| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6-9. анижжаанубассийсуд̇д̇аад̣̇иван̣н̣анаа
6-9. Aniccānupassīsuttādivaṇṇanā
16-19. чадтз ‘‘ид̇ха самасийсий гат̇ид̇о’’д̇и вад̇ваа звам̣ самасийсид̇ам̣ вибхаж̇ид̇ваа ид̇хаад̇хиббзд̇ам̣ д̣̇ассзд̇ум̣ ‘‘со жад̇уб̣б̣ид̇хо ход̇ий’’д̇иаад̣̇имааха. рог̇авасзна самасийсий рог̇асамасийсий. зса наяо сзсзсуби. згаббахаарзнзваад̇и згавзлааяамзва. яо жагкурог̇аад̣̇ийсу ан̃н̃ад̇арасмим̣ сад̇и ‘‘ид̇о анудтид̇о арахад̇д̇ам̣ баабун̣иссаамий’’д̇и вибассанам̣ бадтабзси, ат̇асса арахад̇д̇ан̃жа рог̇ад̇о вудтаанан̃жа згагааламзва ход̇и , аяам̣ рог̇асамасийсий наама. ирияаабат̇асса барияосаананд̇и ирияаабат̇анд̇арасамааяог̇о. яо таанаад̣̇ийсу ирияаабат̇зсу ан̃н̃ад̇арам̣ ад̇хидтааяа ‘‘авигобзд̇ваава арахад̇д̇ам̣ баабун̣иссаамий’’д̇и вибассанам̣ бадтабзси. ат̇асса арахад̇д̇аббад̇д̇и жа ирияаабат̇авигобанан̃жа згаббахаарзнзва ход̇и, аяам̣ ирияаабат̇асамасийсий наама. ж̇ийвид̇асамасийсий наамаад̇и зд̇т̇а ‘‘балиб̣од̇хасийсам̣ маано, бараамаасасийсам̣ д̣̇идти, вигкзбасийсам̣ уд̣̇д̇хажжам̣, гилзсасийсам̣ авиж̇ж̇аа, ад̇химогкасийсам̣ сад̣̇д̇хаа, баг̇г̇ахасийсам̣ вийрияам̣, убадтаанасийсам̣ сад̇и, авигкзбасийсам̣ самаад̇хи, д̣̇ассанасийсам̣ бан̃н̃аа, бавад̇д̇асийсам̣ ж̇ийвид̇инд̣̇рияам̣, жуд̇исийсам̣ вимогко, сан̇каарасийсам̣ нирод̇хо’’д̇и бадисамбхид̣̇ааяам̣ (бади. ма. 3.33) вуд̇д̇зсу сад̇д̇арасасу сийсзсу бавад̇д̇асийсам̣ гилзсасийсанд̇и д̣̇вз сийсаани ид̇хаад̇хиббзд̇аани – ‘‘абуб̣б̣ам̣ ажаримам̣ аасавабарияаад̣̇аанан̃жа ход̇и ж̇ийвид̇абарияаад̣̇аанан̃жаа’’д̇и важанад̇о. д̇зсу гилзсасийсам̣ арахад̇д̇амаг̇г̇о барияаад̣̇ияад̇и, бавад̇д̇асийсам̣ ж̇ийвид̇инд̣̇рияам̣ жуд̇ижид̇д̇ам̣ барияаад̣̇ияад̇и. д̇ад̇т̇а авиж̇ж̇аабарияаад̣̇ааяагам̣ жид̇д̇ам̣ ж̇ийвид̇инд̣̇рияам̣ барияаад̣̇аад̇ум̣ на саггод̇и, ж̇ийвид̇инд̣̇рияабарияаад̣̇ааяагам̣ авиж̇ж̇ам̣ барияаад̣̇аад̇ум̣ на саггод̇и . ан̃н̃ам̣ авиж̇ж̇аабарияаад̣̇ааяагам̣ жид̇д̇ам̣, ан̃н̃ам̣ ж̇ийвид̇анд̣̇рияабарияаад̣̇ааяагам̣. яасса жзд̇ам̣ сийсад̣̇ваяам̣ самам̣ барияаад̣̇аанам̣ г̇ажчад̇и, со ж̇ийвид̇асамасийсий наама.
