| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. анижжасан̃н̃аасуд̇д̇аван̣н̣анаа
10. Aniccasaññāsuttavaṇṇanā
102. бхаавзнд̇ассаад̇и вибассанааяа маг̇г̇ам̣ бхаавзнд̇асса уббаннасан̃н̃аа. д̇знааха – ‘‘саб̣б̣ам̣ гаамарааг̇ам̣ барияаад̣̇ияад̇ий’’д̇иаад̣̇и. санд̇аанзд̇ваад̇и гасанадтаанам̣ саб̣б̣асо вид̇анзд̇ваа бад̇т̇арид̇ваа. гилзсаад̇и убаггилзсаббабхзд̣̇аа гилзсаа. анижжасан̃н̃аан̃аан̣знаад̇и анижжасан̃н̃аасахаг̇ад̇зна н̃аан̣зна.
102.Bhāventassāti vipassanāya maggaṃ bhāventassa uppannasaññā. Tenāha – ‘‘sabbaṃ kāmarāgaṃ pariyādiyatī’’tiādi. Santānetvāti kasanaṭṭhānaṃ sabbaso vitanetvā pattharitvā. Kilesāti upakkilesappabhedā kilesā. Aniccasaññāñāṇenāti aniccasaññāsahagatena ñāṇena.
лааяананд̇и лааяанам̣ вияа наяанам̣ вияа нижчоданам̣ вияа жа анижжасан̃н̃аан̃аан̣ам̣. иминаа ад̇т̇знаад̇и иминаа яат̇аавуд̇д̇зна баал̣ияаа ад̇т̇зна, убамаа сам̣санд̣̇зд̇аб̣б̣аад̇и зд̇т̇а баб̣б̣аж̇алааяаго вияа яог̇ааважаро. лааяанаад̣̇инаа д̇асса д̇ад̇т̇а гад̇агижжад̇ааяа барид̇удти вияа имасса гилзсз саб̣б̣асо чинд̣̇ид̇ваа паласамаабад̇д̇исукзна гааласса вийд̇инааманаа.
Lāyananti lāyanaṃ viya nayanaṃ viya nicchoṭanaṃ viya ca aniccasaññāñāṇaṃ. Iminā atthenāti iminā yathāvuttena pāḷiyā atthena, upamā saṃsandetabbāti ettha pabbajalāyako viya yogāvacaro. Lāyanādinā tassa tattha katakiccatāya parituṭṭhi viya imassa kilese sabbaso chinditvā phalasamāpattisukhena kālassa vītināmanā.
гуудам̣ г̇ажчанд̇ийд̇и баариманд̇зна гуудам̣ г̇ажчанд̇и. гуудам̣ бависанабхаавзнаад̇и гуудажчид̣̇д̣̇ам̣ аг̇г̇зна бависанавасзна. самосарид̇ваад̇и чид̣̇д̣̇з анубависанавасзна жа аахажжа авадтаанзна жа самосарид̇ваа тид̇аа. гуудам̣ вияа анижжасан̃н̃аа анижжаанубассанаавасзна авадтаанасса муулабхаавад̇о. г̇обаанасияо вияа жад̇убхуумагагусалаа д̇хаммаа анижжасан̃н̃аамуулагад̇д̇аа. гуудам̣ аг̇г̇ам̣ саб̣б̣аг̇обаанасийнам̣ д̇ат̇ааад̇хидтаанасса бад̇хаанагааран̣ад̇д̇аа. анижжасан̃н̃аа аг̇г̇аад̇и зд̇т̇ааби зсзва наяо. анижжасан̃н̃аа логияаад̇и ид̣̇ам̣ анижжасан̃н̃аанубассанам̣ санд̇хааяа вуд̇д̇ам̣. анижжаанубассанаамукзна ад̇хиг̇ад̇аарияамаг̇г̇з уббаннасан̃н̃аа анижжасан̃н̃аад̇и вад̇д̇аб̣б̣ад̇ам̣ лабхад̇ийд̇и ‘‘анижжасан̃н̃аа, бхигкавз, бхаавид̇аа б̣ахулийгад̇аа саб̣б̣ам̣ гаамарааг̇ам̣ барияаад̣̇ияад̇ий’’д̇иаад̣̇и вуд̇д̇ам̣. д̇ат̇аа хи д̇хаммасан̇г̇ахз (д̇ха. са. 357, 360) ‘‘яасмим̣ самаяз логуд̇д̇арам̣ сан̃н̃ам̣ бхаавзд̇ий’’д̇иаад̣̇инаа сан̃н̃ааби уд̣̇д̇хадаа. саб̣б̣аасу убамаасууд̇и мууласанд̇аанаубамаад̣̇ийсу бан̃жасу убамаасу. буримаахийд̇и гассагабаб̣б̣аж̇алааяанаамб̣абин̣д̣иубамаахи анижжасан̃н̃ааяа гижжам̣ вуд̇д̇ам̣ мууласанд̇аанагабад̣̇ааланабаб̣б̣аж̇алааяанаван̣дажчзд̣̇анабад̣̇зсзна анижжасан̃н̃ааяа бадибагкабажчзд̣̇анасса д̣̇ассид̇ад̇д̇аа. бажчимаахи б̣алам̣ д̣̇ассид̇ам̣ бадибагкаад̇ибхаавасса ж̇од̇ид̇ад̇д̇аа.
Kūṭaṃ gacchantīti pārimantena kūṭaṃ gacchanti. Kūṭaṃ pavisanabhāvenāti kūṭacchiddaṃ aggena pavisanavasena. Samosaritvāti chidde anupavisanavasena ca āhacca avaṭṭhānena ca samosaritvā ṭhitā. Kūṭaṃ viya aniccasaññā aniccānupassanāvasena avaṭṭhānassa mūlabhāvato. Gopānasiyo viya catubhūmakakusalā dhammā aniccasaññāmūlakattā. Kūṭaṃ aggaṃ sabbagopānasīnaṃ tathāadhiṭṭhānassa padhānakāraṇattā. Aniccasaññā aggāti etthāpi eseva nayo. Aniccasaññā lokiyāti idaṃ aniccasaññānupassanaṃ sandhāya vuttaṃ. Aniccānupassanāmukhena adhigataariyamagge uppannasaññā aniccasaññāti vattabbataṃ labhatīti ‘‘aniccasaññā, bhikkhave, bhāvitā bahulīkatā sabbaṃ kāmarāgaṃ pariyādiyatī’’tiādi vuttaṃ. Tathā hi dhammasaṅgahe (dha. sa. 357, 360) ‘‘yasmiṃ samaye lokuttaraṃ saññaṃ bhāvetī’’tiādinā saññāpi uddhaṭā. Sabbāsu upamāsūti mūlasantānaupamādīsu pañcasu upamāsu. Purimāhīti kassakapabbajalāyanaambapiṇḍiupamāhi aniccasaññāya kiccaṃ vuttaṃ mūlasantānakapadālanapabbajalāyanavaṇṭacchedanapadesena aniccasaññāya paṭipakkhapacchedanassa dassitattā. Pacchimāhi balaṃ dassitaṃ paṭipakkhātibhāvassa jotitattā.
анижжасан̃н̃аасуд̇д̇аван̣н̣анаа нидтид̇аа.
Aniccasaññāsuttavaṇṇanā niṭṭhitā.
бубпаваг̇г̇аван̣н̣анаа нидтид̇аа.
Pupphavaggavaṇṇanā niṭṭhitā.
маж̇жхимабан̣н̣аасаго самад̇д̇о.
Majjhimapaṇṇāsako samatto.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. анижжасан̃н̃аасуд̇д̇ам̣ • 10. Aniccasaññāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. анижжасан̃н̃аасуд̇д̇аван̣н̣анаа • 10. Aniccasaññāsuttavaṇṇanā
