| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༢. ཨངྒུལིཔཏོདཀསིཀྑཱཔདཝཎྞནཱ
2. Aṅgulipatodakasikkhāpadavaṇṇanā
ཧསཱདྷིཔྤཱཡསྶཱཏི ཁིཌྜཱདྷིཔྤཱཡསྶ, ཨིམིནཱ ཀཱཡསཾསགྒཱདྷིཔྤཱཡཾ པཊིཀྑིཔཏི།
Hasādhippāyassāti khiḍḍādhippāyassa, iminā kāyasaṃsaggādhippāyaṃ paṭikkhipati.
ཨེཏྠ ཙ བྷིཀྑུནིམྤི ཧསཱདྷིཔྤཱཡེན ཕུསཏོ བྷིཀྑུསྶ དུཀྐཊཾ། ཏཐཱ བྷིཀྑུམྤི ཕུསནྟིཡཱ བྷིཀྑུནིཡཱཏི ཨཱཧ ‘‘ཨིདྷ པན བྷིཀྑུནཱིཔི བྷིཀྑུསྶ, བྷིཀྑུ ཙ བྷིཀྑུནིཡཱ ཨནུཔསམྤནྣོ ཨེཝཱ’’ཏི། ཀཱཡཔྤཊིབདྡྷཱདཱིསུ སབྦཏྠཱཏི ‘‘ཀཱཡེན ཀཱཡཔྤཊིབདྡྷེ, ཀཱཡཔྤཊིབདྡྷེན ཀཱཡེ, ཀཱཡཔྤཊིབདྡྷེན ཀཱཡཔྤཊིབདྡྷེ, ནིསྶགྒིཡེན ཀཱཡེ, ནིསྶགྒིཡེན ཀཱཡཔྤཊིབདྡྷེ, ནིསྶགྒིཡེན ནིསྶགྒིཡེ’’ཏི (པཱཙི॰ ༣༣༢) སབྦཏྠ། སཏི ཀརཎཱིཡེ ཨཱམསཏོཏི སཏི ཀརཎཱིཡེ པུརིསཾ ཨཱམསཏོ ཨནཱཔཏྟི། ཨིཏྠཱི པན སཏི ཀརཎཱིཡེཔི ཨཱམསིཏུཾ ན ཝཊྚཏི།
Ettha ca bhikkhunimpi hasādhippāyena phusato bhikkhussa dukkaṭaṃ. Tathā bhikkhumpi phusantiyā bhikkhuniyāti āha ‘‘idha pana bhikkhunīpi bhikkhussa, bhikkhu ca bhikkhuniyā anupasampanno evā’’ti. Kāyappaṭibaddhādīsu sabbatthāti ‘‘kāyena kāyappaṭibaddhe, kāyappaṭibaddhena kāye, kāyappaṭibaddhena kāyappaṭibaddhe, nissaggiyena kāye, nissaggiyena kāyappaṭibaddhe, nissaggiyena nissaggiye’’ti (pāci. 332) sabbattha. Sati karaṇīye āmasatoti sati karaṇīye purisaṃ āmasato anāpatti. Itthī pana sati karaṇīyepi āmasituṃ na vaṭṭati.
ཨངྒུལིཔཏོདཀསིཀྑཱཔདཝཎྞནཱ ནིཊྛིཏཱ།
Aṅgulipatodakasikkhāpadavaṇṇanā niṭṭhitā.
