| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
6. ан̇г̇улимааласуд̇д̇аван̣н̣анаа
6. Aṅgulimālasuttavaṇṇanā
347. звам̣ мз суд̇анд̇и ан̇г̇улимааласуд̇д̇ам̣. д̇ад̇т̇а ан̇г̇улийнам̣ маалам̣ д̇хаарзд̇ийд̇и гасмаа д̇хаарзд̇и? аажарияаважанзна. д̇ад̇рааяам̣ анубуб̣б̣игат̇аа –
347.Evaṃme sutanti aṅgulimālasuttaṃ. Tattha aṅgulīnaṃ mālaṃ dhāretīti kasmā dhāreti? Ācariyavacanena. Tatrāyaṃ anupubbikathā –
аяам̣ гира госаларан̃н̃о бурохид̇асса манд̇аан̣ияаа наама б̣раахман̣ияаа гужчисмим̣ бадисанд̇хим̣ аг̇г̇ахзси. б̣раахман̣ияаа рад̇д̇ибхааг̇з г̇аб̣бхавудтаанам̣ ахоси. д̇асса маад̇угужчид̇о нигкаманагаалз сагаланаг̇арз аавуд̇хаани баж̇ж̇алим̣су, ран̃н̃о ман̇г̇аласагунд̇оби сирисаяанз табид̇аа асиладтиби баж̇ж̇али. б̣раахман̣о нигкамид̇ваа нагкад̇д̇ам̣ ологзнд̇о жоранагкад̇д̇зна ж̇аад̇од̇и ран̃н̃о санд̇игам̣ г̇анд̇ваа сукасзяяабхаавам̣ бужчи.
Ayaṃ kira kosalarañño purohitassa mantāṇiyā nāma brāhmaṇiyā kucchismiṃ paṭisandhiṃ aggahesi. Brāhmaṇiyā rattibhāge gabbhavuṭṭhānaṃ ahosi. Tassa mātukucchito nikkhamanakāle sakalanagare āvudhāni pajjaliṃsu, rañño maṅgalasakuntopi sirisayane ṭhapitā asilaṭṭhipi pajjali. Brāhmaṇo nikkhamitvā nakkhattaṃ olokento coranakkhattena jātoti rañño santikaṃ gantvā sukhaseyyabhāvaṃ pucchi.
рааж̇аа ‘‘гуд̇о, мз аажарияа, сукасзяяаа? маяхам̣ ман̇г̇алаавуд̇хам̣ баж̇ж̇али, раж̇ж̇асса ваа ж̇ийвид̇асса ваа анд̇арааяо бхависсад̇и ман̃н̃з’’д̇и. маа бхааяи, махаарааж̇а, маяхам̣ гхарз гумааро ж̇аад̇о, д̇ассаанубхаавзна на гзвалам̣ д̇уяхам̣ нивзсанз, сагаланаг̇арзби аавуд̇хаани баж̇ж̇алид̇аанийд̇и. гим̣ бхависсад̇и аажарияаад̇и? жоро бхависсад̇и махаарааж̇аад̇и. гим̣ згажораго, уд̣̇ааху раж̇ж̇ад̣̇уусаго жород̇и? згажораго д̣̇зваад̇и. звам̣ вад̇ваа жа бана ран̃н̃о манам̣ г̇ан̣хид̇угаамо ааха – ‘‘маарзт̇а нам̣ д̣̇зваа’’д̇и. згажораго самаано гим̣ гариссад̇и? гарийсасахассакзд̇д̇з згасаалисийсам̣ вияа ход̇и, бадиж̇аг̇г̇ат̇а нанд̇и. д̇асса наамаг̇г̇ахан̣ам̣ г̇ан̣ханд̇аа саяанз табид̇аман̇г̇алаасиладти, чад̣̇анз табид̇аа сараа, габбаасабижумхи табид̇ам̣ д̇аалаван̣дагаран̣асад̇т̇аганд̇и зд̇з баж̇ж̇аланд̇аа гин̃жи на хим̣сим̣су, д̇асмаа ахим̣сагод̇и наамам̣ агам̣су. д̇ам̣ сиббуг̇г̇ахан̣агаалз д̇аггасийлам̣ бзсаяим̣су.
Rājā ‘‘kuto, me ācariya, sukhaseyyā? Mayhaṃ maṅgalāvudhaṃ pajjali, rajjassa vā jīvitassa vā antarāyo bhavissati maññe’’ti. Mā bhāyi, mahārāja, mayhaṃ ghare kumāro jāto, tassānubhāvena na kevalaṃ tuyhaṃ nivesane, sakalanagarepi āvudhāni pajjalitānīti. Kiṃ bhavissati ācariyāti? Coro bhavissati mahārājāti. Kiṃ ekacorako, udāhu rajjadūsako coroti? Ekacorako devāti. Evaṃ vatvā ca pana rañño manaṃ gaṇhitukāmo āha – ‘‘māretha naṃ devā’’ti. Ekacorako samāno kiṃ karissati? Karīsasahassakhette ekasālisīsaṃ viya hoti, paṭijaggatha nanti. Tassa nāmaggahaṇaṃ gaṇhantā sayane ṭhapitamaṅgalaasilaṭṭhi, chadane ṭhapitā sarā, kappāsapicumhi ṭhapitaṃ tālavaṇṭakaraṇasatthakanti ete pajjalantā kiñci na hiṃsiṃsu, tasmā ahiṃsakoti nāmaṃ akaṃsu. Taṃ sippuggahaṇakāle takkasīlaṃ pesayiṃsu.
со д̇хамманд̇зваасиго худ̇ваа сиббам̣ бадтабзси. вад̇д̇асамбанно гим̣гаарабадиссаавий манаабажаарий бияаваад̣̇ий ахоси. сзсаанд̇зваасигаа б̣аахирагаа ахзсум̣. д̇з – ‘‘ахим̣сагамаан̣авагасса ааг̇ад̇агаалад̇о бадтааяа маяам̣ на бан̃н̃ааяаама, гат̇ам̣ нам̣ бхинд̣̇зяяаамаа’’д̇и? нисийд̣̇ид̇ваа манд̇аяанд̇аа – ‘‘саб̣б̣зхи ад̇ирзгабан̃н̃ад̇д̇аа д̣̇уббан̃н̃од̇и. на саггаа вад̇д̇ум̣, вад̇д̇асамбаннад̇д̇аа д̣̇уб̣б̣ад̇д̇од̇и. на саггаа вад̇д̇ум̣, ж̇аад̇исамбаннад̇д̇аа д̣̇уж̇ж̇аад̇од̇и на саггаа вад̇д̇ум̣, гинд̇и гариссаамаа’’д̇и? д̇ад̇о згам̣ караманд̇ам̣ манд̇аяим̣су ‘‘аажарияасса анд̇арам̣ гад̇ваа нам̣ бхинд̣̇иссаамаа’’д̇и д̇аяо раасий худ̇ваа батамам̣ згажжз аажарияам̣ убасан̇гамид̇ваа ванд̣̇ид̇ваа адтам̣су. гим̣ д̇аад̇аад̇и? имасмим̣ г̇зхз згаа гат̇аа суяяад̇ийд̇и. гим̣ д̇аад̇аад̇и? ахим̣сагамаан̣аво д̇умхаагам̣ анд̇арз д̣̇уб̣бхад̇ийд̇и ман̃н̃аамаад̇и. аажарияо санд̇аж̇ж̇зд̇ваа – ‘‘г̇ажчат̇а васалаа, маа мз буд̇д̇ам̣ маяхам̣ анд̇арз барибхинд̣̇ат̇аа’’д̇и нидтубхи. д̇ад̇о ид̇арз, ат̇а ид̇арзхи д̇аяоби годтаасаа ааг̇анд̇ваа д̇ат̇зва вад̇ваа – ‘‘амхаагам̣ асад̣̇д̣̇аханд̇аа убабаригкид̇ваа ж̇аанаат̇аа’’д̇и аахам̣су.
So dhammantevāsiko hutvā sippaṃ paṭṭhapesi. Vattasampanno kiṃkārapaṭissāvī manāpacārī piyavādī ahosi. Sesaantevāsikā bāhirakā ahesuṃ. Te – ‘‘ahiṃsakamāṇavakassa āgatakālato paṭṭhāya mayaṃ na paññāyāma, kathaṃ naṃ bhindeyyāmā’’ti? Nisīditvā mantayantā – ‘‘sabbehi atirekapaññattā duppaññoti. Na sakkā vattuṃ, vattasampannattā dubbattoti. Na sakkā vattuṃ, jātisampannattā dujjātoti na sakkā vattuṃ, kinti karissāmā’’ti? Tato ekaṃ kharamantaṃ mantayiṃsu ‘‘ācariyassa antaraṃ katvā naṃ bhindissāmā’’ti tayo rāsī hutvā paṭhamaṃ ekacce ācariyaṃ upasaṅkamitvā vanditvā aṭṭhaṃsu. Kiṃ tātāti? Imasmiṃ gehe ekā kathā suyyatīti. Kiṃ tātāti? Ahiṃsakamāṇavo tumhākaṃ antare dubbhatīti maññāmāti. Ācariyo santajjetvā – ‘‘gacchatha vasalā, mā me puttaṃ mayhaṃ antare paribhindathā’’ti niṭṭhubhi. Tato itare, atha itarehi tayopi koṭṭhāsā āgantvā tatheva vatvā – ‘‘amhākaṃ asaddahantā upaparikkhitvā jānāthā’’ti āhaṃsu.
аажарияо синзхзна вад̣̇анд̇з д̣̇исваа ‘‘ад̇т̇и ман̃н̃з сант̇аво’’д̇и барибхиж̇ж̇ид̇ваа жинд̇зси ‘‘гхаад̇зми на’’нд̇и. д̇ад̇о жинд̇зси – ‘‘сажз гхаад̇зссаами ‘д̣̇исаабаамогко аажарияо ад̇д̇ано санд̇игам̣ сиббуг̇г̇ахан̣ад̇т̇ам̣ ааг̇ад̇з маан̣авагз д̣̇осам̣ уббаад̣̇зд̇ваа ж̇ийвид̇аа воробзд̇ий’д̇и. буна гожи сиббуг̇г̇ахан̣ад̇т̇ам̣ на ааг̇амиссад̇и, звам̣ мз лаабхо барихааяиссад̇и, ат̇а нам̣ сиббасса барияосаанубажаарод̇и вад̇ваа ж̇ан̇гхасахассам̣ гхаад̇зхийд̇и вагкаами. авассам̣ зд̇т̇а зго удтааяа д̇ам̣ гхаад̇зссад̇ий’’д̇и.
