| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਅਨਿਚ੍ਚਾਨੁਪਸ੍ਸੀਸੁਤ੍ਤવਣ੍ਣਨਾ
6. Aniccānupassīsuttavaṇṇanā
੧੬. ਛਟ੍ਠੇ ਅਨਿਚ੍ਚਾਤਿ ਏવਂ ਪਞ੍ਞਾਯ ਫਰਨ੍ਤੋ ਅਨੁਪਸ੍ਸਤੀਤਿ ਅਨਿਚ੍ਚਾਨੁਪਸ੍ਸੀ। ਅਨਿਚ੍ਚਾਤਿ ਏવਂ ਸਞ੍ਞਾ ਅਸ੍ਸਾਤਿ ਅਨਿਚ੍ਚਸਞ੍ਞੀ। ਅਨਿਚ੍ਚਾਤਿ ਏવਂ ਞਾਣੇਨ ਪਟਿਸਂવੇਦਿਤਾ ਅਸ੍ਸਾਤਿ ਅਨਿਚ੍ਚਪਟਿਸਂવੇਦੀ। ਸਤਤਨ੍ਤਿ ਸਬ੍ਬਕਾਲਂ। ਸਮਿਤਨ੍ਤਿ ਯਥਾ ਪੁਰਿਮਚਿਤ੍ਤੇਨ ਪਚ੍ਛਿਮਚਿਤ੍ਤਂ ਸਮਿਤਂ ਸਮੁਪਗਤਂ ਘਟ੍ਟਿਤਂ ਹੋਤਿ, ਏવਂ। ਅਬ੍ਬੋਕਿਣ੍ਣਨ੍ਤਿ ਨਿਰਨ੍ਤਰਂ ਅਞ੍ਞੇਨ ਚੇਤਸਾ ਅਸਂਮਿਸ੍ਸਂ। ਚੇਤਸਾ ਅਧਿਮੁਚ੍ਚਮਾਨੋਤਿ ਚਿਤ੍ਤੇਨ ਸਨ੍ਨਿਟ੍ਠਾਪਯਮਾਨੋ। ਪਞ੍ਞਾਯ ਪਰਿਯੋਗਾਹਮਾਨੋਤਿ વਿਪਸ੍ਸਨਾਞਾਣੇਨ ਅਨੁਪવਿਸਮਾਨੋ।
16. Chaṭṭhe aniccāti evaṃ paññāya pharanto anupassatīti aniccānupassī. Aniccāti evaṃ saññā assāti aniccasaññī. Aniccāti evaṃ ñāṇena paṭisaṃveditā assāti aniccapaṭisaṃvedī. Satatanti sabbakālaṃ. Samitanti yathā purimacittena pacchimacittaṃ samitaṃ samupagataṃ ghaṭṭitaṃ hoti, evaṃ. Abbokiṇṇanti nirantaraṃ aññena cetasā asaṃmissaṃ. Cetasā adhimuccamānoti cittena sanniṭṭhāpayamāno. Paññāya pariyogāhamānoti vipassanāñāṇena anupavisamāno.
