| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. ஆனேஞ்ஜஸுத்தவண்ணனா
4. Āneñjasuttavaṇṇanā
117. சதுத்தே² தத³ஸ்ஸாதே³தீதி தங் ஜா²னங் அஸ்ஸாதே³தி. தங் நிகாமேதீதி ததே³வ பத்தே²தி. தேன ச வித்திங் ஆபஜ்ஜதீதி தேன ஜா²னேன துட்டி²ங் ஆபஜ்ஜதி. தத்ர டி²தோதி தஸ்மிங் ஜா²னே டி²தோ. தத³தி⁴முத்தோதி தத்தே²வ அதி⁴முத்தோ. தப்³ப³ஹுலவிஹாரீதி தேன ப³ஹுலங் விஹரந்தோ. ஸஹப்³யதங் உபபஜ்ஜதீதி ஸஹபா⁴வங் உபபஜ்ஜதி, தஸ்மிங் தே³வலோகே நிப்³ப³த்ததீதி அத்தோ² . நிரயம்பி க³ச்ச²தீதிஆதி³ நிரயாதீ³ஹி அவிப்பமுத்தத்தா அபரபரியாயவஸேன தத்த² க³மனங் ஸந்தா⁴ய வுத்தங். ந ஹி தஸ்ஸ உபசாரஜ்ஜா²னதோ ப³லவதரங் அகுஸலங் அத்தி², யேன அனந்தரங் அபாயே நிப்³ப³த்தெய்ய. ப⁴க³வதோ பன ஸாவகோதி ஸோதாபன்னஸகதா³கா³மிஅனாகா³மீனங் அஞ்ஞதரோ. தஸ்மிங்யேவ ப⁴வேதி தத்தே²வ அரூபப⁴வே. பரினிப்³பா³யதீதி அப்பச்சயபரினிப்³பா³னேன பரினிப்³பா³யதி. அதி⁴ப்பயாஸோதி அதி⁴கப்பயோகோ³. ஸேஸமெத்த² வுத்தனயேனேவ வேதி³தப்³ப³ங். இமஸ்மிங் பன ஸுத்தே புது²ஜ்ஜனஸ்ஸ உபபத்திஜ்ஜா²னங் கதி²தங், அரியஸாவகஸ்ஸ ததே³வ உபபத்திஜ்ஜா²னஞ்ச விபஸ்ஸனாபாத³கஜ்ஜா²னஞ்ச கதி²தங்.
117. Catutthe tadassādetīti taṃ jhānaṃ assādeti. Taṃ nikāmetīti tadeva pattheti. Tena ca vittiṃ āpajjatīti tena jhānena tuṭṭhiṃ āpajjati. Tatra ṭhitoti tasmiṃ jhāne ṭhito. Tadadhimuttoti tattheva adhimutto. Tabbahulavihārīti tena bahulaṃ viharanto. Sahabyataṃ upapajjatīti sahabhāvaṃ upapajjati, tasmiṃ devaloke nibbattatīti attho . Nirayampi gacchatītiādi nirayādīhi avippamuttattā aparapariyāyavasena tattha gamanaṃ sandhāya vuttaṃ. Na hi tassa upacārajjhānato balavataraṃ akusalaṃ atthi, yena anantaraṃ apāye nibbatteyya. Bhagavato pana sāvakoti sotāpannasakadāgāmianāgāmīnaṃ aññataro. Tasmiṃyeva bhaveti tattheva arūpabhave. Parinibbāyatīti appaccayaparinibbānena parinibbāyati. Adhippayāsoti adhikappayogo. Sesamettha vuttanayeneva veditabbaṃ. Imasmiṃ pana sutte puthujjanassa upapattijjhānaṃ kathitaṃ, ariyasāvakassa tadeva upapattijjhānañca vipassanāpādakajjhānañca kathitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. ஆனேஞ்ஜஸுத்தங் • 4. Āneñjasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4. ஆனேஞ்ஜஸுத்தவண்ணனா • 4. Āneñjasuttavaṇṇanā
