| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੫. ਅਙ੍ਗਸੁਤ੍ਤਂ
5. Aṅgasuttaṃ
੩੦੮. ‘‘ਪਞ੍ਚਿਮਾਨਿ , ਭਿਕ੍ਖવੇ, ਮਾਤੁਗਾਮਸ੍ਸ ਬਲਾਨਿ। ਕਤਮਾਨਿ ਪਞ੍ਚ? ਰੂਪਬਲਂ, ਭੋਗਬਲਂ, ਞਾਤਿਬਲਂ, ਪੁਤ੍ਤਬਲਂ, ਸੀਲਬਲਂ। ਰੂਪਬਲੇਨ ਚ, ਭਿਕ੍ਖવੇ, ਮਾਤੁਗਾਮੋ ਸਮਨ੍ਨਾਗਤੋ ਹੋਤਿ, ਨ ਚ ਭੋਗਬਲੇਨ – ਏવਂ ਸੋ ਤੇਨਙ੍ਗੇਨ ਅਪਰਿਪੂਰੋ ਹੋਤਿ। ਯਤੋ ਚ ਖੋ, ਭਿਕ੍ਖવੇ, ਮਾਤੁਗਾਮੋ ਰੂਪਬਲੇਨ ਚ ਸਮਨ੍ਨਾਗਤੋ ਹੋਤਿ, ਭੋਗਬਲੇਨ ਚ – ਏવਂ ਸੋ ਤੇਨਙ੍ਗੇਨ ਪਰਿਪੂਰੋ ਹੋਤਿ। ਰੂਪਬਲੇਨ ਚ, ਭਿਕ੍ਖવੇ, ਮਾਤੁਗਾਮੋ ਸਮਨ੍ਨਾਗਤੋ ਹੋਤਿ, ਭੋਗਬਲੇਨ ਚ, ਨ ਚ ਞਾਤਿਬਲੇਨ – ਏવਂ ਸੋ ਤੇਨਙ੍ਗੇਨ ਅਪਰਿਪੂਰੋ ਹੋਤਿ। ਯਤੋ ਚ ਖੋ, ਭਿਕ੍ਖવੇ, ਮਾਤੁਗਾਮੋ ਰੂਪਬਲੇਨ ਚ ਸਮਨ੍ਨਾਗਤੋ ਹੋਤਿ, ਭੋਗਬਲੇਨ ਚ, ਞਾਤਿਬਲੇਨ ਚ – ਏવਂ ਸੋ ਤੇਨਙ੍ਗੇਨ ਪਰਿਪੂਰੋ ਹੋਤਿ। ਰੂਪਬਲੇਨ ਚ, ਭਿਕ੍ਖવੇ, ਮਾਤੁਗਾਮੋ ਸਮਨ੍ਨਾਗਤੋ ਹੋਤਿ, ਭੋਗਬਲੇਨ ਚ, ਞਾਤਿਬਲੇਨ ਚ, ਨ ਚ ਪੁਤ੍ਤਬਲੇਨ – ਏવਂ ਸੋ ਤੇਨਙ੍ਗੇਨ ਅਪਰਿਪੂਰੋ ਹੋਤਿ। ਯਤੋ ਚ ਖੋ, ਭਿਕ੍ਖવੇ, ਮਾਤੁਗਾਮੋ ਰੂਪਬਲੇਨ ਚ ਸਮਨ੍ਨਾਗਤੋ ਹੋਤਿ, ਭੋਗਬਲੇਨ ਚ, ਞਾਤਿਬਲੇਨ ਚ, ਪੁਤ੍ਤਬਲੇਨ ਚ – ਏવਂ ਸੋ ਤੇਨਙ੍ਗੇਨ ਪਰਿਪੂਰੋ ਹੋਤਿ। ਰੂਪਬਲੇਨ ਚ, ਭਿਕ੍ਖવੇ, ਮਾਤੁਗਾਮੋ ਸਮਨ੍ਨਾਗਤੋ ਹੋਤਿ, ਭੋਗਬਲੇਨ ਚ, ਞਾਤਿਬਲੇਨ ਚ, ਪੁਤ੍ਤਬਲੇਨ ਚ, ਨ ਚ ਸੀਲਬਲੇਨ – ਏવਂ ਸੋ ਤੇਨਙ੍ਗੇਨ ਅਪਰਿਪੂਰੋ ਹੋਤਿ। ਯਤੋ ਚ ਖੋ, ਭਿਕ੍ਖવੇ, ਮਾਤੁਗਾਮੋ ਰੂਪਬਲੇਨ ਚ ਸਮਨ੍ਨਾਗਤੋ ਹੋਤਿ, ਭੋਗਬਲੇਨ ਚ, ਞਾਤਿਬਲੇਨ ਚ, ਪੁਤ੍ਤਬਲੇਨ ਚ, ਸੀਲਬਲੇਨ ਚ – ਏવਂ ਸੋ ਤੇਨਙ੍ਗੇਨ ਪਰਿਪੂਰੋ ਹੋਤਿ। ਇਮਾਨਿ ਖੋ , ਭਿਕ੍ਖવੇ, ਪਞ੍ਚ ਮਾਤੁਗਾਮਸ੍ਸ ਬਲਾਨੀ’’ਤਿ। ਪਞ੍ਚਮਂ।
308. ‘‘Pañcimāni , bhikkhave, mātugāmassa balāni. Katamāni pañca? Rūpabalaṃ, bhogabalaṃ, ñātibalaṃ, puttabalaṃ, sīlabalaṃ. Rūpabalena ca, bhikkhave, mātugāmo samannāgato hoti, na ca bhogabalena – evaṃ so tenaṅgena aparipūro hoti. Yato ca kho, bhikkhave, mātugāmo rūpabalena ca samannāgato hoti, bhogabalena ca – evaṃ so tenaṅgena paripūro hoti. Rūpabalena ca, bhikkhave, mātugāmo samannāgato hoti, bhogabalena ca, na ca ñātibalena – evaṃ so tenaṅgena aparipūro hoti. Yato ca kho, bhikkhave, mātugāmo rūpabalena ca samannāgato hoti, bhogabalena ca, ñātibalena ca – evaṃ so tenaṅgena paripūro hoti. Rūpabalena ca, bhikkhave, mātugāmo samannāgato hoti, bhogabalena ca, ñātibalena ca, na ca puttabalena – evaṃ so tenaṅgena aparipūro hoti. Yato ca kho, bhikkhave, mātugāmo rūpabalena ca samannāgato hoti, bhogabalena ca, ñātibalena ca, puttabalena ca – evaṃ so tenaṅgena paripūro hoti. Rūpabalena ca, bhikkhave, mātugāmo samannāgato hoti, bhogabalena ca, ñātibalena ca, puttabalena ca, na ca sīlabalena – evaṃ so tenaṅgena aparipūro hoti. Yato ca kho, bhikkhave, mātugāmo rūpabalena ca samannāgato hoti, bhogabalena ca, ñātibalena ca, puttabalena ca, sīlabalena ca – evaṃ so tenaṅgena paripūro hoti. Imāni kho , bhikkhave, pañca mātugāmassa balānī’’ti. Pañcamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨-੧੦. ਪਸਯ੍ਹਸੁਤ੍ਤਾਦਿવਣ੍ਣਨਾ • 2-10. Pasayhasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨-੧੦. ਪਸਯ੍ਹਸੁਤ੍ਤਾਦਿવਣ੍ਣਨਾ • 2-10. Pasayhasuttādivaṇṇanā
