| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
6. аанзн̃ж̇асаббааяасуд̇д̇ам̣
6. Āneñjasappāyasuttaṃ
66. звам̣ мз суд̇ам̣ – згам̣ самаяам̣ бхаг̇аваа гуруусу вихарад̇и гаммаасад̇хаммам̣ наама гуруунам̣ ниг̇амо. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘анижжаа, бхигкавз, гаамаа д̇ужчаа мусаа мосад̇хаммаа. мааяаагад̇амз д̇ам̣, бхигкавз, б̣аалалаабанам̣. яз жа д̣̇идтад̇хаммигаа гаамаа, яз жа самбарааяигаа гаамаа; яаа жа д̣̇идтад̇хаммигаа гаамасан̃н̃аа, яаа жа самбарааяигаа гаамасан̃н̃аа – убхаяамзд̇ам̣ маарад̇хзяяам̣, маарассзса 1 висаяо, маарассзса ниваабо, маарассзса г̇ожаро. зд̇т̇зд̇з баабагаа агусалаа маанасаа абхиж̇жхааби б̣яаабаад̣̇ааби саарамбхааби сам̣вад̇д̇анд̇и. д̇зва арияасаавагасса ид̇хаманусигкад̇о анд̇арааяааяа самбхаванд̇и. д̇ад̇ра, бхигкавз, арияасааваго ид̇и бадисан̃жигкад̇и – ‘яз жа д̣̇идтад̇хаммигаа гаамаа, яз жа самбарааяигаа гаамаа; яаа жа д̣̇идтад̇хаммигаа гаамасан̃н̃аа, яаа жа самбарааяигаа гаамасан̃н̃аа – убхаяамзд̇ам̣ маарад̇хзяяам̣, маарассзса висаяо, маарассзса ниваабо, маарассзса г̇ожаро. зд̇т̇зд̇з баабагаа агусалаа маанасаа абхиж̇жхааби б̣яаабаад̣̇ааби саарамбхааби сам̣вад̇д̇анд̇и, д̇зва арияасаавагасса ид̇хаманусигкад̇о анд̇арааяааяа самбхаванд̇и. яам̣нуунаахам̣ вибулзна махаг̇г̇ад̇зна жзд̇асаа вихарзяяам̣ абхибхуяяа логам̣ ад̇хидтааяа манасаа. вибулзна хи мз махаг̇г̇ад̇зна жзд̇асаа вихарад̇о абхибхуяяа логам̣ ад̇хидтааяа манасаа яз баабагаа агусалаа маанасаа абхиж̇жхааби б̣яаабаад̣̇ааби саарамбхааби д̇з на бхависсанд̇и. д̇зсам̣ бахаанаа абарид̇д̇ан̃жа мз жид̇д̇ам̣ бхависсад̇и аббамаан̣ам̣ субхаавид̇а’нд̇и. д̇асса звам̣бадибаннасса д̇аб̣б̣ахулавихаарино ааяад̇анз жид̇д̇ам̣ басийд̣̇ад̇и. самбасаад̣̇з сад̇и зд̇арахи ваа аанзн̃ж̇ам̣ самаабаж̇ж̇ад̇и бан̃н̃ааяа ваа ад̇химужжад̇и гааяасса бхзд̣̇аа барам̣ маран̣аа. таанамзд̇ам̣ виж̇ж̇ад̇и яам̣ д̇ам̣сам̣вад̇д̇анигам̣ вин̃н̃аан̣ам̣ асса аанзн̃ж̇уубаг̇ам̣. аяам̣, бхигкавз, батамаа аанзн̃ж̇асаббааяаа бадибад̣̇аа агкааяад̇и’’.
