Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā

8. ан̇г̇улимаалад̇т̇зраг̇аат̇ааван̣н̣анаа

8. Aṅgulimālattheragāthāvaṇṇanā

г̇ажчам̣ вад̣̇зсийд̇иаад̣̇игаа ааяасмад̇о ан̇г̇улимаалад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа имасмим̣ б̣уд̣̇д̇хуббаад̣̇з саавад̇т̇ияам̣ госаларан̃н̃о бурохид̇асса бхаг̇г̇авасса наама б̣раахман̣асса буд̇д̇о худ̇ваа ниб̣б̣ад̇д̇и. д̇асса ж̇аад̇ад̣̇ивасз сагаланаг̇арз аавуд̇хаани баж̇ж̇алим̣су, ран̃н̃о жа ман̇г̇алаавуд̇хам̣ саяанабийтз табид̇ам̣ баж̇ж̇али, д̇ам̣ д̣̇исваа рааж̇аа бхийд̇о сам̣виг̇г̇о нид̣̇д̣̇ам̣ на лабхи. бурохид̇о д̇ааяам̣ взлааяам̣ нагкад̇д̇аяог̇ам̣ уллогзнд̇о ‘‘жоранагкад̇д̇зна ж̇аад̇о’’д̇и саннидтаанамагааси. со вибхаад̇ааяа рад̇д̇ияаа ран̃н̃о санд̇игам̣ г̇ад̇о сукасзяяам̣ бужчи. рааж̇аа ‘‘гуд̇о, аажарияа, сукасзяяам̣, рад̇д̇ияам̣ маяхам̣ ман̇г̇алаавуд̇хам̣ баж̇ж̇али, д̇асса го ну ко вибааго бхависсад̇ий’’д̇и? ‘‘маа бхааяи, махаарааж̇а, маяхам̣ гхарз д̣̇аараго ж̇аад̇о. д̇асса аанубхаавзна сагаланаг̇арзби аавуд̇хаани баж̇ж̇алим̣суу’’д̇и. ‘‘гим̣ бхависсад̇и, аажарияаа’’д̇и? ‘‘д̣̇аараго жоро бхависсад̇ий’’д̇и. ‘‘гим̣ згажаарий жоро, уд̣̇ааху г̇ан̣аж̇здтаго’’д̇и? ‘‘згажаариго, д̣̇зва’’. ‘‘гим̣ нам̣ маарзмаа’’д̇и? ‘‘згажаариго жз, бадиж̇аг̇г̇ат̇а д̇аава на’’нд̇и ааха. д̇асса наамам̣ гаронд̇аа яасмаа ж̇ааяамаано ран̃н̃о жид̇д̇ам̣ вихзсзнд̇о ж̇аад̇о, д̇асмаа хим̣сагод̇и гад̇ваа бажчаа д̣̇идтам̣ ад̣̇идтанд̇и вияа ахим̣сагод̇и вохарим̣су.

Gacchaṃ vadesītiādikā āyasmato aṅgulimālattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinitvā imasmiṃ buddhuppāde sāvatthiyaṃ kosalarañño purohitassa bhaggavassa nāma brāhmaṇassa putto hutvā nibbatti. Tassa jātadivase sakalanagare āvudhāni pajjaliṃsu, rañño ca maṅgalāvudhaṃ sayanapīṭhe ṭhapitaṃ pajjali, taṃ disvā rājā bhīto saṃviggo niddaṃ na labhi. Purohito tāyaṃ velāyaṃ nakkhattayogaṃ ullokento ‘‘coranakkhattena jāto’’ti sanniṭṭhānamakāsi. So vibhātāya rattiyā rañño santikaṃ gato sukhaseyyaṃ pucchi. Rājā ‘‘kuto, ācariya, sukhaseyyaṃ, rattiyaṃ mayhaṃ maṅgalāvudhaṃ pajjali, tassa ko nu kho vipāko bhavissatī’’ti? ‘‘Mā bhāyi, mahārāja, mayhaṃ ghare dārako jāto. Tassa ānubhāvena sakalanagarepi āvudhāni pajjaliṃsū’’ti. ‘‘Kiṃ bhavissati, ācariyā’’ti? ‘‘Dārako coro bhavissatī’’ti. ‘‘Kiṃ ekacārī coro, udāhu gaṇajeṭṭhako’’ti? ‘‘Ekacāriko, deva’’. ‘‘Kiṃ naṃ māremā’’ti? ‘‘Ekacāriko ce, paṭijaggatha tāva na’’nti āha. Tassa nāmaṃ karontā yasmā jāyamāno rañño cittaṃ vihesento jāto, tasmā hiṃsakoti katvā pacchā diṭṭhaṃ adiṭṭhanti viya ahiṃsakoti vohariṃsu.

со ваяаббад̇д̇о буб̣б̣агаммаб̣алзна сад̇д̇аннам̣ хад̇т̇ийнам̣ б̣алам̣ д̇хаарзд̇и. д̇ассид̣̇ам̣ буб̣б̣агаммам̣ – б̣уд̣̇д̇хасун̃н̃з логз гассаго худ̇ваа ниб̣б̣ад̇д̇о згам̣ бажжзгаб̣уд̣̇д̇хам̣ вассод̣̇агзна д̇инд̇ам̣ аллажийварам̣ сийд̇абийл̣ид̇ам̣ ад̇д̇ано кзд̇д̇абхуумим̣ убаг̇ад̇ам̣ д̣̇исваа ‘‘бун̃н̃агкзд̇д̇ам̣ мз убадтид̇а’’нд̇и соманассаж̇аад̇о аг̇г̇им̣ гад̇ваа ад̣̇ааси. со д̇асса гаммасса б̣алзна ниб̣б̣ад̇д̇аниб̣б̣ад̇д̇адтаанз т̇аамаж̇аваб̣аласамбанно жа худ̇ваа имасмим̣ бажчимад̇д̇абхаавз сад̇д̇аннам̣ хад̇т̇ийнам̣ б̣алам̣ д̇хаарзд̇и. со д̇аггасилам̣ г̇анд̇ваа д̣̇исаабаамогкасса аажарияасса санд̇игз д̇хамманд̇зваасий худ̇ваа сиббам̣ уг̇г̇ан̣хад̇о аажарияаб̣раахман̣ам̣ д̇асса бхарияан̃жа саггажжам̣ бадиж̇аг̇г̇ад̇и. д̇знасса саа б̣раахман̣ий г̇зхз лаб̣бхамаанзна бхад̇д̇аад̣̇инаа сан̇г̇ахам̣ гарод̇и. д̇ам̣ асахамаанаа ан̃н̃з маан̣аваа аажариязна сад̣̇д̇хим̣ бхзд̣̇ам̣ агам̣су. б̣раахман̣о д̇зсам̣ важанам̣ д̣̇вз д̇аяо ваарз асад̣̇д̣̇аханд̇о худ̇ваа бажчаа сад̣̇д̣̇ахид̇ваа ‘‘махааб̣ало маан̣аво, на саггаа гзнажи маараабзд̇ум̣, убааязна нам̣ маарзссаамий’’д̇и жинд̇зд̇ваа нидтид̇асиббам̣ ад̇д̇ано наг̇арам̣ г̇анд̇ум̣ аабужчанд̇ам̣ маан̣авам̣ ааха – ‘‘д̇аад̇а ахим̣сага, нидтид̇асиббзна наама анд̇зваасинаа аажарияасса г̇аруд̣̇агкин̣аа д̣̇аад̇аб̣б̣аа, д̇ам̣ маяхам̣ д̣̇зхий’’д̇и. ‘‘саад̇ху, аажарияа, гим̣ д̣̇ассаамий’’д̇и? ‘‘мануссаанам̣ сахассад̣̇агкин̣ахад̇т̇ан̇г̇алияо аанзхий’’д̇и. б̣раахман̣асса гира аяамасса ад̇хиббааяо – б̣ахуусу маарияамаанзсу зганд̇ад̇о зго нам̣ маарзяяаад̇и . д̇ам̣ суд̇ваа ахим̣саго ад̇д̇ано жирабарижид̇ам̣ ниггарун̣ад̇ам̣ бурагкад̇ваа саннад̣̇д̇хабан̃жаавуд̇хо госаларан̃н̃о виж̇ид̇з ж̇аалинам̣ ванам̣ бависид̇ваа махаамаг̇г̇асамийбз баб̣б̣ад̇анд̇арз васанд̇о баб̣б̣ад̇асикарз тад̇ваа маг̇г̇зна г̇ажчанд̇з мануссз ологзд̇ваа взг̇зна г̇анд̇ваа ан̇г̇улияо г̇ахзд̇ваа ругкаг̇г̇з оламб̣зси. д̇аа г̇иж̇жхааби гаагааби каад̣̇им̣су, бхуумияам̣ нигкид̇д̇аа бууд̇ибхаавам̣ аг̇амам̣су. звам̣ г̇ан̣анааяа абарибуурамаанааяа лад̣̇д̇хаа лад̣̇д̇хаа ан̇г̇улияо суд̇д̇зна г̇ант̇ид̇ваа маалам̣ гад̇ваа яан̃н̃обажид̇ам̣ вияа ам̣сз оламб̣зси. д̇ад̇о бадтааяа ан̇г̇улимаалод̇взвасса саман̃н̃аа ахоси.

