| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. анижжаанубассийсуд̇д̇ам̣
6. Aniccānupassīsuttaṃ
16. ‘‘сад̇д̇имз , бхигкавз, буг̇г̇алаа аахунзяяаа баахунзяяаа д̣̇агкин̣зяяаа ан̃ж̇алигаран̣ийяаа ануд̇д̇арам̣ бун̃н̃агкзд̇д̇ам̣ логасса. гад̇амз сад̇д̇а? ид̇ха, бхигкавз, згажжо буг̇г̇ало саб̣б̣асан̇каарзсу анижжаанубассий вихарад̇и, анижжасан̃н̃ий, анижжабадисам̣взд̣̇ий сад̇ад̇ам̣ самид̇ам̣ аб̣б̣огин̣н̣ам̣ жзд̇асаа ад̇химужжамаано бан̃н̃ааяа барияог̇аахамаано. со аасаваанам̣ каяаа…бз… сажчигад̇ваа убасамбаж̇ж̇а вихарад̇и. аяам̣, бхигкавз, батамо буг̇г̇ало аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логасса.
16. ‘‘Sattime , bhikkhave, puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassa. Katame satta? Idha, bhikkhave, ekacco puggalo sabbasaṅkhāresu aniccānupassī viharati, aniccasaññī, aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So āsavānaṃ khayā…pe… sacchikatvā upasampajja viharati. Ayaṃ, bhikkhave, paṭhamo puggalo āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa.
‘‘буна жабарам̣, бхигкавз, ид̇хзгажжо буг̇г̇ало саб̣б̣асан̇каарзсу анижжаанубассий вихарад̇и, анижжасан̃н̃ий, анижжабадисам̣взд̣̇ий сад̇ад̇ам̣ самид̇ам̣ аб̣б̣огин̣н̣ам̣ жзд̇асаа ад̇химужжамаано бан̃н̃ааяа барияог̇аахамаано. д̇асса абуб̣б̣ам̣ ажаримам̣ аасавабарияаад̣̇аанан̃жа ход̇и ж̇ийвид̇абарияаад̣̇аанан̃жа. аяам̣, бхигкавз, д̣̇уд̇ияо буг̇г̇ало аахунзяяо…бз… ануд̇д̇арам̣ бун̃н̃агкзд̇д̇ам̣ логасса.
‘‘Puna caparaṃ, bhikkhave, idhekacco puggalo sabbasaṅkhāresu aniccānupassī viharati, aniccasaññī, aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. Tassa apubbaṃ acarimaṃ āsavapariyādānañca hoti jīvitapariyādānañca. Ayaṃ, bhikkhave, dutiyo puggalo āhuneyyo…pe… anuttaraṃ puññakkhettaṃ lokassa.
‘‘буна жабарам̣, бхигкавз, ид̇хзгажжо буг̇г̇ало саб̣б̣асан̇каарзсу анижжаанубассий вихарад̇и, анижжасан̃н̃ий, анижжабадисам̣взд̣̇ий сад̇ад̇ам̣ самид̇ам̣ аб̣б̣огин̣н̣ам̣ жзд̇асаа ад̇химужжамаано бан̃н̃ааяа барияог̇аахамаано. со бан̃жаннам̣ орамбхааг̇ияаанам̣ сам̣яож̇анаанам̣ баригкаяаа анд̇араабариниб̣б̣ааяий ход̇и…бз… убахажжабариниб̣б̣ааяий ход̇и…бз… асан̇каарабариниб̣б̣ааяий ход̇и…бз… сасан̇каарабариниб̣б̣ааяий ход̇и…бз… уд̣̇д̇хам̣сод̇о ход̇и аганидтаг̇аамий. аяам̣, бхигкавз, сад̇д̇амо буг̇г̇ало аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логасса. имз ко, бхигкавз, сад̇д̇а буг̇г̇алаа аахунзяяаа баахунзяяаа д̣̇агкин̣зяяаа ан̃ж̇алигаран̣ийяаа ануд̇д̇арам̣ бун̃н̃агкзд̇д̇ам̣ логассаа’’д̇и. чадтам̣.
‘‘Puna caparaṃ, bhikkhave, idhekacco puggalo sabbasaṅkhāresu aniccānupassī viharati, aniccasaññī, aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti…pe… upahaccaparinibbāyī hoti…pe… asaṅkhāraparinibbāyī hoti…pe… sasaṅkhāraparinibbāyī hoti…pe… uddhaṃsoto hoti akaniṭṭhagāmī. Ayaṃ, bhikkhave, sattamo puggalo āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa. Ime kho, bhikkhave, satta puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassā’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. анижжаанубассийсуд̇д̇аван̣н̣анаа • 6. Aniccānupassīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6-9. анижжаанубассийсуд̇д̇аад̣̇иван̣н̣анаа • 6-9. Aniccānupassīsuttādivaṇṇanā
