| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৩. আনেঞ্জকথাৰণ্ণনা
3. Āneñjakathāvaṇṇanā
৮৯৬. ইদানি আনেঞ্জকথা নাম হোতি। তত্থ ভগৰা চতুত্থজ্ঝানে ঠিতো পরিনিব্বাযীতি সল্লক্খেত্ৰা ‘‘অরহা আনেঞ্জে ঠিতো পরিনিব্বাযতী’’তি যেসং লদ্ধি, সেয্যথাপি একচ্চানং উত্তরাপথকানং, তে সন্ধায পুচ্ছা সকৰাদিস্স, পটিঞ্ঞা ইতরস্স। পকতিচিত্তেতি ভৰঙ্গচিত্তে। সব্বে হি সঞ্ঞিনো সত্তা ভৰঙ্গচিত্তে ঠত্ৰা ভৰঙ্গপরিযোসানেন চুতিচিত্তেন কালং করোন্তি। ইতি নং ইমিনা অত্থেন চোদেতুং এৰমাহ। তত্থ কিঞ্চাপি চতুৰোকারভৰে অরহতো পকতিচিত্তম্পি আনেঞ্জং হোতি, অযং পন পঞ্হো পঞ্চৰোকারভৰৰসেন উদ্ধটো। তস্মা নো চ ৰত রে ৰত্তব্বেতি আহ। সেসমেত্থ উত্তানত্থমেৰাতি।
896. Idāni āneñjakathā nāma hoti. Tattha bhagavā catutthajjhāne ṭhito parinibbāyīti sallakkhetvā ‘‘arahā āneñje ṭhito parinibbāyatī’’ti yesaṃ laddhi, seyyathāpi ekaccānaṃ uttarāpathakānaṃ, te sandhāya pucchā sakavādissa, paṭiññā itarassa. Pakaticitteti bhavaṅgacitte. Sabbe hi saññino sattā bhavaṅgacitte ṭhatvā bhavaṅgapariyosānena cuticittena kālaṃ karonti. Iti naṃ iminā atthena codetuṃ evamāha. Tattha kiñcāpi catuvokārabhave arahato pakaticittampi āneñjaṃ hoti, ayaṃ pana pañho pañcavokārabhavavasena uddhaṭo. Tasmā no ca vata re vattabbeti āha. Sesamettha uttānatthamevāti.
আনেঞ্জকথাৰণ্ণনা।
Āneñjakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (২১০) ৩. আনেঞ্জকথা • (210) 3. Āneñjakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৩. আনেঞ্জকথাৰণ্ণনা • 3. Āneñjakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৩. আনেঞ্জকথাৰণ্ণনা • 3. Āneñjakathāvaṇṇanā
