| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. анижжаанубассийсуд̇д̇аван̣н̣анаа
6. Aniccānupassīsuttavaṇṇanā
16. чадтз анижжаад̇и звам̣ бан̃н̃ааяа паранд̇о анубассад̇ийд̇и анижжаанубассий. анижжаад̇и звам̣ сан̃н̃аа ассаад̇и анижжасан̃н̃ий. анижжаад̇и звам̣ н̃аан̣зна бадисам̣взд̣̇ид̇аа ассаад̇и анижжабадисам̣взд̣̇ий. сад̇ад̇анд̇и саб̣б̣агаалам̣. самид̇анд̇и яат̇аа буримажид̇д̇зна бажчимажид̇д̇ам̣ самид̇ам̣ самубаг̇ад̇ам̣ гхаддид̇ам̣ ход̇и, звам̣. аб̣б̣огин̣н̣анд̇и ниранд̇арам̣ ан̃н̃зна жзд̇асаа асам̣миссам̣. жзд̇асаа ад̇химужжамаанод̇и жид̇д̇зна саннидтаабаяамаано. бан̃н̃ааяа барияог̇аахамаанод̇и вибассанаан̃аан̣зна анубависамаано.
16. Chaṭṭhe aniccāti evaṃ paññāya pharanto anupassatīti aniccānupassī. Aniccāti evaṃ saññā assāti aniccasaññī. Aniccāti evaṃ ñāṇena paṭisaṃveditā assāti aniccapaṭisaṃvedī. Satatanti sabbakālaṃ. Samitanti yathā purimacittena pacchimacittaṃ samitaṃ samupagataṃ ghaṭṭitaṃ hoti, evaṃ. Abbokiṇṇanti nirantaraṃ aññena cetasā asaṃmissaṃ. Cetasā adhimuccamānoti cittena sanniṭṭhāpayamāno. Paññāya pariyogāhamānoti vipassanāñāṇena anupavisamāno.
абуб̣б̣ам̣ ажариманд̇и абурз абажчаа згагкан̣зязва. ид̇ха самасийсий гат̇ид̇о. со жад̇уб̣б̣ид̇хо ход̇и рог̇асамасийсий, взд̣̇анаасамасийсий, ирияаабат̇асамасийсий, ж̇ийвид̇асамасийсийд̇и. д̇ад̇т̇а яасса ан̃н̃ад̇арзна рог̇зна пудтасса сад̇о рог̇авуубасамо жа аасавагкаяо жа згаббахаарзнзва ход̇и, аяам̣ рог̇асамасийсий наама. яасса бана ан̃н̃ад̇арам̣ взд̣̇анам̣ взд̣̇аяад̇о взд̣̇анаавуубасамо жа аасавагкаяо жа згаббахаарзнзва ход̇и, аяам̣ взд̣̇анаасамасийсий наама. яасса бана таанаад̣̇ийсу ирияаабат̇зсу ан̃н̃ад̇арасаман̇г̇ино вибассанд̇асса ирияаабат̇асса барияосаанан̃жа аасавагкаяо жа згаббахаарзнзва ход̇и, аяам̣ ирияаабат̇асамасийсий наама. яасса бана убаггамад̇о ваа сарасад̇о ваа ж̇ийвид̇абарияаад̣̇аанан̃жа аасавагкаяо жа згаббахаарзнзва ход̇и, аяам̣ ж̇ийвид̇асамасийсий наама. аяамид̇ха ад̇хиббзд̇о. д̇ад̇т̇а гин̃жааби аасавабарияаад̣̇аанам̣ маг̇г̇ажид̇д̇зна, ж̇ийвид̇абарияаад̣̇аанам̣ жуд̇ижид̇д̇зна ход̇ийд̇и убхиннам̣ згагкан̣з самбхаво наама над̇т̇и. яасмаа банасса аасавзсу кийн̣амад̇д̇зсу бажжавзгкан̣аваараананд̇арамзва ж̇ийвид̇абарияаад̣̇аанам̣ г̇ажчад̇и, анд̇арам̣ на бан̃н̃ааяад̇и, д̇асмаа звам̣ вуд̇д̇ам̣.