Ācariyo sinehena vadante disvā ‘‘atthi maññe santhavo’’ti paribhijjitvā cintesi ‘‘ghātemi na’’nti. Tato cintesi – ‘‘sace ghātessāmi ‘disāpāmokkho ācariyo attano santikaṃ sippuggahaṇatthaṃ āgate māṇavake dosaṃ uppādetvā jīvitā voropetī’ti. Puna koci sippuggahaṇatthaṃ na āgamissati, evaṃ me lābho parihāyissati, atha naṃ sippassa pariyosānupacāroti vatvā jaṅghasahassaṃ ghātehīti vakkhāmi. Avassaṃ ettha eko uṭṭhāya taṃ ghātessatī’’ti.
ат̇а нам̣ ааха – ‘‘зхи д̇аад̇а ж̇ан̇гхасахассам̣ гхаад̇зхи, звам̣ д̇з сиббасса убажааро гад̇о бхависсад̇ий’’д̇и. маяам̣ ахим̣сагагулз ж̇аад̇аа, на саггаа аажарияаад̇и. алад̣̇д̇хубажаарам̣ сиббам̣ палам̣ на д̣̇зд̇и д̇аад̇аад̇и. со бан̃жаавуд̇хам̣ г̇ахзд̇ваа аажарияам̣ ванд̣̇ид̇ваа адавим̣ бавидто. адавим̣ бависанадтаанзби адавимаж̇жхзби адавид̇о нигкаманадтаанзби тад̇ваа мануссз гхаад̇зд̇и. вад̇т̇ам̣ ваа взтанам̣ ваа на г̇ан̣хаад̇и. зго д̣̇взд̇и г̇ан̣ид̇амад̇д̇амзва гаронд̇о г̇ажчад̇и, г̇ан̣анамби на уг̇г̇ан̣хаад̇и. багад̇ияааби бан̃н̃аваа зса, баан̣аад̇ибаад̇ино бана жид̇д̇ам̣ на бад̇идтаад̇и, д̇асмаа ануггамзна г̇ан̣анамби на саллагкзси, згзгам̣ ан̇г̇улим̣ чинд̣̇ид̇ваа табзд̇и. табид̇адтаанз ан̇г̇улияо винассанд̇и, д̇ад̇о виж̇жхид̇ваа ан̇г̇улийнам̣ маалам̣ гад̇ваа д̇хаарзси, д̇знзва жасса ан̇г̇улимаалод̇и сан̇каа уд̣̇абаад̣̇и. со саб̣б̣ам̣ аран̃н̃ам̣ ниссан̃жаарамагааси, д̣̇ааруаад̣̇ийнам̣ ад̇т̇ааяа аран̃н̃ам̣ г̇анд̇ум̣ самад̇т̇о наама над̇т̇и.
Atha naṃ āha – ‘‘ehi tāta jaṅghasahassaṃ ghātehi, evaṃ te sippassa upacāro kato bhavissatī’’ti. Mayaṃ ahiṃsakakule jātā, na sakkā ācariyāti. Aladdhupacāraṃ sippaṃ phalaṃ na deti tātāti. So pañcāvudhaṃ gahetvā ācariyaṃ vanditvā aṭaviṃ paviṭṭho. Aṭaviṃ pavisanaṭṭhānepi aṭavimajjhepi aṭavito nikkhamanaṭṭhānepi ṭhatvā manusse ghāteti. Vatthaṃ vā veṭhanaṃ vā na gaṇhāti. Eko dveti gaṇitamattameva karonto gacchati, gaṇanampi na uggaṇhāti. Pakatiyāpi paññavā esa, pāṇātipātino pana cittaṃ na patiṭṭhāti, tasmā anukkamena gaṇanampi na sallakkhesi, ekekaṃ aṅguliṃ chinditvā ṭhapeti. Ṭhapitaṭṭhāne aṅguliyo vinassanti, tato vijjhitvā aṅgulīnaṃ mālaṃ katvā dhāresi, teneva cassa aṅgulimāloti saṅkhā udapādi. So sabbaṃ araññaṃ nissañcāramakāsi, dāruādīnaṃ atthāya araññaṃ gantuṃ samattho nāma natthi.
рад̇д̇ибхааг̇з анд̇ог̇аамамби ааг̇анд̇ваа баад̣̇зна бахарид̇ваа д̣̇ваарам̣ уг̇гхаад̇зд̇и. д̇ад̇о саяид̇зязва маарзд̇ваа зго згод̇и г̇ахзд̇ваа г̇ажчад̇и. г̇аамо осарид̇ваа ниг̇амз адтааси, ниг̇амо наг̇арз. мануссаа д̇ияож̇анад̇о бадтааяа гхараани бахааяа д̣̇аарагз хад̇т̇зсу г̇ахзд̇ваа ааг̇амма саавад̇т̇им̣ бариваарзд̇ваа канд̇хааваарам̣ б̣анд̇хид̇ваа рааж̇ан̇г̇ан̣з саннибад̇ид̇ваа – ‘‘жоро, д̇з д̣̇зва, виж̇ид̇з ан̇г̇улимаало наамаа’’д̇иаад̣̇ийни вад̣̇анд̇аа ганд̣̇анд̇и. бхаг̇г̇аво ‘‘маяхам̣ буд̇д̇о бхависсад̇ий’’д̇и н̃ад̇ваа б̣раахман̣им̣ ааха – бход̇и ан̇г̇улимаало наама жоро уббанно, со на ан̃н̃о, д̇ава буд̇д̇о ахим̣сагагумааро. ид̣̇аани рааж̇аа д̇ам̣ г̇ан̣хид̇ум̣ нигкамиссад̇и, гим̣ гад̇д̇аб̣б̣анд̇и? г̇ажча саами, буд̇д̇ам̣ мз г̇ахзд̇ваа зхийд̇и. наахам̣ бхад̣̇д̣̇з уссахаами, жад̇уусу хи ж̇анзсу виссаасо наама над̇т̇и, жоро мз бураан̣асахааяод̇и ависсаасанийяо, саакаа мз бураан̣асант̇ад̇аад̇и ависсаасанийяаа, рааж̇аа мам̣ бууж̇зд̇ийд̇и ависсаасанийяо, ид̇т̇ий мз васам̣ г̇ад̇аад̇и ависсаасанийяаад̇и. маад̇у хад̣̇аяам̣ бана муд̣̇угам̣ ход̇и. д̇асмаа ахам̣ бана г̇анд̇ваа маяхам̣ буд̇д̇ам̣ аанзссаамийд̇и нигканд̇аа.
Rattibhāge antogāmampi āgantvā pādena paharitvā dvāraṃ ugghāteti. Tato sayiteyeva māretvā eko ekoti gahetvā gacchati. Gāmo osaritvā nigame aṭṭhāsi, nigamo nagare. Manussā tiyojanato paṭṭhāya gharāni pahāya dārake hatthesu gahetvā āgamma sāvatthiṃ parivāretvā khandhāvāraṃ bandhitvā rājaṅgaṇe sannipatitvā – ‘‘coro, te deva, vijite aṅgulimālo nāmā’’tiādīni vadantā kandanti. Bhaggavo ‘‘mayhaṃ putto bhavissatī’’ti ñatvā brāhmaṇiṃ āha – bhoti aṅgulimālo nāma coro uppanno, so na añño, tava putto ahiṃsakakumāro. Idāni rājā taṃ gaṇhituṃ nikkhamissati, kiṃ kattabbanti? Gaccha sāmi, puttaṃ me gahetvā ehīti. Nāhaṃ bhadde ussahāmi, catūsu hi janesu vissāso nāma natthi, coro me purāṇasahāyoti avissāsanīyo, sākhā me purāṇasanthatāti avissāsanīyā, rājā maṃ pūjetīti avissāsanīyo, itthī me vasaṃ gatāti avissāsanīyāti. Mātu hadayaṃ pana mudukaṃ hoti. Tasmā ahaṃ pana gantvā mayhaṃ puttaṃ ānessāmīti nikkhantā.
д̇ам̣д̣̇ивасан̃жа бхаг̇аваа бажжуусасамаяз логам̣ вологзнд̇о ан̇г̇улимаалам̣ д̣̇исваа – ‘‘маяи г̇ад̇з зд̇асса сод̇т̇и бхависсад̇и. аг̇аамагз аран̃н̃з тид̇о жад̇уббад̣̇игам̣ г̇аат̇ам̣ суд̇ваа мама санд̇игз баб̣б̣аж̇ид̇ваа ча абхин̃н̃аа сажчигариссад̇и. сажз на г̇амиссаами, маад̇ари абараж̇жхид̇ваа ануд̣̇д̇харан̣ийяо бхависсад̇и, гариссаамисса сан̇г̇аха’’нд̇и буб̣б̣ан̣хасамаяам̣ ниваасзд̇ваа бин̣д̣ааяа бависид̇ваа гад̇абхад̇д̇агижжо д̇ам̣ сан̇г̇ан̣хид̇угаамо вихаараа нигками. зд̇амад̇т̇ам̣ д̣̇ассзд̇ум̣ ‘‘ат̇а ко бхаг̇аваа’’д̇иаад̣̇и вуд̇д̇ам̣.
Taṃdivasañca bhagavā paccūsasamaye lokaṃ volokento aṅgulimālaṃ disvā – ‘‘mayi gate etassa sotthi bhavissati. Agāmake araññe ṭhito catuppadikaṃ gāthaṃ sutvā mama santike pabbajitvā cha abhiññā sacchikarissati. Sace na gamissāmi, mātari aparajjhitvā anuddharaṇīyo bhavissati, karissāmissa saṅgaha’’nti pubbaṇhasamayaṃ nivāsetvā piṇḍāya pavisitvā katabhattakicco taṃ saṅgaṇhitukāmo vihārā nikkhami. Etamatthaṃ dassetuṃ ‘‘atha kho bhagavā’’tiādi vuttaṃ.