So vayappatto pubbakammabalena sattannaṃ hatthīnaṃ balaṃ dhāreti. Tassidaṃ pubbakammaṃ – buddhasuññe loke kassako hutvā nibbatto ekaṃ paccekabuddhaṃ vassodakena tintaṃ allacīvaraṃ sītapīḷitaṃ attano khettabhūmiṃ upagataṃ disvā ‘‘puññakkhettaṃ me upaṭṭhita’’nti somanassajāto aggiṃ katvā adāsi. So tassa kammassa balena nibbattanibbattaṭṭhāne thāmajavabalasampanno ca hutvā imasmiṃ pacchimattabhāve sattannaṃ hatthīnaṃ balaṃ dhāreti. So takkasilaṃ gantvā disāpāmokkhassa ācariyassa santike dhammantevāsī hutvā sippaṃ uggaṇhato ācariyabrāhmaṇaṃ tassa bhariyañca sakkaccaṃ paṭijaggati. Tenassa sā brāhmaṇī gehe labbhamānena bhattādinā saṅgahaṃ karoti. Taṃ asahamānā aññe māṇavā ācariyena saddhiṃ bhedaṃ akaṃsu. Brāhmaṇo tesaṃ vacanaṃ dve tayo vāre asaddahanto hutvā pacchā saddahitvā ‘‘mahābalo māṇavo, na sakkā kenaci mārāpetuṃ, upāyena naṃ māressāmī’’ti cintetvā niṭṭhitasippaṃ attano nagaraṃ gantuṃ āpucchantaṃ māṇavaṃ āha – ‘‘tāta ahiṃsaka, niṭṭhitasippena nāma antevāsinā ācariyassa garudakkhiṇā dātabbā, taṃ mayhaṃ dehī’’ti. ‘‘Sādhu, ācariya, kiṃ dassāmī’’ti? ‘‘Manussānaṃ sahassadakkhiṇahatthaṅgaliyo ānehī’’ti. Brāhmaṇassa kira ayamassa adhippāyo – bahūsu māriyamānesu ekantato eko naṃ māreyyāti . Taṃ sutvā ahiṃsako attano ciraparicitaṃ nikkaruṇataṃ purakkhatvā sannaddhapañcāvudho kosalarañño vijite jālinaṃ vanaṃ pavisitvā mahāmaggasamīpe pabbatantare vasanto pabbatasikhare ṭhatvā maggena gacchante manusse oloketvā vegena gantvā aṅguliyo gahetvā rukkhagge olambesi. Tā gijjhāpi kākāpi khādiṃsu, bhūmiyaṃ nikkhittā pūtibhāvaṃ agamaṃsu. Evaṃ gaṇanāya aparipūramānāya laddhā laddhā aṅguliyo suttena ganthitvā mālaṃ katvā yaññopacitaṃ viya aṃse olambesi. Tato paṭṭhāya aṅgulimālotvevassa samaññā ahosi.

звам̣ д̇асмим̣ мануссз маарзнд̇з маг̇г̇о авал̣ан̃ж̇о ахоси. со маг̇г̇з мануссз алабханд̇о г̇аамуубажаарам̣ г̇анд̇ваа нилийяид̇ваа ааг̇ад̇ааг̇ад̇з мануссз маарзд̇ваа ан̇г̇улияо г̇ахзд̇ваа г̇ажчад̇и. д̇ам̣ н̃ад̇ваа мануссаа г̇аамад̇о абаггамим̣су, г̇аамаа сун̃н̃аа ахзсум̣, д̇ат̇аа ниг̇амаа ж̇анабад̣̇аа жа. звам̣ д̇зна со бад̣̇зсо уб̣б̣аасид̇о ахоси. ан̇г̇улимааласса жа згааяа уунаа сахассаан̇г̇улияо сан̇г̇ахаа ахзсум̣. ат̇а мануссаа д̇ам̣ жорубад̣̇д̣̇авам̣ госаларан̃н̃о аарожзсум̣. рааж̇аа баад̇ова наг̇арз бхзрим̣ жараабзси, ‘‘сийгхам̣ ан̇г̇улимаалажорам̣ г̇ан̣хаама, б̣алагааяо ааг̇ажчад̇уу’’д̇и. д̇ам̣ суд̇ваа ан̇г̇улимааласса маад̇аа манд̇аан̣ий наама б̣раахман̣ий д̇асса бид̇арам̣ ааха – ‘‘буд̇д̇о гира д̇з жоро худ̇ваа ид̣̇ан̃жид̣̇ан̃жа гарод̇и, д̇ам̣ ‘ийд̣̇исам̣ маа гарий’д̇и сан̃н̃аабзд̇ваа аанзхи, ан̃н̃ат̇аа нам̣ рааж̇аа гхаад̇зяяаа’’д̇и. б̣раахман̣о ‘‘на маяхам̣ д̇аад̣̇исзхи буд̇д̇зхи ад̇т̇о, рааж̇аа яам̣ ваа д̇ам̣ ваа гарод̇уу’’д̇и ааха . ат̇а б̣раахман̣ий буд̇д̇асинзхзна баат̇зяяам̣ г̇ахзд̇ваа ‘‘мама буд̇д̇ам̣ сан̃н̃аабзд̇ваа аанзссаамий’’д̇и маг̇г̇ам̣ бадибаж̇ж̇и.

Evaṃ tasmiṃ manusse mārente maggo avaḷañjo ahosi. So magge manusse alabhanto gāmūpacāraṃ gantvā nilīyitvā āgatāgate manusse māretvā aṅguliyo gahetvā gacchati. Taṃ ñatvā manussā gāmato apakkamiṃsu, gāmā suññā ahesuṃ, tathā nigamā janapadā ca. Evaṃ tena so padeso ubbāsito ahosi. Aṅgulimālassa ca ekāya ūnā sahassaaṅguliyo saṅgahā ahesuṃ. Atha manussā taṃ corupaddavaṃ kosalarañño ārocesuṃ. Rājā pātova nagare bheriṃ carāpesi, ‘‘sīghaṃ aṅgulimālacoraṃ gaṇhāma, balakāyo āgacchatū’’ti. Taṃ sutvā aṅgulimālassa mātā mantāṇī nāma brāhmaṇī tassa pitaraṃ āha – ‘‘putto kira te coro hutvā idañcidañca karoti, taṃ ‘īdisaṃ mā karī’ti saññāpetvā ānehi, aññathā naṃ rājā ghāteyyā’’ti. Brāhmaṇo ‘‘na mayhaṃ tādisehi puttehi attho, rājā yaṃ vā taṃ vā karotū’’ti āha . Atha brāhmaṇī puttasinehena pātheyyaṃ gahetvā ‘‘mama puttaṃ saññāpetvā ānessāmī’’ti maggaṃ paṭipajji.

бхаг̇аваа ‘‘аяам̣ ‘ан̇г̇улимаалам̣ аанзссаамий’д̇и г̇ажчад̇и, сажз саа г̇амиссад̇и, ан̇г̇улимаало ‘ан̇г̇улисахассам̣ буурзссаамий’д̇и маад̇арамби маарзссад̇и. со жа бажчимабхавиго, сажаахам̣ на г̇амиссам̣, махааж̇аани абхависсаа’’д̇и н̃ад̇ваа бажчаабхад̇д̇ам̣ бин̣д̣абаад̇абадигганд̇о саяамзва бад̇д̇ажийварам̣ г̇ахзд̇ваа ан̇г̇улимаалам̣ уд̣̇д̣̇исса д̇им̣саяож̇анигам̣ маг̇г̇ам̣ бад̣̇асаава бадибаж̇ж̇амаано анд̇араамаг̇г̇з г̇обаалагаад̣̇ийхи ваарияамааноби ж̇аалинам̣ ванам̣ убаг̇ажчи. д̇асмин̃жа кан̣з д̇асса маад̇аа д̇зна д̣̇идтаа, со маад̇арам̣ д̣̇уурад̇ова д̣̇исваа ‘‘маад̇арамби маарзд̇ваа аж̇ж̇а уунан̇г̇улим̣ буурзссаамий’’д̇и асим̣ угкибид̇ваа убад̇хаави. д̇зсам̣ убхиннам̣ анд̇арз бхаг̇аваа ад̇д̇аанам̣ д̣̇ассзси. ан̇г̇улимаало бхаг̇аванд̇ам̣ д̣̇исваа ‘‘гим̣ мз маад̇арам̣ вад̇хид̇ваа ан̇г̇улияаа г̇ахид̇зна? ж̇ийвад̇у мз маад̇аа, яам̣нуунаахам̣ имам̣ саман̣ам̣ ж̇ийвид̇аа воробзд̇ваа ан̇г̇улим̣ г̇ан̣хзяяа’’нд̇и угкид̇д̇аасиго бхаг̇аванд̇ам̣ бидтид̇о бидтид̇о ануб̣анд̇хи. ат̇а ко бхаг̇аваа д̇ат̇ааруубам̣ ид̣̇д̇хаабхисан̇каарам̣ абхисан̇кааси, яат̇аа багад̇иирияаабат̇зна г̇ажчанд̇амби ад̇д̇аанам̣ ан̇г̇улимаало саб̣б̣ат̇аамзна д̇хааванд̇оби на саггод̇и самбаабун̣ид̇ум̣. со барихийнаж̇аво гхуругхурубассаасий гажчзхи сзд̣̇ам̣ мун̃жанд̇о бад̣̇ам̣ уд̣̇д̇харид̇умби асаггонд̇о каан̣у вияа тид̇о бхаг̇аванд̇ам̣ ‘‘д̇идта д̇идта, саман̣аа’’д̇и ааха. бхаг̇аваа г̇ажчанд̇ова ‘‘тид̇о ахам̣, ан̇г̇улимаала, д̇ван̃жа д̇идтаа’’д̇и ааха. со ‘‘имз ко саман̣аа сагяабуд̇д̇ияаа сажжаваад̣̇ино, аяам̣ саман̣о г̇ажчанд̇оязва ‘тид̇о ахам̣, ан̇г̇улимаала, д̇ван̃жа д̇идтаа’д̇и ааха, ахан̃жамхи тид̇о, го ну ко имасса ад̇хиббааяо, бужчид̇ваа нам̣ ж̇ааниссаамий’’д̇и бхаг̇аванд̇ам̣ г̇аат̇ааяа аж̇жхабхааси –

