| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਆਨੇਞ੍ਜਸੁਤ੍ਤવਣ੍ਣਨਾ
4. Āneñjasuttavaṇṇanā
੧੧੭. ਚਤੁਤ੍ਥੇ ਤਦਸ੍ਸਾਦੇਤੀਤਿ ਤਂ ਝਾਨਂ ਅਸ੍ਸਾਦੇਤਿ। ਤਂ ਨਿਕਾਮੇਤੀਤਿ ਤਦੇવ ਪਤ੍ਥੇਤਿ। ਤੇਨ ਚ વਿਤ੍ਤਿਂ ਆਪਜ੍ਜਤੀਤਿ ਤੇਨ ਝਾਨੇਨ ਤੁਟ੍ਠਿਂ ਆਪਜ੍ਜਤਿ। ਤਤ੍ਰ ਠਿਤੋਤਿ ਤਸ੍ਮਿਂ ਝਾਨੇ ਠਿਤੋ। ਤਦਧਿਮੁਤ੍ਤੋਤਿ ਤਤ੍ਥੇવ ਅਧਿਮੁਤ੍ਤੋ। ਤਬ੍ਬਹੁਲવਿਹਾਰੀਤਿ ਤੇਨ ਬਹੁਲਂ વਿਹਰਨ੍ਤੋ। ਸਹਬ੍ਯਤਂ ਉਪਪਜ੍ਜਤੀਤਿ ਸਹਭਾવਂ ਉਪਪਜ੍ਜਤਿ, ਤਸ੍ਮਿਂ ਦੇવਲੋਕੇ ਨਿਬ੍ਬਤ੍ਤਤੀਤਿ ਅਤ੍ਥੋ । ਨਿਰਯਮ੍ਪਿ ਗਚ੍ਛਤੀਤਿਆਦਿ ਨਿਰਯਾਦੀਹਿ ਅવਿਪ੍ਪਮੁਤ੍ਤਤ੍ਤਾ ਅਪਰਪਰਿਯਾਯવਸੇਨ ਤਤ੍ਥ ਗਮਨਂ ਸਨ੍ਧਾਯ વੁਤ੍ਤਂ। ਨ ਹਿ ਤਸ੍ਸ ਉਪਚਾਰਜ੍ਝਾਨਤੋ ਬਲવਤਰਂ ਅਕੁਸਲਂ ਅਤ੍ਥਿ, ਯੇਨ ਅਨਨ੍ਤਰਂ ਅਪਾਯੇ ਨਿਬ੍ਬਤ੍ਤੇਯ੍ਯ। ਭਗવਤੋ ਪਨ ਸਾવਕੋਤਿ ਸੋਤਾਪਨ੍ਨਸਕਦਾਗਾਮਿਅਨਾਗਾਮੀਨਂ ਅਞ੍ਞਤਰੋ। ਤਸ੍ਮਿਂਯੇવ ਭવੇਤਿ ਤਤ੍ਥੇવ ਅਰੂਪਭવੇ। ਪਰਿਨਿਬ੍ਬਾਯਤੀਤਿ ਅਪ੍ਪਚ੍ਚਯਪਰਿਨਿਬ੍ਬਾਨੇਨ ਪਰਿਨਿਬ੍ਬਾਯਤਿ। ਅਧਿਪ੍ਪਯਾਸੋਤਿ ਅਧਿਕਪ੍ਪਯੋਗੋ। ਸੇਸਮੇਤ੍ਥ વੁਤ੍ਤਨਯੇਨੇવ વੇਦਿਤਬ੍ਬਂ। ਇਮਸ੍ਮਿਂ ਪਨ ਸੁਤ੍ਤੇ ਪੁਥੁਜ੍ਜਨਸ੍ਸ ਉਪਪਤ੍ਤਿਜ੍ਝਾਨਂ ਕਥਿਤਂ, ਅਰਿਯਸਾવਕਸ੍ਸ ਤਦੇવ ਉਪਪਤ੍ਤਿਜ੍ਝਾਨਞ੍ਚ વਿਪਸ੍ਸਨਾਪਾਦਕਜ੍ਝਾਨਞ੍ਚ ਕਥਿਤਂ।
117. Catutthe tadassādetīti taṃ jhānaṃ assādeti. Taṃ nikāmetīti tadeva pattheti. Tena ca vittiṃ āpajjatīti tena jhānena tuṭṭhiṃ āpajjati. Tatra ṭhitoti tasmiṃ jhāne ṭhito. Tadadhimuttoti tattheva adhimutto. Tabbahulavihārīti tena bahulaṃ viharanto. Sahabyataṃ upapajjatīti sahabhāvaṃ upapajjati, tasmiṃ devaloke nibbattatīti attho . Nirayampi gacchatītiādi nirayādīhi avippamuttattā aparapariyāyavasena tattha gamanaṃ sandhāya vuttaṃ. Na hi tassa upacārajjhānato balavataraṃ akusalaṃ atthi, yena anantaraṃ apāye nibbatteyya. Bhagavato pana sāvakoti sotāpannasakadāgāmianāgāmīnaṃ aññataro. Tasmiṃyeva bhaveti tattheva arūpabhave. Parinibbāyatīti appaccayaparinibbānena parinibbāyati. Adhippayāsoti adhikappayogo. Sesamettha vuttanayeneva veditabbaṃ. Imasmiṃ pana sutte puthujjanassa upapattijjhānaṃ kathitaṃ, ariyasāvakassa tadeva upapattijjhānañca vipassanāpādakajjhānañca kathitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਆਨੇਞ੍ਜਸੁਤ੍ਤਂ • 4. Āneñjasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪. ਆਨੇਞ੍ਜਸੁਤ੍ਤવਣ੍ਣਨਾ • 4. Āneñjasuttavaṇṇanā
