| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
6. аанзн̃ж̇асаббааяасуд̇д̇аван̣н̣анаа
6. Āneñjasappāyasuttavaṇṇanā
66. кан̣абабхан̇г̇уд̇ааяа на нижжаа на д̇хуваад̇и анижжаа. д̇ад̇о зва бан̣д̣ид̇зхи на ижжаа на убаг̇анд̇аб̣б̣аад̇иби анижжаа. со жааяам̣ анижжад̇т̇о уд̣̇аяаваяабарижчиннад̇ааяа взд̣̇ид̇аб̣б̣од̇и д̣̇ассзнд̇о, ‘‘худ̇ваа абхаавадтзна анижжаа’’д̇и ааха; уббаж̇ж̇ид̇ваа винассанад̇од̇и ад̇т̇о. аяан̃жа анижжад̇аа вагкамаанаа жа д̇ужчаад̣̇ид̇аа д̣̇виннамби гаамаанам̣ саад̇хааран̣од̇и ааха – ‘‘вад̇т̇угаамааби гилзсагаамаабий’’д̇и. рид̇д̇аа вивид̇д̇аа, д̇зсам̣ нижжасаараад̣̇ийнам̣ ад̇д̇ани абхаавад̇о д̇зхи висум̣бхууд̇аа. яат̇аа бана саб̣б̣асо сабхааварахид̇амаагаасам̣ ‘‘д̇ужчам̣ рид̇д̇а’’нд̇и вужжад̇и, на звамзд̇з. зд̇з бана гзвалам̣ нижжасаараад̣̇ивирахад̇о зва д̇ужчаа рид̇д̇аад̇и д̣̇ассзнд̇о ‘‘на банаа’’д̇иаад̣̇имааха. ‘‘на хи д̇ужчамудти наама над̇т̇ий’’д̇и ид̣̇ам̣ логасаман̃н̃аавасзна вуд̇д̇ам̣, логасаман̃н̃аа логияагат̇аа на лан̇гхид̇аб̣б̣аа.
66. Khaṇapabhaṅgutāya na niccā na dhuvāti aniccā. Tato eva paṇḍitehi na iccā na upagantabbātipi aniccā. So cāyaṃ aniccattho udayavayaparicchinnatāya veditabboti dassento, ‘‘hutvā abhāvaṭṭhena aniccā’’ti āha; uppajjitvā vinassanatoti attho. Ayañca aniccatā vakkhamānā ca tucchāditā dvinnampi kāmānaṃ sādhāraṇoti āha – ‘‘vatthukāmāpi kilesakāmāpī’’ti. Rittā vivittā, tesaṃ niccasārādīnaṃ attani abhāvato tehi visuṃbhūtā. Yathā pana sabbaso sabhāvarahitamākāsaṃ ‘‘tucchaṃ ritta’’nti vuccati, na evamete. Ete pana kevalaṃ niccasārādivirahato eva tucchā rittāti dassento ‘‘na panā’’tiādimāha. ‘‘Na hi tucchamuṭṭhi nāma natthī’’ti idaṃ lokasamaññāvasena vuttaṃ, lokasamaññā lokiyakathā na laṅghitabbā.
мусаад̇и ид̇д̇арабажжубадтаанад̇ааяа на д̣̇иссад̇ийд̇и ааха ‘‘мусаад̇и наасанагаа’’д̇и. висам̣ваад̣̇анадтзна ваа мусаа. зд̇з хи асубхаад̣̇исабхаавааби б̣аалаанам̣ субхаад̣̇ибхаавзна убадтаханд̇аа субхаад̣̇иг̇г̇ахан̣асса бажжагкабхаавзна сад̇д̇з висам̣ваад̣̇знд̇и. нассанасабхааваад̇и кан̣абхан̇г̇ад̇д̇аа ид̇д̇арабажжубадтаанад̇ааяа д̣̇иссамаанаа вияаби худ̇ваа абан̃н̃ааяанагабагад̇игаа. д̇знааха ‘‘кзд̇д̇ам̣ вияаа’’д̇иаад̣̇и. д̇хаммасад̣̇д̣̇о жзд̇т̇а ‘‘ж̇аад̇ид̇хаммаана’’нд̇иаад̣̇ийсу (д̣̇ий. ни. 2.398) вияа багад̇ибарияааяо, д̇ат̇аа сабхаавасад̣̇д̣̇о жаад̇и д̣̇адтаб̣б̣ам̣. мосад̇хаммаад̇и мосанабагад̇игаа, гусалабхан̣д̣ахаран̣асабхааваад̇и ад̇т̇о. мааяаагад̇анд̇и мааяааяа гад̇ам̣ уд̣̇агаад̣̇иман̣иаад̣̇иаагаарзна мааяаад̣̇инаа убадтаабид̇ам̣; мааяаагад̇ам̣ вияа мааяаагад̇ам̣ ан̃н̃асабхааваа худ̇ваа ад̇ат̇аа убадтаханад̇о. д̇знааха ‘‘яат̇аа’’д̇иаад̣̇и. жагкубат̇з зва гад̇авиж̇ж̇ааяа, на д̇ад̇о баранд̇и вуд̇д̇ам̣ – ‘‘д̣̇ассануубажаарз тид̇ассзва д̇ат̇аа бан̃н̃ааяад̇ий’’д̇и. д̇аяид̣̇ам̣ самб̣аравиж̇ж̇аавасзна вуд̇д̇ам̣.
Musāti ittarapaccupaṭṭhānatāya na dissatīti āha ‘‘musāti nāsanakā’’ti. Visaṃvādanaṭṭhena vā musā. Ete hi asubhādisabhāvāpi bālānaṃ subhādibhāvena upaṭṭhahantā subhādiggahaṇassa paccakkhabhāvena satte visaṃvādenti. Nassanasabhāvāti khaṇabhaṅgattā ittarapaccupaṭṭhānatāya dissamānā viyapi hutvā apaññāyanakapakatikā. Tenāha ‘‘khettaṃ viyā’’tiādi. Dhammasaddo cettha ‘‘jātidhammāna’’ntiādīsu (dī. ni. 2.398) viya pakatipariyāyo, tathā sabhāvasaddo cāti daṭṭhabbaṃ. Mosadhammāti mosanapakatikā, kusalabhaṇḍaharaṇasabhāvāti attho. Māyākatanti māyāya kataṃ udakādimaṇiādiākārena māyādinā upaṭṭhāpitaṃ; māyākataṃ viya māyākataṃ aññasabhāvā hutvā atathā upaṭṭhahanato. Tenāha ‘‘yathā’’tiādi. Cakkhupathe eva katavijjāya, na tato paranti vuttaṃ – ‘‘dassanūpacāre ṭhitasseva tathā paññāyatī’’ti. Tayidaṃ sambaravijjāvasena vuttaṃ.