Bhagavā ‘‘ayaṃ ‘aṅgulimālaṃ ānessāmī’ti gacchati, sace sā gamissati, aṅgulimālo ‘aṅgulisahassaṃ pūressāmī’ti mātarampi māressati. So ca pacchimabhaviko, sacāhaṃ na gamissaṃ, mahājāni abhavissā’’ti ñatvā pacchābhattaṃ piṇḍapātapaṭikkanto sayameva pattacīvaraṃ gahetvā aṅgulimālaṃ uddissa tiṃsayojanikaṃ maggaṃ padasāva paṭipajjamāno antarāmagge gopālakādīhi vāriyamānopi jālinaṃ vanaṃ upagacchi. Tasmiñca khaṇe tassa mātā tena diṭṭhā, so mātaraṃ dūratova disvā ‘‘mātarampi māretvā ajja ūnaṅguliṃ pūressāmī’’ti asiṃ ukkhipitvā upadhāvi. Tesaṃ ubhinnaṃ antare bhagavā attānaṃ dassesi. Aṅgulimālo bhagavantaṃ disvā ‘‘kiṃ me mātaraṃ vadhitvā aṅguliyā gahitena? Jīvatu me mātā, yaṃnūnāhaṃ imaṃ samaṇaṃ jīvitā voropetvā aṅguliṃ gaṇheyya’’nti ukkhittāsiko bhagavantaṃ piṭṭhito piṭṭhito anubandhi. Atha kho bhagavā tathārūpaṃ iddhābhisaṅkhāraṃ abhisaṅkhāsi, yathā pakatiiriyāpathena gacchantampi attānaṃ aṅgulimālo sabbathāmena dhāvantopi na sakkoti sampāpuṇituṃ. So parihīnajavo ghurughurupassāsī kacchehi sedaṃ muñcanto padaṃ uddharitumpi asakkonto khāṇu viya ṭhito bhagavantaṃ ‘‘tiṭṭha tiṭṭha, samaṇā’’ti āha. Bhagavā gacchantova ‘‘ṭhito ahaṃ, aṅgulimāla, tvañca tiṭṭhā’’ti āha. So ‘‘ime kho samaṇā sakyaputtiyā saccavādino, ayaṃ samaṇo gacchantoyeva ‘ṭhito ahaṃ, aṅgulimāla, tvañca tiṭṭhā’ti āha, ahañcamhi ṭhito, ko nu kho imassa adhippāyo, pucchitvā naṃ jānissāmī’’ti bhagavantaṃ gāthāya ajjhabhāsi –

866.

‘‘г̇ажчам̣ вад̣̇зси саман̣а тид̇омхи, маман̃жа б̣рууси тид̇амадтид̇од̇и;

‘‘Gacchaṃ vadesi samaṇa ṭhitomhi, mamañca brūsi ṭhitamaṭṭhitoti;

бужчаами д̇ам̣ саман̣а зд̇амад̇т̇ам̣, гат̇ам̣ тид̇о д̇вам̣ ахамадтид̇омхий’’д̇и.

Pucchāmi taṃ samaṇa etamatthaṃ, kathaṃ ṭhito tvaṃ ahamaṭṭhitomhī’’ti.

д̇ад̇т̇а саман̣аад̇и бхаг̇аванд̇ам̣ аалабад̇и. маманд̇и мам̣. гат̇анд̇и гзнаагаарзна. аяан̃хзд̇т̇а ад̇т̇о – саман̣а, д̇вам̣ г̇ажчанд̇ова самаано ‘‘тид̇омхий’’д̇и вад̣̇зси. маман̃жа тид̇ам̣язва ‘‘адтид̇о’’д̇и б̣рууси, вад̣̇зси. гааран̣знзд̇т̇а бхавид̇аб̣б̣ам̣, д̇асмаа д̇ам̣ саман̣ам̣ ахам̣ звамад̇т̇ам̣ бужчаами. гат̇ам̣ гзнаагаарзна д̇вам̣ тид̇о ахоси, ахан̃жа адтид̇омхийд̇и. звам̣ вуд̇д̇з бхаг̇аваа –

Tattha samaṇāti bhagavantaṃ ālapati. Mamanti maṃ. Kathanti kenākārena. Ayañhettha attho – samaṇa, tvaṃ gacchantova samāno ‘‘ṭhitomhī’’ti vadesi. Mamañca ṭhitaṃyeva ‘‘aṭṭhito’’ti brūsi, vadesi. Kāraṇenettha bhavitabbaṃ, tasmā taṃ samaṇaṃ ahaṃ evamatthaṃ pucchāmi. Kathaṃ kenākārena tvaṃ ṭhito ahosi, ahañca aṭṭhitomhīti. Evaṃ vutte bhagavā –

867.

‘‘тид̇о ахам̣ ан̇г̇улимаала саб̣б̣ад̣̇аа, саб̣б̣зсу бхууд̇зсу нид̇хааяа д̣̇ан̣д̣ам̣;

‘‘Ṭhito ahaṃ aṅgulimāla sabbadā, sabbesu bhūtesu nidhāya daṇḍaṃ;

д̇уван̃жа баан̣зсу асан̃н̃ад̇оси, д̇асмаа тид̇охам̣ д̇увамадтид̇осий’’д̇и. –

Tuvañca pāṇesu asaññatosi, tasmā ṭhitohaṃ tuvamaṭṭhitosī’’ti. –

г̇аат̇ааяа д̇ам̣ аж̇жхабхааси.

Gāthāya taṃ ajjhabhāsi.

д̇ад̇т̇а тид̇о ахам̣, ан̇г̇улимаала, саб̣б̣ад̣̇аа, саб̣б̣зсу бхууд̇зсу нид̇хааяа д̣̇ан̣д̣анд̇и, ан̇г̇улимаала, ахам̣ саб̣б̣ад̣̇аа саб̣б̣агаалз аад̣̇имаж̇жхабарияосаанзсу д̇асат̇ааварабхзд̣̇зсу саб̣б̣зсу сад̇д̇зсу д̣̇ан̣д̣ам̣ нид̇хааяа нихид̇ад̣̇ан̣д̣о нихид̇асад̇т̇о лаж̇ж̇ий д̣̇аяаабанно, д̇ад̇о ан̃н̃ат̇аа авад̇д̇анад̇о зваруубзнзва тид̇о. д̇уван̃жа баан̣зсу асан̃н̃ад̇осийд̇и д̇вам̣ бана сад̇д̇зсу сан̃н̃амарахид̇о аси, луд̣̇д̣̇о лохид̇абаан̣и хад̇абахад̇з нивидто ад̣̇аяаабанно, д̇асмаа асан̃н̃ад̇о вирад̇ивасзна адтид̇о. д̇ад̇о зва д̇аасу д̇аасу г̇ад̇ийсу бариб̣бхаманад̇оби д̇увам̣ ид̣̇аани ирияаабат̇зна тид̇оби адтид̇о аси, ахам̣ бана вуд̇д̇аббагаарзна тид̇од̇и. д̇ад̇о ан̇г̇улимаало яат̇аабхужжаг̇ун̣аббабхаавид̇асса ж̇алад̇алз д̇зласса вияа сагалам̣ логам̣ абхиб̣яаабзд̇ваа тид̇асса бхаг̇авад̇о гид̇д̇исад̣̇д̣̇асса суд̇абуб̣б̣ад̇д̇аа хзд̇усамбад̇д̇ияаа н̃аан̣асса жа барибаагаг̇ад̇ад̇д̇аа ‘‘аяам̣ со бхаг̇аваа’’д̇и сан̃ж̇аад̇абийд̇исоманассо ‘‘махаа аяам̣ сийханаад̣̇о, маханд̇ам̣ г̇аж̇ж̇ид̇ам̣, наяид̣̇ам̣ ан̃н̃асса бхависсад̇и, саман̣асса ман̃н̃з г̇од̇амасса зд̇ам̣ г̇аж̇ж̇ид̇ам̣, д̣̇идто вад̇амхи махзсинаа саммаасамб̣уд̣̇д̇хзна, маяхам̣ сан̇г̇ахагаран̣ад̇т̇ам̣ бхаг̇аваа ид̇хааг̇ад̇о’’д̇и жинд̇зд̇ваа –

Tattha ṭhito ahaṃ, aṅgulimāla, sabbadā, sabbesu bhūtesu nidhāya daṇḍanti, aṅgulimāla, ahaṃ sabbadā sabbakāle ādimajjhapariyosānesu tasathāvarabhedesu sabbesu sattesu daṇḍaṃ nidhāya nihitadaṇḍo nihitasattho lajjī dayāpanno, tato aññathā avattanato evarūpeneva ṭhito. Tuvañca pāṇesu asaññatosīti tvaṃ pana sattesu saññamarahito asi, luddo lohitapāṇi hatapahate niviṭṭho adayāpanno, tasmā asaññato virativasena aṭṭhito. Tato eva tāsu tāsu gatīsu paribbhamanatopi tuvaṃ idāni iriyāpathena ṭhitopi aṭṭhito asi, ahaṃ pana vuttappakārena ṭhitoti. Tato aṅgulimālo yathābhuccaguṇappabhāvitassa jalatale telassa viya sakalaṃ lokaṃ abhibyāpetvā ṭhitassa bhagavato kittisaddassa sutapubbattā hetusampattiyā ñāṇassa ca paripākagatattā ‘‘ayaṃ so bhagavā’’ti sañjātapītisomanasso ‘‘mahā ayaṃ sīhanādo, mahantaṃ gajjitaṃ, nayidaṃ aññassa bhavissati, samaṇassa maññe gotamassa etaṃ gajjitaṃ, diṭṭho vatamhi mahesinā sammāsambuddhena, mayhaṃ saṅgahakaraṇatthaṃ bhagavā idhāgato’’ti cintetvā –

868.