66. Evaṃ me sutaṃ – ekaṃ samayaṃ bhagavā kurūsu viharati kammāsadhammaṃ nāma kurūnaṃ nigamo. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘aniccā, bhikkhave, kāmā tucchā musā mosadhammā. Māyākatame taṃ, bhikkhave, bālalāpanaṃ. Ye ca diṭṭhadhammikā kāmā, ye ca samparāyikā kāmā; yā ca diṭṭhadhammikā kāmasaññā, yā ca samparāyikā kāmasaññā – ubhayametaṃ māradheyyaṃ, mārassesa 2 visayo, mārassesa nivāpo, mārassesa gocaro. Etthete pāpakā akusalā mānasā abhijjhāpi byāpādāpi sārambhāpi saṃvattanti. Teva ariyasāvakassa idhamanusikkhato antarāyāya sambhavanti. Tatra, bhikkhave, ariyasāvako iti paṭisañcikkhati – ‘ye ca diṭṭhadhammikā kāmā, ye ca samparāyikā kāmā; yā ca diṭṭhadhammikā kāmasaññā, yā ca samparāyikā kāmasaññā – ubhayametaṃ māradheyyaṃ, mārassesa visayo, mārassesa nivāpo, mārassesa gocaro. Etthete pāpakā akusalā mānasā abhijjhāpi byāpādāpi sārambhāpi saṃvattanti, teva ariyasāvakassa idhamanusikkhato antarāyāya sambhavanti. Yaṃnūnāhaṃ vipulena mahaggatena cetasā vihareyyaṃ abhibhuyya lokaṃ adhiṭṭhāya manasā. Vipulena hi me mahaggatena cetasā viharato abhibhuyya lokaṃ adhiṭṭhāya manasā ye pāpakā akusalā mānasā abhijjhāpi byāpādāpi sārambhāpi te na bhavissanti. Tesaṃ pahānā aparittañca me cittaṃ bhavissati appamāṇaṃ subhāvita’nti. Tassa evaṃpaṭipannassa tabbahulavihārino āyatane cittaṃ pasīdati. Sampasāde sati etarahi vā āneñjaṃ samāpajjati paññāya vā adhimuccati kāyassa bhedā paraṃ maraṇā. Ṭhānametaṃ vijjati yaṃ taṃsaṃvattanikaṃ viññāṇaṃ assa āneñjūpagaṃ. Ayaṃ, bhikkhave, paṭhamā āneñjasappāyā paṭipadā akkhāyati’’.
67. ‘‘буна жабарам̣, бхигкавз, арияасааваго ид̇и бадисан̃жигкад̇и – ‘яз жа д̣̇идтад̇хаммигаа гаамаа, яз жа самбарааяигаа гаамаа; яаа жа д̣̇идтад̇хаммигаа гаамасан̃н̃аа , яаа жа самбарааяигаа гаамасан̃н̃аа; яам̣ гин̃жи руубам̣ (саб̣б̣ам̣ руубам̣) 3 жад̇д̇аари жа махаабхууд̇аани, жад̇уннан̃жа махаабхууд̇аанам̣ убаад̣̇ааяарууба’нд̇и. д̇асса звам̣бадибаннасса д̇аб̣б̣ахулавихаарино ааяад̇анз жид̇д̇ам̣ басийд̣̇ад̇и. самбасаад̣̇з сад̇и зд̇арахи ваа аанзн̃ж̇ам̣ самаабаж̇ж̇ад̇и бан̃н̃ааяа ваа ад̇химужжад̇и гааяасса бхзд̣̇аа барам̣ маран̣аа. таанамзд̇ам̣ виж̇ж̇ад̇и яам̣ д̇ам̣сам̣вад̇д̇анигам̣ вин̃н̃аан̣ам̣ асса аанзн̃ж̇уубаг̇ам̣. аяам̣, бхигкавз, д̣̇уд̇ияаа аанзн̃ж̇асаббааяаа бадибад̣̇аа агкааяад̇и.
67. ‘‘Puna caparaṃ, bhikkhave, ariyasāvako iti paṭisañcikkhati – ‘ye ca diṭṭhadhammikā kāmā, ye ca samparāyikā kāmā; yā ca diṭṭhadhammikā kāmasaññā , yā ca samparāyikā kāmasaññā; yaṃ kiñci rūpaṃ (sabbaṃ rūpaṃ) 4 cattāri ca mahābhūtāni, catunnañca mahābhūtānaṃ upādāyarūpa’nti. Tassa evaṃpaṭipannassa tabbahulavihārino āyatane cittaṃ pasīdati. Sampasāde sati etarahi vā āneñjaṃ samāpajjati paññāya vā adhimuccati kāyassa bhedā paraṃ maraṇā. Ṭhānametaṃ vijjati yaṃ taṃsaṃvattanikaṃ viññāṇaṃ assa āneñjūpagaṃ. Ayaṃ, bhikkhave, dutiyā āneñjasappāyā paṭipadā akkhāyati.