звам̣ д̇аавагаалигабхаавзна гаамаанам̣ мааяаагад̇абхаавам̣ д̣̇ассзд̇ваа ид̣̇аани д̇ад̇о ан̃н̃знаби багаарзна д̣̇ассзд̇ум̣ ‘‘яат̇аа жаа’’д̇иаад̣̇и вуд̇д̇ам̣. анижжаад̣̇исабхааваанам̣ гаамаанам̣ нижжаад̣̇исабхаавад̣̇ассанам̣ вибаллаасасахаг̇ад̇ад̇ааяа взд̣̇ид̇аб̣б̣ам̣. б̣аалаанам̣ лаабанад̇од̇и абарин̃н̃аад̇авад̇т̇угаанам̣ анд̇хаб̣аалаанам̣ буг̇г̇алаанам̣ вибаллаасахзд̇уд̇о. мануссалогз тад̇ваа мануссаанам̣ ваа васзна бхаг̇авад̇аа бхаасид̇ад̇д̇аа вуд̇д̇ам̣ – ‘‘д̣̇идтад̇хаммигаа гаамаад̇и маанусагаа бан̃жа гаамаг̇ун̣аа’’д̇и . д̇ад̇о зва жа ‘‘самбарааяигаад̇и д̇з табзд̇ваа авасзсаа’’д̇иаад̣̇и вуд̇д̇ам̣. д̇ад̇т̇а д̣̇идтад̇хаммаа бажжагкасабхааваа аарамман̣абхууд̇аа зд̇аасам̣ ад̇т̇ийд̇и д̣̇идтад̇хаммигаа. самбарааяигз гаамз аараб̣бха уббаннасан̃н̃аа самбарааяигаа. д̇з самзжжа д̇хийяад̇и зд̇т̇а аан̣аад̇и д̇хзяяам̣, аан̣аабавад̇д̇идтаанам̣. маарасса д̇хзяяанд̇и маарад̇хзяяам̣ д̇асса иссарияабавад̇д̇анад̇д̇аа. д̇знааха ‘‘язхий’’д̇иаад̣̇и. г̇ахид̇анд̇и висаяависаяийбхаавзна г̇ахид̇ам̣, аарамман̣авасзна аарамман̣агаран̣авасзна жа г̇ахид̇анд̇и ад̇т̇о. д̇ад̇т̇а аарамман̣агаран̣авасзна г̇ахан̣ам̣ наама ‘‘ид̣̇ам̣ маяха’’нд̇и авибхааг̇зна бариг̇г̇ахагаран̣ам̣; аарамман̣авасзна бана г̇ахан̣ам̣ бхааг̇асо аарамман̣аанубхавананд̇и вад̣̇анд̇и. убхаяассаби бана д̇ан̣хаарааг̇авасзна г̇ахан̣ам̣ санд̇хааяа, ‘‘убхаяамзд̇ам̣ г̇ахид̇а’’нд̇и вуд̇д̇ам̣. маарод̇и гилзсамааро. яад̣̇аг̇г̇зна гилзсамааро, д̇ад̣̇аг̇г̇зна д̣̇звабуд̇д̇амаароби д̇з ад̇д̇ано васам̣ вад̇д̇зд̇и. д̇ам̣ санд̇хааяаад̇и д̇хаммамукзна буг̇г̇алаг̇г̇ахан̣ам̣ санд̇хааяа.
Evaṃ tāvakālikabhāvena kāmānaṃ māyākatabhāvaṃ dassetvā idāni tato aññenapi pakārena dassetuṃ ‘‘yathā cā’’tiādi vuttaṃ. Aniccādisabhāvānaṃ kāmānaṃ niccādisabhāvadassanaṃ vipallāsasahagatatāya veditabbaṃ. Bālānaṃ lāpanatoti apariññātavatthukānaṃ andhabālānaṃ puggalānaṃ vipallāsahetuto. Manussaloke ṭhatvā manussānaṃ vā vasena bhagavatā bhāsitattā vuttaṃ – ‘‘diṭṭhadhammikā kāmāti mānusakā pañca kāmaguṇā’’ti . Tato eva ca ‘‘samparāyikāti te ṭhapetvā avasesā’’tiādi vuttaṃ. Tattha diṭṭhadhammā paccakkhasabhāvā ārammaṇabhūtā etāsaṃ atthīti diṭṭhadhammikā. Samparāyike kāme ārabbha uppannasaññā samparāyikā. Te samecca dhīyati ettha āṇāti dheyyaṃ, āṇāpavattiṭṭhānaṃ. Mārassa dheyyanti māradheyyaṃ tassa issariyapavattanattā. Tenāha ‘‘yehī’’tiādi. Gahitanti visayavisayībhāvena gahitaṃ, ārammaṇavasena ārammaṇakaraṇavasena ca gahitanti attho. Tattha ārammaṇakaraṇavasena gahaṇaṃ nāma ‘‘idaṃ mayha’’nti avibhāgena pariggahakaraṇaṃ; ārammaṇavasena pana gahaṇaṃ bhāgaso ārammaṇānubhavananti vadanti. Ubhayassapi pana taṇhārāgavasena gahaṇaṃ sandhāya, ‘‘ubhayametaṃ gahita’’nti vuttaṃ. Māroti kilesamāro. Yadaggena kilesamāro, tadaggena devaputtamāropi te attano vasaṃ vatteti. Taṃ sandhāyāti dhammamukhena puggalaggahaṇaṃ sandhāya.
аббахийнавибаллаасаа хи буг̇г̇алаа гаамаад̇химуд̇д̇аа маарасса иссарияавад̇д̇анадтаанад̇ааяа ‘‘маарад̇хзяяа’’нд̇и вуд̇д̇аа, д̇ат̇аа маарасса ниваабаг̇ожарабарияааязхиби д̇з звам̣ вуд̇д̇аад̇и д̣̇ассзнд̇о, ‘‘яат̇аа жол̣ассаа’’д̇иаад̣̇имааха. нивабад̇ийд̇и ниваабо, со зва б̣ийж̇анд̇и ниваабаб̣ийж̇ам̣. д̇зд̇и гаамаг̇ун̣аа. яад̇т̇аад̇и яасмим̣ бад̣̇зсз.
Appahīnavipallāsā hi puggalā kāmādhimuttā mārassa issariyavattanaṭṭhānatāya ‘‘māradheyya’’nti vuttā, tathā mārassa nivāpagocarapariyāyehipi te evaṃ vuttāti dassento, ‘‘yathā coḷassā’’tiādimāha. Nivapatīti nivāpo, so eva bījanti nivāpabījaṃ. Teti kāmaguṇā. Yatthāti yasmiṃ padese.
манаси бхаваад̇и маанасаад̇и ааха ‘‘жид̇д̇асамбхууд̇аа’’д̇и. д̇з бана авиж̇ж̇аад̣̇аяо баал̣ияам̣ ааг̇ад̇аа. зван̃хи лохид̇асанниссаяо буб̣б̣о вияа анурод̇хуубаниссаяо вирод̇ход̇и д̣̇ассзнд̇о, ‘‘мамааяид̇з вад̇т̇усми’’нд̇иаад̣̇имааха. д̇зд̇хаад̇и зд̇т̇а ид̇хаад̇и нибаад̇амад̇д̇ам̣ ‘‘ид̇хаахам̣, бхигкавз, бхуд̇д̇аавий асса’’нд̇иаад̣̇ийсу (ма. ни. 1.30) вияа. гаамалоганд̇и гаамаг̇ун̣асан̇каад̇ам̣ сан̇кааралогам̣, яад̇т̇а ваа логз гаамаг̇ун̣аванд̇ам̣ логам̣. жид̇д̇зна ад̇хидтахид̇ваад̇и жхаанаарамман̣ам̣ бадибхааг̇анимид̇д̇ам̣ бхааванаажид̇д̇зна уббаад̣̇зд̇ваа. барид̇д̇ам̣ наама вигкамбханаасамад̇т̇ад̇д̇аа гилзсзхи барид̇о кан̣д̣ид̇ам̣ вияа ход̇и. д̇асса бадигкзбзнаад̇и барид̇д̇абхаавабадигкзбзна. бамаан̣анд̇иби гаамааважарамзва баабагаанам̣ бамаан̣агаран̣ад̇хаммаанам̣ вигкамбханавасзна аббаж̇аханад̇о. д̇аббадигкзбавасзна аббамаан̣ам̣ наама махаг̇г̇ад̇анд̇и ааха – ‘‘руубааважарам̣ аруубааважара’’нд̇и. самужчзд̣̇авасзна гилзсаанам̣ аббахаанзна махаг̇г̇ад̇аж̇жхаанамби субхаавид̇ам̣ наама на ход̇и, баг̇зва барид̇д̇аж̇жхаананд̇и ааха – ‘‘субхаавид̇анд̇и…бз… логуд̇д̇арассзвзд̇ам̣ наама’’нд̇и. зд̇асса васзнаад̇и ‘‘субхаавид̇а’’нд̇и бад̣̇асса васзна.
Manasi bhavāti mānasāti āha ‘‘cittasambhūtā’’ti. Te pana avijjādayo pāḷiyaṃ āgatā. Evañhi lohitasannissayo pubbo viya anurodhūpanissayo virodhoti dassento, ‘‘mamāyite vatthusmi’’ntiādimāha. Tedhāti ettha idhāti nipātamattaṃ ‘‘idhāhaṃ, bhikkhave, bhuttāvī assa’’ntiādīsu (ma. ni. 1.30) viya. Kāmalokanti kāmaguṇasaṅkhātaṃ saṅkhāralokaṃ, yattha vā loke kāmaguṇavantaṃ lokaṃ. Cittena adhiṭṭhahitvāti jhānārammaṇaṃ paṭibhāganimittaṃ bhāvanācittena uppādetvā. Parittaṃ nāma vikkhambhanaasamatthattā kilesehi parito khaṇḍitaṃ viya hoti. Tassa paṭikkhepenāti parittabhāvapaṭikkhepena. Pamāṇantipi kāmāvacarameva pāpakānaṃ pamāṇakaraṇadhammānaṃ vikkhambhanavasena appajahanato. Tappaṭikkhepavasena appamāṇaṃ nāma mahaggatanti āha – ‘‘rūpāvacaraṃ arūpāvacara’’nti. Samucchedavasena kilesānaṃ appahānena mahaggatajjhānampi subhāvitaṃ nāma na hoti, pageva parittajjhānanti āha – ‘‘subhāvitanti…pe… lokuttarassevetaṃ nāma’’nti. Etassa vasenāti ‘‘subhāvita’’nti padassa vasena.
