| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൨. അനിച്ചനിബ്ബാനസപ്പായസുത്തം
2. Aniccanibbānasappāyasuttaṃ
൧൪൭. ‘‘നിബ്ബാനസപ്പായം വോ, ഭിക്ഖവേ, പടിപദം ദേസേസ്സാമി. തം സുണാഥ…പേ॰… കതമാ ച സാ, ഭിക്ഖവേ, നിബ്ബാനസപ്പായാ പടിപദാ? ഇധ, ഭിക്ഖവേ, ഭിക്ഖു ചക്ഖും അനിച്ചന്തി പസ്സതി, രൂപാ അനിച്ചാതി പസ്സതി, ചക്ഖുവിഞ്ഞാണം അനിച്ചന്തി പസ്സതി, ചക്ഖുസമ്ഫസ്സോ അനിച്ചോതി പസ്സതി. യമ്പിദം ചക്ഖുസമ്ഫസ്സപച്ചയാ ഉപ്പജ്ജതി വേദയിതം സുഖം വാ ദുക്ഖം വാ അദുക്ഖമസുഖം വാ തമ്പി അനിച്ചന്തി പസ്സതി…പേ॰… ജിവ്ഹാ അനിച്ചാതി പസ്സതി, രസാ അനിച്ചാതി പസ്സതി, ജിവ്ഹാവിഞ്ഞാണം അനിച്ചന്തി പസ്സതി, ജിവ്ഹാസമ്ഫസ്സോ അനിച്ചോതി പസ്സതി , യമ്പിദം ജിവ്ഹാസമ്ഫസ്സപച്ചയാ ഉപ്പജ്ജതി വേദയിതം സുഖം വാ ദുക്ഖം വാ അദുക്ഖമസുഖം വാ തമ്പി അനിച്ചന്തി പസ്സതി…പേ॰… മനോ അനിച്ചോതി പസ്സതി, ധമ്മാ അനിച്ചാതി പസ്സതി, മനോവിഞ്ഞാണം അനിച്ചന്തി പസ്സതി, മനോസമ്ഫസ്സോ അനിച്ചോതി പസ്സതി, യമ്പിദം മനോസമ്ഫസ്സപച്ചയാ ഉപ്പജ്ജതി വേദയിതം സുഖം വാ ദുക്ഖം വാ അദുക്ഖമസുഖം വാ തമ്പി അനിച്ചന്തി പസ്സതി. അയം ഖോ സാ, ഭിക്ഖവേ, നിബ്ബാനസപ്പായാ പടിപദാ’’തി. ദുതിയം.
147. ‘‘Nibbānasappāyaṃ vo, bhikkhave, paṭipadaṃ desessāmi. Taṃ suṇātha…pe… katamā ca sā, bhikkhave, nibbānasappāyā paṭipadā? Idha, bhikkhave, bhikkhu cakkhuṃ aniccanti passati, rūpā aniccāti passati, cakkhuviññāṇaṃ aniccanti passati, cakkhusamphasso aniccoti passati. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti passati…pe… jivhā aniccāti passati, rasā aniccāti passati, jivhāviññāṇaṃ aniccanti passati, jivhāsamphasso aniccoti passati , yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti passati…pe… mano aniccoti passati, dhammā aniccāti passati, manoviññāṇaṃ aniccanti passati, manosamphasso aniccoti passati, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti passati. Ayaṃ kho sā, bhikkhave, nibbānasappāyā paṭipadā’’ti. Dutiyaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൨-൫. അനിച്ചനിബ്ബാനസപ്പായസുത്താദിവണ്ണനാ • 2-5. Aniccanibbānasappāyasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൨-൫. അനിച്ചനിബ്ബാനസപ്പായസുത്താദിവണ്ണനാ • 2-5. Aniccanibbānasappāyasuttādivaṇṇanā
