| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
२. अङ्गुलिपतोदकसिक्खापदवण्णना
2. Aṅgulipatodakasikkhāpadavaṇṇanā
हसाधिप्पायस्साति खिड्डाधिप्पायस्स, इमिना कायसंसग्गाधिप्पायं पटिक्खिपति।
Hasādhippāyassāti khiḍḍādhippāyassa, iminā kāyasaṃsaggādhippāyaṃ paṭikkhipati.
एत्थ च भिक्खुनिम्पि हसाधिप्पायेन फुसतो भिक्खुस्स दुक्कटं। तथा भिक्खुम्पि फुसन्तिया भिक्खुनियाति आह ‘‘इध पन भिक्खुनीपि भिक्खुस्स, भिक्खु च भिक्खुनिया अनुपसम्पन्नो एवा’’ति। कायप्पटिबद्धादीसु सब्बत्थाति ‘‘कायेन कायप्पटिबद्धे, कायप्पटिबद्धेन काये, कायप्पटिबद्धेन कायप्पटिबद्धे, निस्सग्गियेन काये, निस्सग्गियेन कायप्पटिबद्धे, निस्सग्गियेन निस्सग्गिये’’ति (पाचि॰ ३३२) सब्बत्थ। सति करणीये आमसतोति सति करणीये पुरिसं आमसतो अनापत्ति। इत्थी पन सति करणीयेपि आमसितुं न वट्टति।
Ettha ca bhikkhunimpi hasādhippāyena phusato bhikkhussa dukkaṭaṃ. Tathā bhikkhumpi phusantiyā bhikkhuniyāti āha ‘‘idha pana bhikkhunīpi bhikkhussa, bhikkhu ca bhikkhuniyā anupasampanno evā’’ti. Kāyappaṭibaddhādīsu sabbatthāti ‘‘kāyena kāyappaṭibaddhe, kāyappaṭibaddhena kāye, kāyappaṭibaddhena kāyappaṭibaddhe, nissaggiyena kāye, nissaggiyena kāyappaṭibaddhe, nissaggiyena nissaggiye’’ti (pāci. 332) sabbattha. Sati karaṇīye āmasatoti sati karaṇīye purisaṃ āmasato anāpatti. Itthī pana sati karaṇīyepi āmasituṃ na vaṭṭati.
अङ्गुलिपतोदकसिक्खापदवण्णना निट्ठिता।
Aṅgulipatodakasikkhāpadavaṇṇanā niṭṭhitā.
