| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৪. আনেঞ্জসুত্তৰণ্ণনা
4. Āneñjasuttavaṇṇanā
১১৭. চতুত্থে সহ ব্যযতি গচ্ছতীতি সহব্যো, সহপৰত্তনকো। তস্স ভাৰো সহব্যতা, সহপৰত্তীতি আহ ‘‘সহভাৰং উপপজ্জতী’’তি। ‘‘যাৰতকং তেসং দেৰানং আযুপ্পমাণং, তং সব্বং খেপেত্ৰা নিরযম্পি গচ্ছতী’’তিআদিৰচনতো অরূপভৰতো চুতস্স অপাযূপপত্তি ৰুত্তা ৰিয দিস্সতীতি তন্নিৰত্তনত্থং ভগৰতো অধিপ্পাযং ৰিৰরন্তো ‘‘সন্ধাযভাসিতমিদং ৰচন’’ন্তি দীপেতি ‘‘নিরযাদীহি অৰিপ্পমুত্তত্তা’’তিআদিনা। ন হি তস্স উপচারজ্ঝানতো বলৰতরং অকুসলং অত্থীতি। ইমিনা ততো চৰন্তানং উপচারজ্ঝানমেৰ পটিসন্ধিজনকং কম্মন্তি দীপেতি। অধিকং পযসতি পযুজ্জতি এতেনাতি অধিপ্পযাসো, সৰিসেসং ইতিকত্তব্বকিরিযা। তেনাহ ‘‘অধিকপ্পযোগো’’তি। সেসমেত্থ উত্তানমেৰ।
117. Catutthe saha byayati gacchatīti sahabyo, sahapavattanako. Tassa bhāvo sahabyatā, sahapavattīti āha ‘‘sahabhāvaṃ upapajjatī’’ti. ‘‘Yāvatakaṃ tesaṃ devānaṃ āyuppamāṇaṃ, taṃ sabbaṃ khepetvā nirayampi gacchatī’’tiādivacanato arūpabhavato cutassa apāyūpapatti vuttā viya dissatīti tannivattanatthaṃ bhagavato adhippāyaṃ vivaranto ‘‘sandhāyabhāsitamidaṃ vacana’’nti dīpeti ‘‘nirayādīhi avippamuttattā’’tiādinā. Na hi tassa upacārajjhānato balavataraṃ akusalaṃ atthīti. Iminā tato cavantānaṃ upacārajjhānameva paṭisandhijanakaṃ kammanti dīpeti. Adhikaṃ payasati payujjati etenāti adhippayāso, savisesaṃ itikattabbakiriyā. Tenāha ‘‘adhikappayogo’’ti. Sesamettha uttānameva.
আনেঞ্জসুত্তৰণ্ণনা নিট্ঠিতা।
Āneñjasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৪. আনেঞ্জসুত্তং • 4. Āneñjasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৪. আনেঞ্জসুত্তৰণ্ণনা • 4. Āneñjasuttavaṇṇanā