Apubbaṃ acarimanti apure apacchā ekakkhaṇeyeva. Idha samasīsī kathito. So catubbidho hoti rogasamasīsī, vedanāsamasīsī, iriyāpathasamasīsī, jīvitasamasīsīti. Tattha yassa aññatarena rogena phuṭṭhassa sato rogavūpasamo ca āsavakkhayo ca ekappahāreneva hoti, ayaṃ rogasamasīsī nāma. Yassa pana aññataraṃ vedanaṃ vedayato vedanāvūpasamo ca āsavakkhayo ca ekappahāreneva hoti, ayaṃ vedanāsamasīsī nāma. Yassa pana ṭhānādīsu iriyāpathesu aññatarasamaṅgino vipassantassa iriyāpathassa pariyosānañca āsavakkhayo ca ekappahāreneva hoti, ayaṃ iriyāpathasamasīsī nāma. Yassa pana upakkamato vā sarasato vā jīvitapariyādānañca āsavakkhayo ca ekappahāreneva hoti, ayaṃ jīvitasamasīsī nāma. Ayamidha adhippeto. Tattha kiñcāpi āsavapariyādānaṃ maggacittena, jīvitapariyādānaṃ cuticittena hotīti ubhinnaṃ ekakkhaṇe sambhavo nāma natthi. Yasmā panassa āsavesu khīṇamattesu paccavekkhaṇavārānantarameva jīvitapariyādānaṃ gacchati, antaraṃ na paññāyati, tasmā evaṃ vuttaṃ.
анд̇араабариниб̣б̣ааяийд̇и яо бан̃жасу суд̣̇д̇хааваасзсу яад̇т̇а гад̇т̇ажи уббанно ниб̣б̣ад̇д̇агкан̣з ваа т̇огам̣ ад̇иггамид̇ваа ваа взмаж̇жхз тад̇ваа ваа арахад̇д̇ам̣ баабун̣аад̇и, д̇ассзд̇ам̣ наамам̣. убахажжабариниб̣б̣ааяийд̇и яо д̇ад̇т̇зва ааяувзмаж̇жхам̣ ад̇иггамид̇ваа арахад̇д̇ам̣ баабун̣аад̇и. асан̇каарабариниб̣б̣ааяийд̇и яо д̇зсам̣язва буг̇г̇алаанам̣ асан̇каарзнзва аббаяог̇зна гилзсз кзбзд̇и. сасан̇каарабариниб̣б̣ааяийд̇и яо сасан̇каарзна саббаяог̇зна гилзсз кзбзд̇и. уд̣̇д̇хам̣сод̇о аганидтаг̇аамийд̇и яо хздтаа жад̇уусу суд̣̇д̇хааваасзсу яад̇т̇а гад̇т̇ажи ниб̣б̣ад̇д̇ид̇ваа д̇ад̇о жуд̇о анубуб̣б̣зна аганидтз уббаж̇ж̇ид̇ваа арахад̇д̇ам̣ баабун̣аад̇и.
Antarāparinibbāyīti yo pañcasu suddhāvāsesu yattha katthaci uppanno nibbattakkhaṇe vā thokaṃ atikkamitvā vā vemajjhe ṭhatvā vā arahattaṃ pāpuṇāti, tassetaṃ nāmaṃ. Upahaccaparinibbāyīti yo tattheva āyuvemajjhaṃ atikkamitvā arahattaṃ pāpuṇāti. Asaṅkhāraparinibbāyīti yo tesaṃyeva puggalānaṃ asaṅkhāreneva appayogena kilese khepeti. Sasaṅkhāraparinibbāyīti yo sasaṅkhārena sappayogena kilese khepeti. Uddhaṃsoto akaniṭṭhagāmīti yo heṭṭhā catūsu suddhāvāsesu yattha katthaci nibbattitvā tato cuto anupubbena akaniṭṭhe uppajjitvā arahattaṃ pāpuṇāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. анижжаанубассийсуд̇д̇ам̣ • 6. Aniccānupassīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6-9. анижжаанубассийсуд̇д̇аад̣̇иван̣н̣анаа • 6-9. Aniccānupassīsuttādivaṇṇanā
