| Library / Tipiṭaka / ತಿಪಿಟಕ • Tipiṭaka / ವಿಮಾನವತ್ಥುಪಾಳಿ • Vimānavatthupāḷi |
೮. ಅನೇಕವಣ್ಣವಿಮಾನವತ್ಥು
8. Anekavaṇṇavimānavatthu
೧೧೯೯.
1199.
‘‘ಅನೇಕವಣ್ಣಂ ದರಸೋಕನಾಸನಂ, ವಿಮಾನಮಾರುಯ್ಹ ಅನೇಕಚಿತ್ತಂ।
‘‘Anekavaṇṇaṃ darasokanāsanaṃ, vimānamāruyha anekacittaṃ;
ಪರಿವಾರಿತೋ ಅಚ್ಛರಾಸಙ್ಗಣೇನ, ಸುನಿಮ್ಮಿತೋ ಭೂತಪತೀವ ಮೋದಸಿ॥
Parivārito accharāsaṅgaṇena, sunimmito bhūtapatīva modasi.
೧೨೦೦.
1200.
‘‘ಸಮಸ್ಸಮೋ ನತ್ಥಿ ಕುತೋ ಪನುತ್ತರೋ 1, ಯಸೇನ ಪುಞ್ಞೇನ ಚ ಇದ್ಧಿಯಾ ಚ।
‘‘Samassamo natthi kuto panuttaro 2, yasena puññena ca iddhiyā ca;
ಸಬ್ಬೇ ಚ ದೇವಾ ತಿದಸಗಣಾ ಸಮೇಚ್ಚ, ತಂ ತಂ ನಮಸ್ಸನ್ತಿ ಸಸಿಂವ ದೇವಾ।
Sabbe ca devā tidasagaṇā samecca, taṃ taṃ namassanti sasiṃva devā;
ಇಮಾ ಚ ತೇ ಅಚ್ಛರಾಯೋ ಸಮನ್ತತೋ, ನಚ್ಚನ್ತಿ ಗಾಯನ್ತಿ ಪಮೋದಯನ್ತಿ॥
Imā ca te accharāyo samantato, naccanti gāyanti pamodayanti.
೧೨೦೧.
1201.
‘‘ದೇವಿದ್ಧಿಪತ್ತೋಸಿ ಮಹಾನುಭಾವೋ, ಮನುಸ್ಸಭೂತೋ ಕಿಮಕಾಸಿ ಪುಞ್ಞಂ।
‘‘Deviddhipattosi mahānubhāvo, manussabhūto kimakāsi puññaṃ;
ಕೇನಾಸಿ ಏವಂ ಜಲಿತಾನುಭಾವೋ, ವಣ್ಣೋ ಚ ತೇ ಸಬ್ಬದಿಸಾ ಪಭಾಸತೀ’’ತಿ॥
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
೧೨೦೨.
1202.
ಸೋ ದೇವಪುತ್ತೋ ಅತ್ತಮನೋ…ಪೇ॰… ಯಸ್ಸ ಕಮ್ಮಸ್ಸಿದಂ ಫಲಂ॥
So devaputto attamano…pe… yassa kammassidaṃ phalaṃ.
೧೨೦೩.
1203.
‘‘ಅಹಂ ಭದನ್ತೇ ಅಹುವಾಸಿ ಪುಬ್ಬೇ, ಸುಮೇಧನಾಮಸ್ಸ ಜಿನಸ್ಸ ಸಾವಕೋ।
‘‘Ahaṃ bhadante ahuvāsi pubbe, sumedhanāmassa jinassa sāvako;
೧೨೦೪.
1204.
‘‘ಸೋಹಂ ಸುಮೇಧಸ್ಸ ಜಿನಸ್ಸ ಸತ್ಥುನೋ, ಪರಿನಿಬ್ಬುತಸ್ಸೋಘತಿಣ್ಣಸ್ಸ ತಾದಿನೋ।
‘‘Sohaṃ sumedhassa jinassa satthuno, parinibbutassoghatiṇṇassa tādino;
ರತನುಚ್ಚಯಂ ಹೇಮಜಾಲೇನ ಛನ್ನಂ, ವನ್ದಿತ್ವಾ ಥೂಪಸ್ಮಿಂ ಮನಂ ಪಸಾದಯಿಂ॥
Ratanuccayaṃ hemajālena channaṃ, vanditvā thūpasmiṃ manaṃ pasādayiṃ.
೧೨೦೫.
1205.
‘‘ನ ಮಾಸಿ ದಾನಂ ನ ಚ ಮತ್ಥಿ ದಾತುಂ, ಪರೇ ಚ ಖೋ ತತ್ಥ ಸಮಾದಪೇಸಿಂ।
‘‘Na māsi dānaṃ na ca matthi dātuṃ, pare ca kho tattha samādapesiṃ;
ಪೂಜೇಥ ನಂ ಪೂಜನೀಯಸ್ಸ 7 ಧಾತುಂ, ಏವಂ ಕಿರ ಸಗ್ಗಮಿತೋ ಗಮಿಸ್ಸಥ॥
Pūjetha naṃ pūjanīyassa 8 dhātuṃ, evaṃ kira saggamito gamissatha.
೧೨೦೬.
1206.
‘‘ತದೇವ ಕಮ್ಮಂ ಕುಸಲಂ ಕತಂ ಮಯಾ, ಸುಖಞ್ಚ ದಿಬ್ಬಂ ಅನುಭೋಮಿ ಅತ್ತನಾ।
‘‘Tadeva kammaṃ kusalaṃ kataṃ mayā, sukhañca dibbaṃ anubhomi attanā;
ಮೋದಾಮಹಂ ತಿದಸಗಣಸ್ಸ ಮಜ್ಝೇ, ನ ತಸ್ಸ ಪುಞ್ಞಸ್ಸ ಖಯಮ್ಪಿ ಅಜ್ಝಗ’’ನ್ತಿ॥
Modāmahaṃ tidasagaṇassa majjhe, na tassa puññassa khayampi ajjhaga’’nti.
ಅನೇಕವಣ್ಣವಿಮಾನಂ ಅಟ್ಠಮಂ।
Anekavaṇṇavimānaṃ aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ವಿಮಾನವತ್ಥು-ಅಟ್ಠಕಥಾ • Vimānavatthu-aṭṭhakathā / ೮. ಅನೇಕವಣ್ಣವಿಮಾನವಣ್ಣನಾ • 8. Anekavaṇṇavimānavaṇṇanā