д̇амзва бадибад̣̇анд̇и д̇амзва абхиж̇жхаад̣̇ибахаанаавахам̣ жхаанабадибад̣̇ам̣. арахад̇д̇з д̇асса убааяабхууд̇ааяа вибассанааяа ваа жад̇уд̇т̇аж̇жхаанз д̇асса убааяабхууд̇з убажаарз ваа сад̇и жид̇д̇ам̣ басаннамзва ход̇ийд̇и ааха – ‘‘арахад̇д̇ам̣ ваа…бз… убажаарам̣ ваа’’д̇и. ад̇химогкасамбасаад̣̇од̇и ‘‘аж̇ж̇зва арахад̇д̇ам̣ г̇ан̣хиссаамий’’д̇и ваа вибассанааяа вийт̇ибадибаннад̇д̇аа; ‘‘аж̇ж̇зва жад̇уд̇т̇аж̇жхаанам̣ ниб̣б̣ад̇д̇зссаамий’’д̇и ваа убажаарасамаад̇хинаа жид̇д̇асса самаахид̇ад̇д̇аа ад̇химужжанабхууд̇о самбасаад̣̇о. бадилаабхасамбасаад̣̇од̇и арахад̇д̇асса жад̇уд̇т̇аж̇жхаанасса ваа ад̇хиг̇амасан̇каад̇о самбасаад̣̇о. бадилаабхоби хи гилзсагаалусияаабхибхаванад̇о жид̇д̇асса суббасаннабхааваавахад̇д̇аа ‘‘самбасаад̣̇о’’д̇и вуд̇д̇о. бажжаяаад̇и наамаруубабажжаяаа авиж̇ж̇аад̣̇аяо. саб̣б̣ат̇аад̇и самуд̣̇аяад̇о ад̇т̇ан̇г̇амад̇о ассаад̣̇ад̇о аад̣̇ийнавад̇о ниссаран̣ад̇од̇и саб̣б̣аббагаарзна. аасаад̇и ад̇химужжанавасзна аасийсанаа. д̇знааха – ‘‘аасаа санд̇идтад̇и, ад̇химогкам̣ бадилабхад̇ий’’д̇и.
Tameva paṭipadanti tameva abhijjhādipahānāvahaṃ jhānapaṭipadaṃ. Arahatte tassa upāyabhūtāya vipassanāya vā catutthajjhāne tassa upāyabhūte upacāre vā sati cittaṃ pasannameva hotīti āha – ‘‘arahattaṃ vā…pe… upacāraṃ vā’’ti. Adhimokkhasampasādoti ‘‘ajjeva arahattaṃ gaṇhissāmī’’ti vā vipassanāya vīthipaṭipannattā; ‘‘ajjeva catutthajjhānaṃ nibbattessāmī’’ti vā upacārasamādhinā cittassa samāhitattā adhimuccanabhūto sampasādo. Paṭilābhasampasādoti arahattassa catutthajjhānassa vā adhigamasaṅkhāto sampasādo. Paṭilābhopi hi kilesakālusiyābhibhavanato cittassa suppasannabhāvāvahattā ‘‘sampasādo’’ti vutto. Paccayāti nāmarūpapaccayā avijjādayo. Sabbathāti samudayato atthaṅgamato assādato ādīnavato nissaraṇatoti sabbappakārena. Āsāti adhimuccanavasena āsīsanā. Tenāha – ‘‘āsā santiṭṭhati, adhimokkhaṃ paṭilabhatī’’ti.
баад̣̇аганд̇и бад̣̇адтаанам̣. гилзсаа саннисийд̣̇анд̇ийд̇и нийваран̣асахаг̇ад̇аа зва гилзсаа вигкамбханавасзна вуубасаманд̇и. сад̇ийд̇и убажаараж̇жхаанаавахаа сад̇и санд̇идтад̇и. сан̇каараг̇ад̇анд̇и бхааванааяа самад̇ааяа бавад̇д̇амаанад̇д̇аа, имз д̇хаммавижаяасамб̣ож̇жхан̇г̇аад̣̇аяо згарасаа худ̇ваа бавад̇д̇анд̇ийд̇и, бхааванаажид̇д̇уббаад̣̇абарияаабаннам̣ сан̇каараг̇ад̇ам̣ вибхууд̇ам̣ баагадам̣ худ̇ваа убадтаад̇и. жид̇д̇уббаад̣̇од̇и бхааванаажид̇д̇уббаад̣̇о. лзбабин̣д̣зд̇и силзсабин̣д̣з лаг̇г̇амаано вияа аббид̇о вияа ход̇и. убажаарзна самаад̇хияад̇и убажаараж̇жхаанзна самаад̇хияад̇и. аяанд̇и аяам̣ д̣̇увид̇хоби ад̇химужжанаагааро ад̇химогкасамбасаад̣̇о наама. д̇асмим̣ самбасаад̣̇з сад̇ийд̇и зд̇асмим̣ вибассанаалагкан̣з, убажаараж̇жхаанз ваа ад̇химогкасамбасаад̣̇з сад̇и. яо бана арахад̇д̇ам̣ ваа бадилабхад̇и жад̇уд̇т̇аж̇жхаанам̣ ваа, д̇асса жид̇д̇ам̣ виббасаннам̣ ход̇иязва, аяам̣ ниббарияааяад̇о бадилаабхасамбасаад̣̇о, звам̣ санд̇зби ид̇хаамиббзд̇амзва д̣̇ассзд̇ум̣ , ‘‘ид̇ха банаа’’д̇иаад̣̇и вуд̇д̇ам̣. вибассанаа хийд̇иаад̣̇и вуд̇д̇асса самад̇т̇анам̣. д̇ад̇т̇а бан̃н̃ааяаад̇и арахад̇д̇абан̃н̃ааяа. ад̇химужжанассаад̇и сад̣̇д̣̇аханам̣ уссуггаабаж̇ж̇анасса. убажааранд̇и убажаараж̇жхаанам̣. аанзн̃ж̇асамаабад̇д̇ияаа ад̇химужжанасса гааран̣анд̇и яож̇анаа.
Pādakanti padaṭṭhānaṃ. Kilesā sannisīdantīti nīvaraṇasahagatā eva kilesā vikkhambhanavasena vūpasamanti. Satīti upacārajjhānāvahā sati santiṭṭhati. Saṅkhāragatanti bhāvanāya samatāya pavattamānattā, ime dhammavicayasambojjhaṅgādayo ekarasā hutvā pavattantīti, bhāvanācittuppādapariyāpannaṃ saṅkhāragataṃ vibhūtaṃ pākaṭaṃ hutvā upaṭṭhāti. Cittuppādoti bhāvanācittuppādo. Lepapiṇḍeti silesapiṇḍe laggamāno viya appito viya hoti. Upacārena samādhiyati upacārajjhānena samādhiyati. Ayanti ayaṃ duvidhopi adhimuccanākāro adhimokkhasampasādo nāma. Tasmiṃ sampasāde satīti etasmiṃ vipassanālakkhaṇe, upacārajjhāne vā adhimokkhasampasāde sati. Yo pana arahattaṃ vā paṭilabhati catutthajjhānaṃ vā, tassa cittaṃ vippasannaṃ hotiyeva, ayaṃ nippariyāyato paṭilābhasampasādo, evaṃ santepi idhāmippetameva dassetuṃ , ‘‘idha panā’’tiādi vuttaṃ. Vipassanā hītiādi vuttassa samatthanaṃ. Tattha paññāyāti arahattapaññāya. Adhimuccanassāti saddahanaṃ ussukkāpajjanassa. Upacāranti upacārajjhānaṃ. Āneñjasamāpattiyā adhimuccanassa kāraṇanti yojanā.