348. сан̇гарид̇ваа сан̇гарид̇ваад̇и сан̇гзд̇ам̣ гад̇ваа ваг̇г̇аваг̇г̇аа худ̇ваа. хад̇т̇ад̇т̇ам̣ г̇ажчанд̇ийд̇и хад̇т̇з ад̇т̇ам̣ винаасам̣ г̇ажчанд̇и. гим̣ бана д̇з бхаг̇аванд̇ам̣ сан̃ж̇аанид̇ваа звам̣ вад̣̇анд̇и асан̃ж̇аанид̇ваад̇и? асан̃ж̇аанид̇ваа. ан̃н̃аад̇агавзсзна хи бхаг̇аваа згагова аг̇амааси. жороби д̇асмим̣ самаяз д̣̇ийгхарад̇д̇ам̣ д̣̇уб̣бхож̇анзна жа д̣̇угкасзяяааяа жа угган̣тид̇о ход̇и. гид̇д̇агаа банаанзна мануссаа маарид̇аад̇и? згзнуунасахассам̣. со бана ид̣̇аани згам̣ лабхид̇ваа сахассам̣ буурзссад̇ийд̇и сан̃н̃ий худ̇ваа яамзва батамам̣ бассаами, д̇ам̣ гхаад̇зд̇ваа г̇ан̣анам̣ буурзд̇ваа сиббасса убажаарам̣ гад̇ваа гзсамассум̣ охаарзд̇ваа нхааяид̇ваа вад̇т̇аани баривад̇д̇зд̇ваа маад̇аабид̇аро бассиссаамийд̇и адавимаж̇жхад̇о адавимукам̣ ааг̇анд̇ваа згаманд̇ам̣ тид̇ова бхаг̇аванд̇ам̣ ад̣̇д̣̇аса. зд̇амад̇т̇ам̣ д̣̇ассзд̇ум̣ ‘‘ад̣̇д̣̇асаа ко’’д̇иаад̣̇и вуд̇д̇ам̣.
348.Saṅkaritvā saṅkaritvāti saṅketaṃ katvā vaggavaggā hutvā. Hatthatthaṃ gacchantīti hatthe atthaṃ vināsaṃ gacchanti. Kiṃ pana te bhagavantaṃ sañjānitvā evaṃ vadanti asañjānitvāti? Asañjānitvā. Aññātakavesena hi bhagavā ekakova agamāsi. Coropi tasmiṃ samaye dīgharattaṃ dubbhojanena ca dukkhaseyyāya ca ukkaṇṭhito hoti. Kittakā panānena manussā māritāti? Ekenūnasahassaṃ. So pana idāni ekaṃ labhitvā sahassaṃ pūressatīti saññī hutvā yameva paṭhamaṃ passāmi, taṃ ghātetvā gaṇanaṃ pūretvā sippassa upacāraṃ katvā kesamassuṃ ohāretvā nhāyitvā vatthāni parivattetvā mātāpitaro passissāmīti aṭavimajjhato aṭavimukhaṃ āgantvā ekamantaṃ ṭhitova bhagavantaṃ addasa. Etamatthaṃ dassetuṃ ‘‘addasā kho’’tiādi vuttaṃ.
ид̣̇д̇хаабхисан̇каарам̣ абхисан̇каасийд̇и махаабат̇авим̣ уммияо удтабзнд̇о вияа сам̣харид̇ваа абарабхааг̇з аггамад̇и, орабхааг̇з валияо нигкаманд̇и, ан̇г̇улимаало сарагкзбамад̇д̇ам̣ мун̃жид̇ваа г̇ажчад̇и. бхаг̇аваа бурад̇о маханд̇ам̣ ан̇г̇ан̣ам̣ д̣̇ассзд̇ваа саяам̣ маж̇жхз ход̇и, жоро анд̇з. со ‘‘ид̣̇аани нам̣ баабун̣ид̇ваа г̇ан̣хиссаамий’’д̇и саб̣б̣ат̇аамзна д̇хаавад̇и. бхаг̇аваа ан̇г̇ан̣асса баариманд̇з ход̇и, жоро маж̇жхз. со ‘‘зд̇т̇а нам̣ баабун̣ид̇ваа г̇ан̣хиссаамий’’д̇и взг̇зна д̇хаавад̇и. бхаг̇аваа д̇асса бурад̇о маад̇игам̣ ваа т̇алам̣ ваа д̣̇ассзд̇и, зд̇знубааязна д̇ийн̣и яож̇анаани г̇ахзд̇ваа аг̇амааси. жоро гилами, мукз кзл̣о сусси, гажчзхи сзд̣̇аа мужжим̣су. ат̇асса ‘‘ажчарияам̣ вад̇а бхо’’д̇и зд̇ад̣̇ахоси. миг̇амбийд̇и миг̇ам̣ гасмаа г̇ан̣хаад̇и? чаад̇асамаяз аахаарад̇т̇ам̣. со гира згам̣ г̇умб̣ам̣ гхаддзд̇ваа миг̇з удтаабзд̇и. д̇ад̇о жид̇д̇аружияам̣ миг̇ам̣ ануб̣анд̇ханд̇о г̇ан̣хид̇ваа бажид̇ваа каад̣̇ад̇и. бужчзяяанд̇и язна гааран̣знааяам̣ г̇ажчанд̇ова тид̇о наама , ахан̃жа тид̇ова адтид̇о наама, яам̣нуунаахам̣ имам̣ саман̣ам̣ д̇ам̣ гааран̣ам̣ бужчзяяанд̇и ад̇т̇о.
Iddhābhisaṅkhāraṃ abhisaṅkhāsīti mahāpathaviṃ ummiyo uṭṭhapento viya saṃharitvā aparabhāge akkamati, orabhāge valiyo nikkhamanti, aṅgulimālo sarakkhepamattaṃ muñcitvā gacchati. Bhagavā purato mahantaṃ aṅgaṇaṃ dassetvā sayaṃ majjhe hoti, coro ante. So ‘‘idāni naṃ pāpuṇitvā gaṇhissāmī’’ti sabbathāmena dhāvati. Bhagavā aṅgaṇassa pārimante hoti, coro majjhe. So ‘‘ettha naṃ pāpuṇitvā gaṇhissāmī’’ti vegena dhāvati. Bhagavā tassa purato mātikaṃ vā thalaṃ vā dasseti, etenupāyena tīṇi yojanāni gahetvā agamāsi. Coro kilami, mukhe kheḷo sussi, kacchehi sedā mucciṃsu. Athassa ‘‘acchariyaṃ vata bho’’ti etadahosi. Migampīti migaṃ kasmā gaṇhāti? Chātasamaye āhāratthaṃ. So kira ekaṃ gumbaṃ ghaṭṭetvā mige uṭṭhāpeti. Tato cittaruciyaṃ migaṃ anubandhanto gaṇhitvā pacitvā khādati. Puccheyyanti yena kāraṇenāyaṃ gacchantova ṭhito nāma , ahañca ṭhitova aṭṭhito nāma, yaṃnūnāhaṃ imaṃ samaṇaṃ taṃ kāraṇaṃ puccheyyanti attho.
349. нид̇хааяаад̇и яо вихим̣санад̇т̇ам̣ бхууд̇зсу д̣̇ан̣д̣о бавад̇д̇аяид̇аб̣б̣о сияаа, д̇ам̣ нид̇хааяа абанзд̇ваа мзд̇д̇ааяа канд̇ияаа бадисан̇кааяа авихим̣сааяа сааран̣ийяад̇хаммзсу жа тид̇о аханд̇и ад̇т̇о. д̇увамадтид̇осийд̇и баан̣зсу асан̃н̃ад̇ад̇д̇аа зд̇д̇агаани баан̣асахассаани гхаад̇знд̇асса д̇ава мзд̇д̇аа ваа канд̇и ваа бадисан̇каа ваа авихим̣саа ваа сааран̣ийяад̇хаммо ваа над̇т̇и, д̇асмаа д̇увам̣ адтид̇оси, ид̣̇аани ирияаабат̇зна тид̇оби нираяз д̇хаависсаси, д̇иражчаанаяонияам̣ бзд̇д̇ивисаяз асурагааяз ваа д̇хаависсасийд̇и вуд̇д̇ам̣ ход̇и.
349.Nidhāyāti yo vihiṃsanatthaṃ bhūtesu daṇḍo pavattayitabbo siyā, taṃ nidhāya apanetvā mettāya khantiyā paṭisaṅkhāya avihiṃsāya sāraṇīyadhammesu ca ṭhito ahanti attho. Tuvamaṭṭhitosīti pāṇesu asaññatattā ettakāni pāṇasahassāni ghātentassa tava mettā vā khanti vā paṭisaṅkhā vā avihiṃsā vā sāraṇīyadhammo vā natthi, tasmā tuvaṃ aṭṭhitosi, idāni iriyāpathena ṭhitopi niraye dhāvissasi, tiracchānayoniyaṃ pettivisaye asurakāye vā dhāvissasīti vuttaṃ hoti.
д̇ад̇о жоро – ‘‘махаа аяам̣ сийханаад̣̇о, маханд̇ам̣ г̇аж̇ж̇ид̇ам̣, на ид̣̇ам̣ ан̃н̃асса бхависсад̇и, махаамааяааяа буд̇д̇асса сид̣̇д̇хад̇т̇асса саман̣аран̃н̃о зд̇ам̣ г̇аж̇ж̇ид̇ам̣, д̣̇идто вад̇амхи ман̃н̃з д̇икин̣ажагкунаа саммаасамб̣уд̣̇д̇хзна, сан̇г̇ахагаран̣ад̇т̇ам̣ мз бхаг̇аваа ааг̇ад̇о’’д̇и жинд̇зд̇ваа жирассам̣ вад̇а мзд̇иаад̣̇имааха. д̇ад̇т̇а махид̇од̇и д̣̇звамануссаад̣̇ийхи жад̇убажжаяабууж̇ааяа бууж̇ид̇о. бажжубаад̣̇ийд̇и жирассам̣ гааласса ажжаязна маяхам̣ сан̇г̇ахад̇т̇ааяа имам̣ махааванам̣ бадибаж̇ж̇и. бахааяа баабанд̇и баж̇ахид̇ваа баабам̣.
Tato coro – ‘‘mahā ayaṃ sīhanādo, mahantaṃ gajjitaṃ, na idaṃ aññassa bhavissati, mahāmāyāya puttassa siddhatthassa samaṇarañño etaṃ gajjitaṃ, diṭṭho vatamhi maññe tikhiṇacakkhunā sammāsambuddhena, saṅgahakaraṇatthaṃ me bhagavā āgato’’ti cintetvā cirassaṃ vata metiādimāha. Tattha mahitoti devamanussādīhi catupaccayapūjāya pūjito. Paccupādīti cirassaṃ kālassa accayena mayhaṃ saṅgahatthāya imaṃ mahāvanaṃ paṭipajji. Pahāya pāpanti pajahitvā pāpaṃ.
