| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
28. அங்கு³லிமாலசோரவத்து²
28. Aṅgulimālacoravatthu
91. தேன கோ² பன ஸமயேன சோரோ அங்கு³லிமாலோ பி⁴க்கூ²ஸு பப்³ப³ஜிதோ ஹோதி. மனுஸ்ஸா பஸ்ஸித்வா உப்³பி³ஜ்ஜந்திபி, உத்தஸந்திபி, பலாயந்திபி , அஞ்ஞேனபி க³ச்ச²ந்தி, அஞ்ஞேனபி முக²ங் கரொந்தி, த்³வாரம்பி த²கெந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா த⁴ஜப³ந்த⁴ங் சோரங் பப்³பா³ஜெஸ்ஸந்தீ’’தி. அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… ந, பி⁴க்க²வே, த⁴ஜப³ந்தோ⁴ சோரோ பப்³பா³ஜேதப்³போ³. யோ பப்³பா³ஜெய்ய, ஆபத்தி து³க்கடஸ்ஸாதி.
91. Tena kho pana samayena coro aṅgulimālo bhikkhūsu pabbajito hoti. Manussā passitvā ubbijjantipi, uttasantipi, palāyantipi , aññenapi gacchanti, aññenapi mukhaṃ karonti, dvārampi thakenti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā dhajabandhaṃ coraṃ pabbājessantī’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ…pe… na, bhikkhave, dhajabandho coro pabbājetabbo. Yo pabbājeyya, āpatti dukkaṭassāti.
அங்கு³லிமாலசோரவத்து² நிட்டி²தங்.
Aṅgulimālacoravatthu niṭṭhitaṃ.
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / சோரவத்து²கதா² • Coravatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ராஜப⁴டாதி³வத்து²கதா²வண்ணனா • Rājabhaṭādivatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / சோரவத்து²கதா²வண்ணனா • Coravatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / சோரவத்து²கதா²வண்ணனா • Coravatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 28. சோரவத்து²கதா² • 28. Coravatthukathā