зд̇арахи ваад̇и ид̣̇аанимзва. аанзн̃ж̇ам̣ ваад̇и жад̇уд̇т̇аж̇жхаанам̣ ваа. самаабаж̇ж̇ад̇ийд̇и ад̇хиг̇ажчад̇и. ид̣̇ам̣ хийд̇иаад̣̇инаа сан̇кзбад̇о вуд̇д̇амад̇т̇ам̣ виварад̇и. арахад̇д̇асажчигирияаа наама аг̇г̇амаг̇г̇абхааванааяа сад̇и ад̇т̇ад̇о аабаннаа ход̇и, аг̇г̇амаг̇г̇абан̃н̃аа зва д̇ад̣̇ад̇т̇ам̣ ад̇химужжид̇аб̣б̣аад̇и д̣̇ассзнд̇о, ‘‘ат̇а ваа’’д̇и вигаббанд̇арамааха. д̇ад̇т̇а яат̇аа наама баасаад̣̇асса ад̇т̇ааяа самаанийд̇ад̣̇аб̣б̣асамбхаарааваяавз аббахонд̇з гуудааг̇аарам̣ гаад̇ум̣ на бахонд̇иязва, звам̣самбад̣̇амид̣̇анд̇и д̣̇ассзнд̇о, ‘‘д̇ам̣ анабхисамбхун̣анд̇о аанзн̃ж̇ам̣ ваа самаабаж̇ж̇ад̇ий’’д̇и ааха. жад̇усажжам̣ ваа сажчигарод̇и хздтимамаг̇г̇аад̇хиг̇аманавасзна аанзн̃ж̇ам̣ ваа самаабаж̇ж̇ад̇и убхаяассаби хзд̇убариг̇г̇ахид̇ад̇д̇аа.
Etarahi vāti idānimeva. Āneñjaṃ vāti catutthajjhānaṃ vā. Samāpajjatīti adhigacchati. Idaṃ hītiādinā saṅkhepato vuttamatthaṃ vivarati. Arahattasacchikiriyā nāma aggamaggabhāvanāya sati atthato āpannā hoti, aggamaggapaññā eva tadatthaṃ adhimuccitabbāti dassento, ‘‘atha vā’’ti vikappantaramāha. Tattha yathā nāma pāsādassa atthāya samānītadabbasambhārāvayave appahonte kūṭāgāraṃ kātuṃ na pahontiyeva, evaṃsampadamidanti dassento, ‘‘taṃ anabhisambhuṇanto āneñjaṃ vā samāpajjatī’’ti āha. Catusaccaṃvā sacchikaroti heṭṭhimamaggādhigamanavasena āneñjaṃ vā samāpajjati ubhayassapi hetupariggahitattā.
д̇ад̇раад̇и д̇асмим̣ ‘‘бан̃н̃ааяа ваа ад̇химужжад̇и, аанзн̃ж̇ам̣ ваа самаабаж̇ж̇ад̇ий’’д̇и яат̇аавуд̇д̇з висзсаад̇хиг̇амз аяам̣ ид̣̇аани вужжамаано яож̇анаанаяо. звам̣ ход̇ийд̇и ид̣̇аани вужжамаанаагаарзна жид̇д̇аабхинийхааро ход̇и. гижжанд̇и баб̣б̣аж̇ид̇агижжам̣. д̇ад̇од̇и арахад̇д̇аад̇хиг̇аманад̇о. осаггид̇амаанасод̇и сам̣гужид̇ажид̇д̇о. анд̇араа на д̇идтад̇ийд̇и асамаахид̇абхуумияам̣ на д̇идтад̇и. ид̣̇аани яат̇аавуд̇д̇амад̇т̇ам̣ убамааяа вибхаавзд̇ум̣ ‘‘яат̇аа’’д̇иаад̣̇и вуд̇д̇ам̣. д̇ад̇рааяам̣ сан̇кзбад̇т̇о – яат̇аа д̇асса бурисасса ванамахим̣сам̣ г̇ахзд̇ум̣ уссаахавад̇о осагганд̇асса сасаг̇од̇хаад̣̇иг̇г̇ахан̣з вад̇д̇аб̣б̣амзва над̇т̇и, звам̣ имассаби бхигкуно арахад̇д̇ам̣ г̇ахзд̇ум̣ уссаахавад̇о д̇ад̇о осаггид̇ваа жад̇уд̇т̇аж̇жхаанасамаабаж̇ж̇анз вад̇д̇аб̣б̣амзва над̇т̇ийд̇и. зсзва наяод̇и яат̇аавуд̇д̇ам̣ убамам̣ убамаасам̣санд̣̇анан̃жа маг̇г̇абхааванааяож̇анааяам̣ жад̇усажжасажчигирияааяож̇анааяан̃жа ад̇ид̣̇исад̇и.
Tatrāti tasmiṃ ‘‘paññāya vā adhimuccati, āneñjaṃ vā samāpajjatī’’ti yathāvutte visesādhigame ayaṃ idāni vuccamāno yojanānayo. Evaṃ hotīti idāni vuccamānākārena cittābhinīhāro hoti. Kiccanti pabbajitakiccaṃ. Tatoti arahattādhigamanato. Osakkitamānasoti saṃkucitacitto. Antarā na tiṭṭhatīti asamāhitabhūmiyaṃ na tiṭṭhati. Idāni yathāvuttamatthaṃ upamāya vibhāvetuṃ ‘‘yathā’’tiādi vuttaṃ. Tatrāyaṃ saṅkhepattho – yathā tassa purisassa vanamahiṃsaṃ gahetuṃ ussāhavato osakkantassa sasagodhādiggahaṇe vattabbameva natthi, evaṃ imassapi bhikkhuno arahattaṃ gahetuṃ ussāhavato tato osakkitvā catutthajjhānasamāpajjane vattabbameva natthīti. Eseva nayoti yathāvuttaṃ upamaṃ upamāsaṃsandanañca maggabhāvanāyojanāyaṃ catusaccasacchikiriyāyojanāyañca atidisati.
хзд̇уад̇т̇аж̇од̇ано яанд̇и нибаад̇о, гаран̣з ваа зд̇ам̣ бажжад̇д̇аважананд̇и ааха ‘‘язна гааран̣знаа’’д̇и. д̇асса сам̣вад̇д̇анам̣ арахад̇и, д̇ам̣ ваа баяож̇анам̣ зд̇ассаад̇и д̇ам̣сам̣вад̇д̇анигам̣. вин̃н̃аан̣анд̇и вибаагавин̃н̃аан̣ам̣. аанзн̃ж̇асабхаавам̣ убаг̇ажчад̇ийд̇и аанзн̃ж̇уубаг̇ам̣. яат̇аа гусалам̣ аанзн̃ж̇асабхаавам̣, звам̣ д̇ам̣ вибаагавин̃н̃аан̣амби аанзн̃ж̇асабхаавам̣ убаг̇ад̇ам̣ асса бхавзяяа. д̇знааха – ‘‘гаад̣̇исамзва бхавзяяаад̇и ад̇т̇о’’д̇и. гзжийд̇и абхаяаг̇ириваасино. гусалавин̃н̃аан̣анд̇и вибаагавин̃н̃аан̣амби д̇ам̣ гусалам̣ вияа вад̣̇анд̇и. д̇аннаамагамзваад̇и гусалам̣ вияа аанзн̃ж̇анаамагамзва сияаа. зд̇т̇а жа буримавигаббз ‘‘аанзн̃ж̇уубаг̇а’’нд̇и д̇ам̣сад̣̇исад̇аа вуд̇д̇аа, д̣̇уд̇ияавигаббз д̇ад̇о зва д̇ам̣саман̃н̃ад̇аа. со банааяамад̇т̇од̇и аанзн̃ж̇асад̣̇исад̇ааяа вибаагагаалзби д̇ам̣наамагамзва ассаад̇и яат̇аавуд̇д̇о ад̇т̇о. иминаа наязнаад̇и иминаа вуд̇д̇анаязна. зд̇т̇а хи аанзн̃ж̇аабхисан̇каарахзд̇увибаагавин̃н̃аан̣ам̣ ‘‘аанзн̃ж̇уубаг̇ам̣ ход̇и вин̃н̃аан̣а’’нд̇и вуд̇д̇ад̇д̇аа д̇ам̣наамагамзва гад̇ваа д̣̇ийбид̇ам̣. арахад̇д̇ассаабийд̇и абисад̣̇д̣̇зна аг̇г̇амаг̇г̇абхааванааяаби хздтимамаг̇г̇абхааванааяабийд̇и ад̇т̇о сан̇г̇ахид̇од̇и д̣̇адтаб̣б̣о. самаад̇хивасзна осагганаа гат̇ид̇аад̇и ‘‘вибулзна махаг̇г̇ад̇зна жзд̇асаа вихарзяяа’’нд̇и самат̇анаяам̣ д̣̇ассзд̇ваа д̣̇зсанаа гат̇ид̇аа.