‘‘жирассам̣ вад̇а мз махид̇о махзсий, махааванам̣ саман̣о бажжабаад̣̇и;

‘‘Cirassaṃ vata me mahito mahesī, mahāvanaṃ samaṇo paccapādi;

сохам̣ жаж̇иссаами сахассабаабам̣, суд̇ваана г̇аат̇ам̣ д̇ава д̇хаммаяуд̇д̇а’’нд̇и. –

Sohaṃ cajissāmi sahassapāpaṃ, sutvāna gāthaṃ tava dhammayutta’’nti. –

имам̣ г̇аат̇ам̣ абхааси.

Imaṃ gāthaṃ abhāsi.

д̇ад̇т̇а жирассам̣ вад̇аад̇и жирагаалзна вад̇а. мзд̇и маяхам̣ ануг̇г̇ахад̇т̇ааяа. махид̇од̇и сад̣̇звагзна логзна махад̇ияаа бууж̇ааяа бууж̇ид̇о. маханд̇з сийлагканд̇хаад̣̇иг̇ун̣з зси, г̇авзсийд̇и махзсий. махааванам̣ саман̣о бажжабаад̣̇ийд̇и имам̣ махааран̃н̃ам̣ самид̇асаб̣б̣абаабо бхаг̇аваа бадибаж̇ж̇и. сохам̣ жаж̇иссаами сахассабаабам̣, суд̇ваана г̇аат̇ам̣ д̇ава д̇хаммаяуд̇д̇анд̇и сохам̣ д̇хаммаяуд̇д̇ам̣ д̇хаммуубасам̣хид̇ам̣ д̇ава г̇аат̇ам̣ сун̣им̣. сохам̣ д̇ам̣ суд̇ваана ‘‘жирассамби жирагаалзнаби сан̇г̇ад̇ам̣ барижид̇ам̣ баабасахассам̣ баж̇ахисса’’нд̇и жинд̇зд̇ваа ид̣̇аани нам̣ ан̃н̃ад̣̇ад̇т̇у барижжаж̇иссаамийд̇и ад̇т̇о. звам̣ бана вад̇ваа яат̇аа бадибаж̇ж̇и, яат̇аа жа бхаг̇авад̇аа ануг̇г̇ахид̇о, д̇ам̣ д̣̇ассзд̇ум̣ –

Tattha cirassaṃ vatāti cirakālena vata. Meti mayhaṃ anuggahatthāya. Mahitoti sadevakena lokena mahatiyā pūjāya pūjito. Mahante sīlakkhandhādiguṇe esi, gavesīti mahesī. Mahāvanaṃ samaṇo paccapādīti imaṃ mahāraññaṃ samitasabbapāpo bhagavā paṭipajji. Sohaṃ cajissāmi sahassapāpaṃ, sutvāna gāthaṃ tava dhammayuttanti sohaṃ dhammayuttaṃ dhammūpasaṃhitaṃ tava gāthaṃ suṇiṃ. Sohaṃ taṃ sutvāna ‘‘cirassampi cirakālenapi saṅgataṃ paricitaṃ pāpasahassaṃ pajahissa’’nti cintetvā idāni naṃ aññadatthu pariccajissāmīti attho. Evaṃ pana vatvā yathā paṭipajji, yathā ca bhagavatā anuggahito, taṃ dassetuṃ –

869.

‘‘ижжзва жоро асимаавуд̇хан̃жа, соб̣бхз бабаад̇з нарагз анвагааси;

‘‘Icceva coro asimāvudhañca, sobbhe papāte narake anvakāsi;

аванд̣̇и жоро суг̇ад̇асса баад̣̇з, д̇ад̇т̇зва баб̣б̣аж̇ж̇амаяаажи б̣уд̣̇д̇хам̣.

Avandi coro sugatassa pāde, tattheva pabbajjamayāci buddhaṃ.

870.

‘‘б̣уд̣̇д̇хо жа ко гаарун̣иго махзси, яо сад̇т̇аа логасса сад̣̇звагасса;

‘‘Buddho ca kho kāruṇiko mahesi, yo satthā lokassa sadevakassa;

д̇амзхи бхигкууд̇и д̇ад̣̇аа авожа, зсзва д̇асса аху бхигкубхааво’’д̇и.

Tamehi bhikkhūti tadā avoca, eseva tassa ahu bhikkhubhāvo’’ti.

сан̇г̇ийд̇игаараа имаа д̣̇вз г̇аат̇аа табзсум̣.

Saṅgītikārā imā dve gāthā ṭhapesuṃ.

д̇ад̇т̇а ижжзваад̇и ид̇и зва звам̣ вад̇ваа ананд̇арамзва. жород̇и ан̇г̇улимаало. асинд̇и каг̇г̇ам̣. аавуд̇ханд̇и сзсаавуд̇хам̣. соб̣бхзд̇и саманд̇ад̇о чиннад̇адз. бабаад̇зд̇и згад̇о чиннад̇адз. нарагзд̇и бхуумияаа палид̇авиварз. ид̇ха бана д̇ийхиби бад̣̇зхи яад̇т̇а бад̇ид̇ам̣ ан̃н̃зна г̇ахзд̇ум̣ на саггаа, д̇аад̣̇исам̣ баб̣б̣ад̇анд̇арамзва вад̣̇ад̇и. анвагаасийд̇и ану агааси, бан̃жавид̇хамби ад̇д̇ано аавуд̇хам̣ ану киби чад̣д̣зси, д̇аани чад̣д̣зд̇ваа бхаг̇авад̇о баад̣̇зсу сирасаа нибад̇ид̇ваа ‘‘баб̣б̣ааж̇зт̇а мам̣, бханд̇з’’д̇и ааха. д̇зна вуд̇д̇ам̣ ‘‘аванд̣̇и жоро суг̇ад̇асса баад̣̇з, д̇ад̇т̇зва баб̣б̣аж̇ж̇амаяаажи б̣уд̣̇д̇ха’’нд̇и. звам̣ д̇зна баб̣б̣аж̇ж̇ааяа яаажид̇ааяа сад̇т̇аа д̇асса буримагаммам̣ ологзнд̇о зхибхигкубхаавааяа хзд̇усамбад̇д̇им̣ д̣̇исваа д̣̇агкин̣ахад̇т̇ам̣ басаарзд̇ваа – ‘‘зхи, бхигку, сваакаад̇о д̇хаммо, жара б̣рахмажарияам̣, саммаа д̣̇угкасса анд̇агирияааяаа’’д̇и ааха. саа зва жа д̇асса баб̣б̣аж̇ж̇аа убасамбад̣̇аа жа ахоси. д̇знааха ‘‘д̇амзхи бхигкууд̇и д̇ад̣̇аа авожа, зсзва д̇асса аху бхигкубхааво’’д̇и.

Tattha iccevāti iti eva evaṃ vatvā anantarameva. Coroti aṅgulimālo. Asinti khaggaṃ. Āvudhanti sesāvudhaṃ. Sobbheti samantato chinnataṭe. Papāteti ekato chinnataṭe. Naraketi bhūmiyā phalitavivare. Idha pana tīhipi padehi yattha patitaṃ aññena gahetuṃ na sakkā, tādisaṃ pabbatantarameva vadati. Anvakāsīti anu akāsi, pañcavidhampi attano āvudhaṃ anu khipi chaḍḍesi, tāni chaḍḍetvā bhagavato pādesu sirasā nipatitvā ‘‘pabbājetha maṃ, bhante’’ti āha. Tena vuttaṃ ‘‘avandi coro sugatassa pāde, tattheva pabbajjamayāci buddha’’nti. Evaṃ tena pabbajjāya yācitāya satthā tassa purimakammaṃ olokento ehibhikkhubhāvāya hetusampattiṃ disvā dakkhiṇahatthaṃ pasāretvā – ‘‘ehi, bhikkhu, svākhāto dhammo, cara brahmacariyaṃ, sammā dukkhassa antakiriyāyā’’ti āha. Sā eva ca tassa pabbajjā upasampadā ca ahosi. Tenāha ‘‘tamehi bhikkhūti tadā avoca, eseva tassa ahu bhikkhubhāvo’’ti.

звам̣ т̇зро сад̇т̇у санд̇игз зхибхигкубхаавзна баб̣б̣аж̇ж̇ам̣ убасамбад̣̇ан̃жа лабхид̇ваа вибассанааяа гаммам̣ гаронд̇о арахад̇д̇ам̣ бад̇ваа вимуд̇д̇исукам̣ бадисам̣взд̣̇знд̇о бийд̇исоманассаж̇аад̇о уд̣̇аанавасзна –

Evaṃ thero satthu santike ehibhikkhubhāvena pabbajjaṃ upasampadañca labhitvā vipassanāya kammaṃ karonto arahattaṃ patvā vimuttisukhaṃ paṭisaṃvedento pītisomanassajāto udānavasena –

871.

‘‘яо жа буб̣б̣з бамаж̇ж̇ид̇ваа, бажчаа со наббамаж̇ж̇ад̇и;

‘‘Yo ca pubbe pamajjitvā, pacchā so nappamajjati;

сомам̣ логам̣ бабхаасзд̇и, аб̣бхаа муд̇д̇ова жанд̣̇имаа.

Somaṃ lokaṃ pabhāseti, abbhā muttova candimā.

872.

‘‘яасса баабам̣ гад̇ам̣ гаммам̣, гусалзна бид̇хийяад̇и;

‘‘Yassa pāpaṃ kataṃ kammaṃ, kusalena pidhīyati;

сомам̣ логам̣ бабхаасзд̇и, аб̣бхаа муд̇д̇ова жанд̣̇имаа.

Somaṃ lokaṃ pabhāseti, abbhā muttova candimā.

873.

