| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਅਨਿਚ੍ਚਸਞ੍ਞਾਸੁਤ੍ਤવਣ੍ਣਨਾ
10. Aniccasaññāsuttavaṇṇanā
੧੦੨. ਭਾવੇਨ੍ਤਸ੍ਸਾਤਿ વਿਪਸ੍ਸਨਾਯ ਮਗ੍ਗਂ ਭਾવੇਨ੍ਤਸ੍ਸ ਉਪ੍ਪਨ੍ਨਸਞ੍ਞਾ। ਤੇਨਾਹ – ‘‘ਸਬ੍ਬਂ ਕਾਮਰਾਗਂ ਪਰਿਯਾਦਿਯਤੀ’’ਤਿਆਦਿ। ਸਨ੍ਤਾਨੇਤ੍વਾਤਿ ਕਸਨਟ੍ਠਾਨਂ ਸਬ੍ਬਸੋ વਿਤਨੇਤ੍વਾ ਪਤ੍ਥਰਿਤ੍વਾ। ਕਿਲੇਸਾਤਿ ਉਪਕ੍ਕਿਲੇਸਪ੍ਪਭੇਦਾ ਕਿਲੇਸਾ। ਅਨਿਚ੍ਚਸਞ੍ਞਾਞਾਣੇਨਾਤਿ ਅਨਿਚ੍ਚਸਞ੍ਞਾਸਹਗਤੇਨ ਞਾਣੇਨ।
102.Bhāventassāti vipassanāya maggaṃ bhāventassa uppannasaññā. Tenāha – ‘‘sabbaṃ kāmarāgaṃ pariyādiyatī’’tiādi. Santānetvāti kasanaṭṭhānaṃ sabbaso vitanetvā pattharitvā. Kilesāti upakkilesappabhedā kilesā. Aniccasaññāñāṇenāti aniccasaññāsahagatena ñāṇena.
ਲਾਯਨਨ੍ਤਿ ਲਾਯਨਂ વਿਯ ਨਯਨਂ વਿਯ ਨਿਚ੍ਛੋਟਨਂ વਿਯ ਚ ਅਨਿਚ੍ਚਸਞ੍ਞਾਞਾਣਂ। ਇਮਿਨਾ ਅਤ੍ਥੇਨਾਤਿ ਇਮਿਨਾ ਯਥਾવੁਤ੍ਤੇਨ ਪਾਲ਼ਿਯਾ ਅਤ੍ਥੇਨ, ਉਪਮਾ ਸਂਸਨ੍ਦੇਤਬ੍ਬਾਤਿ ਏਤ੍ਥ ਪਬ੍ਬਜਲਾਯਕੋ વਿਯ ਯੋਗਾવਚਰੋ। ਲਾਯਨਾਦਿਨਾ ਤਸ੍ਸ ਤਤ੍ਥ ਕਤਕਿਚ੍ਚਤਾਯ ਪਰਿਤੁਟ੍ਠਿ વਿਯ ਇਮਸ੍ਸ ਕਿਲੇਸੇ ਸਬ੍ਬਸੋ ਛਿਨ੍ਦਿਤ੍વਾ ਫਲਸਮਾਪਤ੍ਤਿਸੁਖੇਨ ਕਾਲਸ੍ਸ વੀਤਿਨਾਮਨਾ।
Lāyananti lāyanaṃ viya nayanaṃ viya nicchoṭanaṃ viya ca aniccasaññāñāṇaṃ. Iminā atthenāti iminā yathāvuttena pāḷiyā atthena, upamā saṃsandetabbāti ettha pabbajalāyako viya yogāvacaro. Lāyanādinā tassa tattha katakiccatāya parituṭṭhi viya imassa kilese sabbaso chinditvā phalasamāpattisukhena kālassa vītināmanā.
ਕੂਟਂ ਗਚ੍ਛਨ੍ਤੀਤਿ ਪਾਰਿਮਨ੍ਤੇਨ ਕੂਟਂ ਗਚ੍ਛਨ੍ਤਿ। ਕੂਟਂ ਪવਿਸਨਭਾવੇਨਾਤਿ ਕੂਟਚ੍ਛਿਦ੍ਦਂ ਅਗ੍ਗੇਨ ਪવਿਸਨવਸੇਨ। ਸਮੋਸਰਿਤ੍વਾਤਿ ਛਿਦ੍ਦੇ ਅਨੁਪવਿਸਨવਸੇਨ ਚ ਆਹਚ੍ਚ ਅવਟ੍ਠਾਨੇਨ ਚ ਸਮੋਸਰਿਤ੍વਾ ਠਿਤਾ। ਕੂਟਂ વਿਯ ਅਨਿਚ੍ਚਸਞ੍ਞਾ ਅਨਿਚ੍ਚਾਨੁਪਸ੍ਸਨਾવਸੇਨ ਅવਟ੍ਠਾਨਸ੍ਸ ਮੂਲਭਾવਤੋ। ਗੋਪਾਨਸਿਯੋ વਿਯ ਚਤੁਭੂਮਕਕੁਸਲਾ ਧਮ੍ਮਾ ਅਨਿਚ੍ਚਸਞ੍ਞਾਮੂਲਕਤ੍ਤਾ। ਕੂਟਂ ਅਗ੍ਗਂ ਸਬ੍ਬਗੋਪਾਨਸੀਨਂ ਤਥਾਅਧਿਟ੍ਠਾਨਸ੍ਸ ਪਧਾਨਕਾਰਣਤ੍ਤਾ। ਅਨਿਚ੍ਚਸਞ੍ਞਾ ਅਗ੍ਗਾਤਿ ਏਤ੍ਥਾਪਿ ਏਸੇવ ਨਯੋ। ਅਨਿਚ੍ਚਸਞ੍ਞਾ ਲੋਕਿਯਾਤਿ ਇਦਂ ਅਨਿਚ੍ਚਸਞ੍ਞਾਨੁਪਸ੍ਸਨਂ ਸਨ੍ਧਾਯ વੁਤ੍ਤਂ। ਅਨਿਚ੍ਚਾਨੁਪਸ੍ਸਨਾਮੁਖੇਨ ਅਧਿਗਤਅਰਿਯਮਗ੍ਗੇ ਉਪ੍ਪਨ੍ਨਸਞ੍ਞਾ ਅਨਿਚ੍ਚਸਞ੍ਞਾਤਿ વਤ੍ਤਬ੍ਬਤਂ ਲਭਤੀਤਿ ‘‘ਅਨਿਚ੍ਚਸਞ੍ਞਾ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਸਬ੍ਬਂ ਕਾਮਰਾਗਂ ਪਰਿਯਾਦਿਯਤੀ’’ਤਿਆਦਿ વੁਤ੍ਤਂ। ਤਥਾ ਹਿ ਧਮ੍ਮਸਙ੍ਗਹੇ (ਧ॰ ਸ॰ ੩੫੭, ੩੬੦) ‘‘ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਸਞ੍ਞਂ ਭਾવੇਤੀ’’ਤਿਆਦਿਨਾ ਸਞ੍ਞਾਪਿ ਉਦ੍ਧਟਾ। ਸਬ੍ਬਾਸੁ ਉਪਮਾਸੂਤਿ ਮੂਲਸਨ੍ਤਾਨਉਪਮਾਦੀਸੁ ਪਞ੍ਚਸੁ ਉਪਮਾਸੁ। ਪੁਰਿਮਾਹੀਤਿ ਕਸ੍ਸਕਪਬ੍ਬਜਲਾਯਨਅਮ੍ਬਪਿਣ੍ਡਿਉਪਮਾਹਿ ਅਨਿਚ੍ਚਸਞ੍ਞਾਯ ਕਿਚ੍ਚਂ વੁਤ੍ਤਂ ਮੂਲਸਨ੍ਤਾਨਕਪਦਾਲਨਪਬ੍ਬਜਲਾਯਨવਣ੍ਟਚ੍ਛੇਦਨਪਦੇਸੇਨ ਅਨਿਚ੍ਚਸਞ੍ਞਾਯ ਪਟਿਪਕ੍ਖਪਚ੍ਛੇਦਨਸ੍ਸ ਦਸ੍ਸਿਤਤ੍ਤਾ। ਪਚ੍ਛਿਮਾਹਿ ਬਲਂ ਦਸ੍ਸਿਤਂ ਪਟਿਪਕ੍ਖਾਤਿਭਾવਸ੍ਸ ਜੋਤਿਤਤ੍ਤਾ।
Kūṭaṃ gacchantīti pārimantena kūṭaṃ gacchanti. Kūṭaṃ pavisanabhāvenāti kūṭacchiddaṃ aggena pavisanavasena. Samosaritvāti chidde anupavisanavasena ca āhacca avaṭṭhānena ca samosaritvā ṭhitā. Kūṭaṃ viya aniccasaññā aniccānupassanāvasena avaṭṭhānassa mūlabhāvato. Gopānasiyo viya catubhūmakakusalā dhammā aniccasaññāmūlakattā. Kūṭaṃ aggaṃ sabbagopānasīnaṃ tathāadhiṭṭhānassa padhānakāraṇattā. Aniccasaññā aggāti etthāpi eseva nayo. Aniccasaññā lokiyāti idaṃ aniccasaññānupassanaṃ sandhāya vuttaṃ. Aniccānupassanāmukhena adhigataariyamagge uppannasaññā aniccasaññāti vattabbataṃ labhatīti ‘‘aniccasaññā, bhikkhave, bhāvitā bahulīkatā sabbaṃ kāmarāgaṃ pariyādiyatī’’tiādi vuttaṃ. Tathā hi dhammasaṅgahe (dha. sa. 357, 360) ‘‘yasmiṃ samaye lokuttaraṃ saññaṃ bhāvetī’’tiādinā saññāpi uddhaṭā. Sabbāsu upamāsūti mūlasantānaupamādīsu pañcasu upamāsu. Purimāhīti kassakapabbajalāyanaambapiṇḍiupamāhi aniccasaññāya kiccaṃ vuttaṃ mūlasantānakapadālanapabbajalāyanavaṇṭacchedanapadesena aniccasaññāya paṭipakkhapacchedanassa dassitattā. Pacchimāhi balaṃ dassitaṃ paṭipakkhātibhāvassa jotitattā.
ਅਨਿਚ੍ਚਸਞ੍ਞਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Aniccasaññāsuttavaṇṇanā niṭṭhitā.
ਪੁਪ੍ਫવਗ੍ਗવਣ੍ਣਨਾ ਨਿਟ੍ਠਿਤਾ।
Pupphavaggavaṇṇanā niṭṭhitā.
ਮਜ੍ਝਿਮਪਣ੍ਣਾਸਕੋ ਸਮਤ੍ਤੋ।
Majjhimapaṇṇāsako samatto.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਅਨਿਚ੍ਚਸਞ੍ਞਾਸੁਤ੍ਤਂ • 10. Aniccasaññāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਅਨਿਚ੍ਚਸਞ੍ਞਾਸੁਤ੍ਤવਣ੍ਣਨਾ • 10. Aniccasaññāsuttavaṇṇanā