ид̇взваад̇и звам̣ вад̇вааязва. аавуд̇ханд̇и бан̃жаавуд̇хам̣. соб̣бхзд̇и саманд̇ад̇о чиннз. бабаад̇зд̇и згад̇о чиннз. нарагзд̇и палид̇адтаанз. ид̇ха бана д̇ийхиби имзхи бад̣̇зхи аран̃н̃амзва вуд̇д̇ам̣. агирийд̇и киби чад̣д̣зси.
Itvevāti evaṃ vatvāyeva. Āvudhanti pañcāvudhaṃ. Sobbheti samantato chinne. Papāteti ekato chinne. Naraketi phalitaṭṭhāne. Idha pana tīhipi imehi padehi araññameva vuttaṃ. Akirīti khipi chaḍḍesi.
д̇амзхи бхигкууд̇и д̇ад̣̇аа авожаад̇и бхаг̇авад̇о имам̣ баб̣б̣ааж̇знд̇о гухим̣ сад̇т̇агам̣ лабхиссаами, гухим̣ бад̇д̇ажийваранд̇и бариязсанагижжам̣ над̇т̇и, гаммам̣ бана ологзси. ат̇асса буб̣б̣з сийлаванд̇аанам̣ адтабаригкаарабхан̣д̣агасса д̣̇иннабхаавам̣ н̃ад̇ваа д̣̇агкин̣ахад̇т̇ам̣ басаарзд̇ваа – ‘‘зхи бхигку сваагкаад̇о д̇хаммо, жара б̣рахмажарияам̣ саммаа д̣̇угкасса анд̇агирияааяаа’’д̇и ааха. со саха важанзнзва ид̣̇д̇химаяабад̇д̇ажийварам̣ бадилабхи. д̇аавад̣̇звасса г̇ихилин̇г̇ам̣ анд̇арад̇хааяи, саман̣алин̇г̇ам̣ баад̇урахоси.
Tamehibhikkhūti tadā avocāti bhagavato imaṃ pabbājento kuhiṃ satthakaṃ labhissāmi, kuhiṃ pattacīvaranti pariyesanakiccaṃ natthi, kammaṃ pana olokesi. Athassa pubbe sīlavantānaṃ aṭṭhaparikkhārabhaṇḍakassa dinnabhāvaṃ ñatvā dakkhiṇahatthaṃ pasāretvā – ‘‘ehi bhikkhu svākkhāto dhammo, cara brahmacariyaṃ sammā dukkhassa antakiriyāyā’’ti āha. So saha vacaneneva iddhimayapattacīvaraṃ paṭilabhi. Tāvadevassa gihiliṅgaṃ antaradhāyi, samaṇaliṅgaṃ pāturahosi.
‘‘д̇ижийваран̃жа бад̇д̇о жа, вааси суужи жа б̣анд̇ханам̣;
‘‘Ticīvarañca patto ca, vāsi sūci ca bandhanaṃ;
бариссааванзна адтзд̇з, яуд̇д̇аяог̇асса бхигкуно’’д̇и. –
Parissāvanena aṭṭhete, yuttayogassa bhikkhuno’’ti. –
звам̣ вуд̇д̇аа адта баригкаараа сарийрабадиб̣ад̣̇д̇хаава худ̇ваа ниб̣б̣ад̇д̇им̣су. зсзва д̇асса аху бхигкубхаавод̇и зса зхибхигкубхааво д̇асса убасамбаннабхигкубхааво ахоси, на хи зхибхигкуунам̣ висум̣ убасамбад̣̇аа наама ад̇т̇и.
Evaṃ vuttā aṭṭha parikkhārā sarīrapaṭibaddhāva hutvā nibbattiṃsu. Eseva tassa ahu bhikkhubhāvoti esa ehibhikkhubhāvo tassa upasampannabhikkhubhāvo ahosi, na hi ehibhikkhūnaṃ visuṃ upasampadā nāma atthi.
350. бажчаасаман̣знаад̇и бхан̣д̣аг̇г̇аахагзна бажчаасаман̣зна, д̇знзва ад̇д̇ано бад̇д̇ажийварам̣ г̇аахаабзд̇ваа д̇ам̣ бажчаасаман̣ам̣ гад̇ваа г̇ад̇од̇и ад̇т̇о. маад̇аабисса адтаусабхамад̇д̇зна таанзна анд̇арид̇аа, – ‘‘д̇аад̇а, ахим̣сага гад̇т̇а тид̇оси, гад̇т̇а нисинноси, гухим̣ г̇ад̇оси? маяаа сад̣̇д̇хим̣ на гат̇зси д̇аад̇аа’’д̇и вад̣̇анд̇ий аахин̣д̣ид̇ваа абассамаанаа зд̇д̇ова г̇ад̇аа.
350.Pacchāsamaṇenāti bhaṇḍaggāhakena pacchāsamaṇena, teneva attano pattacīvaraṃ gāhāpetvā taṃ pacchāsamaṇaṃ katvā gatoti attho. Mātāpissa aṭṭhausabhamattena ṭhānena antaritā, – ‘‘tāta, ahiṃsaka kattha ṭhitosi, kattha nisinnosi, kuhiṃ gatosi? Mayā saddhiṃ na kathesi tātā’’ti vadantī āhiṇḍitvā apassamānā ettova gatā.
бан̃жамад̇д̇зхи ассасад̇зхийд̇и сажз жорасса барааж̇аяо бхависсад̇и, ануб̣анд̇хид̇ваа нам̣ г̇ан̣хиссаами. сажз маяхам̣ барааж̇аяо бхависсад̇и, взг̇зна балааяиссаамийд̇и саллахугзна б̣алзна нигками . язна аараамод̇и гасмаа аараамам̣ аг̇амааси? со гира жорасса бхааяад̇и, жид̇д̇зна г̇анд̇угаамо на г̇ажчад̇и, г̇арахаабхаязна нигками. д̇знасса зд̇ад̣̇ахоси – ‘‘саммаасамб̣уд̣̇д̇хам̣ ванд̣̇ид̇ваа нисийд̣̇иссаами, со бужчиссад̇и ‘гасмаа б̣алам̣ г̇ахзд̇ваа нигканд̇осий’д̇и. ат̇аахам̣ аарожзссаами, бхаг̇аваа хи мам̣ на гзвалам̣ самбарааяигзнзва ад̇т̇зна сан̇г̇ан̣хаад̇и, д̣̇идтад̇хаммигзнаби сан̇г̇ан̣хаад̇иязва. со сажз маяхам̣ ж̇аяо бхависсад̇и, ад̇хиваасзссад̇и. сажз барааж̇аяо бхависсад̇и ‘гим̣ д̇з, махаарааж̇а, згам̣ жорам̣ аараб̣бха г̇аманзнаа’д̇и вагкад̇и. д̇ад̇о мам̣ ж̇ано звам̣ сан̃ж̇ааниссад̇и – ‘рааж̇аа жорам̣ г̇ахзд̇ум̣ нигканд̇о, саммаасамб̣уд̣̇д̇хзна бана нивад̇д̇ид̇о’д̇и’’ г̇арахамогкам̣ самбассамаано аг̇амааси.
Pañcamattehiassasatehīti sace corassa parājayo bhavissati, anubandhitvā naṃ gaṇhissāmi. Sace mayhaṃ parājayo bhavissati, vegena palāyissāmīti sallahukena balena nikkhami . Yena ārāmoti kasmā ārāmaṃ agamāsi? So kira corassa bhāyati, cittena gantukāmo na gacchati, garahābhayena nikkhami. Tenassa etadahosi – ‘‘sammāsambuddhaṃ vanditvā nisīdissāmi, so pucchissati ‘kasmā balaṃ gahetvā nikkhantosī’ti. Athāhaṃ ārocessāmi, bhagavā hi maṃ na kevalaṃ samparāyikeneva atthena saṅgaṇhāti, diṭṭhadhammikenapi saṅgaṇhātiyeva. So sace mayhaṃ jayo bhavissati, adhivāsessati. Sace parājayo bhavissati ‘kiṃ te, mahārāja, ekaṃ coraṃ ārabbha gamanenā’ti vakkhati. Tato maṃ jano evaṃ sañjānissati – ‘rājā coraṃ gahetuṃ nikkhanto, sammāsambuddhena pana nivattito’ti’’ garahamokkhaṃ sampassamāno agamāsi.
гуд̇о банассаад̇и гасмаа ааха? аби наама бхаг̇аваа д̇асса убаниссаяам̣ ологзд̇ваа д̇ам̣ аанзд̇ваа баб̣б̣ааж̇зяяаад̇и бхаг̇авад̇о бариг̇ан̣ханад̇т̇ам̣ ааха. ран̃н̃од̇и на гзвалам̣ ран̃н̃оязва бхаяам̣ ахоси, авасзсоби махааж̇ано бхийд̇о палагаавуд̇хаани чад̣д̣зд̇ваа саммукасаммукадтаанзва балааяид̇ваа наг̇арам̣ бависид̇ваа д̣̇ваарам̣ бид̇хааяа аддаалагз ааруяха ологзнд̇о адтааси. зван̃жа авожа – ‘‘ан̇г̇улимаало ‘рааж̇аа маяхам̣ санд̇игам̣ ааг̇ажчад̇ий’д̇и н̃ад̇ваа батамад̇арам̣ ааг̇анд̇ваа ж̇зд̇аванз нисинно, рааж̇аа д̇зна г̇ахид̇о, маяам̣ бана балааяид̇ваа муд̇д̇аа’’д̇и. над̇т̇и д̇з ид̇о бхаяанд̇и аяан̃хи ид̣̇аани гунт̇агибиллигам̣ ж̇ийвид̇аа на воробзд̇и, над̇т̇и д̇з имасса санд̇игаа бхаяанд̇и ад̇т̇о.
Kuto panassāti kasmā āha? Api nāma bhagavā tassa upanissayaṃ oloketvā taṃ ānetvā pabbājeyyāti bhagavato parigaṇhanatthaṃ āha. Raññoti na kevalaṃ raññoyeva bhayaṃ ahosi, avasesopi mahājano bhīto phalakāvudhāni chaḍḍetvā sammukhasammukhaṭṭhāneva palāyitvā nagaraṃ pavisitvā dvāraṃ pidhāya aṭṭālake āruyha olokento aṭṭhāsi. Evañca avoca – ‘‘aṅgulimālo ‘rājā mayhaṃ santikaṃ āgacchatī’ti ñatvā paṭhamataraṃ āgantvā jetavane nisinno, rājā tena gahito, mayaṃ pana palāyitvā muttā’’ti. Natthi te ito bhayanti ayañhi idāni kunthakipillikaṃ jīvitā na voropeti, natthi te imassa santikā bhayanti attho.