‘‘буна жабарам̣, бхигкавз, арияасааваго ид̇и бадисан̃жигкад̇и – ‘яз жа д̣̇идтад̇хаммигаа гаамаа, яз жа самбарааяигаа гаамаа; яаа жа д̣̇идтад̇хаммигаа гаамасан̃н̃аа, яаа жа самбарааяигаа гаамасан̃н̃аа; яз жа д̣̇идтад̇хаммигаа руубаа, яз жа самбарааяигаа руубаа; яаа жа д̣̇идтад̇хаммигаа руубасан̃н̃аа, яаа жа самбарааяигаа руубасан̃н̃аа – убхаяамзд̇ам̣ анижжам̣. яад̣̇анижжам̣ д̇ам̣ наалам̣ абхинанд̣̇ид̇ум̣, наалам̣ абхивад̣̇ид̇ум̣, наалам̣ аж̇жхосид̇у’нд̇и. д̇асса звам̣бадибаннасса д̇аб̣б̣ахулавихаарино ааяад̇анз жид̇д̇ам̣ басийд̣̇ад̇и. самбасаад̣̇з сад̇и зд̇арахи ваа аанзн̃ж̇ам̣ самаабаж̇ж̇ад̇и бан̃н̃ааяа ваа ад̇химужжад̇и гааяасса бхзд̣̇аа барам̣ маран̣аа. таанамзд̇ам̣ виж̇ж̇ад̇и яам̣ д̇ам̣сам̣вад̇д̇анигам̣ вин̃н̃аан̣ам̣ асса аанзн̃ж̇уубаг̇ам̣. аяам̣, бхигкавз, д̇ад̇ияаа аанзн̃ж̇асаббааяаа бадибад̣̇аа агкааяад̇и.
‘‘Puna caparaṃ, bhikkhave, ariyasāvako iti paṭisañcikkhati – ‘ye ca diṭṭhadhammikā kāmā, ye ca samparāyikā kāmā; yā ca diṭṭhadhammikā kāmasaññā, yā ca samparāyikā kāmasaññā; ye ca diṭṭhadhammikā rūpā, ye ca samparāyikā rūpā; yā ca diṭṭhadhammikā rūpasaññā, yā ca samparāyikā rūpasaññā – ubhayametaṃ aniccaṃ. Yadaniccaṃ taṃ nālaṃ abhinandituṃ, nālaṃ abhivadituṃ, nālaṃ ajjhositu’nti. Tassa evaṃpaṭipannassa tabbahulavihārino āyatane cittaṃ pasīdati. Sampasāde sati etarahi vā āneñjaṃ samāpajjati paññāya vā adhimuccati kāyassa bhedā paraṃ maraṇā. Ṭhānametaṃ vijjati yaṃ taṃsaṃvattanikaṃ viññāṇaṃ assa āneñjūpagaṃ. Ayaṃ, bhikkhave, tatiyā āneñjasappāyā paṭipadā akkhāyati.
68. ‘‘буна жабарам̣, бхигкавз, арияасааваго ид̇и бадисан̃жигкад̇и – ‘яз жа д̣̇идтад̇хаммигаа гаамаа, яз жа самбарааяигаа гаамаа; яаа жа д̣̇идтад̇хаммигаа гаамасан̃н̃аа, яаа жа самбарааяигаа гаамасан̃н̃аа; яз жа д̣̇идтад̇хаммигаа руубаа, яз жа самбарааяигаа руубаа; яаа жа д̣̇идтад̇хаммигаа руубасан̃н̃аа, яаа жа самбарааяигаа руубасан̃н̃аа; яаа жа аанзн̃ж̇асан̃н̃аа – саб̣б̣аа сан̃н̃аа. яад̇т̇зд̇аа абарисзсаа нируж̇жханд̇и зд̇ам̣ санд̇ам̣ зд̇ам̣ бан̣ийд̇ам̣ – яад̣̇ид̣̇ам̣ аагин̃жан̃н̃ааяад̇ана’нд̇и. д̇асса звам̣бадибаннасса д̇аб̣б̣ахулавихаарино ааяад̇анз жид̇д̇ам̣ басийд̣̇ад̇и. самбасаад̣̇з сад̇и зд̇арахи ваа аагин̃жан̃н̃ааяад̇анам̣ самаабаж̇ж̇ад̇и бан̃н̃ааяа ваа ад̇химужжад̇и гааяасса бхзд̣̇аа барам̣ маран̣аа. таанамзд̇ам̣ виж̇ж̇ад̇и яам̣ д̇ам̣сам̣вад̇д̇анигам̣ вин̃н̃аан̣ам̣ асса аагин̃жан̃н̃ааяад̇ануубаг̇ам̣. аяам̣, бхигкавз, батамаа аагин̃жан̃н̃ааяад̇анасаббааяаа бадибад̣̇аа агкааяад̇и.
