| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. аанзн̃ж̇асуд̇д̇аван̣н̣анаа
4. Āneñjasuttavaṇṇanā
117. жад̇уд̇т̇з д̇ад̣̇ассаад̣̇зд̇ийд̇и д̇ам̣ жхаанам̣ ассаад̣̇зд̇и. д̇ам̣ нигаамзд̇ийд̇и д̇ад̣̇зва бад̇т̇зд̇и. д̇зна жа вид̇д̇им̣ аабаж̇ж̇ад̇ийд̇и д̇зна жхаанзна д̇удтим̣ аабаж̇ж̇ад̇и. д̇ад̇ра тид̇од̇и д̇асмим̣ жхаанз тид̇о. д̇ад̣̇ад̇химуд̇д̇од̇и д̇ад̇т̇зва ад̇химуд̇д̇о. д̇аб̣б̣ахулавихаарийд̇и д̇зна б̣ахулам̣ вихаранд̇о. сахаб̣яад̇ам̣ убабаж̇ж̇ад̇ийд̇и сахабхаавам̣ убабаж̇ж̇ад̇и, д̇асмим̣ д̣̇звалогз ниб̣б̣ад̇д̇ад̇ийд̇и ад̇т̇о . нираяамби г̇ажчад̇ийд̇иаад̣̇и нираяаад̣̇ийхи авиббамуд̇д̇ад̇д̇аа абарабарияааяавасзна д̇ад̇т̇а г̇аманам̣ санд̇хааяа вуд̇д̇ам̣. на хи д̇асса убажаараж̇жхаанад̇о б̣алавад̇арам̣ агусалам̣ ад̇т̇и, язна ананд̇арам̣ абааяз ниб̣б̣ад̇д̇зяяа. бхаг̇авад̇о бана саавагод̇и сод̇аабаннасагад̣̇ааг̇аамианааг̇аамийнам̣ ан̃н̃ад̇аро. д̇асмим̣язва бхавзд̇и д̇ад̇т̇зва аруубабхавз. бариниб̣б̣ааяад̇ийд̇и аббажжаяабариниб̣б̣аанзна бариниб̣б̣ааяад̇и. ад̇хиббаяаасод̇и ад̇хигаббаяог̇о. сзсамзд̇т̇а вуд̇д̇анаязнзва взд̣̇ид̇аб̣б̣ам̣. имасмим̣ бана суд̇д̇з бут̇уж̇ж̇анасса убабад̇д̇иж̇жхаанам̣ гат̇ид̇ам̣, арияасаавагасса д̇ад̣̇зва убабад̇д̇иж̇жхаанан̃жа вибассанаабаад̣̇агаж̇жхаанан̃жа гат̇ид̇ам̣.
117. Catutthe tadassādetīti taṃ jhānaṃ assādeti. Taṃ nikāmetīti tadeva pattheti. Tena ca vittiṃ āpajjatīti tena jhānena tuṭṭhiṃ āpajjati. Tatra ṭhitoti tasmiṃ jhāne ṭhito. Tadadhimuttoti tattheva adhimutto. Tabbahulavihārīti tena bahulaṃ viharanto. Sahabyataṃ upapajjatīti sahabhāvaṃ upapajjati, tasmiṃ devaloke nibbattatīti attho . Nirayampi gacchatītiādi nirayādīhi avippamuttattā aparapariyāyavasena tattha gamanaṃ sandhāya vuttaṃ. Na hi tassa upacārajjhānato balavataraṃ akusalaṃ atthi, yena anantaraṃ apāye nibbatteyya. Bhagavato pana sāvakoti sotāpannasakadāgāmianāgāmīnaṃ aññataro. Tasmiṃyeva bhaveti tattheva arūpabhave. Parinibbāyatīti appaccayaparinibbānena parinibbāyati. Adhippayāsoti adhikappayogo. Sesamettha vuttanayeneva veditabbaṃ. Imasmiṃ pana sutte puthujjanassa upapattijjhānaṃ kathitaṃ, ariyasāvakassa tadeva upapattijjhānañca vipassanāpādakajjhānañca kathitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. аанзн̃ж̇асуд̇д̇ам̣ • 4. Āneñjasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. аанзн̃ж̇асуд̇д̇аван̣н̣анаа • 4. Āneñjasuttavaṇṇanā