гат̇ам̣ г̇од̇д̇од̇и? гасмаа бужчад̇и? баб̣б̣аж̇ид̇ам̣ д̣̇аарун̣агаммзна уббаннанаамам̣ г̇ахзд̇ваа вохарид̇ум̣ на яуд̇д̇ам̣, маад̇аабид̇уунам̣ г̇од̇д̇авасзна нам̣ самуд̣̇аажариссаамийд̇и ман̃н̃амаано бужчи. баригкаараананд̇и зд̇зсам̣ ад̇т̇ааяа ахам̣ уссуггам̣ гариссаамийд̇и ад̇т̇о. гат̇знд̇оязва жа уд̣̇арз б̣ад̣̇д̇хасаадагам̣ мун̃жид̇ваа т̇зрасса баад̣̇амуулз табзси.
Kathaṃ gottoti? Kasmā pucchati? Pabbajitaṃ dāruṇakammena uppannanāmaṃ gahetvā voharituṃ na yuttaṃ, mātāpitūnaṃ gottavasena naṃ samudācarissāmīti maññamāno pucchi. Parikkhārānanti etesaṃ atthāya ahaṃ ussukkaṃ karissāmīti attho. Kathentoyeva ca udare baddhasāṭakaṃ muñcitvā therassa pādamūle ṭhapesi.
351. ааран̃н̃игод̇иаад̣̇ийни жад̇д̇аари д̇худ̇ан̇г̇аани баал̣ияам̣ ааг̇ад̇аани. т̇зрзна бана д̇зрасаби самаад̣̇иннаанзва ахзсум̣, д̇асмаа аланд̇и ааха. яан̃хи маяам̣, бханд̇зд̇и гим̣ санд̇хааяа вад̣̇ад̇и? ‘‘хад̇т̇имби д̇хааванд̇ам̣ ануб̣анд̇хид̇ваа г̇ан̣хаамий’’д̇и ааг̇ад̇адтаанз ран̃н̃аа бзсид̇ахад̇т̇аад̣̇аяо со звам̣ аг̇г̇ахзси. рааж̇ааби – ‘‘хад̇т̇ийхиязва нам̣ баригкибид̇ваа г̇ан̣хат̇а, ассзхзва, рат̇зхзваа’’д̇и звам̣ анзгаваарам̣ б̣ахуу хад̇т̇аад̣̇аяо бзсзси. звам̣ г̇ад̇зсу бана д̇зсу – ‘‘ахам̣ арз ан̇г̇улимаало’’д̇и д̇асмим̣ удтааяа сад̣̇д̣̇ам̣ гаронд̇з згоби аавуд̇хам̣ баривад̇д̇зд̇ум̣ наасагки, саб̣б̣зва годдзд̇ваа маарзси. хад̇т̇ий аран̃н̃ахад̇т̇ий, ассаа аран̃н̃аассаа, рат̇ааби д̇ад̇т̇зва бхиж̇ж̇анд̇ийд̇и ид̣̇ам̣ санд̇хааяа рааж̇аа звам̣ вад̣̇ад̇и.
351.Āraññikotiādīni cattāri dhutaṅgāni pāḷiyaṃ āgatāni. Therena pana terasapi samādinnāneva ahesuṃ, tasmā alanti āha. Yañhi mayaṃ, bhanteti kiṃ sandhāya vadati? ‘‘Hatthimpi dhāvantaṃ anubandhitvā gaṇhāmī’’ti āgataṭṭhāne raññā pesitahatthādayo so evaṃ aggahesi. Rājāpi – ‘‘hatthīhiyeva naṃ parikkhipitvā gaṇhatha, asseheva, rathehevā’’ti evaṃ anekavāraṃ bahū hatthādayo pesesi. Evaṃ gatesu pana tesu – ‘‘ahaṃ are aṅgulimālo’’ti tasmiṃ uṭṭhāya saddaṃ karonte ekopi āvudhaṃ parivattetuṃ nāsakkhi, sabbeva koṭṭetvā māresi. Hatthī araññahatthī, assā araññaassā, rathāpi tattheva bhijjantīti idaṃ sandhāya rājā evaṃ vadati.
бин̣д̣ааяа баависийд̇и на ид̣̇ам̣ батамам̣ баависи. ид̇т̇ид̣̇ассанад̣̇ивасам̣ санд̇хааяа банзд̇ам̣ вуд̇д̇ам̣. д̣̇звасигамби банзса бависад̇зва, мануссаа жа нам̣ д̣̇исваа уд̇д̇асанд̇иби балааяанд̇иби д̣̇ваарамби т̇агзнд̇и, згажжз ан̇г̇улимаалод̇и суд̇ваава балааяид̇ваа аран̃н̃ам̣ ваа бависанд̇и, гхарам̣ ваа бависид̇ваа д̣̇ваарам̣ т̇агзнд̇и. балааяид̇ум̣ асаггонд̇аа бидтим̣ д̣̇ад̇ваа д̇идтанд̇и . т̇зро ул̣ун̇г̇аяааг̇умби гадажчубхигкамби на лабхад̇и, бин̣д̣абаад̇зна гиламад̇и. б̣ахи алабханд̇о наг̇арам̣ саб̣б̣асаад̇хааран̣анд̇и наг̇арам̣ бависад̇и. язна д̣̇ваарзна бависад̇и, д̇ад̇т̇а ан̇г̇улимаало ааг̇ад̇од̇и гуудасахассаанам̣ бхиж̇ж̇анагааран̣ам̣ ход̇и. зд̇ад̣̇ахосийд̇и гаарун̃н̃аббад̇д̇ияаа ахоси. згзна уунамануссасахассам̣ гхаад̇знд̇асса згад̣̇ивасамби гаарун̃н̃ам̣ наахоси, г̇аб̣бхамуул̣хааяа ид̇т̇ияаа д̣̇ассанамад̇д̇знзва гат̇ам̣ уббаннанд̇и? баб̣б̣аж̇ж̇ааб̣алзна, баб̣б̣аж̇ж̇ааб̣алан̃хи зд̇ам̣.
Piṇḍāya pāvisīti na idaṃ paṭhamaṃ pāvisi. Itthidassanadivasaṃ sandhāya panetaṃ vuttaṃ. Devasikampi panesa pavisateva, manussā ca naṃ disvā uttasantipi palāyantipi dvārampi thakenti, ekacce aṅgulimāloti sutvāva palāyitvā araññaṃ vā pavisanti, gharaṃ vā pavisitvā dvāraṃ thakenti. Palāyituṃ asakkontā piṭṭhiṃ datvā tiṭṭhanti . Thero uḷuṅgayāgumpi kaṭacchubhikkhampi na labhati, piṇḍapātena kilamati. Bahi alabhanto nagaraṃ sabbasādhāraṇanti nagaraṃ pavisati. Yena dvārena pavisati, tattha aṅgulimālo āgatoti kūṭasahassānaṃ bhijjanakāraṇaṃ hoti. Etadahosīti kāruññappattiyā ahosi. Ekena ūnamanussasahassaṃ ghātentassa ekadivasampi kāruññaṃ nāhosi, gabbhamūḷhāya itthiyā dassanamatteneva kathaṃ uppannanti? Pabbajjābalena, pabbajjābalañhi etaṃ.
д̇зна хийд̇и яасмаа д̇з гаарун̃н̃ам̣ уббаннам̣, д̇асмаад̇и ад̇т̇о. арияааяа ж̇аад̇ияаад̇и, ан̇г̇улимаала, зд̇ам̣ д̇вам̣ маа г̇ан̣хи, нзсаа д̇ава ж̇аад̇и. г̇ихигаало зса, г̇ихий наама баан̣амби хананд̇и, ад̣̇иннаад̣̇аанаад̣̇ийниби гаронд̇и. ид̣̇аани бана д̇з арияаа наама ж̇аад̇и. д̇асмаа д̇вам̣ ‘‘яад̇о ахам̣, бхаг̇ини, ж̇аад̇о’’д̇и сажз звам̣ вад̇д̇ум̣ гуггужжааяаси, д̇зна хи ‘‘арияааяа ж̇аад̇ияаа’’д̇и звам̣ висзсзд̇ваа вад̣̇аахийд̇и уяяож̇зси.
Tena hīti yasmā te kāruññaṃ uppannaṃ, tasmāti attho. Ariyāya jātiyāti, aṅgulimāla, etaṃ tvaṃ mā gaṇhi, nesā tava jāti. Gihikālo esa, gihī nāma pāṇampi hananti, adinnādānādīnipi karonti. Idāni pana te ariyā nāma jāti. Tasmā tvaṃ ‘‘yato ahaṃ, bhagini, jāto’’ti sace evaṃ vattuṃ kukkuccāyasi, tena hi ‘‘ariyāya jātiyā’’ti evaṃ visesetvā vadāhīti uyyojesi.
д̇ам̣ ид̇т̇им̣ зд̇ад̣̇авожаад̇и ид̇т̇ийнам̣ г̇аб̣бхавудтаанадтаанам̣ наама на саггаа бурисзна убасан̇гамид̇ум̣. т̇зро гим̣ гаросийд̇и? ан̇г̇улимаалад̇т̇зро сажжагирияам̣ гад̇ваа сод̇т̇игаран̣ад̇т̇ааяа ааг̇ад̇од̇и аарожаабзси. д̇ад̇о д̇з саан̣ияаа баригкибид̇ваа т̇зрасса б̣ахисаан̣ияам̣ бийтагам̣ бан̃н̃аабзсум̣. т̇зро д̇ад̇т̇а нисийд̣̇ид̇ваа – ‘‘яад̇о ахам̣ бхаг̇ини саб̣б̣ан̃н̃уб̣уд̣̇д̇хасса арияааяа ж̇аад̇ияаа ж̇аад̇о’’д̇и сажжагирияам̣ агааси, саха сажжаважанзнзва д̇хамагаран̣ад̇о муд̇д̇ауд̣̇агам̣ вияа д̣̇аараго нигками. маад̇аабуд̇д̇аанам̣ сод̇т̇и ахоси. иман̃жа бана барид̇д̇ам̣ на гин̃жи бариссаяам̣ на мад̣̇д̣̇ад̇и, махаабарид̇д̇ам̣ наамзд̇анд̇и вуд̇д̇ам̣. т̇зрзна нисийд̣̇ид̇ваа сажжагирияагад̇адтаанз бийтагам̣ агам̣су. г̇аб̣бхамуул̣хам̣ д̇иражчаанаг̇ад̇ид̇т̇имби аанзд̇ваа д̇ад̇т̇а нисаж̇ж̇аабзнд̇и, д̇аавад̣̇зва сукзна г̇аб̣бхавудтаанам̣ ход̇и. яаа д̣̇уб̣б̣алаа ход̇и на саггаа аанзд̇ум̣, д̇ассаа бийтагад̇хованауд̣̇агам̣ нзд̇ваа сийсз син̃жанд̇и, д̇ан̇кан̣ам̣язва г̇аб̣бхавудтаанам̣ ход̇и, ан̃н̃амби рог̇ам̣ вуубасамзд̇и. яаава габбаа д̇идтанагабаадихаарияам̣ гирзд̇ам̣.
