| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๒. องฺคุลิปโตทกสิกฺขาปทวณฺณนา
2. Aṅgulipatodakasikkhāpadavaṇṇanā
หสาธิปฺปายสฺสาติ ขิฑฺฑาธิปฺปายสฺส, อิมินา กายสํสคฺคาธิปฺปายํ ปฎิกฺขิปติฯ
Hasādhippāyassāti khiḍḍādhippāyassa, iminā kāyasaṃsaggādhippāyaṃ paṭikkhipati.
เอตฺถ จ ภิกฺขุนิมฺปิ หสาธิปฺปาเยน ผุสโต ภิกฺขุสฺส ทุกฺกฎํฯ ตถา ภิกฺขุมฺปิ ผุสนฺติยา ภิกฺขุนิยาติ อาห ‘‘อิธ ปน ภิกฺขุนีปิ ภิกฺขุสฺส, ภิกฺขุ จ ภิกฺขุนิยา อนุปสมฺปโนฺน เอวา’’ติฯ กายปฺปฎิพทฺธาทีสุ สพฺพตฺถาติ ‘‘กาเยน กายปฺปฎิพเทฺธ, กายปฺปฎิพเทฺธน กาเย, กายปฺปฎิพเทฺธน กายปฺปฎิพเทฺธ, นิสฺสคฺคิเยน กาเย, นิสฺสคฺคิเยน กายปฺปฎิพเทฺธ, นิสฺสคฺคิเยน นิสฺสคฺคิเย’’ติ (ปาจิ. ๓๓๒) สพฺพตฺถฯ สติ กรณีเย อามสโตติ สติ กรณีเย ปุริสํ อามสโต อนาปตฺติฯ อิตฺถี ปน สติ กรณีเยปิ อามสิตุํ น วฎฺฎติฯ
Ettha ca bhikkhunimpi hasādhippāyena phusato bhikkhussa dukkaṭaṃ. Tathā bhikkhumpi phusantiyā bhikkhuniyāti āha ‘‘idha pana bhikkhunīpi bhikkhussa, bhikkhu ca bhikkhuniyā anupasampanno evā’’ti. Kāyappaṭibaddhādīsu sabbatthāti ‘‘kāyena kāyappaṭibaddhe, kāyappaṭibaddhena kāye, kāyappaṭibaddhena kāyappaṭibaddhe, nissaggiyena kāye, nissaggiyena kāyappaṭibaddhe, nissaggiyena nissaggiye’’ti (pāci. 332) sabbattha. Sati karaṇīye āmasatoti sati karaṇīye purisaṃ āmasato anāpatti. Itthī pana sati karaṇīyepi āmasituṃ na vaṭṭati.
องฺคุลิปโตทกสิกฺขาปทวณฺณนา นิฎฺฐิตาฯ
Aṅgulipatodakasikkhāpadavaṇṇanā niṭṭhitā.