16-19. Chaṭṭhe ‘‘idha samasīsī kathito’’ti vatvā evaṃ samasīsitaṃ vibhajitvā idhādhippetaṃ dassetuṃ ‘‘so catubbidho hotī’’tiādimāha. Rogavasena samasīsī rogasamasīsī. Esa nayo sesesupi. Ekappahārenevāti ekavelāyameva. Yo cakkhurogādīsu aññatarasmiṃ sati ‘‘ito anuṭṭhito arahattaṃ pāpuṇissāmī’’ti vipassanaṃ paṭṭhapesi, athassa arahattañca rogato vuṭṭhānañca ekakālameva hoti , ayaṃ rogasamasīsī nāma. Iriyāpathassa pariyosānanti iriyāpathantarasamāyogo. Yo ṭhānādīsu iriyāpathesu aññataraṃ adhiṭṭhāya ‘‘avikopetvāva arahattaṃ pāpuṇissāmī’’ti vipassanaṃ paṭṭhapesi. Athassa arahattappatti ca iriyāpathavikopanañca ekappahāreneva hoti, ayaṃ iriyāpathasamasīsī nāma. Jīvitasamasīsī nāmāti ettha ‘‘palibodhasīsaṃ māno, parāmāsasīsaṃ diṭṭhi, vikkhepasīsaṃ uddhaccaṃ, kilesasīsaṃ avijjā, adhimokkhasīsaṃ saddhā, paggahasīsaṃ vīriyaṃ, upaṭṭhānasīsaṃ sati, avikkhepasīsaṃ samādhi, dassanasīsaṃ paññā, pavattasīsaṃ jīvitindriyaṃ, cutisīsaṃ vimokkho, saṅkhārasīsaṃ nirodho’’ti paṭisambhidāyaṃ (paṭi. ma. 3.33) vuttesu sattarasasu sīsesu pavattasīsaṃ kilesasīsanti dve sīsāni idhādhippetāni – ‘‘apubbaṃ acarimaṃ āsavapariyādānañca hoti jīvitapariyādānañcā’’ti vacanato. Tesu kilesasīsaṃ arahattamaggo pariyādiyati, pavattasīsaṃ jīvitindriyaṃ cuticittaṃ pariyādiyati. Tattha avijjāpariyādāyakaṃ cittaṃ jīvitindriyaṃ pariyādātuṃ na sakkoti, jīvitindriyapariyādāyakaṃ avijjaṃ pariyādātuṃ na sakkoti . Aññaṃ avijjāpariyādāyakaṃ cittaṃ, aññaṃ jīvitandriyapariyādāyakaṃ. Yassa cetaṃ sīsadvayaṃ samaṃ pariyādānaṃ gacchati, so jīvitasamasīsī nāma.
гат̇ам̣ банид̣̇ам̣ самам̣ ход̇ийд̇и? ваарасамад̇ааяа. яасмин̃хи ваарз маг̇г̇авудтаанам̣ ход̇и, сод̇аабад̇д̇имаг̇г̇з бан̃жа бажжавзгкан̣аани, сагад̣̇ааг̇аамимаг̇г̇з бан̃жа, анааг̇аамимаг̇г̇з бан̃жа, арахад̇д̇амаг̇г̇з жад̇д̇аарийд̇и згуунавийсад̇имз бажжавзгкан̣ан̃аан̣з бад̇идтааяа бхаван̇г̇ам̣ од̇арид̇ваа бариниб̣б̣ааяад̇о имааяа ваарасамад̇ааяа ид̣̇ам̣ убхаяасийсабарияаад̣̇аанамби самам̣ ход̇ийд̇и имааяа ваарасамад̇ааяа. ваарасамавуд̇д̇ид̣̇ааяагзна хи маг̇г̇ажид̇д̇зна ад̇д̇ано ананд̇арам̣ вияа нибпаад̣̇зд̇аб̣б̣аа бажжавзгкан̣аваараа жа гилзсабарияаад̣̇аанассзва ваараад̇и вад̇д̇аб̣б̣ад̇ам̣ арахад̇и. ‘‘вимуд̇д̇асмим̣ вимуд̇д̇амид̇и н̃аан̣ам̣ ход̇ий’’д̇и (ма. ни. 1.78; сам̣. ни. 3.12, 14) важанад̇о бажжавзгкан̣абарисамаабанзна гилзсабарияаад̣̇аанам̣ самбаабид̇ам̣ наама ход̇ийд̇и имааяа вааравуд̇д̇ияаа самад̇ааяа гилзсабарияаад̣̇аанаж̇ийвид̇абарияаад̣̇аанаанам̣ самад̇аа взд̣̇ид̇аб̣б̣аа. д̇знзвааха ‘‘яасмаа банасса…бз... д̇асмаа звам̣ вуд̇д̇а’’нд̇и.