‘‘яо хавз д̣̇ахаро бхигку, яун̃ж̇ад̇и б̣уд̣̇д̇хасаасанз;

‘‘Yo have daharo bhikkhu, yuñjati buddhasāsane;

сомам̣ логам̣ бабхаасзд̇и, аб̣бхаа муд̇д̇ова жанд̣̇имаа’’д̇и. – г̇аат̇ад̇д̇аяам̣ абхааси;

Somaṃ lokaṃ pabhāseti, abbhā muttova candimā’’ti. – gāthattayaṃ abhāsi;

д̇ассад̇т̇о – яо буг̇г̇ало г̇ахадто ваа баб̣б̣аж̇ид̇о ваа галяаан̣амид̇д̇асам̣саг̇г̇ад̇о буб̣б̣з баабамид̇д̇асам̣саг̇г̇зна ваа ад̇д̇ано ваа бадисан̇каанаабхаавзна бамаж̇ж̇ид̇ваа саммаабадибад̇д̇ияам̣ бамаад̣̇ам̣ аабаж̇ж̇ид̇ваа , бажчаа галяаан̣амид̇д̇асам̣саг̇г̇зна яонисо уммуж̇ж̇анд̇о наббамаж̇ж̇ад̇и, саммаа бадибаж̇ж̇ад̇и, самат̇авибассанам̣ ануяун̃ж̇анд̇о д̇иссо виж̇ж̇аа ча абхин̃н̃аа баабун̣аад̇и, со аб̣бхаад̣̇ийхи муд̇д̇о жанд̣̇о вияа огаасалогам̣ ад̇д̇анаа ад̇хиг̇ад̇аахи виж̇ж̇аабхин̃н̃аахи имам̣ канд̇хаад̣̇илогам̣ обхаасзд̇ийд̇и.

Tassattho – yo puggalo gahaṭṭho vā pabbajito vā kalyāṇamittasaṃsaggato pubbe pāpamittasaṃsaggena vā attano vā paṭisaṅkhānābhāvena pamajjitvā sammāpaṭipattiyaṃ pamādaṃ āpajjitvā , pacchā kalyāṇamittasaṃsaggena yoniso ummujjanto nappamajjati, sammā paṭipajjati, samathavipassanaṃ anuyuñjanto tisso vijjā cha abhiññā pāpuṇāti, so abbhādīhi mutto cando viya okāsalokaṃ attanā adhigatāhi vijjābhiññāhi imaṃ khandhādilokaṃ obhāsetīti.

яасса буг̇г̇аласса гад̇ам̣ убажид̇ам̣ баабагаммам̣ гаммагкаяагарзна логуд̇д̇арагусалзна авибаагаарахабхаавасса аахарид̇ад̇д̇аа вибаагуббаад̣̇анз д̣̇ваарабид̇хаанзна бид̇хийяад̇и т̇агийяад̇и. сзсам̣ вуд̇д̇анаяамзва.

Yassa puggalassa kataṃ upacitaṃ pāpakammaṃ kammakkhayakarena lokuttarakusalena avipākārahabhāvassa āharitattā vipākuppādane dvārapidhānena pidhīyati thakīyati. Sesaṃ vuttanayameva.

д̣̇ахарод̇и д̇арун̣о, д̇знасса яог̇агкамасарийрад̇ам̣ д̣̇ассзд̇и. со хи уббаннам̣ ваад̇аад̇абабариссаяам̣ абхибхавид̇ваа яог̇ам̣ гаад̇ум̣ саггод̇и. яун̃ж̇ад̇и б̣уд̣̇д̇хасаасанз сигкад̇д̇аяз яуд̇д̇аббаяуд̇д̇о ход̇и, саггажжам̣ самбаад̣̇зд̇ийд̇и ад̇т̇о.

Daharoti taruṇo, tenassa yogakkhamasarīrataṃ dasseti. So hi uppannaṃ vātātapaparissayaṃ abhibhavitvā yogaṃ kātuṃ sakkoti. Yuñjati buddhasāsane sikkhattaye yuttappayutto hoti, sakkaccaṃ sampādetīti attho.

звам̣ бийд̇исоманассаж̇аад̇о вимуд̇д̇исукзна вихаранд̇о яад̣̇аа наг̇арам̣ бин̣д̣ааяа бависад̇и, д̇ад̣̇аа ан̃н̃знаби кид̇д̇о лзд̣д̣у т̇зрасса гааяз нибад̇ад̇и, ан̃н̃знаби кид̇д̇о д̣̇ан̣д̣о д̇ассзва гааяз нибад̇ад̇и. со бхиннзна бад̇д̇зна вихаарам̣ бависид̇ваа сад̇т̇у санд̇игам̣ г̇ажчад̇и. сад̇т̇аа д̇ам̣ овад̣̇ад̇и ‘‘ад̇хиваасзхи, д̇вам̣ б̣раахман̣а, ад̇хиваасзхи, д̇вам̣ б̣раахман̣а, яасса ко, д̇вам̣ б̣раахман̣а, гаммасса вибаагзна б̣ахууни вассасахассаани нираяз бажжзяяааси, д̇асса, д̇вам̣ б̣раахман̣а, гаммасса вибаагам̣ д̣̇идтзва д̇хаммз бадисам̣взд̣̇зсий’’д̇и. ат̇а т̇зро анод̇хисо саб̣б̣асад̇д̇зсу мзд̇д̇ажид̇д̇ам̣ убадтабзд̇ваа –

Evaṃ pītisomanassajāto vimuttisukhena viharanto yadā nagaraṃ piṇḍāya pavisati, tadā aññenapi khitto leḍḍu therassa kāye nipatati, aññenapi khitto daṇḍo tasseva kāye nipatati. So bhinnena pattena vihāraṃ pavisitvā satthu santikaṃ gacchati. Satthā taṃ ovadati ‘‘adhivāsehi, tvaṃ brāhmaṇa, adhivāsehi, tvaṃ brāhmaṇa, yassa kho, tvaṃ brāhmaṇa, kammassa vipākena bahūni vassasahassāni niraye pacceyyāsi, tassa, tvaṃ brāhmaṇa, kammassa vipākaṃ diṭṭheva dhamme paṭisaṃvedesī’’ti. Atha thero anodhiso sabbasattesu mettacittaṃ upaṭṭhapetvā –

874.

‘‘д̣̇исааби мз д̇хаммагат̇ам̣ сун̣анд̇у, д̣̇исааби мз яун̃ж̇анд̇у б̣уд̣̇д̇хасаасанз;

‘‘Disāpi me dhammakathaṃ suṇantu, disāpi me yuñjantu buddhasāsane;

д̣̇исааби мз д̇з мануж̇з бхаж̇анд̇у, яз д̇хаммамзваад̣̇абаяанд̇и санд̇о.

Disāpi me te manuje bhajantu, ye dhammamevādapayanti santo.

875.

‘‘д̣̇исаа хи мз канд̇иваад̣̇аанам̣, авирод̇хаббасам̣синам̣;

‘‘Disā hi me khantivādānaṃ, avirodhappasaṃsinaṃ;

сун̣анд̇у д̇хаммам̣ гаалзна, д̇ан̃жа анувид̇хийяанд̇у.

Suṇantu dhammaṃ kālena, tañca anuvidhīyantu.

876.

‘‘на хи ж̇аад̇у со мамам̣ хим̣сз, ан̃н̃ам̣ ваа бана ган̃жи нам̣;

‘‘Na hi jātu so mamaṃ hiṃse, aññaṃ vā pana kañci naṃ;

баббуяяа барамам̣ санд̇им̣, рагкзяяа д̇асат̇ааварз.

Pappuyya paramaṃ santiṃ, rakkheyya tasathāvare.

877.

‘‘уд̣̇аган̃хи наяанд̇и нзд̇д̇игаа, усугаараа д̣̇амаяанд̇и д̇зж̇анам̣;

‘‘Udakañhi nayanti nettikā, usukārā damayanti tejanaṃ;

д̣̇аарум̣ д̣̇амаяанд̇и д̇ажчагаа, ад̇д̇аанам̣ д̣̇амаяанд̇и бан̣д̣ид̇аа.

Dāruṃ damayanti tacchakā, attānaṃ damayanti paṇḍitā.

878.

‘‘д̣̇ан̣д̣знзгз д̣̇амаяанд̇и, ан̇гусзбхи гасаахи жа;

‘‘Daṇḍeneke damayanti, aṅkusebhi kasāhi ca;

ад̣̇ан̣д̣зна асад̇т̇зна, ахам̣ д̣̇анд̇омхи д̇аад̣̇инаа.

Adaṇḍena asatthena, ahaṃ dantomhi tādinā.

879.

‘‘ахим̣сагод̇и мз наамам̣, хим̣сагасса бурз сад̇о;

‘‘Ahiṃsakoti me nāmaṃ, hiṃsakassa pure sato;

аж̇ж̇аахам̣ сажжанаамомхи, на нам̣ хим̣саами ган̃жи нам̣.

Ajjāhaṃ saccanāmomhi, na naṃ hiṃsāmi kañci naṃ.

880.

‘‘жоро ахам̣ бурз аасим̣, ан̇г̇улимаалод̇и виссуд̇о;

‘‘Coro ahaṃ pure āsiṃ, aṅgulimāloti vissuto;

вуяхамаано махогхзна, б̣уд̣̇д̇хам̣ саран̣амааг̇амам̣.

Vuyhamāno mahoghena, buddhaṃ saraṇamāgamaṃ.

881.

‘‘лохид̇абаан̣и бурз аасим̣, ан̇г̇улимаалод̇и виссуд̇о;

‘‘Lohitapāṇi pure āsiṃ, aṅgulimāloti vissuto;

саран̣аг̇аманам̣ басса, бхаванзд̇д̇и самуухад̇аа.

Saraṇagamanaṃ passa, bhavanetti samūhatā.

882.

