| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
4. ஆனேஞ்ஜஸுத்தவண்ணனா
4. Āneñjasuttavaṇṇanā
117. சதுத்தே² ஸஹ ப்³யயதி க³ச்ச²தீதி ஸஹப்³யோ, ஸஹபவத்தனகோ. தஸ்ஸ பா⁴வோ ஸஹப்³யதா, ஸஹபவத்தீதி ஆஹ ‘‘ஸஹபா⁴வங் உபபஜ்ஜதீ’’தி. ‘‘யாவதகங் தேஸங் தே³வானங் ஆயுப்பமாணங், தங் ஸப்³ப³ங் கே²பெத்வா நிரயம்பி க³ச்ச²தீ’’திஆதி³வசனதோ அரூபப⁴வதோ சுதஸ்ஸ அபாயூபபத்தி வுத்தா விய தி³ஸ்ஸதீதி தன்னிவத்தனத்த²ங் ப⁴க³வதோ அதி⁴ப்பாயங் விவரந்தோ ‘‘ஸந்தா⁴யபா⁴ஸிதமித³ங் வசன’’ந்தி தீ³பேதி ‘‘நிரயாதீ³ஹி அவிப்பமுத்தத்தா’’திஆதி³னா. ந ஹி தஸ்ஸ உபசாரஜ்ஜா²னதோ ப³லவதரங் அகுஸலங் அத்தீ²தி. இமினா ததோ சவந்தானங் உபசாரஜ்ஜா²னமேவ படிஸந்தி⁴ஜனகங் கம்மந்தி தீ³பேதி. அதி⁴கங் பயஸதி பயுஜ்ஜதி ஏதேனாதி அதி⁴ப்பயாஸோ, ஸவிஸேஸங் இதிகத்தப்³ப³கிரியா. தேனாஹ ‘‘அதி⁴கப்பயோகோ³’’தி. ஸேஸமெத்த² உத்தானமேவ.
117. Catutthe saha byayati gacchatīti sahabyo, sahapavattanako. Tassa bhāvo sahabyatā, sahapavattīti āha ‘‘sahabhāvaṃ upapajjatī’’ti. ‘‘Yāvatakaṃ tesaṃ devānaṃ āyuppamāṇaṃ, taṃ sabbaṃ khepetvā nirayampi gacchatī’’tiādivacanato arūpabhavato cutassa apāyūpapatti vuttā viya dissatīti tannivattanatthaṃ bhagavato adhippāyaṃ vivaranto ‘‘sandhāyabhāsitamidaṃ vacana’’nti dīpeti ‘‘nirayādīhi avippamuttattā’’tiādinā. Na hi tassa upacārajjhānato balavataraṃ akusalaṃ atthīti. Iminā tato cavantānaṃ upacārajjhānameva paṭisandhijanakaṃ kammanti dīpeti. Adhikaṃ payasati payujjati etenāti adhippayāso, savisesaṃ itikattabbakiriyā. Tenāha ‘‘adhikappayogo’’ti. Sesamettha uttānameva.
ஆனேஞ்ஜஸுத்தவண்ணனா நிட்டி²தா.
Āneñjasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. ஆனேஞ்ஜஸுத்தங் • 4. Āneñjasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 4. ஆனேஞ்ஜஸுத்தவண்ணனா • 4. Āneñjasuttavaṇṇanā