Taṃ itthiṃ etadavocāti itthīnaṃ gabbhavuṭṭhānaṭṭhānaṃ nāma na sakkā purisena upasaṅkamituṃ. Thero kiṃ karosīti? Aṅgulimālatthero saccakiriyaṃ katvā sotthikaraṇatthāya āgatoti ārocāpesi. Tato te sāṇiyā parikkhipitvā therassa bahisāṇiyaṃ pīṭhakaṃ paññāpesuṃ. Thero tattha nisīditvā – ‘‘yato ahaṃ bhagini sabbaññubuddhassa ariyāya jātiyā jāto’’ti saccakiriyaṃ akāsi, saha saccavacaneneva dhamakaraṇato muttaudakaṃ viya dārako nikkhami. Mātāputtānaṃ sotthi ahosi. Imañca pana parittaṃ na kiñci parissayaṃ na maddati, mahāparittaṃ nāmetanti vuttaṃ. Therena nisīditvā saccakiriyakataṭṭhāne pīṭhakaṃ akaṃsu. Gabbhamūḷhaṃ tiracchānagatitthimpi ānetvā tattha nisajjāpenti, tāvadeva sukhena gabbhavuṭṭhānaṃ hoti. Yā dubbalā hoti na sakkā ānetuṃ, tassā pīṭhakadhovanaudakaṃ netvā sīse siñcanti, taṅkhaṇaṃyeva gabbhavuṭṭhānaṃ hoti, aññampi rogaṃ vūpasameti. Yāva kappā tiṭṭhanakapāṭihāriyaṃ kiretaṃ.
гим̣ бана бхаг̇аваа т̇зрам̣ взж̇ж̇агаммам̣ гаараабзсийд̇и? на гаараабзси. т̇зран̃хи д̣̇исваа мануссаа бхийд̇аа балааяанд̇и. т̇зро бхигкаахаарзна гиламад̇и, саман̣ад̇хаммам̣ гаад̇ум̣ на саггод̇и. д̇асса ануг̇г̇ахзна сажжагирияам̣ гаарзси. звам̣ гирасса ахоси – ‘‘ид̣̇аани гира ан̇г̇улимаалад̇т̇зро мзд̇д̇ажид̇д̇ам̣ бадилабхид̇ваа сажжагирияааяа мануссаанам̣ сод̇т̇ибхаавам̣ гарод̇ийд̇и мануссаа т̇зрам̣ убасан̇гамид̇аб̣б̣ам̣ ман̃н̃иссанд̇и, д̇ад̇о бхигкаахаарзна агиламанд̇о саман̣ад̇хаммам̣ гаад̇ум̣ сагкиссад̇ий’’д̇и ануг̇г̇ахзна сажжагирияам̣ гаарзси. на хи сажжагирияаа взж̇ж̇агаммам̣ ход̇и. т̇зрассааби жа ‘‘саман̣ад̇хаммам̣ гариссаамий’’д̇и муулагаммадтаанам̣ г̇ахзд̇ваа рад̇д̇идтаанад̣̇иваадтаанз нисиннасса жид̇д̇ам̣ гаммадтаанаабхимукам̣ на г̇ажчад̇и, адавияам̣ тад̇ваа мануссаанам̣ гхаад̇ид̇адтаанамзва баагадам̣ ход̇и. ‘‘д̣̇уг̇г̇ад̇омхи, куд̣̇д̣̇агабуд̇д̇омхи, ж̇ийвид̇ам̣ мз д̣̇зхи саамийд̇и маран̣абхийд̇аанам̣ важанаагааро жа хад̇т̇абаад̣̇авигааро жа аабаат̇ам̣ ааг̇ажчад̇и, со виббадисаарий худ̇ваа д̇ад̇ова удтааяа г̇ажчад̇и, ат̇асса бхаг̇аваа д̇ам̣ ж̇аад̇им̣ аб̣б̣охааригам̣ гад̇ваавааяам̣ вибассанам̣ вад̣дхзд̇ваа арахад̇д̇ам̣ г̇ан̣хиссад̇ийд̇и арияааяа ж̇аад̇ияаа сажжагирияам̣ гаарзси. зго вуубагадтод̇иаад̣̇и вад̇т̇асуд̇д̇з (ма. ни. 1.80) вид̇т̇аарид̇ам̣.
Kiṃ pana bhagavā theraṃ vejjakammaṃ kārāpesīti? Na kārāpesi. Therañhi disvā manussā bhītā palāyanti. Thero bhikkhāhārena kilamati, samaṇadhammaṃ kātuṃ na sakkoti. Tassa anuggahena saccakiriyaṃ kāresi. Evaṃ kirassa ahosi – ‘‘idāni kira aṅgulimālatthero mettacittaṃ paṭilabhitvā saccakiriyāya manussānaṃ sotthibhāvaṃ karotīti manussā theraṃ upasaṅkamitabbaṃ maññissanti, tato bhikkhāhārena akilamanto samaṇadhammaṃ kātuṃ sakkhissatī’’ti anuggahena saccakiriyaṃ kāresi. Na hi saccakiriyā vejjakammaṃ hoti. Therassāpi ca ‘‘samaṇadhammaṃ karissāmī’’ti mūlakammaṭṭhānaṃ gahetvā rattiṭṭhānadivāṭṭhāne nisinnassa cittaṃ kammaṭṭhānābhimukhaṃ na gacchati, aṭaviyaṃ ṭhatvā manussānaṃ ghātitaṭṭhānameva pākaṭaṃ hoti. ‘‘Duggatomhi, khuddakaputtomhi, jīvitaṃ me dehi sāmīti maraṇabhītānaṃ vacanākāro ca hatthapādavikāro ca āpāthaṃ āgacchati, so vippaṭisārī hutvā tatova uṭṭhāya gacchati, athassa bhagavā taṃ jātiṃ abbohārikaṃ katvāvāyaṃ vipassanaṃ vaḍḍhetvā arahattaṃ gaṇhissatīti ariyāya jātiyā saccakiriyaṃ kāresi. Eko vūpakaṭṭhotiādi vatthasutte (ma. ni. 1.80) vitthāritaṃ.
352. ан̃н̃знаби лзд̣д̣у кид̇д̇од̇и гаагасунакасуугараад̣̇ийнам̣ бадиггамаабанад̇т̇ааяа саманд̇аа сарагкзбамад̇д̇з таанз язна гзнажи д̣̇исаабхааг̇зна кид̇д̇о ааг̇анд̇ваа т̇зрассзва гааяз бад̇ад̇и. гид̇д̇агз таанз звам̣ ход̇и? г̇ан̣тигам̣ бадимун̃жид̇ваа бин̣д̣ааяа жарид̇ваа бадинивад̇д̇зд̇ваа яаава г̇ан̣тигабадимуггадтаанам̣ ааг̇ажчад̇и, д̇аава ход̇и. бхиннзна сийсзнаад̇и махаажаммам̣ чинд̣̇ид̇ваа яаава адтимарияаад̣̇аа бхиннзна.
352.Aññenapi leḍḍu khittoti kākasunakhasūkarādīnaṃ paṭikkamāpanatthāya samantā sarakkhepamatte ṭhāne yena kenaci disābhāgena khitto āgantvā therasseva kāye patati. Kittake ṭhāne evaṃ hoti? Gaṇṭhikaṃ paṭimuñcitvā piṇḍāya caritvā paṭinivattetvā yāva gaṇṭhikapaṭimukkaṭṭhānaṃ āgacchati, tāva hoti. Bhinnena sīsenāti mahācammaṃ chinditvā yāva aṭṭhimariyādā bhinnena.
б̣раахман̣аад̇и кийн̣аасавабхаавам̣ санд̇хааяа ааха. яасса ко д̇вам̣, б̣раахман̣а, гаммасса вибаагзнаад̇и ид̣̇ам̣ сабхааг̇ад̣̇идтад̇хаммавзд̣̇анийяагаммам̣ санд̇хааяа вуд̇д̇ам̣. гамман̃хи гарияамаанамзва д̇аяо годтаасз буурзд̇и. сад̇д̇асу жид̇д̇зсу гусалаа ваа агусалаа ваа батамаж̇аванажзд̇анаа д̣̇идтад̇хаммавзд̣̇анийяагаммам̣ наама ход̇и. д̇ам̣ имасмим̣язва ад̇д̇абхаавз вибаагам̣ д̣̇зд̇и. д̇ат̇аа асаггонд̇ам̣ ахосигаммам̣, наахоси гаммавибааго, на бхависсад̇и гаммавибааго, над̇т̇и гаммавибаагод̇и имасса д̇игасса васзна ахосигаммам̣ наама ход̇и. ад̇т̇асаад̇хигаа сад̇д̇амаж̇аванажзд̇анаа убабаж̇ж̇авзд̣̇анийяагаммам̣ наама. д̇ам̣ ананд̇арз ад̇д̇абхаавз вибаагам̣ д̣̇зд̇и. д̇ат̇аа асаггонд̇ам̣ вуд̇д̇анаязнзва д̇ам̣ ахосигаммам̣ наама ход̇и. убхиннаманд̇арз бан̃жаж̇аванажзд̇анаа абараабарияавзд̣̇анийяагаммам̣ наама ход̇и. д̇ам̣ анааг̇ад̇з яад̣̇аа огаасам̣ лабхад̇и, д̇ад̣̇аа вибаагам̣ д̣̇зд̇и. сад̇и сам̣саараббавад̇д̇ияаа ахосигаммам̣ наама на ход̇и. т̇зрасса бана убабаж̇ж̇авзд̣̇анийяан̃жа абараабарияавзд̣̇анийяан̃жаад̇и имаани д̣̇вз гаммаани гаммагкаяагарзна арахад̇д̇амаг̇г̇зна самуг̇гхаадид̇аани, д̣̇идтад̇хаммавзд̣̇анийяам̣ ад̇т̇и . д̇ам̣ арахад̇д̇аббад̇д̇ассааби вибаагам̣ д̣̇зд̇иязва. д̇ам̣ санд̇хааяа бхаг̇аваа ‘‘яасса ко д̇ва’’нд̇иаад̣̇имааха. д̇асмаа яасса код̇и зд̇т̇а яаад̣̇исасса ко д̇вам̣, б̣раахман̣а, гаммасса вибаагзнаад̇и звам̣ ад̇т̇о взд̣̇ид̇аб̣б̣о.