‘‘д̇аад̣̇исам̣ гаммам̣ гад̇ваана, б̣ахум̣ д̣̇уг̇г̇ад̇иг̇ааминам̣;

‘‘Tādisaṃ kammaṃ katvāna, bahuṃ duggatigāminaṃ;

пудто гаммавибаагзна, анан̣о бхун̃ж̇аами бхож̇анам̣.

Phuṭṭho kammavipākena, anaṇo bhuñjāmi bhojanaṃ.

883.

‘‘бамаад̣̇амануяун̃ж̇анд̇и, б̣аалаа д̣̇уммзд̇хино ж̇анаа;

‘‘Pamādamanuyuñjanti, bālā dummedhino janā;

аббамаад̣̇ан̃жа мзд̇хаавий, д̇ханам̣ сздтам̣ва рагкад̇и.

Appamādañca medhāvī, dhanaṃ seṭṭhaṃva rakkhati.

884.

‘‘маа бамаад̣̇амануяун̃ж̇зт̇а, маа гаамарад̇исант̇авам̣;

‘‘Mā pamādamanuyuñjetha, mā kāmaratisanthavaṃ;

аббамад̇д̇о хи жхааяанд̇о, баббод̇и барамам̣ сукам̣.

Appamatto hi jhāyanto, pappoti paramaṃ sukhaṃ.

885.

‘‘свааг̇ад̇ам̣ наабаг̇ад̇ам̣, нзд̇ам̣ д̣̇умманд̇ид̇ам̣ мама;

‘‘Svāgataṃ nāpagataṃ, netaṃ dummantitaṃ mama;

савибхад̇д̇зсу д̇хаммзсу, яам̣ сздтам̣ д̇ад̣̇убааг̇амам̣.

Savibhattesu dhammesu, yaṃ seṭṭhaṃ tadupāgamaṃ.

886.

‘‘свааг̇ад̇ам̣ наабаг̇ад̇ам̣, нзд̇ам̣ д̣̇умманд̇ид̇ам̣ мама;

‘‘Svāgataṃ nāpagataṃ, netaṃ dummantitaṃ mama;

д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.

Tisso vijjā anuppattā, kataṃ buddhassa sāsanaṃ.

887.

‘‘аран̃н̃з ругкамуулз ваа, баб̣б̣ад̇зсу г̇ухаасу ваа;

‘‘Araññe rukkhamūle vā, pabbatesu guhāsu vā;

д̇ад̇т̇а д̇ад̇т̇зва адтаасим̣, уб̣б̣иг̇г̇аманасо д̇ад̣̇аа.

Tattha tattheva aṭṭhāsiṃ, ubbiggamanaso tadā.

888.

‘‘сукам̣ саяаами тааяаами, сукам̣ габбзми ж̇ийвид̇ам̣;

‘‘Sukhaṃ sayāmi ṭhāyāmi, sukhaṃ kappemi jīvitaṃ;

ахад̇т̇абаасо маарасса, ахо сад̇т̇аанугамбид̇о.

Ahatthapāso mārassa, aho satthānukampito.

889.

‘‘б̣рахмаж̇ажжо бурз аасим̣, уд̣̇ижжо убхад̇о аху.

‘‘Brahmajacco pure āsiṃ, udicco ubhato ahu.

сож̇ж̇а буд̇д̇о суг̇ад̇асса, д̇хаммарааж̇асса сад̇т̇уно.

Sojja putto sugatassa, dhammarājassa satthuno.

890.

‘‘вийд̇ад̇ан̣хо анаад̣̇аано, г̇уд̇д̇ад̣̇вааро сусам̣вуд̇о;

‘‘Vītataṇho anādāno, guttadvāro susaṃvuto;

агхамуулам̣ вад̇хид̇ваана, бад̇д̇о мз аасавагкаяо.

Aghamūlaṃ vadhitvāna, patto me āsavakkhayo.

891.

‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;

‘‘Pariciṇṇo mayā satthā, kataṃ buddhassa sāsanaṃ;

охид̇о г̇аруго бхааро, бхаванзд̇д̇и самуухад̇аа’’д̇и. – имаа г̇аат̇аа абхааси;

Ohito garuko bhāro, bhavanetti samūhatā’’ti. – imā gāthā abhāsi;

д̇ад̇т̇а д̣̇исаабийд̇и маяхам̣ д̣̇исааби амид̇д̇аа бажжад̇т̇игааби яз мам̣ звам̣ убавад̣̇анд̇и ‘‘яат̇аа маяам̣ ан̇г̇улимааласса васзна н̃аад̇ивияог̇ад̣̇угкабарзд̇аа д̣̇угкам̣ баабун̣аама, звам̣ ан̇г̇улимаалоби д̣̇угкам̣ баабун̣аад̇уу’’д̇и. мз д̇хаммагат̇ам̣ сун̣анд̇ууд̇и маяаа сад̇т̇у санд̇игз суд̇ам̣ жад̇усажжад̇хаммабадисам̣яуд̇д̇ам̣ гат̇ам̣ сун̣анд̇у . яун̃ж̇анд̇ууд̇и суд̇ваа жа д̇ад̣̇ад̇т̇ааяа бадибаж̇ж̇анд̇у. д̇з мануж̇з бхаж̇анд̇ууд̇и д̇аад̣̇исз саббурисз галяаан̣амид̇д̇з бхаж̇анд̇у сзванд̇у. яз д̇хаммамзваад̣̇абаяанд̇и санд̇од̇и яз саббурисаа гусалад̇хаммамзва, уд̇д̇аримануссад̇хаммамзва, ниб̣б̣ад̇д̇ид̇алогуд̇д̇арад̇хаммамзва жа аад̣̇абзнд̇и самаад̣̇абзнд̇и г̇ан̣хаабзнд̇и.

Tattha disāpīti mayhaṃ disāpi amittā paccatthikāpi ye maṃ evaṃ upavadanti ‘‘yathā mayaṃ aṅgulimālassa vasena ñātiviyogadukkhaparetā dukkhaṃ pāpuṇāma, evaṃ aṅgulimālopi dukkhaṃ pāpuṇātū’’ti. Me dhammakathaṃ suṇantūti mayā satthu santike sutaṃ catusaccadhammapaṭisaṃyuttaṃ kathaṃ suṇantu . Yuñjantūti sutvā ca tadatthāya paṭipajjantu. Te manuje bhajantūti tādise sappurise kalyāṇamitte bhajantu sevantu. Ye dhammamevādapayanti santoti ye sappurisā kusaladhammameva, uttarimanussadhammameva, nibbattitalokuttaradhammameva ca ādapenti samādapenti gaṇhāpenti.

канд̇иваад̣̇аананд̇и ад̇хиваасанаканд̇имзва вад̣̇анд̇аанам̣ д̇ад̇о зва авирод̇хаббасам̣синанд̇и гзнажи авирод̇хабхууд̇ааяа мзд̇д̇ааяа зва басам̣санасийлаанам̣. сун̣анд̇у д̇хаммам̣ гаалзнаад̇и яуд̇д̇аббаяуд̇д̇агаалз д̇зсам̣ санд̇игз д̇хаммам̣ сун̣анд̇у. д̇ан̃жа анувид̇хийяанд̇ууд̇и д̇ан̃жа яат̇аасуд̇ам̣ д̇хаммам̣ саммад̣̇зва уг̇г̇ахид̇ваа анугаронд̇у д̇хаммаануд̇хаммам̣ бадибаж̇ж̇анд̇ууд̇и ад̇т̇о.

Khantivādānanti adhivāsanakhantimeva vadantānaṃ tato eva avirodhappasaṃsinanti kenaci avirodhabhūtāya mettāya eva pasaṃsanasīlānaṃ. Suṇantu dhammaṃkālenāti yuttappayuttakāle tesaṃ santike dhammaṃ suṇantu. Tañca anuvidhīyantūti tañca yathāsutaṃ dhammaṃ sammadeva uggahitvā anukarontu dhammānudhammaṃ paṭipajjantūti attho.

на хи ж̇аад̇у со мамам̣ хим̣сзд̇и со маяхам̣ д̣̇исо бажжад̇т̇иго ж̇аад̇у, згам̣сзнзва мам̣ на хим̣сз, на б̣аад̇хзяяа. ан̃н̃ам̣ ваа бана ган̃жи нанд̇и на гзвалам̣ мам̣язва, ан̃н̃ам̣ вааби ган̃жи сад̇д̇ам̣ на хим̣сзяяа, баббуяяа барамам̣ санд̇инд̇и, барамам̣ уд̇д̇амам̣ санд̇им̣ ниб̣б̣аанам̣ баабун̣зяяа, баабун̣ид̇ваа жа рагкзяяа д̇асат̇ааварзд̇и саб̣б̣з жа сад̇д̇з барамааяа рагкааяа рагкзяяа, сиссам̣ буд̇д̇ам̣ вияа барибаалзяяаад̇и ад̇т̇о.

Na hi jātu so mamaṃ hiṃseti so mayhaṃ diso paccatthiko jātu, ekaṃseneva maṃ na hiṃse, na bādheyya. Aññaṃ vā pana kañci nanti na kevalaṃ maṃyeva, aññaṃ vāpi kañci sattaṃ na hiṃseyya, pappuyya paramaṃ santinti, paramaṃ uttamaṃ santiṃ nibbānaṃ pāpuṇeyya, pāpuṇitvā ca rakkheyya tasathāvareti sabbe ca satte paramāya rakkhāya rakkheyya, sissaṃ puttaṃ viya paripāleyyāti attho.