ਅਪੁਬ੍ਬਂ ਅਚਰਿਮਨ੍ਤਿ ਅਪੁਰੇ ਅਪਚ੍ਛਾ ਏਕਕ੍ਖਣੇਯੇવ। ਇਧ ਸਮਸੀਸੀ ਕਥਿਤੋ। ਸੋ ਚਤੁਬ੍ਬਿਧੋ ਹੋਤਿ ਰੋਗਸਮਸੀਸੀ, વੇਦਨਾਸਮਸੀਸੀ, ਇਰਿਯਾਪਥਸਮਸੀਸੀ, ਜੀવਿਤਸਮਸੀਸੀਤਿ। ਤਤ੍ਥ ਯਸ੍ਸ ਅਞ੍ਞਤਰੇਨ ਰੋਗੇਨ ਫੁਟ੍ਠਸ੍ਸ ਸਤੋ ਰੋਗવੂਪਸਮੋ ਚ ਆਸવਕ੍ਖਯੋ ਚ ਏਕਪ੍ਪਹਾਰੇਨੇવ ਹੋਤਿ, ਅਯਂ ਰੋਗਸਮਸੀਸੀ ਨਾਮ। ਯਸ੍ਸ ਪਨ ਅਞ੍ਞਤਰਂ વੇਦਨਂ વੇਦਯਤੋ વੇਦਨਾવੂਪਸਮੋ ਚ ਆਸવਕ੍ਖਯੋ ਚ ਏਕਪ੍ਪਹਾਰੇਨੇવ ਹੋਤਿ, ਅਯਂ વੇਦਨਾਸਮਸੀਸੀ ਨਾਮ। ਯਸ੍ਸ ਪਨ ਠਾਨਾਦੀਸੁ ਇਰਿਯਾਪਥੇਸੁ ਅਞ੍ਞਤਰਸਮਙ੍ਗਿਨੋ વਿਪਸ੍ਸਨ੍ਤਸ੍ਸ ਇਰਿਯਾਪਥਸ੍ਸ ਪਰਿਯੋਸਾਨਞ੍ਚ ਆਸવਕ੍ਖਯੋ ਚ ਏਕਪ੍ਪਹਾਰੇਨੇવ ਹੋਤਿ, ਅਯਂ ਇਰਿਯਾਪਥਸਮਸੀਸੀ ਨਾਮ। ਯਸ੍ਸ ਪਨ ਉਪਕ੍ਕਮਤੋ વਾ ਸਰਸਤੋ વਾ ਜੀવਿਤਪਰਿਯਾਦਾਨਞ੍ਚ ਆਸવਕ੍ਖਯੋ ਚ ਏਕਪ੍ਪਹਾਰੇਨੇવ ਹੋਤਿ, ਅਯਂ ਜੀવਿਤਸਮਸੀਸੀ ਨਾਮ। ਅਯਮਿਧ ਅਧਿਪ੍ਪੇਤੋ। ਤਤ੍ਥ ਕਿਞ੍ਚਾਪਿ ਆਸવਪਰਿਯਾਦਾਨਂ ਮਗ੍ਗਚਿਤ੍ਤੇਨ, ਜੀવਿਤਪਰਿਯਾਦਾਨਂ ਚੁਤਿਚਿਤ੍ਤੇਨ ਹੋਤੀਤਿ ਉਭਿਨ੍ਨਂ ਏਕਕ੍ਖਣੇ ਸਮ੍ਭવੋ ਨਾਮ ਨਤ੍ਥਿ। ਯਸ੍ਮਾ ਪਨਸ੍ਸ ਆਸવੇਸੁ ਖੀਣਮਤ੍ਤੇਸੁ ਪਚ੍ਚવੇਕ੍ਖਣવਾਰਾਨਨ੍ਤਰਮੇવ ਜੀવਿਤਪਰਿਯਾਦਾਨਂ ਗਚ੍ਛਤਿ, ਅਨ੍ਤਰਂ ਨ ਪਞ੍ਞਾਯਤਿ, ਤਸ੍ਮਾ ਏવਂ વੁਤ੍ਤਂ।
Apubbaṃ acarimanti apure apacchā ekakkhaṇeyeva. Idha samasīsī kathito. So catubbidho hoti rogasamasīsī, vedanāsamasīsī, iriyāpathasamasīsī, jīvitasamasīsīti. Tattha yassa aññatarena rogena phuṭṭhassa sato rogavūpasamo ca āsavakkhayo ca ekappahāreneva hoti, ayaṃ rogasamasīsī nāma. Yassa pana aññataraṃ vedanaṃ vedayato vedanāvūpasamo ca āsavakkhayo ca ekappahāreneva hoti, ayaṃ vedanāsamasīsī nāma. Yassa pana ṭhānādīsu iriyāpathesu aññatarasamaṅgino vipassantassa iriyāpathassa pariyosānañca āsavakkhayo ca ekappahāreneva hoti, ayaṃ iriyāpathasamasīsī nāma. Yassa pana upakkamato vā sarasato vā jīvitapariyādānañca āsavakkhayo ca ekappahāreneva hoti, ayaṃ jīvitasamasīsī nāma. Ayamidha adhippeto. Tattha kiñcāpi āsavapariyādānaṃ maggacittena, jīvitapariyādānaṃ cuticittena hotīti ubhinnaṃ ekakkhaṇe sambhavo nāma natthi. Yasmā panassa āsavesu khīṇamattesu paccavekkhaṇavārānantarameva jīvitapariyādānaṃ gacchati, antaraṃ na paññāyati, tasmā evaṃ vuttaṃ.