Brāhmaṇāti khīṇāsavabhāvaṃ sandhāya āha. Yassa kho tvaṃ, brāhmaṇa, kammassa vipākenāti idaṃ sabhāgadiṭṭhadhammavedanīyakammaṃ sandhāya vuttaṃ. Kammañhi kariyamānameva tayo koṭṭhāse pūreti. Sattasu cittesu kusalā vā akusalā vā paṭhamajavanacetanā diṭṭhadhammavedanīyakammaṃ nāma hoti. Taṃ imasmiṃyeva attabhāve vipākaṃ deti. Tathā asakkontaṃ ahosikammaṃ, nāhosi kammavipāko, na bhavissati kammavipāko, natthi kammavipākoti imassa tikassa vasena ahosikammaṃ nāma hoti. Atthasādhikā sattamajavanacetanā upapajjavedanīyakammaṃ nāma. Taṃ anantare attabhāve vipākaṃ deti. Tathā asakkontaṃ vuttanayeneva taṃ ahosikammaṃ nāma hoti. Ubhinnamantare pañcajavanacetanā aparāpariyavedanīyakammaṃ nāma hoti. Taṃ anāgate yadā okāsaṃ labhati, tadā vipākaṃ deti. Sati saṃsārappavattiyā ahosikammaṃ nāma na hoti. Therassa pana upapajjavedanīyañca aparāpariyavedanīyañcāti imāni dve kammāni kammakkhayakarena arahattamaggena samugghāṭitāni, diṭṭhadhammavedanīyaṃ atthi . Taṃ arahattappattassāpi vipākaṃ detiyeva. Taṃ sandhāya bhagavā ‘‘yassa kho tva’’ntiādimāha. Tasmā yassa khoti ettha yādisassa kho tvaṃ, brāhmaṇa, kammassa vipākenāti evaṃ attho veditabbo.
аб̣бхаа муд̇д̇од̇и д̣̇зсанаасийсамад̇д̇амзд̇ам̣, аб̣бхаа махигаа д̇хуумо раж̇о раахууд̇и имзхи бана убаггилзсзхи муд̇д̇о жанд̣̇имаа ид̇ха ад̇хиббзд̇о. яат̇аа хи звам̣ нирубаггилзсо жанд̣̇имаа логам̣ бабхаасзд̇и, звам̣ бамаад̣̇агилзсавимуд̇д̇о аббамад̇д̇о бхигку имам̣ ад̇д̇ано канд̇хааяад̇анад̇хаад̇улогам̣ бабхаасзд̇и, вихад̇агилзсанд̇хагаарам̣ гарод̇и.
Abbhā muttoti desanāsīsamattametaṃ, abbhā mahikā dhūmo rajo rāhūti imehi pana upakkilesehi mutto candimā idha adhippeto. Yathā hi evaṃ nirupakkileso candimā lokaṃ pabhāseti, evaṃ pamādakilesavimutto appamatto bhikkhu imaṃ attano khandhāyatanadhātulokaṃ pabhāseti, vihatakilesandhakāraṃ karoti.
гусалзна бид̇хийяад̇ийд̇и маг̇г̇агусалзна бид̇хийяад̇и аббадисанд̇хигам̣ гарийяад̇и. яун̃ж̇ад̇и б̣уд̣̇д̇хасаасанзд̇и б̣уд̣̇д̇хасаасанз гааязна ваажааяа манасаа жа яуд̇д̇аббаяуд̇д̇о вихарад̇и. имаа д̇иссо т̇зрасса уд̣̇аанаг̇аат̇аа наама.
Kusalena pidhīyatīti maggakusalena pidhīyati appaṭisandhikaṃ karīyati. Yuñjati buddhasāsaneti buddhasāsane kāyena vācāya manasā ca yuttappayutto viharati. Imā tisso therassa udānagāthā nāma.
д̣̇исаа хи мзд̇и ид̣̇ам̣ гира т̇зро ад̇д̇ано барид̇д̇аан̣аагаарам̣ гаронд̇о ааха. д̇ад̇т̇а д̣̇исаа хи мзд̇и мама сабад̇д̇аа. яз мам̣ звам̣ убавад̣̇анд̇и – ‘‘яат̇аа маяам̣ ан̇г̇улимаалзна маарид̇аанам̣ н̃аад̇агаанам̣ васзна д̣̇угкам̣ взд̣̇ияаама, звам̣ ан̇г̇улимаалоби взд̣̇ияад̇уу’’д̇и, д̇з маяхам̣ д̣̇исаа жад̇усажжад̇хаммагат̇ам̣ сун̣анд̇ууд̇и ад̇т̇о. яун̃ж̇анд̇ууд̇и гааяаваажааманзхи яуд̇д̇аббаяуд̇д̇аа вихаранд̇у. яз д̇хаммамзваад̣̇абаяанд̇и санд̇од̇и яз санд̇о саббурисаа д̇хаммам̣язва аад̣̇абзнд̇и самаад̣̇абзнд̇и г̇ан̣хаабзнд̇и, д̇з мануж̇аа маяхам̣ сабад̇д̇аа бхаж̇анд̇у сзванд̇у баяирубаасанд̇ууд̇и ад̇т̇о.
Disā hi meti idaṃ kira thero attano parittāṇākāraṃ karonto āha. Tattha disā hi meti mama sapattā. Ye maṃ evaṃ upavadanti – ‘‘yathā mayaṃ aṅgulimālena māritānaṃ ñātakānaṃ vasena dukkhaṃ vediyāma, evaṃ aṅgulimālopi vediyatū’’ti, te mayhaṃ disā catusaccadhammakathaṃ suṇantūti attho. Yuñjantūti kāyavācāmanehi yuttappayuttā viharantu. Ye dhammamevādapayantisantoti ye santo sappurisā dhammaṃyeva ādapenti samādapenti gaṇhāpenti, te manujā mayhaṃ sapattā bhajantu sevantu payirupāsantūti attho.
авирод̇хаббасам̣сийнанд̇и авирод̇хо вужжад̇и мзд̇д̇аа, мзд̇д̇аабасам̣сагаананд̇и ад̇т̇о. сун̣анд̇у д̇хаммам̣ гаалзнаад̇и кан̣з кан̣з канд̇имзд̇д̇аабадисан̇каасааран̣ийяад̇хаммам̣ сун̣анд̇у. д̇ан̃жа анувид̇хийяанд̇ууд̇и д̇ан̃жа д̇хаммам̣ анугаронд̇у буурзнд̇у.
Avirodhappasaṃsīnanti avirodho vuccati mettā, mettāpasaṃsakānanti attho. Suṇantu dhammaṃ kālenāti khaṇe khaṇe khantimettāpaṭisaṅkhāsāraṇīyadhammaṃ suṇantu. Tañca anuvidhīyantūti tañca dhammaṃ anukarontu pūrentu.
на хи ж̇аад̇у со мамам̣ хим̣сзд̇и яо маяхам̣ д̣̇исо, со мам̣ згам̣сзнзва на хим̣сзяяа. ан̃н̃ам̣ ваа бана гин̃жи нанд̇и на гзвалам̣ мам̣, ан̃н̃амби бана ган̃жи буг̇г̇алам̣ маа хим̣санд̇у маа вихзтзнд̇у. баббуяяа барамам̣ санд̇инд̇и барамам̣ санд̇ибхууд̇ам̣ ниб̣б̣аанам̣ баабун̣ид̇ваа. рагкзяяа д̇асат̇ааварзд̇и д̇асаа вужжанд̇и сад̇ан̣хаа, т̇аавараа нид̇д̇ан̣хаа. ид̣̇ам̣ вуд̇д̇ам̣ ход̇и – яо ниб̣б̣аанам̣ баабун̣аад̇и, со саб̣б̣ам̣ д̇асат̇ааварам̣ рагкид̇ум̣ самад̇т̇о ход̇и. д̇асмаа маяхамби д̣̇исаа ниб̣б̣аанам̣ баабун̣анд̇у, звам̣ мам̣ згам̣сзнзва на хим̣сиссанд̇ийд̇и. имаа д̇иссо г̇аат̇аа ад̇д̇ано барид̇д̇ам̣ гаад̇ум̣ ааха.
Na hi jātu so mamaṃ hiṃseti yo mayhaṃ diso, so maṃ ekaṃseneva na hiṃseyya. Aññaṃ vā pana kiñci nanti na kevalaṃ maṃ, aññampi pana kañci puggalaṃ mā hiṃsantu mā viheṭhentu. Pappuyya paramaṃ santinti paramaṃ santibhūtaṃ nibbānaṃ pāpuṇitvā. Rakkheyya tasathāvareti tasā vuccanti sataṇhā, thāvarā nittaṇhā. Idaṃ vuttaṃ hoti – yo nibbānaṃ pāpuṇāti, so sabbaṃ tasathāvaraṃ rakkhituṃ samattho hoti. Tasmā mayhampi disā nibbānaṃ pāpuṇantu, evaṃ maṃ ekaṃseneva na hiṃsissantīti. Imā tisso gāthā attano parittaṃ kātuṃ āha.