звам̣ т̇зро имаахи г̇аат̇аахи барз баабад̇о бариможзнд̇о барид̇д̇агирияам̣ наама гад̇ваа ад̇д̇ано бадибад̇д̇им̣ багаасзнд̇о ‘‘уд̣̇агам̣ хий’’д̇и г̇аат̇амааха. д̇ад̇т̇а бат̇авияаа т̇аладтаанам̣ кан̣ид̇ваа ниннадтаанам̣ буурзд̇ваа маад̇игам̣ ваа гад̇ваа ругкад̣̇он̣им̣ ваа табзд̇ваа ад̇д̇анаа ижчигижчид̇адтаанам̣ уд̣̇агам̣ нзнд̇ийд̇и нзд̇д̇игаа, уд̣̇агахаарино. д̇зж̇ананд̇и ган̣д̣ам̣. ид̣̇ам̣ вуд̇д̇ам̣ ход̇и – нзд̇д̇игаа ад̇д̇ано ружияаа уд̣̇агам̣ наяанд̇и, усугаарааби д̇аабзд̇ваа ван̇гаабхаавам̣ харанд̇аа д̇зж̇анам̣ усум̣ д̣̇амаяанд̇и, уж̇угам̣ гаронд̇и, д̇ажчагааби нзмиаад̣̇ийнам̣ ад̇т̇ааяа д̇ажчанд̇аа д̣̇аарум̣ д̣̇амаяанд̇и ад̇д̇ано ружияаа уж̇ум̣ ваа ван̇гам̣ ваа гаронд̇и. звам̣ зд̇д̇агам̣ аарамман̣ам̣ гад̇ваа бан̣д̣ид̇аа саббан̃н̃аа арияамаг̇г̇ам̣ уббаад̣̇знд̇аа ад̇д̇аанам̣ д̣̇амзнд̇и, арахад̇д̇аббад̇д̇аа бана зганд̇ад̣̇анд̇аа наама хонд̇ийд̇и.

Evaṃ thero imāhi gāthāhi pare pāpato parimocento parittakiriyaṃ nāma katvā attano paṭipattiṃ pakāsento ‘‘udakaṃ hī’’ti gāthamāha. Tattha pathaviyā thalaṭṭhānaṃ khaṇitvā ninnaṭṭhānaṃ pūretvā mātikaṃ vā katvā rukkhadoṇiṃ vā ṭhapetvā attanā icchikicchitaṭṭhānaṃ udakaṃ nentīti nettikā, udakahārino. Tejananti kaṇḍaṃ. Idaṃ vuttaṃ hoti – nettikā attano ruciyā udakaṃ nayanti, usukārāpi tāpetvā vaṅkābhāvaṃ harantā tejanaṃ usuṃ damayanti, ujukaṃ karonti, tacchakāpi nemiādīnaṃ atthāya tacchantā dāruṃ damayanti attano ruciyā ujuṃ vā vaṅkaṃ vā karonti. Evaṃ ettakaṃ ārammaṇaṃ katvā paṇḍitā sappaññā ariyamaggaṃ uppādentā attānaṃ damenti, arahattappattā pana ekantadantā nāma hontīti.

ид̣̇аани бурисад̣̇аммасаарат̇инаа сад̇т̇аараа ад̇д̇ано д̣̇амид̇аагаарам̣ гад̇ан̃н̃уд̇ан̃жа багаасзнд̇о ‘‘д̣̇ан̣д̣знзгз’’д̇иаад̣̇игаа бан̃жа г̇аат̇аа абхааси. д̇ад̇т̇а д̣̇ан̣д̣знзгз д̣̇амаяанд̇ийд̇и рааж̇арааж̇амахаамад̇д̇аад̣̇аяо д̣̇ан̣д̣зна, хад̇т̇иассаад̣̇инаа б̣алагааязна жа бажжад̇т̇игаад̣̇игз д̣̇амзнд̇и, г̇обаалаад̣̇аяо жа г̇ааваад̣̇игз д̣̇ан̣д̣зна яадтияаа д̣̇амзнд̇и. хад̇т̇аажарияаа хад̇т̇им̣ ан̇гусзхи, ассаажарияаа ассз гасаахи жа д̣̇амзнд̇и. ад̣̇ан̣д̣зна асад̇т̇зна, ахам̣ д̣̇анд̇омхи д̇аад̣̇инаад̇и ахам̣ бана идтаад̣̇ийсу д̇аад̣̇ибхааваббад̇д̇зна саммаасамб̣уд̣̇д̇хзна винаа зва д̣̇ан̣д̣зна, винаа сад̇т̇зна, нихид̇ад̣̇ан̣д̣анихид̇асад̇т̇абхаавзна д̣̇анд̇о д̣̇амид̇о ниб̣б̣исзвано г̇ад̇о амхи.

Idāni purisadammasārathinā satthārā attano damitākāraṃ kataññutañca pakāsento ‘‘daṇḍeneke’’tiādikā pañca gāthā abhāsi. Tattha daṇḍeneke damayantīti rājarājamahāmattādayo daṇḍena, hatthiassādinā balakāyena ca paccatthikādike damenti, gopālādayo ca gāvādike daṇḍena yaṭṭhiyā damenti. Hatthācariyā hatthiṃ aṅkusehi, assācariyā asse kasāhi ca damenti. Adaṇḍena asatthena, ahaṃ dantomhi tādināti ahaṃ pana iṭṭhādīsu tādibhāvappattena sammāsambuddhena vinā eva daṇḍena, vinā satthena, nihitadaṇḍanihitasatthabhāvena danto damito nibbisevano gato amhi.

ахим̣сагод̇и мз наамам̣, хим̣сагасса бурз сад̇од̇и сад̇т̇аараа самааг̇амад̇о буб̣б̣з хим̣сагасса мз самаанасса ахим̣сагод̇и наамамад̇д̇ам̣ ахоси. аж̇ж̇ааханд̇и ид̣̇аани банаахам̣ ‘‘ахим̣саго’’д̇и сажжанаамо авид̇ат̇анаамо амхи. д̇асмаа на нам̣ хим̣саами ган̃жиби сад̇д̇ам̣ на хим̣саами на б̣аад̇хзми, нанд̇и нибаад̇амад̇д̇ам̣.

Ahiṃsakotime nāmaṃ, hiṃsakassa pure satoti satthārā samāgamato pubbe hiṃsakassa me samānassa ahiṃsakoti nāmamattaṃ ahosi. Ajjāhanti idāni panāhaṃ ‘‘ahiṃsako’’ti saccanāmo avitathanāmo amhi. Tasmā na naṃ hiṃsāmi kañcipi sattaṃ na hiṃsāmi na bādhemi, nanti nipātamattaṃ.

виссуд̇од̇и ‘‘баан̣аад̇ибаад̇ий луд̣̇д̣̇о лохид̇абаан̣ий’’д̇иаад̣̇инаа бан̃н̃аад̇о. махогхзнаад̇и гаамогхаад̣̇инаа махад̇аа огхзна, д̇асса огхасса вижчзд̣̇агарам̣ б̣уд̣̇д̇хам̣ саран̣ам̣ б̣уд̣̇д̇хасан̇каад̇ам̣ саран̣ам̣ аг̇амам̣ убаг̇ажчим̣.

Vissutoti ‘‘pāṇātipātī luddo lohitapāṇī’’tiādinā paññāto. Mahoghenāti kāmoghādinā mahatā oghena, tassa oghassa vicchedakaraṃ buddhaṃ saraṇaṃ buddhasaṅkhātaṃ saraṇaṃ agamaṃ upagacchiṃ.

лохид̇абаан̣ийд̇и баан̣амад̇ибаад̇анзна барзсам̣ лохид̇зна рухирзна магкид̇абаан̣и. саран̣аг̇аманам̣ бассаад̇и махабпалам̣ мама саран̣аг̇аманам̣ бассаад̇и ад̇д̇аанамзваалабад̇и.

Lohitapāṇīti pāṇamatipātanena paresaṃ lohitena ruhirena makkhitapāṇi. Saraṇagamanaṃ passāti mahapphalaṃ mama saraṇagamanaṃ passāti attānamevālapati.

д̇аад̣̇исам̣ гамманд̇и анзгасад̇абурисавад̇хам̣ д̣̇аарун̣ам̣ д̇ат̇ааруубам̣ баабагаммам̣. пудто гаммавибаагзнаад̇и буб̣б̣з гад̇асса баабагаммасса вибаагзна пудто, саб̣б̣асо бахийнагаммо вибаагамад̇д̇ам̣ бажжанубхонд̇о. ат̇а ваа пудто гаммавибаагзнаад̇и убаниссаяабхууд̇асса гусалагаммасса палабхууд̇зна логуд̇д̇арамаг̇г̇зна, логуд̇д̇арагаммассзва ваа палзна вимуд̇д̇исукзна пудто. саб̣б̣асо гилзсаанам̣ кийн̣ад̇д̇аа анан̣о бхун̃ж̇аами бхож̇анам̣, бхож̇анаабад̣̇зсзна жад̇д̇аароби бажжаяз вад̣̇ад̇и.

Tādisaṃ kammanti anekasatapurisavadhaṃ dāruṇaṃ tathārūpaṃ pāpakammaṃ. Phuṭṭho kammavipākenāti pubbe katassa pāpakammassa vipākena phuṭṭho, sabbaso pahīnakammo vipākamattaṃ paccanubhonto. Atha vā phuṭṭho kammavipākenāti upanissayabhūtassa kusalakammassa phalabhūtena lokuttaramaggena, lokuttarakammasseva vā phalena vimuttisukhena phuṭṭho. Sabbaso kilesānaṃ khīṇattā anaṇo bhuñjāmi bhojanaṃ, bhojanāpadesena cattāropi paccaye vadati.