Hetuatthajotano yanti nipāto, karaṇe vā etaṃ paccattavacananti āha ‘‘yena kāraṇenā’’ti. Tassa saṃvattanaṃ arahati, taṃ vā payojanaṃ etassāti taṃsaṃvattanikaṃ. Viññāṇanti vipākaviññāṇaṃ. Āneñjasabhāvaṃ upagacchatīti āneñjūpagaṃ. Yathā kusalaṃ āneñjasabhāvaṃ, evaṃ taṃ vipākaviññāṇampi āneñjasabhāvaṃ upagataṃ assa bhaveyya. Tenāha – ‘‘kādisameva bhaveyyāti attho’’ti. Kecīti abhayagirivāsino. Kusalaviññāṇanti vipākaviññāṇampi taṃ kusalaṃ viya vadanti. Tannāmakamevāti kusalaṃ viya āneñjanāmakameva siyā. Ettha ca purimavikappe ‘‘āneñjūpaga’’nti taṃsadisatā vuttā, dutiyavikappe tato eva taṃsamaññatā. So panāyamatthoti āneñjasadisatāya vipākakālepi taṃnāmakameva assāti yathāvutto attho. Iminā nayenāti iminā vuttanayena. Ettha hi āneñjābhisaṅkhārahetuvipākaviññāṇaṃ ‘‘āneñjūpagaṃ hoti viññāṇa’’nti vuttattā taṃnāmakameva katvā dīpitaṃ. Arahattassāpīti apisaddena aggamaggabhāvanāyapi heṭṭhimamaggabhāvanāyapīti attho saṅgahitoti daṭṭhabbo. Samādhivasena osakkanā kathitāti ‘‘vipulena mahaggatena cetasā vihareyya’’nti samathanayaṃ dassetvā desanā kathitā.
67. аяан̃хи бхигкууд̇и яам̣ уд̣̇д̣̇исса аяам̣ д̣̇уд̇ияаанзн̃ж̇асаббааяад̣̇зсанааяа бхигку вуд̇д̇о. бан̃н̃аванд̇ад̇арод̇и вад̇ваа д̇ам̣ д̣̇ассзд̇ум̣, ‘‘д̣̇виннамби гаммадтаанам̣ згад̇о гад̇ваа саммасад̇ий’’д̇и вуд̇д̇ам̣. хздтимасса хи ‘‘яз жа д̣̇идтад̇хаммигаа гаамаа’’д̇иаад̣̇инаа руубасад̣̇д̣̇аг̇анд̇харасаподтаб̣б̣аанзва руубамукзна вибассанаабхинивзсо гад̇о, имасса бана ‘‘яам̣ гин̃жи рууба’’нд̇иаад̣̇инаа сагаларуубад̇хаммавасзна. бхаг̇аваа хи гаммадтаанам̣ гат̇знд̇о гаммадтаанигасса бхигкуно гааран̣аб̣алаануруубамзва батамам̣ бхааванаабхинивзсам̣ д̣̇ассзд̇и; со бажчаа н̃аан̣з вибулам̣ г̇ажчанд̇з анавасзсад̇о д̇хаммам̣ бариг̇г̇ан̣хаад̇и. руубабадиб̣ааханзнаад̇и руубавирааг̇абхааванааяа саб̣б̣асо самад̇иггамзна. саб̣б̣ад̇т̇аад̇и саб̣б̣зсу д̇ад̇ияаанзн̃ж̇аад̣̇ийсу.
67.Ayañhi bhikkhūti yaṃ uddissa ayaṃ dutiyāneñjasappāyadesanāya bhikkhu vutto. Paññavantataroti vatvā taṃ dassetuṃ, ‘‘dvinnampi kammaṭṭhānaṃ ekato katvā sammasatī’’ti vuttaṃ. Heṭṭhimassa hi ‘‘ye ca diṭṭhadhammikā kāmā’’tiādinā rūpasaddagandharasaphoṭṭhabbāneva rūpamukhena vipassanābhiniveso kato, imassa pana ‘‘yaṃ kiñci rūpa’’ntiādinā sakalarūpadhammavasena. Bhagavā hi kammaṭṭhānaṃ kathento kammaṭṭhānikassa bhikkhuno kāraṇabalānurūpameva paṭhamaṃ bhāvanābhinivesaṃ dasseti; so pacchā ñāṇe vipulaṃ gacchante anavasesato dhammaṃ pariggaṇhāti. Rūpapaṭibāhanenāti rūpavirāgabhāvanāya sabbaso samatikkamena. Sabbatthāti sabbesu tatiyāneñjādīsu.
бан̃н̃аванд̇ад̇арод̇и бан̃н̃уд̇д̇аро. д̇ин̣н̣амби гаммадтаанам̣ згад̇о гад̇ваад̇и гаамаг̇ун̣аа саб̣б̣аруубад̇хаммаа гаамасан̃н̃аад̇и звам̣ д̇ин̣н̣ам̣ буг̇г̇алаанам̣ гаммадтаанавасзна д̇ид̇хаа вуд̇д̇з саммасануубаг̇ад̇хаммз згад̇о гад̇ваа, ‘‘саб̣б̣амзд̇ам̣ анижжа’’нд̇и згаж̇жхам̣ г̇ахзд̇ваа, саммасад̇и яат̇аа – ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и (д̣̇ий. ни. 1.298; сам̣. ни. 5.1081; махаава. 16; жуул̣ани. аж̇ид̇амаан̣авабужчаанид̣̇д̣̇зса 4, 7, 8; д̇иссамзд̇д̇зяяамаан̣авабужчаанид̣̇д̣̇зса 10, 11; бади. ма. 2.30). д̇знааха – ‘‘убхаяамзд̇ам̣ анижжа’’нд̇иаад̣̇и. гаамаруубасан̃н̃аавасзна д̣̇идтад̇хаммигасамбарааяигабхзд̣̇ад̇о адта згзгагодтаасаад̇и звам̣ гад̇ам̣ убхаяанд̇и вуд̇д̇анд̇и ааха – ‘‘д̣̇идтад̇хаммига…бз… васзна сан̇кибид̇ваа убхаяанд̇и вуд̇д̇а’’нд̇и. д̇ан̣хаад̣̇идтивасзнаад̇и д̇ан̣хаабхинанд̣̇анаавасзна ‘‘зд̇ам̣ мамаа’’д̇и, д̣̇идтаабхинанд̣̇анаавасзна ‘‘зсо мз ад̇д̇аа’’д̇и звам̣ абхинанд̣̇ид̇ум̣. зсзва наяод̇и иминаа д̇ан̣хаад̣̇идтивасзна ‘‘зд̇ам̣ мама, зсо мз ад̇д̇аа’’д̇и абхинанд̣̇ид̇ум̣ аж̇жхосааяа г̇илид̇ваа баринидтаабзд̇ваа таад̇унд̇и имамад̇т̇ам̣ ад̇ид̣̇исад̇и. гаамабадиб̣ааханзнаад̇и ид̣̇ам̣ ааг̇аманабадибад̣̇аад̣̇ассанад̇т̇ам̣, ван̣н̣абхан̣анад̇т̇ан̃жа вуд̇д̇ам̣. руубабадиб̣ааханам̣ хисса аасаннам̣, д̇ад̇оби аагаасаанан̃жааяад̇анасамад̇иггамо, д̇ам̣самад̇иггамзна сахзва саб̣б̣з д̇аа вибассанаавасзна осагганаа гат̇ид̇аа ‘‘убхаяамзд̇ам̣ анижжа’’нд̇иаад̣̇иважанад̇о.