ид̣̇аани ад̇д̇анова бадибад̇д̇им̣ д̣̇ийбзнд̇о уд̣̇аган̃хи наяанд̇и нзд̇д̇игаад̇и ааха. д̇ад̇т̇а нзд̇д̇игаад̇и яз маад̇игам̣ сод̇хзд̇ваа б̣анд̇хид̇аб̣б̣адтаанз б̣анд̇хид̇ваа уд̣̇агам̣ наяанд̇и. усугаараад̇и усугаарагаа. намаяанд̇ийд̇и д̇злаган̃ж̇игзна магкзд̇ваа гуггул̣з д̇аабзд̇ваа уннад̇уннад̇адтаанз намзнд̇аа уж̇ум̣ гаронд̇и. д̇зж̇ананд̇и ган̣д̣ам̣. д̇ан̃хи иссаасо д̇зж̇ам̣ гарод̇и, баран̃жа д̇аж̇ж̇зд̇и, д̇асмаа д̇зж̇ананд̇и вужжад̇и. ад̇д̇аанам̣ д̣̇амаяанд̇ийд̇и яат̇аа нзд̇д̇игаа уж̇умаг̇г̇зна уд̣̇агам̣ наяанд̇и, усугаараа д̇зж̇анам̣, д̇ажчагаа жа д̣̇аарум̣ уж̇ум̣ гаронд̇и, звамзвам̣ бан̣д̣ид̇аа ад̇д̇аанам̣ д̣̇амзнд̇и уж̇угам̣ гаронд̇и ниб̣б̣исзванам̣ гаронд̇и.
Idāni attanova paṭipattiṃ dīpento udakañhi nayantinettikāti āha. Tattha nettikāti ye mātikaṃ sodhetvā bandhitabbaṭṭhāne bandhitvā udakaṃ nayanti. Usukārāti usukārakā. Namayantīti telakañjikena makkhetvā kukkuḷe tāpetvā unnatunnataṭṭhāne namentā ujuṃ karonti. Tejananti kaṇḍaṃ. Tañhi issāso tejaṃ karoti, parañca tajjeti, tasmā tejananti vuccati. Attānaṃ damayantīti yathā nettikā ujumaggena udakaṃ nayanti, usukārā tejanaṃ, tacchakā ca dāruṃ ujuṃ karonti, evamevaṃ paṇḍitā attānaṃ damenti ujukaṃ karonti nibbisevanaṃ karonti.
д̇аад̣̇инаад̇и идтаанидтаад̣̇ийсу ниб̣б̣игаарзна – ‘‘бан̃жахаагаарзхи бхаг̇аваа д̇аад̣̇ий, идтаанидтз д̇аад̣̇ий, ванд̇аавийд̇и д̇аад̣̇ий, жад̇д̇аавийд̇и д̇аад̣̇ий, д̇ин̣н̣аавийд̇и д̇аад̣̇ий, д̇аннид̣̇д̣̇зсаад̇и д̇аад̣̇ий’’д̇и (махаани. 38; 192) звам̣ д̇аад̣̇илагкан̣аббад̇д̇зна сад̇т̇аараа. бхаванзд̇д̇ийд̇и бхавараж̇ж̇у, д̇ан̣хааязд̇ам̣ наамам̣. д̇ааяа хи г̇он̣аа вияа г̇ийвааяа раж̇ж̇уяаа, сад̇д̇аа хад̣̇аяз б̣ад̣̇д̇хаа д̇ам̣ д̇ам̣ бхавам̣ нийяанд̇и, д̇асмаа бхаванзд̇д̇ийд̇и вужжад̇и. пудто гаммавибаагзнаад̇и маг̇г̇ажзд̇анааяа пудто. яасмаа хи маг̇г̇ажзд̇анааяа гаммам̣ бажжад̇и вибажжад̇и д̣аяхад̇и, баригкаяам̣ г̇ажчад̇и, д̇асмаа саа гаммавибаагод̇и вуд̇д̇аа. д̇ааяа хи пудтад̇д̇аа зса ан̣ан̣о ниггилзсо ж̇аад̇о, на д̣̇угкавзд̣̇анааяа ан̣ан̣о. бхун̃ж̇аамийд̇и жзд̇т̇а т̇зяяабарибхог̇о ин̣абарибхог̇о д̣̇ааяаж̇ж̇абарибхог̇о саамибарибхог̇од̇и жад̇д̇ааро барибхог̇аа взд̣̇ид̇аб̣б̣аа. д̇ад̇т̇а д̣̇уссийласса барибхог̇о т̇зяяабарибхог̇о наама. со хи жад̇д̇ааро бажжаяз т̇знзд̇ваа бхун̃ж̇ад̇и. вуд̇д̇амби жзд̇ам̣ ‘‘т̇зяяааяа во, бхигкавз, радтабин̣д̣о бхуд̇д̇о’’д̇и (баараа. 195). сийлавад̇о бана абажжавзгкан̣абарибхог̇о ин̣абарибхог̇о наама. сад̇д̇аннам̣ сзгкаанам̣ барибхог̇о д̣̇ааяаж̇ж̇абарибхог̇о наама. кийн̣аасавасса барибхог̇о саамибарибхог̇о наама. ид̇ха гилзсаин̣аанам̣ абхаавам̣ санд̇хааяа ‘‘ан̣ан̣о’’д̇и вуд̇д̇ам̣. ‘‘анин̣о’’д̇иби баато. саамибарибхог̇ам̣ санд̇хааяа ‘‘бхун̃ж̇аами бхож̇ана’’нд̇и вуд̇д̇ам̣.
Tādināti iṭṭhāniṭṭhādīsu nibbikārena – ‘‘pañcahākārehi bhagavā tādī, iṭṭhāniṭṭhe tādī, vantāvīti tādī, cattāvīti tādī, tiṇṇāvīti tādī, tanniddesāti tādī’’ti (mahāni. 38; 192) evaṃ tādilakkhaṇappattena satthārā. Bhavanettīti bhavarajju, taṇhāyetaṃ nāmaṃ. Tāya hi goṇā viya gīvāya rajjuyā, sattā hadaye baddhā taṃ taṃ bhavaṃ nīyanti, tasmā bhavanettīti vuccati. Phuṭṭhokammavipākenāti maggacetanāya phuṭṭho. Yasmā hi maggacetanāya kammaṃ paccati vipaccati ḍayhati, parikkhayaṃ gacchati, tasmā sā kammavipākoti vuttā. Tāya hi phuṭṭhattā esa aṇaṇo nikkileso jāto, na dukkhavedanāya aṇaṇo. Bhuñjāmīti cettha theyyaparibhogo iṇaparibhogo dāyajjaparibhogo sāmiparibhogoti cattāro paribhogā veditabbā. Tattha dussīlassa paribhogo theyyaparibhogo nāma. So hi cattāro paccaye thenetvā bhuñjati. Vuttampi cetaṃ ‘‘theyyāya vo, bhikkhave, raṭṭhapiṇḍo bhutto’’ti (pārā. 195). Sīlavato pana apaccavekkhaṇaparibhogo iṇaparibhogo nāma. Sattannaṃ sekkhānaṃ paribhogo dāyajjaparibhogo nāma. Khīṇāsavassa paribhogo sāmiparibhogo nāma. Idha kilesaiṇānaṃ abhāvaṃ sandhāya ‘‘aṇaṇo’’ti vuttaṃ. ‘‘Aniṇo’’tipi pāṭho. Sāmiparibhogaṃ sandhāya ‘‘bhuñjāmi bhojana’’nti vuttaṃ.
гаамарад̇исант̇аванд̇и д̣̇увид̇хзсуби гаамзсу д̇ан̣хаарад̇исант̇авам̣ маа ануяун̃ж̇ат̇а маа гарид̇т̇а. наяид̣̇ам̣ д̣̇умманд̇ид̇ам̣ мамаад̇и яам̣ маяаа саммаасамб̣уд̣̇д̇хам̣ д̣̇исваа баб̣б̣аж̇иссаамийд̇и манд̇ид̇ам̣, д̇ам̣ мама манд̇ид̇ам̣ на д̣̇умманд̇ид̇ам̣. сам̣вибхад̇д̇зсу д̇хаммзсууд̇и ахам̣ сад̇т̇аад̇и звам̣ логз уббаннзхи яз д̇хаммаа сам̣вибхад̇д̇аа, д̇зсу д̇хаммзсу яам̣ сздтам̣ ниб̣б̣аанам̣, д̇ад̣̇зва ахам̣ убаг̇амам̣ убаг̇ад̇о самбад̇д̇о, д̇асмаа маяхам̣ ид̣̇ам̣ ааг̇аманам̣ свааг̇ад̇ам̣ наама г̇ад̇анд̇и. д̇иссо виж̇ж̇аад̇и буб̣б̣зниваасад̣̇иб̣б̣ажагкуаасавагкаяабан̃н̃аа. гад̇ам̣ б̣уд̣̇д̇хасса саасананд̇и яам̣ б̣уд̣̇д̇хасса саасанз гад̇д̇аб̣б̣агижжам̣ ад̇т̇и, д̇ам̣ саб̣б̣ам̣ маяаа гад̇ам̣. д̇ийхи виж̇ж̇аахи навахи жа логуд̇д̇арад̇хаммзхи д̣̇зсанам̣ мад̇т̇агам̣ баабзсийд̇и.
Kāmaratisanthavanti duvidhesupi kāmesu taṇhāratisanthavaṃ mā anuyuñjatha mā karittha. Nayidaṃ dummantitaṃ mamāti yaṃ mayā sammāsambuddhaṃ disvā pabbajissāmīti mantitaṃ, taṃ mama mantitaṃ na dummantitaṃ. Saṃvibhattesu dhammesūti ahaṃ satthāti evaṃ loke uppannehi ye dhammā saṃvibhattā, tesu dhammesu yaṃ seṭṭhaṃ nibbānaṃ, tadeva ahaṃ upagamaṃ upagato sampatto, tasmā mayhaṃ idaṃ āgamanaṃ svāgataṃ nāma gatanti. Tisso vijjāti pubbenivāsadibbacakkhuāsavakkhayapaññā. Kataṃbuddhassa sāsananti yaṃ buddhassa sāsane kattabbakiccaṃ atthi, taṃ sabbaṃ mayā kataṃ. Tīhi vijjāhi navahi ca lokuttaradhammehi desanaṃ matthakaṃ pāpesīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
ан̇г̇улимааласуд̇д̇аван̣н̣анаа нидтид̇аа.
Aṅgulimālasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. ан̇г̇улимааласуд̇д̇ам̣ • 6. Aṅgulimālasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. ан̇г̇улимааласуд̇д̇аван̣н̣анаа • 6. Aṅgulimālasuttavaṇṇanā