ид̣̇аани буб̣б̣з ад̇д̇ано бамаад̣̇авихаарам̣ г̇арахаамукзна бажчаа аббамаад̣̇абадибад̇д̇им̣ басам̣санд̇о д̇ад̇т̇а жа барзсам̣ уссаахам̣ ж̇анзнд̇о ‘‘бамаад̣̇амануяун̃ж̇анд̇ий’’д̇иаад̣̇игаа г̇аат̇аа абхааси. д̇ад̇т̇а б̣аалаад̇и б̣аалязна саманнааг̇ад̇аа ид̇халогабаралогад̇т̇ам̣ аж̇аананд̇аа. д̣̇уммзд̇хинод̇и ниббан̃н̃аа, д̇з бамаад̣̇з аад̣̇ийнавам̣ абассанд̇аа бамаад̣̇ам̣ ануяун̃ж̇анд̇и бавад̇д̇знд̇и, бамаад̣̇знзва гаалам̣ вийд̇инаамзнд̇и. мзд̇хаавийд̇и д̇хаммож̇абан̃н̃ааяа саманнааг̇ад̇о бана бан̣д̣ид̇о гулавам̣сааг̇ад̇ам̣ сздтам̣ уд̇д̇амам̣ сад̇д̇арад̇анад̇ханам̣ вияа аббамаад̣̇ам̣ рагкад̇и. яат̇аа хи ‘‘уд̇д̇амам̣ д̇ханам̣ ниссааяа бхог̇асамбад̇д̇им̣ баабун̣иссаама, буд̇д̇ад̣̇аарам̣ босзссаама, суг̇ад̇имаг̇г̇ам̣ сод̇хзссаамаа’’д̇и д̇ханз аанисам̣сам̣ бассанд̇аа д̇ханам̣ рагканд̇и; звам̣ бан̣д̣ид̇оби ‘‘аббамаад̣̇ам̣ ниссааяа батамаж̇жхаанаад̣̇ийни бадилабхиссаами , маг̇г̇апалаани баабун̣иссаами, д̇иссо виж̇ж̇аа ча абхин̃н̃аа самбаад̣̇зссаамий’’д̇и аббамаад̣̇з аанисам̣сам̣ бассанд̇о д̇ханам̣ сздтам̣ва аббамаад̣̇ам̣ рагкад̇ийд̇и ад̇т̇о.

Idāni pubbe attano pamādavihāraṃ garahāmukhena pacchā appamādapaṭipattiṃ pasaṃsanto tattha ca paresaṃ ussāhaṃ janento ‘‘pamādamanuyuñjantī’’tiādikā gāthā abhāsi. Tattha bālāti bālyena samannāgatā idhalokaparalokatthaṃ ajānantā. Dummedhinoti nippaññā, te pamāde ādīnavaṃ apassantā pamādaṃ anuyuñjanti pavattenti, pamādeneva kālaṃ vītināmenti. Medhāvīti dhammojapaññāya samannāgato pana paṇḍito kulavaṃsāgataṃ seṭṭhaṃ uttamaṃ sattaratanadhanaṃ viya appamādaṃ rakkhati. Yathā hi ‘‘uttamaṃ dhanaṃ nissāya bhogasampattiṃ pāpuṇissāma, puttadāraṃ posessāma, sugatimaggaṃ sodhessāmā’’ti dhane ānisaṃsaṃ passantā dhanaṃ rakkhanti; evaṃ paṇḍitopi ‘‘appamādaṃ nissāya paṭhamajjhānādīni paṭilabhissāmi , maggaphalāni pāpuṇissāmi, tisso vijjā cha abhiññā sampādessāmī’’ti appamāde ānisaṃsaṃ passanto dhanaṃ seṭṭhaṃva appamādaṃ rakkhatīti attho.

маа бамаад̣̇анд̇и бамаад̣̇ам̣ маа ануяун̃ж̇зт̇а бамаад̣̇зна гаалам̣ маа вийд̇инаамаяид̇т̇а. гаамарад̇исант̇аванд̇и вад̇т̇угаамзсу, гилзсагаамзсу жа рад̇исан̇каад̇ам̣ д̇ан̣хаасант̇авамби маа ануяун̃ж̇зт̇а маа винд̣̇ид̇т̇а маа бадилабхид̇т̇а. аббамад̇д̇о хийд̇и убадтид̇асад̇ид̇ааяа аббамад̇д̇о буг̇г̇ало жхааяанд̇о жхааяанаббасуд̇о барамам̣ уд̇д̇амам̣ ниб̣б̣аанасукам̣ баабун̣аад̇и.

Mā pamādanti pamādaṃ mā anuyuñjetha pamādena kālaṃ mā vītināmayittha. Kāmaratisanthavanti vatthukāmesu, kilesakāmesu ca ratisaṅkhātaṃ taṇhāsanthavampi mā anuyuñjetha mā vindittha mā paṭilabhittha. Appamatto hīti upaṭṭhitasatitāya appamatto puggalo jhāyanto jhāyanappasuto paramaṃ uttamaṃ nibbānasukhaṃ pāpuṇāti.

свааг̇ад̇ам̣ наабаг̇ад̇анд̇и яам̣ д̇ад̣̇аа мама сад̇т̇у санд̇игз ааг̇ад̇ам̣ ааг̇аманам̣, сад̇т̇у ваа д̇асмим̣ махааванз ааг̇аманам̣, д̇ам̣ свааг̇ад̇ам̣ свааг̇аманам̣ наабаг̇ад̇ам̣, ад̇т̇ад̇о абзд̇ам̣ виг̇ад̇ам̣ на ход̇и. нзд̇ам̣ д̣̇умманд̇ид̇ам̣ мамаад̇и яам̣ д̇ад̣̇аа маяаа ‘‘сад̇т̇у санд̇игз баб̣б̣аж̇иссаамий’’д̇и манд̇ид̇ам̣, ид̣̇амби мама на д̣̇умманд̇ид̇ам̣, суманд̇ид̇амзва. гасмаа? савибхад̇д̇зсу д̇хаммзсууд̇и сааваж̇ж̇аанаваж̇ж̇аад̣̇ивасзна багаарад̇о вибхад̇д̇зсу д̇хаммзсу яам̣ сздтам̣ уд̇д̇амам̣ баварам̣ ниб̣б̣аанам̣. д̇ад̣̇убааг̇амам̣ д̇ад̣̇зва убаг̇ажчинд̇и ад̇т̇о.

Svāgataṃ nāpagatanti yaṃ tadā mama satthu santike āgataṃ āgamanaṃ, satthu vā tasmiṃ mahāvane āgamanaṃ, taṃ svāgataṃ svāgamanaṃ nāpagataṃ, atthato apetaṃ vigataṃ na hoti. Netaṃ dummantitaṃ mamāti yaṃ tadā mayā ‘‘satthu santike pabbajissāmī’’ti mantitaṃ, idampi mama na dummantitaṃ, sumantitameva. Kasmā? Savibhattesu dhammesūti sāvajjānavajjādivasena pakārato vibhattesu dhammesu yaṃ seṭṭhaṃ uttamaṃ pavaraṃ nibbānaṃ. Tadupāgamaṃ tadeva upagacchinti attho.

‘‘д̇ад̣̇аа бут̇уж̇ж̇анагаалз баяог̇аасаяавибаннад̇ааяа аран̃н̃аад̣̇ийсу д̣̇угкам̣ вихаасим̣, ид̣̇аани баяог̇аасаяасамбаннад̇ааяа д̇ад̇т̇а сукам̣ вихараамий’’д̇и сукавихаарабхааван̃жзва ‘‘буб̣б̣з ж̇аад̇имад̇д̇зна б̣раахман̣о, ид̣̇аани сад̇т̇у орасабуд̇д̇ад̇ааяа б̣раахман̣о’’д̇и барамад̇т̇аб̣раахман̣абхааван̃жа д̣̇ассзнд̇о ‘‘аран̃н̃з’’д̇иаад̣̇имааха. д̇ад̇т̇а сукам̣ саяаамийд̇и саяанд̇оби сукам̣ сукзна нид̣̇угкзна жид̇д̇уд̇раасаад̣̇ийнам̣ абхаавзна жзд̇од̣̇угкарахид̇о саяаами. тааяаамийд̇и таами . ахад̇т̇абаасо маарассаад̇и гилзсамаараад̣̇ийнам̣ аг̇ожаро. ахо сад̇т̇аанугамбид̇од̇и сад̇т̇аараанугамбид̇о ахо.

‘‘Tadā puthujjanakāle payogāsayavipannatāya araññādīsu dukkhaṃ vihāsiṃ, idāni payogāsayasampannatāya tattha sukhaṃ viharāmī’’ti sukhavihārabhāvañceva ‘‘pubbe jātimattena brāhmaṇo, idāni satthu orasaputtatāya brāhmaṇo’’ti paramatthabrāhmaṇabhāvañca dassento ‘‘araññe’’tiādimāha. Tattha sukhaṃ sayāmīti sayantopi sukhaṃ sukhena nidukkhena cittutrāsādīnaṃ abhāvena cetodukkharahito sayāmi. Ṭhāyāmīti ṭhāmi . Ahatthapāso mārassāti kilesamārādīnaṃ agocaro. Aho satthānukampitoti satthārānukampito aho.

б̣рахмаж̇ажжод̇и б̣раахман̣аж̇аад̇иго. уд̣̇ижжо убхад̇од̇и маад̇ид̇о жа бид̇ид̇о жа убхад̇о уд̣̇ид̇о сам̣суд̣̇д̇хаг̇ахан̣иго. сзсам̣ д̇ад̇т̇а д̇ад̇т̇а вуд̇д̇анаяамзва.

Brahmajaccoti brāhmaṇajātiko. Udicco ubhatoti mātito ca pitito ca ubhato udito saṃsuddhagahaṇiko. Sesaṃ tattha tattha vuttanayameva.

ан̇г̇улимаалад̇т̇зраг̇аат̇ааван̣н̣анаа нидтид̇аа.

Aṅgulimālattheragāthāvaṇṇanā niṭṭhitā.

Next: 9. ануруд̣̇д̇хад̇т̇зраг̇аат̇ааван̣н̣анаа • 9. Anuruddhattheragāthāvaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. ан̇г̇улимаалад̇т̇зраг̇аат̇аа • 8. Aṅgulimālattheragāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact