| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
३. आनेञ्जकथावण्णना
3. Āneñjakathāvaṇṇanā
८९६. इदानि आनेञ्जकथा नाम होति। तत्थ भगवा चतुत्थज्झाने ठितो परिनिब्बायीति सल्लक्खेत्वा ‘‘अरहा आनेञ्जे ठितो परिनिब्बायती’’ति येसं लद्धि, सेय्यथापि एकच्चानं उत्तरापथकानं, ते सन्धाय पुच्छा सकवादिस्स, पटिञ्ञा इतरस्स। पकतिचित्तेति भवङ्गचित्ते। सब्बे हि सञ्ञिनो सत्ता भवङ्गचित्ते ठत्वा भवङ्गपरियोसानेन चुतिचित्तेन कालं करोन्ति। इति नं इमिना अत्थेन चोदेतुं एवमाह। तत्थ किञ्चापि चतुवोकारभवे अरहतो पकतिचित्तम्पि आनेञ्जं होति, अयं पन पञ्हो पञ्चवोकारभववसेन उद्धटो। तस्मा नो च वत रे वत्तब्बेति आह। सेसमेत्थ उत्तानत्थमेवाति।
896. Idāni āneñjakathā nāma hoti. Tattha bhagavā catutthajjhāne ṭhito parinibbāyīti sallakkhetvā ‘‘arahā āneñje ṭhito parinibbāyatī’’ti yesaṃ laddhi, seyyathāpi ekaccānaṃ uttarāpathakānaṃ, te sandhāya pucchā sakavādissa, paṭiññā itarassa. Pakaticitteti bhavaṅgacitte. Sabbe hi saññino sattā bhavaṅgacitte ṭhatvā bhavaṅgapariyosānena cuticittena kālaṃ karonti. Iti naṃ iminā atthena codetuṃ evamāha. Tattha kiñcāpi catuvokārabhave arahato pakaticittampi āneñjaṃ hoti, ayaṃ pana pañho pañcavokārabhavavasena uddhaṭo. Tasmā no ca vata re vattabbeti āha. Sesamettha uttānatthamevāti.
आनेञ्जकथावण्णना।
Āneñjakathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (२१०) ३. आनेञ्जकथा • (210) 3. Āneñjakathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ३. आनेञ्जकथावण्णना • 3. Āneñjakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ३. आनेञ्जकथावण्णना • 3. Āneñjakathāvaṇṇanā
