| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. அனிச்சனிப்³பா³னஸப்பாயஸுத்தங்
2. Aniccanibbānasappāyasuttaṃ
147. ‘‘நிப்³பா³னஸப்பாயங் வோ, பி⁴க்க²வே, படிபத³ங் தே³ஸெஸ்ஸாமி. தங் ஸுணாத²…பே॰… கதமா ச ஸா, பி⁴க்க²வே, நிப்³பா³னஸப்பாயா படிபதா³? இத⁴, பி⁴க்க²வே, பி⁴க்கு² சக்கு²ங் அனிச்சந்தி பஸ்ஸதி, ரூபா அனிச்சாதி பஸ்ஸதி, சக்கு²விஞ்ஞாணங் அனிச்சந்தி பஸ்ஸதி, சக்கு²ஸம்ப²ஸ்ஸோ அனிச்சோதி பஸ்ஸதி. யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அனிச்சந்தி பஸ்ஸதி…பே॰… ஜிவ்ஹா அனிச்சாதி பஸ்ஸதி, ரஸா அனிச்சாதி பஸ்ஸதி, ஜிவ்ஹாவிஞ்ஞாணங் அனிச்சந்தி பஸ்ஸதி, ஜிவ்ஹாஸம்ப²ஸ்ஸோ அனிச்சோதி பஸ்ஸதி , யம்பித³ங் ஜிவ்ஹாஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அனிச்சந்தி பஸ்ஸதி…பே॰… மனோ அனிச்சோதி பஸ்ஸதி, த⁴ம்மா அனிச்சாதி பஸ்ஸதி, மனோவிஞ்ஞாணங் அனிச்சந்தி பஸ்ஸதி, மனோஸம்ப²ஸ்ஸோ அனிச்சோதி பஸ்ஸதி, யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அனிச்சந்தி பஸ்ஸதி. அயங் கோ² ஸா, பி⁴க்க²வே, நிப்³பா³னஸப்பாயா படிபதா³’’தி. து³தியங்.
147. ‘‘Nibbānasappāyaṃ vo, bhikkhave, paṭipadaṃ desessāmi. Taṃ suṇātha…pe… katamā ca sā, bhikkhave, nibbānasappāyā paṭipadā? Idha, bhikkhave, bhikkhu cakkhuṃ aniccanti passati, rūpā aniccāti passati, cakkhuviññāṇaṃ aniccanti passati, cakkhusamphasso aniccoti passati. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti passati…pe… jivhā aniccāti passati, rasā aniccāti passati, jivhāviññāṇaṃ aniccanti passati, jivhāsamphasso aniccoti passati , yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti passati…pe… mano aniccoti passati, dhammā aniccāti passati, manoviññāṇaṃ aniccanti passati, manosamphasso aniccoti passati, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti passati. Ayaṃ kho sā, bhikkhave, nibbānasappāyā paṭipadā’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-5. அனிச்சனிப்³பா³னஸப்பாயஸுத்தாதி³வண்ணனா • 2-5. Aniccanibbānasappāyasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-5. அனிச்சனிப்³பா³னஸப்பாயஸுத்தாதி³வண்ணனா • 2-5. Aniccanibbānasappāyasuttādivaṇṇanā
