakkhapāṭipadiyaṃ dissamānaṃ sasiṃ candaṃ manussā devā ca ādarajātā namassanti, evaṃ taṃ sabbepi tidasagaṇā namassantīti attho.
1203. бхад̣̇анд̇зд̇и т̇зрам̣ г̇аараваб̣ахумаанзна самуд̣̇аажарад̇и. ахуваасинд̇и ахосим̣. буб̣б̣зд̇и буримаж̇аад̇ияам̣. сумзд̇ханаамасса ж̇инасса саавагод̇и сумзд̇ход̇и звам̣ баагаданаамасса саммаасамб̣уд̣̇д̣̇асса саасанз баб̣б̣аж̇ид̇абхаавзна сааваго. бут̇ууж̇ж̇анод̇и анарияо. д̇ад̇т̇ааби сажжаанам̣ ануб̣од̇хамад̇д̇ассааби абхаавзна анануб̣од̇хо. со сад̇д̇а вассаани бариб̣б̣аж̇иссаханд̇и со ахам̣ сад̇д̇а сам̣важчараани баб̣б̣аж̇ж̇ааг̇ун̣амад̇д̇зна вижарим̣, уд̇д̇аримануссад̇хаммам̣ наад̇хиг̇ажчинд̇и ад̇хиббааяо.
1203.Bhadanteti theraṃ gāravabahumānena samudācarati. Ahuvāsinti ahosiṃ. Pubbeti purimajātiyaṃ. Sumedhanāmassa jinassa sāvakoti sumedhoti evaṃ pākaṭanāmassa sammāsambuddassa sāsane pabbajitabhāvena sāvako. Puthūjjanoti anariyo. Tatthāpi saccānaṃ anubodhamattassāpi abhāvena ananubodho. So satta vassāni paribbajissahanti so ahaṃ satta saṃvaccharāni pabbajjāguṇamattena vicariṃ, uttarimanussadhammaṃ nādhigacchinti adhippāyo.
1204. рад̇анужжаяанд̇и ман̣иганагаад̣̇ирад̇анзхи ужжид̇ам̣ уссид̇арад̇анажзд̇ияам̣. хзмаж̇аалзна чаннанд̇и саманд̇ад̇о убари жа ган̃жанаж̇аалзна бадижчаад̣̇ид̇ам̣. ванд̣̇ид̇ваад̇и бан̃жабад̇идтид̇зна д̇ад̇т̇а д̇ад̇т̇а бан̣аамам̣ гад̇ваа. т̇уубасмим̣ манам̣ басаад̣̇аяинд̇и ‘‘саб̣б̣ан̃н̃уг̇ун̣аад̇хидтаанааяа вад̇а д̇хаад̇уяаа аяам̣ т̇уубо’’д̇и т̇уубасмим̣ жид̇д̇ам̣ басаад̣̇зсим̣.
1204.Ratanuccayanti maṇikanakādiratanehi uccitaṃ ussitaratanacetiyaṃ. Hemajālena channanti samantato upari ca kañcanajālena paṭicchāditaṃ. Vanditvāti pañcapatiṭṭhitena tattha tattha paṇāmaṃ katvā. Thūpasmiṃ manaṃ pasādayinti ‘‘sabbaññuguṇādhiṭṭhānāya vata dhātuyā ayaṃ thūpo’’ti thūpasmiṃ cittaṃ pasādesiṃ.
1205. на мааси д̣̇аананд̇и мз маяаа гад̇ам̣ д̣̇аанам̣ нааси наахоси. гасмаа бана? на жа мзд̇т̇и д̣̇аад̇унд̇и мз мама бариг̇г̇ахабхууд̇ам̣ д̣̇аанам̣ д̣̇аад̇ум̣ на ад̇т̇и, на гин̃жи д̣̇зяяавад̇т̇у виж̇ж̇ад̇и, барз жа ко сад̇д̇з д̇ад̇т̇а д̣̇аанз самаад̣̇абзсим̣. ‘‘барзсан̃жа д̇ад̇т̇а самаад̣̇абзси’’нд̇и жа батанд̇и, д̇ад̇т̇а барзсанд̇и убаяог̇ад̇т̇з саамиважанам̣ д̣̇адтаб̣б̣ам̣ . бууж̇зт̇а нанд̇иаад̣̇и самаад̣̇абанаагаарад̣̇ассанам̣, д̇ам̣ д̇хаад̇унд̇и яож̇анаа. звам̣ гираад̇и гира-сад̣̇д̣̇о ануссавад̇т̇о.
1205.Na māsi dānanti me mayā kataṃ dānaṃ nāsi nāhosi. Kasmā pana? Na ca metthi dātunti me mama pariggahabhūtaṃ dānaṃ dātuṃ na atthi, na kiñci deyyavatthu vijjati, pare ca kho satte tattha dāne samādapesiṃ. ‘‘Paresañca tattha samādapesi’’nti ca paṭhanti, tattha paresanti upayogatthe sāmivacanaṃ daṭṭhabbaṃ . Pūjetha nantiādi samādapanākāradassanaṃ, taṃ dhātunti yojanā. Evaṃ kirāti kira-saddo anussavattho.
1206. на д̇асса бун̃н̃асса каяамби аж̇жхаг̇анд̇и д̇асса д̇ад̣̇аа сумзд̇хам̣ бхаг̇аванд̇ам̣ уд̣̇д̣̇исса гад̇асса бун̃н̃агаммасса баригкаяам̣ наад̇хиг̇ажчим̣, д̇ассзва гаммасса вибаагаавасзсам̣ бажжанубхомийд̇и д̣̇ассзд̇и. яам̣ банзд̇т̇а на вуд̇д̇ам̣, д̇ам̣ хздтаа вуд̇д̇анаяад̇д̇аа сувин̃н̃зяяамзваад̇и д̣̇адтаб̣б̣ам̣.
1206.Na tassa puññassa khayampi ajjhaganti tassa tadā sumedhaṃ bhagavantaṃ uddissa katassa puññakammassa parikkhayaṃ nādhigacchiṃ, tasseva kammassa vipākāvasesaṃ paccanubhomīti dasseti. Yaṃ panettha na vuttaṃ, taṃ heṭṭhā vuttanayattā suviññeyyamevāti daṭṭhabbaṃ.
анзгаван̣н̣авимаанаван̣н̣анаа нидтид̇аа.
Anekavaṇṇavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 8. анзгаван̣н̣авимаанавад̇т̇у • 8. Anekavaṇṇavimānavatthu