68. ‘‘Puna caparaṃ, bhikkhave, ariyasāvako iti paṭisañcikkhati – ‘ye ca diṭṭhadhammikā kāmā, ye ca samparāyikā kāmā; yā ca diṭṭhadhammikā kāmasaññā, yā ca samparāyikā kāmasaññā; ye ca diṭṭhadhammikā rūpā, ye ca samparāyikā rūpā; yā ca diṭṭhadhammikā rūpasaññā, yā ca samparāyikā rūpasaññā; yā ca āneñjasaññā – sabbā saññā. Yatthetā aparisesā nirujjhanti etaṃ santaṃ etaṃ paṇītaṃ – yadidaṃ ākiñcaññāyatana’nti. Tassa evaṃpaṭipannassa tabbahulavihārino āyatane cittaṃ pasīdati. Sampasāde sati etarahi vā ākiñcaññāyatanaṃ samāpajjati paññāya vā adhimuccati kāyassa bhedā paraṃ maraṇā. Ṭhānametaṃ vijjati yaṃ taṃsaṃvattanikaṃ viññāṇaṃ assa ākiñcaññāyatanūpagaṃ. Ayaṃ, bhikkhave, paṭhamā ākiñcaññāyatanasappāyā paṭipadā akkhāyati.
69. ‘‘буна жабарам̣, бхигкавз, арияасааваго аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа ид̇и бадисан̃жигкад̇и – ‘сун̃н̃амид̣̇ам̣ ад̇д̇зна ваа ад̇д̇аниязна ваа’д̇и. д̇асса звам̣бадибаннасса д̇аб̣б̣ахулавихаарино ааяад̇анз жид̇д̇ам̣ басийд̣̇ад̇и. самбасаад̣̇з сад̇и зд̇арахи ваа аагин̃жан̃н̃ааяад̇анам̣ самаабаж̇ж̇ад̇и бан̃н̃ааяа ваа ад̇химужжад̇и гааяасса бхзд̣̇аа барам̣ маран̣аа. таанамзд̇ам̣ виж̇ж̇ад̇и яам̣ д̇ам̣сам̣вад̇д̇анигам̣ вин̃н̃аан̣ам̣ асса аагин̃жан̃н̃ааяад̇ануубаг̇ам̣. аяам̣, бхигкавз, д̣̇уд̇ияаа аагин̃жан̃н̃ааяад̇анасаббааяаа бадибад̣̇аа агкааяад̇и.
69. ‘‘Puna caparaṃ, bhikkhave, ariyasāvako araññagato vā rukkhamūlagato vā suññāgāragato vā iti paṭisañcikkhati – ‘suññamidaṃ attena vā attaniyena vā’ti. Tassa evaṃpaṭipannassa tabbahulavihārino āyatane cittaṃ pasīdati. Sampasāde sati etarahi vā ākiñcaññāyatanaṃ samāpajjati paññāya vā adhimuccati kāyassa bhedā paraṃ maraṇā. Ṭhānametaṃ vijjati yaṃ taṃsaṃvattanikaṃ viññāṇaṃ assa ākiñcaññāyatanūpagaṃ. Ayaṃ, bhikkhave, dutiyā ākiñcaññāyatanasappāyā paṭipadā akkhāyati.
