| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੩. ਆਨੇਞ੍ਜਕਥਾવਣ੍ਣਨਾ
3. Āneñjakathāvaṇṇanā
੮੯੬. ਇਦਾਨਿ ਆਨੇਞ੍ਜਕਥਾ ਨਾਮ ਹੋਤਿ। ਤਤ੍ਥ ਭਗવਾ ਚਤੁਤ੍ਥਜ੍ਝਾਨੇ ਠਿਤੋ ਪਰਿਨਿਬ੍ਬਾਯੀਤਿ ਸਲ੍ਲਕ੍ਖੇਤ੍વਾ ‘‘ਅਰਹਾ ਆਨੇਞ੍ਜੇ ਠਿਤੋ ਪਰਿਨਿਬ੍ਬਾਯਤੀ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਏਕਚ੍ਚਾਨਂ ਉਤ੍ਤਰਾਪਥਕਾਨਂ, ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਪਕਤਿਚਿਤ੍ਤੇਤਿ ਭવਙ੍ਗਚਿਤ੍ਤੇ। ਸਬ੍ਬੇ ਹਿ ਸਞ੍ਞਿਨੋ ਸਤ੍ਤਾ ਭવਙ੍ਗਚਿਤ੍ਤੇ ਠਤ੍વਾ ਭવਙ੍ਗਪਰਿਯੋਸਾਨੇਨ ਚੁਤਿਚਿਤ੍ਤੇਨ ਕਾਲਂ ਕਰੋਨ੍ਤਿ। ਇਤਿ ਨਂ ਇਮਿਨਾ ਅਤ੍ਥੇਨ ਚੋਦੇਤੁਂ ਏવਮਾਹ। ਤਤ੍ਥ ਕਿਞ੍ਚਾਪਿ ਚਤੁવੋਕਾਰਭવੇ ਅਰਹਤੋ ਪਕਤਿਚਿਤ੍ਤਮ੍ਪਿ ਆਨੇਞ੍ਜਂ ਹੋਤਿ, ਅਯਂ ਪਨ ਪਞ੍ਹੋ ਪਞ੍ਚવੋਕਾਰਭવવਸੇਨ ਉਦ੍ਧਟੋ। ਤਸ੍ਮਾ ਨੋ ਚ વਤ ਰੇ વਤ੍ਤਬ੍ਬੇਤਿ ਆਹ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવਾਤਿ।
896. Idāni āneñjakathā nāma hoti. Tattha bhagavā catutthajjhāne ṭhito parinibbāyīti sallakkhetvā ‘‘arahā āneñje ṭhito parinibbāyatī’’ti yesaṃ laddhi, seyyathāpi ekaccānaṃ uttarāpathakānaṃ, te sandhāya pucchā sakavādissa, paṭiññā itarassa. Pakaticitteti bhavaṅgacitte. Sabbe hi saññino sattā bhavaṅgacitte ṭhatvā bhavaṅgapariyosānena cuticittena kālaṃ karonti. Iti naṃ iminā atthena codetuṃ evamāha. Tattha kiñcāpi catuvokārabhave arahato pakaticittampi āneñjaṃ hoti, ayaṃ pana pañho pañcavokārabhavavasena uddhaṭo. Tasmā no ca vata re vattabbeti āha. Sesamettha uttānatthamevāti.
ਆਨੇਞ੍ਜਕਥਾવਣ੍ਣਨਾ।
Āneñjakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੨੧੦) ੩. ਆਨੇਞ੍ਜਕਥਾ • (210) 3. Āneñjakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੩. ਆਨੇਞ੍ਜਕਥਾવਣ੍ਣਨਾ • 3. Āneñjakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੩. ਆਨੇਞ੍ਜਕਥਾવਣ੍ਣਨਾ • 3. Āneñjakathāvaṇṇanā