Paññavantataroti paññuttaro. Tiṇṇampi kammaṭṭhānaṃ ekato katvāti kāmaguṇā sabbarūpadhammā kāmasaññāti evaṃ tiṇṇaṃ puggalānaṃ kammaṭṭhānavasena tidhā vutte sammasanūpagadhamme ekato katvā, ‘‘sabbametaṃ anicca’’nti ekajjhaṃ gahetvā, sammasati yathā – ‘‘yaṃ kiñci samudayadhammaṃ, sabbaṃ taṃ nirodhadhamma’’nti (dī. ni. 1.298; saṃ. ni. 5.1081; mahāva. 16; cūḷani. ajitamāṇavapucchāniddesa 4, 7, 8; tissametteyyamāṇavapucchāniddesa 10, 11; paṭi. ma. 2.30). Tenāha – ‘‘ubhayametaṃ anicca’’ntiādi. Kāmarūpasaññāvasena diṭṭhadhammikasamparāyikabhedato aṭṭha ekekakoṭṭhāsāti evaṃ kataṃ ubhayanti vuttanti āha – ‘‘diṭṭhadhammika…pe… vasena saṅkhipitvā ubhayanti vutta’’nti. Taṇhādiṭṭhivasenāti taṇhābhinandanāvasena ‘‘etaṃ mamā’’ti, diṭṭhābhinandanāvasena ‘‘eso me attā’’ti evaṃ abhinandituṃ. Eseva nayoti iminā taṇhādiṭṭhivasena ‘‘etaṃ mama, eso me attā’’ti abhinandituṃ ajjhosāya gilitvā pariniṭṭhāpetvā ṭhātunti imamatthaṃ atidisati. Kāmapaṭibāhanenāti idaṃ āgamanapaṭipadādassanatthaṃ, vaṇṇabhaṇanatthañca vuttaṃ. Rūpapaṭibāhanaṃ hissa āsannaṃ, tatopi ākāsānañcāyatanasamatikkamo, taṃsamatikkamena saheva sabbe tā vipassanāvasena osakkanā kathitā ‘‘ubhayametaṃ anicca’’ntiādivacanato.
68. ид̇ха ад̇д̇ано жаад̇и аагин̃жан̃н̃ааяад̇анагаммадтаанам̣ санд̇хааяааха. нируж̇жханд̇и д̇аббадиб̣ад̣̇д̇хачанд̣̇арааг̇анирод̇хзна, самаабаж̇ж̇анагкан̣з бана ануббаад̣̇анзнаби. д̇знааха ‘‘аагин̃жан̃н̃ааяад̇анам̣ бад̇ваа’’д̇и. ад̇аббагадтзнаад̇и ул̣аарад̇арабхаавзна жхаанасамаабад̇д̇ияаа ад̇ид̇д̇игарабхаавзна. д̇амзва бадибад̣̇анд̇и аагин̃жан̃н̃ааяад̇анабхааванамааха. самаад̇хивасзна осагганаа гат̇ид̇аа д̇ад̇ияааруббагаммадтаанасса вуд̇д̇ад̇д̇аа ‘‘яад̇т̇зд̇аа’’д̇иаад̣̇инаа.
68. Idha attano cāti ākiñcaññāyatanakammaṭṭhānaṃ sandhāyāha. Nirujjhanti tappaṭibaddhachandarāganirodhena, samāpajjanakkhaṇe pana anuppādanenapi. Tenāha ‘‘ākiñcaññāyatanaṃ patvā’’ti. Atappakaṭṭhenāti uḷāratarabhāvena jhānasamāpattiyā atittikarabhāvena. Tameva paṭipadanti ākiñcaññāyatanabhāvanamāha. Samādhivasena osakkanā kathitā tatiyāruppakammaṭṭhānassa vuttattā ‘‘yatthetā’’tiādinā.
ид̇ха ад̇д̇анод̇и д̣̇вигодигасун̃н̃ад̇ааманасигаарасан̇каад̇ам̣ вибассанаагаммадтаанам̣. хздтаа вуд̇д̇абадибад̣̇анд̇и ананд̇арам̣ вуд̇д̇ааагин̃жан̃н̃ааяад̇анагаммадтаанам̣. сад̇и самат̇абхааванааяам̣ сун̃н̃ад̇ааманасигаарасса ид̇ха саад̇исаяад̇д̇аа вуд̇д̇ам̣. ‘‘д̣̇уд̇ияаагин̃жан̃н̃ааяад̇анз вибассанаавасзна осагганаа гат̇ид̇аа’’д̇и.
Idha attanoti dvikoṭikasuññatāmanasikārasaṅkhātaṃ vipassanākammaṭṭhānaṃ. Heṭṭhā vuttapaṭipadanti anantaraṃ vuttaākiñcaññāyatanakammaṭṭhānaṃ. Sati samathabhāvanāyaṃ suññatāmanasikārassa idha sātisayattā vuttaṃ. ‘‘Dutiyākiñcaññāyatane vipassanāvasena osakkanā kathitā’’ti.
70. д̇ад̇ияаагин̃жан̃н̃ааяад̇анз ад̇д̇анод̇и жад̇угодигасун̃н̃ад̇ааманасигаарасан̇каад̇ам̣ вибассанаагаммадтаанам̣. зд̇т̇аад̇и зд̇асмим̣ сун̃н̃ад̇аанубассанаад̇хигаарз. гважийд̇и гад̇т̇ажи таанз, гаалз, д̇хаммз ваа. ат̇а ваа гважийд̇и аж̇жхад̇д̇ам̣, б̣ахид̣̇д̇хаа ваа. ад̇д̇ано ад̇д̇аананд̇и сагад̇д̇аанам̣. ‘‘аяам̣ ко, бхо б̣рахмаа…бз… васий бид̇аа бхууд̇абхаб̣яаана’’нд̇иаад̣̇инаа (д̣̇ий. ни. 1.42) барабаригаббид̇ам̣ ад̇д̇аанан̃жа гассажи гин̃жанабхууд̇ам̣ на бассад̇ийд̇и д̣̇ассзнд̇о ‘‘гассажий’’д̇иаад̣̇имааха. д̇ад̇т̇а барассаад̇и ‘‘бараа баж̇аа’’д̇и ‘‘баро бурисо’’д̇и жа звам̣ г̇ахид̇асса. на жа мама гважанийд̇и зд̇т̇а мама-сад̣̇д̣̇о адтаанабаяуд̇д̇од̇и ааха ‘‘мамасад̣̇д̣̇ам̣ д̇аава табзд̇ваа’’д̇и. барасса жаад̇и ад̇д̇ад̇о ан̃н̃асса, ‘‘баро бурисо наама ад̇т̇и мамад̇т̇ааяа саж̇ид̇о, д̇асса васзна маяхам̣ саб̣б̣ам̣ иж̇жхад̇ий’’д̇и звам̣ згажжад̣̇идтиг̇ад̇игабаригаббид̇авасзна барам̣ ад̇д̇аанам̣, д̇ан̃жа ад̇д̇ано гин̃жанабхууд̇ам̣ на бассад̇ийд̇и д̣̇ассзнд̇о, ‘‘на жа гважаний’’д̇иаад̣̇имааха. зд̇т̇а жа наахам̣ гважанийд̇и сагаад̇д̇ано абхаавам̣ бассад̇и. на гассажи гин̃жанад̇асминд̇и сагаад̇д̇ано зва гассажи анад̇д̇анияад̇ам̣ бассад̇и. на жа, мамаад̇и зд̇ам̣ д̣̇ваяам̣ яат̇аасан̇кяам̣ самб̣анд̇хид̇аб̣б̣ам̣, ад̇т̇ийд̇и бажжзгам̣. ‘‘на жа гважани барасса ад̇д̇аа ад̇т̇ий’’д̇и барасса ад̇д̇ано абхаавам̣ бассад̇и, ‘‘д̇асса барасса ад̇д̇ано мама гисмин̃жи гин̃жанад̇аа на жад̇т̇ий’’д̇и барасса ад̇д̇ано анад̇д̇анияад̇ам̣ бассад̇и. звам̣ аж̇жхад̇д̇ам̣ б̣ахид̣̇д̇хаа жа канд̇хаанам̣ ад̇д̇ад̇д̇анияасун̃н̃ад̇аа суд̣̇д̇хасан̇каарабун̃ж̇ад̇аа жад̇угодигасун̃н̃ад̇аабариг̇г̇ан̣ханзна д̣̇идтаа ход̇и. хздтаа вуд̇д̇абадибад̣̇анд̇и ид̇хааби аагин̃жан̃н̃ааяад̇анагаммадтаанамзва вад̣̇ад̇и. вибассанаавасзнзва осагганаа гат̇ид̇аа жад̇угодигасун̃н̃ад̇аад̣̇ассанависзсабхаавад̇о, д̇аббад̇хаанад̇д̇аа жасса манасигаарасса.