70. ‘‘буна жабарам̣, бхигкавз, арияасааваго ид̇и бадисан̃жигкад̇и – ‘наахам̣ гважани 5 гассажи гин̃жанад̇асмим̣ 6, на жа мама гважани гисмин̃жи гин̃жанам̣ над̇т̇ий’д̇и. д̇асса звам̣бадибаннасса д̇аб̣б̣ахулавихаарино ааяад̇анз жид̇д̇ам̣ басийд̣̇ад̇и. самбасаад̣̇з сад̇и зд̇арахи ваа аагин̃жан̃н̃ааяад̇анам̣ самаабаж̇ж̇ад̇и бан̃н̃ааяа ваа ад̇химужжад̇и гааяасса бхзд̣̇аа барам̣ маран̣аа. таанамзд̇ам̣ виж̇ж̇ад̇и яам̣ д̇ам̣сам̣вад̇д̇анигам̣ вин̃н̃аан̣ам̣ асса аагин̃жан̃н̃ааяад̇ануубаг̇ам̣. аяам̣, бхигкавз, д̇ад̇ияаа аагин̃жан̃н̃ааяад̇анасаббааяаа бадибад̣̇аа агкааяад̇и.
70. ‘‘Puna caparaṃ, bhikkhave, ariyasāvako iti paṭisañcikkhati – ‘nāhaṃ kvacani 7 kassaci kiñcanatasmiṃ 8, na ca mama kvacani kismiñci kiñcanaṃ natthī’ti. Tassa evaṃpaṭipannassa tabbahulavihārino āyatane cittaṃ pasīdati. Sampasāde sati etarahi vā ākiñcaññāyatanaṃ samāpajjati paññāya vā adhimuccati kāyassa bhedā paraṃ maraṇā. Ṭhānametaṃ vijjati yaṃ taṃsaṃvattanikaṃ viññāṇaṃ assa ākiñcaññāyatanūpagaṃ. Ayaṃ, bhikkhave, tatiyā ākiñcaññāyatanasappāyā paṭipadā akkhāyati.
‘‘буна жабарам̣, бхигкавз, арияасааваго ид̇и бадисан̃жигкад̇и – ‘яз жа д̣̇идтад̇хаммигаа гаамаа, яз жа самбарааяигаа гаамаа; яаа жа д̣̇идтад̇хаммигаа гаамасан̃н̃аа, яаа жа самбарааяигаа гаамасан̃н̃аа; яз жа д̣̇идтад̇хаммигаа руубаа, яз жа самбарааяигаа руубаа; яаа жа д̣̇идтад̇хаммигаа руубасан̃н̃аа, яаа жа самбарааяигаа руубасан̃н̃аа ; яаа жа аанзн̃ж̇асан̃н̃аа, яаа жа аагин̃жан̃н̃ааяад̇анасан̃н̃аа – саб̣б̣аа сан̃н̃аа. яад̇т̇зд̇аа абарисзсаа нируж̇жханд̇и зд̇ам̣ санд̇ам̣ зд̇ам̣ бан̣ийд̇ам̣ – яад̣̇ид̣̇ам̣ нзвасан̃н̃аанаасан̃н̃ааяад̇ана’нд̇и. д̇асса звам̣бадибаннасса д̇аб̣б̣ахулавихаарино ааяад̇анз жид̇д̇ам̣ басийд̣̇ад̇и. самбасаад̣̇з сад̇и зд̇арахи ваа нзвасан̃н̃аанаасан̃н̃ааяад̇анам̣ самаабаж̇ж̇ад̇и бан̃н̃ааяа ваа ад̇химужжад̇и гааяасса бхзд̣̇аа барам̣ маран̣аа. таанамзд̇ам̣ виж̇ж̇ад̇и яам̣ д̇ам̣сам̣вад̇д̇анигам̣ вин̃н̃аан̣ам̣ асса нзвасан̃н̃аанаасан̃н̃ааяад̇ануубаг̇ам̣. аяам̣, бхигкавз, нзвасан̃н̃аанаасан̃н̃ааяад̇анасаббааяаа бадибад̣̇аа агкааяад̇ий’’д̇и.