Kathaṃ panidaṃ samaṃ hotīti? Vārasamatāya. Yasmiñhi vāre maggavuṭṭhānaṃ hoti, sotāpattimagge pañca paccavekkhaṇāni, sakadāgāmimagge pañca, anāgāmimagge pañca, arahattamagge cattārīti ekūnavīsatime paccavekkhaṇañāṇe patiṭṭhāya bhavaṅgaṃ otaritvā parinibbāyato imāya vārasamatāya idaṃ ubhayasīsapariyādānampi samaṃ hotīti imāya vārasamatāya. Vārasamavuttidāyakena hi maggacittena attano anantaraṃ viya nipphādetabbā paccavekkhaṇavārā ca kilesapariyādānasseva vārāti vattabbataṃ arahati. ‘‘Vimuttasmiṃ vimuttamiti ñāṇaṃ hotī’’ti (ma. ni. 1.78; saṃ. ni. 3.12, 14) vacanato paccavekkhaṇaparisamāpanena kilesapariyādānaṃ sampāpitaṃ nāma hotīti imāya vāravuttiyā samatāya kilesapariyādānajīvitapariyādānānaṃ samatā veditabbā. Tenevāha ‘‘yasmā panassa…pe... tasmā evaṃ vutta’’nti.
ааяуно взмаж̇жхам̣ анад̇иггамид̇ваа анд̇араава гилзсабариниб̣б̣аанзна бариниб̣б̣ааяад̇ийд̇и анд̇араабариниб̣б̣ааяий. д̇знааха ‘‘яо бан̃жасу суд̣̇д̇хааваасзсуу’’д̇иаад̣̇и . взмаж̇жхзд̇и авихаад̣̇ийсу яад̇т̇а уббанно, д̇ад̇т̇а ааяуно взмаж̇жхз. ааяувзмаж̇жхам̣ убахажжа ад̇иггамид̇ваа д̇ад̇т̇а бариниб̣б̣ааяад̇ийд̇и убахажжабариниб̣б̣ааяий. д̇знааха ‘‘яо д̇ад̇т̇зваа’’д̇иаад̣̇и. асан̇каарзна аббаяог̇зна ануссаахзна агиламанд̇о д̇игкинд̣̇рияад̇ааяа сукзнзва бариниб̣б̣ааяад̇ийд̇и асан̇каарабариниб̣б̣ааяий. д̇знааха ‘‘яо д̇зсам̣язваа’’д̇иаад̣̇и. д̇зсам̣язва буг̇г̇алаананд̇и нид̣̇д̇хааран̣з саамиважанам̣. аббаяог̇знаад̇и ад̇химад̇д̇аббаяог̇зна винаа аббагасирзна. сасан̇каарзна саббаяог̇зна гиламанд̇о д̣̇угкзна бариниб̣б̣ааяад̇ийд̇и сасан̇каарабариниб̣б̣ааяий. уд̣̇д̇хам̣ваахибхаавзна уд̣̇д̇хамасса д̇ан̣хаасод̇ам̣ ваддасод̇ан̃жаад̇и, уд̣̇д̇хам̣ ваа г̇анд̇ваа бадилабхид̇аб̣б̣ад̇о уд̣̇д̇хамасса маг̇г̇асод̇анд̇и уд̣̇д̇хам̣бход̇о. бадисанд̇хивасзна аганидтам̣ г̇ажчад̇ийд̇и аганидтаг̇аамий.