ਅਨ੍ਤਰਾਪਰਿਨਿਬ੍ਬਾਯੀਤਿ ਯੋ ਪਞ੍ਚਸੁ ਸੁਦ੍ਧਾવਾਸੇਸੁ ਯਤ੍ਥ ਕਤ੍ਥਚਿ ਉਪ੍ਪਨ੍ਨੋ ਨਿਬ੍ਬਤ੍ਤਕ੍ਖਣੇ વਾ ਥੋਕਂ ਅਤਿਕ੍ਕਮਿਤ੍વਾ વਾ વੇਮਜ੍ਝੇ ਠਤ੍વਾ વਾ ਅਰਹਤ੍ਤਂ ਪਾਪੁਣਾਤਿ, ਤਸ੍ਸੇਤਂ ਨਾਮਂ। ਉਪਹਚ੍ਚਪਰਿਨਿਬ੍ਬਾਯੀਤਿ ਯੋ ਤਤ੍ਥੇવ ਆਯੁવੇਮਜ੍ਝਂ ਅਤਿਕ੍ਕਮਿਤ੍વਾ ਅਰਹਤ੍ਤਂ ਪਾਪੁਣਾਤਿ। ਅਸਙ੍ਖਾਰਪਰਿਨਿਬ੍ਬਾਯੀਤਿ ਯੋ ਤੇਸਂਯੇવ ਪੁਗ੍ਗਲਾਨਂ ਅਸਙ੍ਖਾਰੇਨੇવ ਅਪ੍ਪਯੋਗੇਨ ਕਿਲੇਸੇ ਖੇਪੇਤਿ। ਸਸਙ੍ਖਾਰਪਰਿਨਿਬ੍ਬਾਯੀਤਿ ਯੋ ਸਸਙ੍ਖਾਰੇਨ ਸਪ੍ਪਯੋਗੇਨ ਕਿਲੇਸੇ ਖੇਪੇਤਿ। ਉਦ੍ਧਂਸੋਤੋ ਅਕਨਿਟ੍ਠਗਾਮੀਤਿ ਯੋ ਹੇਟ੍ਠਾ ਚਤੂਸੁ ਸੁਦ੍ਧਾવਾਸੇਸੁ ਯਤ੍ਥ ਕਤ੍ਥਚਿ ਨਿਬ੍ਬਤ੍ਤਿਤ੍વਾ ਤਤੋ ਚੁਤੋ ਅਨੁਪੁਬ੍ਬੇਨ ਅਕਨਿਟ੍ਠੇ ਉਪ੍ਪਜ੍ਜਿਤ੍વਾ ਅਰਹਤ੍ਤਂ ਪਾਪੁਣਾਤਿ।
Antarāparinibbāyīti yo pañcasu suddhāvāsesu yattha katthaci uppanno nibbattakkhaṇe vā thokaṃ atikkamitvā vā vemajjhe ṭhatvā vā arahattaṃ pāpuṇāti, tassetaṃ nāmaṃ. Upahaccaparinibbāyīti yo tattheva āyuvemajjhaṃ atikkamitvā arahattaṃ pāpuṇāti. Asaṅkhāraparinibbāyīti yo tesaṃyeva puggalānaṃ asaṅkhāreneva appayogena kilese khepeti. Sasaṅkhāraparinibbāyīti yo sasaṅkhārena sappayogena kilese khepeti. Uddhaṃsoto akaniṭṭhagāmīti yo heṭṭhā catūsu suddhāvāsesu yattha katthaci nibbattitvā tato cuto anupubbena akaniṭṭhe uppajjitvā arahattaṃ pāpuṇāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਅਨਿਚ੍ਚਾਨੁਪਸ੍ਸੀਸੁਤ੍ਤਂ • 6. Aniccānupassīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬-੯. ਅਨਿਚ੍ਚਾਨੁਪਸ੍ਸੀਸੁਤ੍ਤਾਦਿવਣ੍ਣਨਾ • 6-9. Aniccānupassīsuttādivaṇṇanā