‘‘Puna caparaṃ, bhikkhave, ariyasāvako iti paṭisañcikkhati – ‘ye ca diṭṭhadhammikā kāmā, ye ca samparāyikā kāmā; yā ca diṭṭhadhammikā kāmasaññā, yā ca samparāyikā kāmasaññā; ye ca diṭṭhadhammikā rūpā, ye ca samparāyikā rūpā; yā ca diṭṭhadhammikā rūpasaññā, yā ca samparāyikā rūpasaññā ; yā ca āneñjasaññā, yā ca ākiñcaññāyatanasaññā – sabbā saññā. Yatthetā aparisesā nirujjhanti etaṃ santaṃ etaṃ paṇītaṃ – yadidaṃ nevasaññānāsaññāyatana’nti. Tassa evaṃpaṭipannassa tabbahulavihārino āyatane cittaṃ pasīdati. Sampasāde sati etarahi vā nevasaññānāsaññāyatanaṃ samāpajjati paññāya vā adhimuccati kāyassa bhedā paraṃ maraṇā. Ṭhānametaṃ vijjati yaṃ taṃsaṃvattanikaṃ viññāṇaṃ assa nevasaññānāsaññāyatanūpagaṃ. Ayaṃ, bhikkhave, nevasaññānāsaññāyatanasappāyā paṭipadā akkhāyatī’’ti.
71. звам̣ вуд̇д̇з, ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘ид̇ха, бханд̇з, бхигку звам̣ бадибанно ход̇и – ‘но жасса, но жа мз сияаа; на бхависсад̇и, на мз бхависсад̇и; яад̣̇ад̇т̇и яам̣, бхууд̇ам̣ – д̇ам̣ баж̇ахаамий’д̇и. звам̣ убзгкам̣ бадилабхад̇и. бариниб̣б̣ааязяяа ну ко со, бханд̇з, бхигку на ваа бариниб̣б̣ааязяяаа’’д̇и? ‘‘абзд̇т̇згажжо, аананд̣̇а, бхигку бариниб̣б̣ааязяяа, абзд̇т̇згажжо бхигку на бариниб̣б̣ааязяяаа’’д̇и. ‘‘го ну ко, бханд̇з, хзд̇у го бажжаяо язнабзд̇т̇згажжо бхигку бариниб̣б̣ааязяяа, абзд̇т̇згажжо бхигку на бариниб̣б̣ааязяяаа’’д̇и? ‘‘ид̇хаананд̣̇а, бхигку звам̣ бадибанно ход̇и – ‘но жасса, но жа мз сияаа; на бхависсад̇и, на мз бхависсад̇и; яад̣̇ад̇т̇и, яам̣ бхууд̇ам̣ – д̇ам̣ баж̇ахаамий’д̇и. звам̣ убзгкам̣ бадилабхад̇и. со д̇ам̣ убзгкам̣ абхинанд̣̇ад̇и, абхивад̣̇ад̇и, аж̇жхосааяа д̇идтад̇и. д̇асса д̇ам̣ убзгкам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о д̇анниссид̇ам̣ ход̇и вин̃н̃аан̣ам̣ д̇ад̣̇убаад̣̇аанам̣. саубаад̣̇аано, аананд̣̇а, бхигку на бариниб̣б̣ааяад̇ий’’д̇и. ‘‘гахам̣ бана со, бханд̇з, бхигку убаад̣̇ияамаано убаад̣̇ияад̇ий’’д̇и? ‘‘нзвасан̃н̃аанаасан̃н̃ааяад̇анам̣, аананд̣̇аа’’д̇и. ‘‘убаад̣̇аанасздтам̣ гира со, бханд̇з, бхигку убаад̣̇ияамаано убаад̣̇ияад̇ий’’д̇и? ‘‘убаад̣̇аанасздтан̃хи со, аананд̣̇а, бхигку убаад̣̇ияамаано убаад̣̇ияад̇и. убаад̣̇аанасздтан̃хзд̇ам̣, аананд̣̇а, яад̣̇ид̣̇ам̣ – нзвасан̃н̃аанаасан̃н̃ааяад̇анам̣’’.
71. Evaṃ vutte, āyasmā ānando bhagavantaṃ etadavoca – ‘‘idha, bhante, bhikkhu evaṃ paṭipanno hoti – ‘no cassa, no ca me siyā; na bhavissati, na me bhavissati; yadatthi yaṃ, bhūtaṃ – taṃ pajahāmī’ti. Evaṃ upekkhaṃ paṭilabhati. Parinibbāyeyya nu kho so, bhante, bhikkhu na vā parinibbāyeyyā’’ti? ‘‘Apetthekacco, ānanda, bhikkhu parinibbāyeyya, apetthekacco bhikkhu na parinibbāyeyyā’’ti. ‘‘Ko nu kho, bhante, hetu ko paccayo yenapetthekacco bhikkhu parinibbāyeyya, apetthekacco bhikkhu na parinibbāyeyyā’’ti? ‘‘Idhānanda, bhikkhu evaṃ paṭipanno hoti – ‘no cassa, no ca me siyā; na bhavissati, na me bhavissati; yadatthi, yaṃ bhūtaṃ – taṃ pajahāmī’ti. Evaṃ upekkhaṃ paṭilabhati. So taṃ upekkhaṃ abhinandati, abhivadati, ajjhosāya tiṭṭhati. Tassa taṃ upekkhaṃ abhinandato abhivadato ajjhosāya tiṭṭhato tannissitaṃ hoti viññāṇaṃ tadupādānaṃ. Saupādāno, ānanda, bhikkhu na parinibbāyatī’’ti. ‘‘Kahaṃ pana so, bhante, bhikkhu upādiyamāno upādiyatī’’ti? ‘‘Nevasaññānāsaññāyatanaṃ, ānandā’’ti. ‘‘Upādānaseṭṭhaṃ kira so, bhante, bhikkhu upādiyamāno upādiyatī’’ti? ‘‘Upādānaseṭṭhañhi so, ānanda, bhikkhu upādiyamāno upādiyati. Upādānaseṭṭhañhetaṃ, ānanda, yadidaṃ – nevasaññānāsaññāyatanaṃ’’.
72. ‘‘ид̇хаананд̣̇а, бхигку звам̣ бадибанно ход̇и – ‘но жасса, но жа мз сияаа; на бхависсад̇и, на мз бхависсад̇и; яад̣̇ад̇т̇и, яам̣ бхууд̇ам̣ – д̇ам̣ баж̇ахаамий’д̇и. звам̣ убзгкам̣ бадилабхад̇и. со д̇ам̣ убзгкам̣ наабхинанд̣̇ад̇и, наабхивад̣̇ад̇и, на аж̇жхосааяа д̇идтад̇и. д̇асса д̇ам̣ убзгкам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о на д̇анниссид̇ам̣ ход̇и вин̃н̃аан̣ам̣ на д̇ад̣̇убаад̣̇аанам̣. анубаад̣̇аано, аананд̣̇а, бхигку бариниб̣б̣ааяад̇ий’’д̇и.
72. ‘‘Idhānanda, bhikkhu evaṃ paṭipanno hoti – ‘no cassa, no ca me siyā; na bhavissati, na me bhavissati; yadatthi, yaṃ bhūtaṃ – taṃ pajahāmī’ti. Evaṃ upekkhaṃ paṭilabhati. So taṃ upekkhaṃ nābhinandati, nābhivadati, na ajjhosāya tiṭṭhati. Tassa taṃ upekkhaṃ anabhinandato anabhivadato anajjhosāya tiṭṭhato na tannissitaṃ hoti viññāṇaṃ na tadupādānaṃ. Anupādāno, ānanda, bhikkhu parinibbāyatī’’ti.