Āyuno vemajjhaṃ anatikkamitvā antarāva kilesaparinibbānena parinibbāyatīti antarāparinibbāyī. Tenāha ‘‘yo pañcasu suddhāvāsesū’’tiādi . Vemajjheti avihādīsu yattha uppanno, tattha āyuno vemajjhe. Āyuvemajjhaṃ upahacca atikkamitvā tattha parinibbāyatīti upahaccaparinibbāyī. Tenāha ‘‘yo tatthevā’’tiādi. Asaṅkhārena appayogena anussāhena akilamanto tikkhindriyatāya sukheneva parinibbāyatīti asaṅkhāraparinibbāyī. Tenāha ‘‘yo tesaṃyevā’’tiādi. Tesaṃyeva puggalānanti niddhāraṇe sāmivacanaṃ. Appayogenāti adhimattappayogena vinā appakasirena. Sasaṅkhārena sappayogena kilamanto dukkhena parinibbāyatīti sasaṅkhāraparinibbāyī. Uddhaṃvāhibhāvena uddhamassa taṇhāsotaṃ vaṭṭasotañcāti, uddhaṃ vā gantvā paṭilabhitabbato uddhamassa maggasotanti uddhaṃbhoto. Paṭisandhivasena akaniṭṭhaṃ gacchatīti akaniṭṭhagāmī.
зд̇т̇а бана жад̇уггам̣ взд̣̇ид̇аб̣б̣ам̣. яо хи авихад̇о бадтааяа жад̇д̇ааро д̣̇звалогз сод̇хзд̇ваа аганидтам̣ г̇анд̇ваа бариниб̣б̣ааяад̇и, аяам̣ уд̣̇д̇хам̣сод̇о аганидтаг̇аамий наама. аяан̃хи авихзсу габбасахассам̣ васанд̇о арахад̇д̇ам̣ бад̇д̇ум̣ асаггун̣ид̇ваа ад̇аббам̣ г̇ажчад̇и, д̇ад̇рааби д̣̇вз габбасахассаани васанд̇о арахад̇д̇ам̣ бад̇д̇ум̣ асаггун̣ид̇ваа суд̣̇ассам̣ г̇ажчад̇и, д̇ад̇рааби жад̇д̇аари габбасахассаани васанд̇о арахад̇д̇ам̣ бад̇д̇ум̣ асаггун̣ид̇ваа суд̣̇ассим̣ г̇ажчад̇и, д̇ад̇рааби адта габбасахассаани васанд̇о арахад̇д̇ам̣ бад̇д̇ум̣ асаггун̣ид̇ваа аганидтам̣ г̇ажчад̇и, д̇ад̇т̇а васанд̇о аг̇г̇амаг̇г̇ам̣ ад̇хиг̇ажчад̇и. д̇ад̇т̇а яо авихад̇о бадтааяа д̣̇уд̇ияам̣ ваа жад̇уд̇т̇ам̣ ваа д̣̇звалогам̣ г̇анд̇ваа бариниб̣б̣ааяад̇и, аяам̣ уд̣̇д̇хам̣сод̇о на аганидтаг̇аамий наама. яо гаамабхавад̇о жавид̇ваа аганидтзсу бариниб̣б̣ааяад̇и, аяам̣ на уд̣̇д̇хам̣сод̇о аганидтаг̇аамий наама. яо хздтаа жад̇уусу д̣̇звалогзсу д̇ад̇т̇а д̇ад̇т̇зва ниб̣б̣ад̇д̇ид̇ваа бариниб̣б̣ааяад̇и, аяам̣ на уд̣̇д̇хам̣сод̇о на аганидтаг̇аамийд̇и.