70. Tatiyākiñcaññāyatane attanoti catukoṭikasuññatāmanasikārasaṅkhātaṃ vipassanākammaṭṭhānaṃ. Etthāti etasmiṃ suññatānupassanādhikāre. Kvacīti katthaci ṭhāne, kāle, dhamme vā. Atha vā kvacīti ajjhattaṃ, bahiddhā vā. Attano attānanti sakattānaṃ. ‘‘Ayaṃ kho, bho brahmā…pe… vasī pitā bhūtabhabyāna’’ntiādinā (dī. ni. 1.42) paraparikappitaṃ attānañca kassaci kiñcanabhūtaṃ na passatīti dassento ‘‘kassacī’’tiādimāha. Tattha parassāti ‘‘parā pajā’’ti ‘‘paro puriso’’ti ca evaṃ gahitassa. Na ca mama kvacanīti ettha mama-saddo aṭṭhānapayuttoti āha ‘‘mamasaddaṃ tāva ṭhapetvā’’ti. Parassa cāti attato aññassa, ‘‘paro puriso nāma atthi mamatthāya sajito, tassa vasena mayhaṃ sabbaṃ ijjhatī’’ti evaṃ ekaccadiṭṭhigatikaparikappitavasena paraṃ attānaṃ, tañca attano kiñcanabhūtaṃ na passatīti dassento, ‘‘na ca kvacanī’’tiādimāha. Ettha ca nāhaṃ kvacanīti sakaattano abhāvaṃ passati. Na kassaci kiñcanatasminti sakaattano eva kassaci anattaniyataṃ passati. Na ca, mamāti etaṃ dvayaṃ yathāsaṅkhyaṃ sambandhitabbaṃ, atthīti paccekaṃ. ‘‘Na ca kvacani parassa attā atthī’’ti parassa attano abhāvaṃ passati, ‘‘tassa parassa attano mama kismiñci kiñcanatā na catthī’’ti parassa attano anattaniyataṃ passati. Evaṃ ajjhattaṃ bahiddhā ca khandhānaṃ attattaniyasuññatā suddhasaṅkhārapuñjatā catukoṭikasuññatāpariggaṇhanena diṭṭhā hoti. Heṭṭhā vuttapaṭipadanti idhāpi ākiñcaññāyatanakammaṭṭhānameva vadati. Vipassanāvaseneva osakkanā kathitā catukoṭikasuññatādassanavisesabhāvato, tappadhānattā cassa manasikārassa.
ид̇ха ад̇д̇анод̇и нзвасан̃н̃аанаасан̃н̃ааяад̇анагаммадтаанамааха. саб̣б̣асан̃н̃аад̇и руубасан̃н̃аа бадигхасан̃н̃аа наанад̇д̇асан̃н̃аа хздтимаа д̇иссо аруубасан̃н̃аад̇и звам̣ саб̣б̣асан̃н̃аа анавасзсаа нируж̇жханд̇ийд̇и вад̣̇анд̇и. ‘‘хздтаа вуд̇д̇аа’’д̇и бана висзсид̇ад̇д̇аа имасмим̣ ааг̇ад̇аа жад̇уд̇т̇аж̇жхаанасан̃н̃аад̣̇аяо аби сан̃н̃аад̇и абарз. д̇анд̇и саммуд̇имад̇д̇ам̣ гаамасан̃н̃аабадиб̣ааханавасзнзва д̇зсам̣ наанад̇д̇асан̃н̃аад̣̇инирод̇хасса ад̇т̇асид̣̇д̇хад̇д̇аа. самаад̇хивасзна осагганаа гат̇ид̇аа нзвасан̃н̃аанаасан̃н̃ааяад̇анабхааванааяа самат̇агаммадтаанабхаавад̇о.
Idha attanoti nevasaññānāsaññāyatanakammaṭṭhānamāha. Sabbasaññāti rūpasaññā paṭighasaññā nānattasaññā heṭṭhimā tisso arūpasaññāti evaṃ sabbasaññā anavasesā nirujjhantīti vadanti. ‘‘Heṭṭhā vuttā’’ti pana visesitattā imasmiṃ āgatā catutthajjhānasaññādayo api saññāti apare. Tanti sammutimattaṃ kāmasaññāpaṭibāhanavaseneva tesaṃ nānattasaññādinirodhassa atthasiddhattā. Samādhivasena osakkanā kathitā nevasaññānāsaññāyatanabhāvanāya samathakammaṭṭhānabhāvato.
71. буб̣б̣з бан̃жавид̇хам̣ гаммавадданд̇и буримагаммабхавасмим̣ мохо авиж̇ж̇аа ааяууханаа сан̇каараа ниганд̇ид̇ан̣хаа убаг̇аманам̣ убаад̣̇аанам̣ жзд̇анаа бхавод̇и звамааг̇ад̇о сабаригкааро гаммаббаб̣анд̇хо. на ааяуухид̇ам̣ ассаад̇и на жзд̇ид̇ам̣ багаббид̇ам̣ бхавзяяа. зд̇арахи звам̣ бан̃жавид̇хам̣ вибаагавадданд̇и вин̃н̃аан̣анаамаруубасал̣ааяад̇анапассавзд̣̇анаасан̇каад̇о бажжуббанно вибаагаббаб̣анд̇хо наббавад̇д̇зяяа гааран̣асса анибпаннад̇д̇аа. сажз ааяуухид̇ам̣ на бхависсад̇ийд̇и яад̣̇и жзд̇ид̇ам̣ багаббид̇ам̣ на сияаа. яам̣ ад̇т̇ийд̇и яам̣ барамад̇т̇ад̇о виж̇ж̇амаанагам̣. д̇знааха ‘‘бхууд̇а’’нд̇и. д̇ан̃хи бажжаяаниб̣б̣ад̇д̇ад̇ааяа ‘‘бхууд̇а’’нд̇и вужжад̇и. д̇ам̣ баж̇ахаамийд̇и д̇аббадиб̣ад̣̇д̇хачанд̣̇арааг̇аббахаанзна д̇ад̇о зва ааяад̇им̣ ануббад̇д̇ид̇хаммад̇аабаад̣̇анавасзна баж̇ахаами барижжаж̇аами.
71.Pubbe pañcavidhaṃ kammavaṭṭanti purimakammabhavasmiṃ moho avijjā āyūhanā saṅkhārā nikantitaṇhā upagamanaṃ upādānaṃ cetanā bhavoti evamāgato saparikkhāro kammappabandho. Na āyūhitaṃ assāti na cetitaṃ pakappitaṃ bhaveyya. Etarahi evaṃ pañcavidhaṃ vipākavaṭṭanti viññāṇanāmarūpasaḷāyatanaphassavedanāsaṅkhāto paccuppanno vipākappabandho nappavatteyya kāraṇassa anipphannattā. Sace āyūhitaṃ na bhavissatīti yadi cetitaṃ pakappitaṃ na siyā. Yaṃ atthīti yaṃ paramatthato vijjamānakaṃ. Tenāha ‘‘bhūta’’nti. Tañhi paccayanibbattatāya ‘‘bhūta’’nti vuccati. Taṃ pajahāmīti tappaṭibaddhachandarāgappahānena tato eva āyatiṃ anuppattidhammatāpādanavasena pajahāmi pariccajāmi.