73. ‘‘ажчарияам̣, бханд̇з, аб̣бхуд̇ам̣, бханд̇з! ниссааяа ниссааяа гира но, бханд̇з, бхаг̇авад̇аа огхасса нид̇т̇аран̣аа агкаад̇аа. гад̇амо бана, бханд̇з, арияо вимогко’’д̇и? ‘‘ид̇хаананд̣̇а, бхигку арияасааваго ид̇и бадисан̃жигкад̇и – ‘яз жа д̣̇идтад̇хаммигаа гаамаа, яз жа самбарааяигаа гаамаа; яаа жа д̣̇идтад̇хаммигаа гаамасан̃н̃аа, яаа жа самбарааяигаа гаамасан̃н̃аа; яз жа д̣̇идтад̇хаммигаа руубаа, яз жа самбарааяигаа руубаа; яаа жа д̣̇идтад̇хаммигаа руубасан̃н̃аа, яаа жа самбарааяигаа руубасан̃н̃аа; яаа жа аанзн̃ж̇асан̃н̃аа, яаа жа аагин̃жан̃н̃ааяад̇анасан̃н̃аа , яаа жа нзвасан̃н̃аанаасан̃н̃ааяад̇анасан̃н̃аа – зса саггааяо яаавад̇аа саггааяо. зд̇ам̣ амад̇ам̣ яад̣̇ид̣̇ам̣ анубаад̣̇аа жид̇д̇асса вимогко. ид̇и, ко, аананд̣̇а, д̣̇зсид̇аа маяаа аанзн̃ж̇асаббааяаа бадибад̣̇аа, д̣̇зсид̇аа аагин̃жан̃н̃ааяад̇анасаббааяаа бадибад̣̇аа, д̣̇зсид̇аа нзвасан̃н̃аанаасан̃н̃ааяад̇анасаббааяаа бадибад̣̇аа, д̣̇зсид̇аа ниссааяа ниссааяа огхасса нид̇т̇аран̣аа, д̣̇зсид̇о арияо вимогко. яам̣ ко, аананд̣̇а, сад̇т̇аараа гаран̣ийяам̣ саавагаанам̣ хид̇зсинаа анугамбагзна анугамбам̣ убаад̣̇ааяа, гад̇ам̣ во д̇ам̣ маяаа. зд̇аани, аананд̣̇а, ругкамуулаани, зд̇аани сун̃н̃ааг̇аараани. жхааяат̇аананд̣̇а, маа бамаад̣̇ад̇т̇а, маа бажчаа виббадисаарино ахувад̇т̇а. аяам̣ во амхаагам̣ анусаасаний’’’д̇и.
73. ‘‘Acchariyaṃ, bhante, abbhutaṃ, bhante! Nissāya nissāya kira no, bhante, bhagavatā oghassa nittharaṇā akkhātā. Katamo pana, bhante, ariyo vimokkho’’ti? ‘‘Idhānanda, bhikkhu ariyasāvako iti paṭisañcikkhati – ‘ye ca diṭṭhadhammikā kāmā, ye ca samparāyikā kāmā; yā ca diṭṭhadhammikā kāmasaññā, yā ca samparāyikā kāmasaññā; ye ca diṭṭhadhammikā rūpā, ye ca samparāyikā rūpā; yā ca diṭṭhadhammikā rūpasaññā, yā ca samparāyikā rūpasaññā; yā ca āneñjasaññā, yā ca ākiñcaññāyatanasaññā , yā ca nevasaññānāsaññāyatanasaññā – esa sakkāyo yāvatā sakkāyo. Etaṃ amataṃ yadidaṃ anupādā cittassa vimokkho. Iti, kho, ānanda, desitā mayā āneñjasappāyā paṭipadā, desitā ākiñcaññāyatanasappāyā paṭipadā, desitā nevasaññānāsaññāyatanasappāyā paṭipadā, desitā nissāya nissāya oghassa nittharaṇā, desito ariyo vimokkho. Yaṃ kho, ānanda, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, ānanda, rukkhamūlāni, etāni suññāgārāni. Jhāyathānanda, mā pamādattha, mā pacchā vippaṭisārino ahuvattha. Ayaṃ vo amhākaṃ anusāsanī’’’ti.
ид̣̇амавожа бхаг̇аваа. ад̇д̇амано ааяасмаа аананд̣̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā ānando bhagavato bhāsitaṃ abhinandīti.
аанзн̃ж̇асаббааяасуд̇д̇ам̣ нидтид̇ам̣ чадтам̣.
Āneñjasappāyasuttaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. аанзн̃ж̇асаббааяасуд̇д̇аван̣н̣анаа • 6. Āneñjasappāyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. аанзн̃ж̇асаббааяасуд̇д̇аван̣н̣анаа • 6. Āneñjasappāyasuttavaṇṇanā