Ettha pana catukkaṃ veditabbaṃ. Yo hi avihato paṭṭhāya cattāro devaloke sodhetvā akaniṭṭhaṃ gantvā parinibbāyati, ayaṃ uddhaṃsoto akaniṭṭhagāmī nāma. Ayañhi avihesu kappasahassaṃ vasanto arahattaṃ pattuṃ asakkuṇitvā atappaṃ gacchati, tatrāpi dve kappasahassāni vasanto arahattaṃ pattuṃ asakkuṇitvā sudassaṃ gacchati, tatrāpi cattāri kappasahassāni vasanto arahattaṃ pattuṃ asakkuṇitvā sudassiṃ gacchati, tatrāpi aṭṭha kappasahassāni vasanto arahattaṃ pattuṃ asakkuṇitvā akaniṭṭhaṃ gacchati, tattha vasanto aggamaggaṃ adhigacchati. Tattha yo avihato paṭṭhāya dutiyaṃ vā catutthaṃ vā devalokaṃ gantvā parinibbāyati, ayaṃ uddhaṃsoto na akaniṭṭhagāmī nāma. Yo kāmabhavato cavitvā akaniṭṭhesu parinibbāyati, ayaṃ na uddhaṃsoto akaniṭṭhagāmī nāma. Yo heṭṭhā catūsu devalokesu tattha tattheva nibbattitvā parinibbāyati, ayaṃ na uddhaṃsoto na akaniṭṭhagāmīti.
зд̇з бана авихзсу уббаннасамананд̇араааяувзмаж̇жхам̣ аббад̇ваава бариниб̣б̣ааяанавасзна д̇аяо анд̇араабариниб̣б̣ааяино, зго убахажжабариниб̣б̣ааяий, зго уд̣̇д̇хам̣сод̇од̇и бан̃жавид̇хо, асан̇каарасасан̇каарабариниб̣б̣ааяивибхааг̇зна д̣̇аса хонд̇и, д̇ат̇аа ад̇аббасуд̣̇ассасуд̣̇ассийсууд̇и жад̇д̇ааро д̣̇асагаад̇и жад̇д̇аарийсам̣. аганидтз бана уд̣̇д̇хам̣сод̇о над̇т̇и, д̇аяо анд̇араабариниб̣б̣ааяино, зго убахажжабариниб̣б̣ааяийд̇и жад̇д̇ааро, асан̇каарасасан̇каарабариниб̣б̣ааяивибхааг̇зна адтаад̇и адтажад̇д̇аарийсам̣ анааг̇аамино. сад̇д̇амаад̣̇ийсу над̇т̇и вад̇д̇аб̣б̣ам̣.
Ete pana avihesu uppannasamanantaraāyuvemajjhaṃ appatvāva parinibbāyanavasena tayo antarāparinibbāyino, eko upahaccaparinibbāyī, eko uddhaṃsototi pañcavidho, asaṅkhārasasaṅkhāraparinibbāyivibhāgena dasa honti, tathā atappasudassasudassīsūti cattāro dasakāti cattārīsaṃ. Akaniṭṭhe pana uddhaṃsoto natthi, tayo antarāparinibbāyino, eko upahaccaparinibbāyīti cattāro, asaṅkhārasasaṅkhāraparinibbāyivibhāgena aṭṭhāti aṭṭhacattārīsaṃ anāgāmino. Sattamādīsu natthi vattabbaṃ.
анижжаанубассийсуд̇д̇аад̣̇иван̣н̣анаа нидтид̇аа.
Aniccānupassīsuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
6. анижжаанубассийсуд̇д̇ам̣ • 6. Aniccānupassīsuttaṃ
7. д̣̇угкаанубассийсуд̇д̇ам̣ • 7. Dukkhānupassīsuttaṃ
8. анад̇д̇аанубассийсуд̇д̇ам̣ • 8. Anattānupassīsuttaṃ
9. ниб̣б̣аанасуд̇д̇ам̣ • 9. Nibbānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
6. анижжаанубассийсуд̇д̇аван̣н̣анаа • 6. Aniccānupassīsuttavaṇṇanā
7-9. д̣̇угкаанубассийсуд̇д̇аад̣̇иван̣н̣анаа • 7-9. Dukkhānupassīsuttādivaṇṇanā
