| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
2. අඞ්‌ගුලිපතොදකසික්‌ඛාපදවණ්‌ණනා
2. Aṅgulipatodakasikkhāpadavaṇṇanā
හසාධිප්‌පායස්‌සාති ඛිඩ්‌ඩාධිප්‌පායස්‌ස, ඉමිනා කායසංසග්‌ගාධිප්‌පායං පටික්‌ඛිපති.
Hasādhippāyassāti khiḍḍādhippāyassa, iminā kāyasaṃsaggādhippāyaṃ paṭikkhipati.
එත්‌ථ ච භික්‌ඛුනිම්‌පි හසාධිප්‌පායෙන ඵුසතො භික්‌ඛුස්‌ස දුක්‌කටං. තථා භික්‌ඛුම්‌පි ඵුසන්‌තියා භික්‌ඛුනියාති ආහ ‘‘ඉධ පන භික්‌ඛුනීපි භික්‌ඛුස්‌ස, භික්‌ඛු ච භික්‌ඛුනියා අනුපසම්‌පන්‌නො එවා’’ති. කායප්‌පටිබද්‌ධාදීසු සබ්‌බත්‌ථාති ‘‘කායෙන කායප්‌පටිබද්‌ධෙ, කායප්‌පටිබද්‌ධෙන කායෙ, කායප්‌පටිබද්‌ධෙන කායප්‌පටිබද්‌ධෙ, නිස්‌සග්‌ගියෙන කායෙ, නිස්‌සග්‌ගියෙන කායප්‌පටිබද්‌ධෙ, නිස්‌සග්‌ගියෙන නිස්‌සග්‌ගියෙ’’ති (පාචි. 332) සබ්‌බත්‌ථ. සති කරණීයෙ ආමසතොති සති කරණීයෙ පුරිසං ආමසතො අනාපත්‌ති. ඉත්‌ථී පන සති කරණීයෙපි ආමසිතුං න වට්‌ටති.
Ettha ca bhikkhunimpi hasādhippāyena phusato bhikkhussa dukkaṭaṃ. Tathā bhikkhumpi phusantiyā bhikkhuniyāti āha ‘‘idha pana bhikkhunīpi bhikkhussa, bhikkhu ca bhikkhuniyā anupasampanno evā’’ti. Kāyappaṭibaddhādīsu sabbatthāti ‘‘kāyena kāyappaṭibaddhe, kāyappaṭibaddhena kāye, kāyappaṭibaddhena kāyappaṭibaddhe, nissaggiyena kāye, nissaggiyena kāyappaṭibaddhe, nissaggiyena nissaggiye’’ti (pāci. 332) sabbattha. Sati karaṇīye āmasatoti sati karaṇīye purisaṃ āmasato anāpatti. Itthī pana sati karaṇīyepi āmasituṃ na vaṭṭati.
අඞ්‌ගුලිපතොදකසික්‌ඛාපදවණ්‌ණනා නිට්‌ඨිතා.
Aṅgulipatodakasikkhāpadavaṇṇanā niṭṭhitā.