бариниб̣б̣ааяийд̇и саха баригаббанзна ад̇ийд̇ад̇т̇зд̇и ааха ‘‘бариниб̣б̣ааязяяаа’’д̇и. бариниб̣б̣ааязяяа ну код̇и ваа баато, со звад̇т̇о. на гин̃жи гат̇ид̇анд̇и нзвасан̃н̃аанаасан̃н̃ааяад̇анасамаабад̇д̇ияаа сан̇каараавасзсасукумабхаавзна н̃аан̣уд̇д̇арассзва висаяабхаавад̇о саруубад̇о на гин̃жи гат̇ид̇ам̣, наязна банасса висзсам̣ н̃аабзд̇угаамад̇д̇аа. бхаг̇авад̇о гира зд̇ад̣̇ахоси – ‘‘имиссам̣язва барисад̇и нисинно аананд̣̇о анусанд̇хигусалад̇ааяа нзвасан̃н̃аанаасан̃н̃ааяад̇анам̣ баад̣̇агам̣ гад̇ваа тид̇асса бхигкуно бадисанд̇хим̣ арахад̇д̇ан̃жа санд̇хааяа бан̃хам̣ бужчиссад̇и, иминаа бужчаанусанд̇хинаа д̇амад̇т̇ам̣ д̣̇зсзссаамий’’д̇и. осагганааяа жа ид̇хаад̇хиббзд̇ад̇д̇аа бхиннарасад̣̇зсанаа ход̇ийд̇и бужчаанусанд̇хи бужчид̇аа. д̇асмин̃хи асад̇и анусанд̇хибхзд̣̇абхиннзсаа д̣̇зсанаа, на жа б̣уд̣̇д̇хаажин̣н̣аа бхиннарасад̣̇зсанаад̇и. вибассанааниссид̇анд̇и д̇анниссид̇ам̣. д̇асса бхигкуно. убаад̣̇ияад̇и зд̇знаад̇и жа убаад̣̇аанам̣. на бариниб̣б̣ааяад̇и бахаад̇аб̣б̣асса аббаж̇аханад̇о. д̇знааха бхаг̇аваа – ‘‘д̇хаммааби ко, бхигкавз, бахаад̇аб̣б̣аа, баг̇зва ад̇хаммаа’’д̇и (ма. ни. 1.240). убаад̣̇аанасздтанд̇и ид̣̇ам̣ нзвасан̃н̃аанаасан̃н̃ааяад̇анабхавасса саб̣б̣абхаваг̇г̇ад̇аад̣̇ассанабарам̣, на бана арияабхаваг̇г̇асса убаад̣̇аанасздтад̇аабадисзд̇хабарам̣.
Parinibbāyīti saha parikappanena atītattheti āha ‘‘parinibbāyeyyā’’ti. Parinibbāyeyya nu khoti vā pāṭho, so evattho. Na kiñci kathitanti nevasaññānāsaññāyatanasamāpattiyā saṅkhārāvasesasukhumabhāvena ñāṇuttarasseva visayabhāvato sarūpato na kiñci kathitaṃ, nayena panassa visesaṃ ñāpetukāmattā. Bhagavato kira etadahosi – ‘‘imissaṃyeva parisati nisinno ānando anusandhikusalatāya nevasaññānāsaññāyatanaṃ pādakaṃ katvā ṭhitassa bhikkhuno paṭisandhiṃ arahattañca sandhāya pañhaṃ pucchissati, iminā pucchānusandhinā tamatthaṃ desessāmī’’ti. Osakkanāya ca idhādhippetattā bhinnarasadesanā hotīti pucchānusandhi pucchitā. Tasmiñhi asati anusandhibhedabhinnesā desanā, na ca buddhāciṇṇā bhinnarasadesanāti. Vipassanānissitanti tannissitaṃ. Tassa bhikkhuno. Upādiyati etenāti ca upādānaṃ. Na parinibbāyati pahātabbassa appajahanato. Tenāha bhagavā – ‘‘dhammāpi kho, bhikkhave, pahātabbā, pageva adhammā’’ti (ma. ni. 1.240). Upādānaseṭṭhanti idaṃ nevasaññānāsaññāyatanabhavassa sabbabhavaggatādassanaparaṃ, na pana ariyabhavaggassa upādānaseṭṭhatāpaṭisedhaparaṃ.
73. ниссааяаад̇и бхавабарияаабаннам̣ наама д̇хаммам̣ ниссааяа д̇аббарияаабаннам̣ наама ниссааяа огханид̇т̇аран̣аа бхаг̇авад̇аа агкаад̇аа; ахо ажчарияамзд̇ам̣, ахо аб̣бхуд̇амзд̇анд̇и.
73.Nissāyāti bhavapariyāpannaṃ nāma dhammaṃ nissāya tappariyāpannaṃ nāma nissāya oghanittharaṇā bhagavatā akkhātā; aho acchariyametaṃ, aho abbhutametanti.
навасуби таанзсу самат̇аяаанигассзва васзна д̣̇зсанааяа ааг̇ад̇ад̇д̇аа, ид̇ха жа гассажиби баад̣̇агаж̇жхаанасса анаамадтад̇д̇аа вуд̇д̇ам̣ – ‘‘арияасаавагод̇и сугкавибассаго арияасааваго’’д̇и. наваннамби гаммадтаанам̣ згад̇о гад̇ваа саммасад̇ийд̇и ид̣̇ам̣ жхаанад̇хаммзби ануссавалад̣̇д̇хз г̇ахзд̇ваа саммасанам̣ самбхавад̇ийд̇и гад̇ваа вуд̇д̇ам̣; д̇збхуумагасан̇каараг̇ад̇ам̣ ид̇ха вуд̇д̇анд̇и анавасзсад̇о бариг̇г̇ахан̣ам̣ санд̇хааяа вуд̇д̇ам̣ – ‘‘яаавад̇аа саггааяо’’д̇и.
Navasupi ṭhānesu samathayānikasseva vasena desanāya āgatattā, idha ca kassacipi pādakajjhānassa anāmaṭṭhattā vuttaṃ – ‘‘ariyasāvakoti sukkhavipassako ariyasāvako’’ti. Navannampi kammaṭṭhānaṃ ekato katvā sammasatīti idaṃ jhānadhammepi anussavaladdhe gahetvā sammasanaṃ sambhavatīti katvā vuttaṃ; tebhūmakasaṅkhāragataṃ idha vuttanti anavasesato pariggahaṇaṃ sandhāya vuttaṃ – ‘‘yāvatā sakkāyo’’ti.
зд̇ам̣ амад̇анд̇и амад̇ам̣ ниб̣б̣аанам̣ аараб̣бха бавад̇д̇ияаа зд̇ам̣ арахад̇д̇ам̣ амад̇арасам̣. д̇знааха – ‘‘зд̇ам̣ амад̇ам̣ санд̇ам̣, зд̇ам̣ бан̣ийд̇а’’нд̇и. ‘‘анубаад̣̇ааяа гин̃жиби аг̇г̇ахзд̇ваа жид̇д̇ам̣ вимужжий’’д̇и вуд̇д̇ад̇д̇ааби анубаад̣̇аа жид̇д̇асса вимогко ниб̣б̣аанам̣ ан̃н̃ад̇т̇а суд̇д̇з вужжад̇и.
Etaṃamatanti amataṃ nibbānaṃ ārabbha pavattiyā etaṃ arahattaṃ amatarasaṃ. Tenāha – ‘‘etaṃ amataṃ santaṃ, etaṃ paṇīta’’nti. ‘‘Anupādāya kiñcipi aggahetvā cittaṃ vimuccī’’ti vuttattāpi anupādā cittassa vimokkho nibbānaṃ aññattha sutte vuccati.
д̇ин̣н̣ам̣ бхигкуунанд̇и абхинивзсабхзд̣̇зна д̇ивид̇хаанам̣. баад̣̇агам̣ гад̇ваа тид̇асса осагганааяа абхаавз гааран̣ам̣ хздтаа вуд̇д̇анаязнзва взд̣̇ид̇аб̣б̣ам̣. самод̇хаанзд̇ваад̇и саммад̣̇зва од̣̇ахид̇ваа д̇асмим̣ д̇асмим̣ таанз асан̇гарад̇о вавад̇т̇абзд̇ваа. сугат̇ид̇ам̣ наама ход̇и гат̇зд̇аб̣б̣асса анавасзсзд̇ваа гат̇ид̇ад̇д̇аа.
Tiṇṇaṃbhikkhūnanti abhinivesabhedena tividhānaṃ. Pādakaṃ katvā ṭhitassa osakkanāya abhāve kāraṇaṃ heṭṭhā vuttanayeneva veditabbaṃ. Samodhānetvāti sammadeva odahitvā tasmiṃ tasmiṃ ṭhāne asaṅkarato vavatthapetvā. Sukathitaṃ nāma hoti kathetabbassa anavasesetvā kathitattā.
аанзн̃ж̇асаббааяасуд̇д̇аван̣н̣анааяа лийнад̇т̇аббагаасанаа самад̇д̇аа.
Āneñjasappāyasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. аанзн̃ж̇асаббааяасуд̇д̇ам̣ • 6. Āneñjasappāyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. аанзн̃ж̇асаббааяасуд̇д̇аван̣н̣анаа • 6. Āneñjasappāyasuttavaṇṇanā
