| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. அனிச்சஸுத்தங்
4. Aniccasuttaṃ
66. ஸாவத்தி²னிதா³னங் . அத² கோ² அஞ்ஞதரோ பி⁴க்கு²…பே॰… ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘ஸாது⁴ மே, ப⁴ந்தே, ப⁴க³வா ஸங்கி²த்தேன த⁴ம்மங் தே³ஸேது…பே॰… ஆதாபீ பஹிதத்தோ விஹரெய்ய’’ந்தி. ‘‘யங் கோ², பி⁴க்கு², அனிச்சங்; தத்ர தே ச²ந்தோ³ பஹாதப்³போ³’’தி. ‘‘அஞ்ஞாதங் ப⁴க³வா; அஞ்ஞாதங் ஸுக³தா’’தி.
66. Sāvatthinidānaṃ . Atha kho aññataro bhikkhu…pe… ekamantaṃ nisinno kho so bhikkhu bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu…pe… ātāpī pahitatto vihareyya’’nti. ‘‘Yaṃ kho, bhikkhu, aniccaṃ; tatra te chando pahātabbo’’ti. ‘‘Aññātaṃ bhagavā; aññātaṃ sugatā’’ti.
‘‘யதா² கத²ங் பன த்வங், பி⁴க்கு², மயா ஸங்கி²த்தேன பா⁴ஸிதஸ்ஸ வித்தா²ரேன அத்த²ங் ஆஜானாஸீ’’தி? ‘‘ரூபங் கோ², ப⁴ந்தே, அனிச்சங்; தத்ர மே ச²ந்தோ³ பஹாதப்³போ³. வேத³னா… ஸஞ்ஞா… ஸங்கா²ரா… விஞ்ஞாணங் அனிச்சங்; தத்ர மே ச²ந்தோ³ பஹாதப்³போ³. இமஸ்ஸ க்²வாஹங், ப⁴ந்தே, ப⁴க³வதா ஸங்கி²த்தேன பா⁴ஸிதஸ்ஸ ஏவங் வித்தா²ரேன அத்த²ங் ஆஜானாமீ’’தி.
‘‘Yathā kathaṃ pana tvaṃ, bhikkhu, mayā saṃkhittena bhāsitassa vitthārena atthaṃ ājānāsī’’ti? ‘‘Rūpaṃ kho, bhante, aniccaṃ; tatra me chando pahātabbo. Vedanā… saññā… saṅkhārā… viññāṇaṃ aniccaṃ; tatra me chando pahātabbo. Imassa khvāhaṃ, bhante, bhagavatā saṃkhittena bhāsitassa evaṃ vitthārena atthaṃ ājānāmī’’ti.
‘‘ஸாது⁴ ஸாது⁴, பி⁴க்கு²! ஸாது⁴ கோ² த்வங், பி⁴க்கு², மயா ஸங்கி²த்தேன பா⁴ஸிதஸ்ஸ வித்தா²ரேன அத்த²ங் ஆஜானாஸி. ரூபங் கோ², பி⁴க்கு², அனிச்சங்; தத்ர தே ச²ந்தோ³ பஹாதப்³போ³. வேத³னா அனிச்சா… ஸஞ்ஞா… ஸங்கா²ரா… விஞ்ஞாணங் அனிச்சங்; தத்ர கோ² தே ச²ந்தோ³ பஹாதப்³போ³. இமஸ்ஸ கோ², பி⁴க்கு², மயா ஸங்கி²த்தேன பா⁴ஸிதஸ்ஸ ஏவங் வித்தா²ரேன அத்தோ² த³ட்ட²ப்³போ³’’தி…பே॰… அஞ்ஞதரோ ச பன ஸோ பி⁴க்கு² அரஹதங் அஹோஸீதி. சதுத்த²ங்.
‘‘Sādhu sādhu, bhikkhu! Sādhu kho tvaṃ, bhikkhu, mayā saṃkhittena bhāsitassa vitthārena atthaṃ ājānāsi. Rūpaṃ kho, bhikkhu, aniccaṃ; tatra te chando pahātabbo. Vedanā aniccā… saññā… saṅkhārā… viññāṇaṃ aniccaṃ; tatra kho te chando pahātabbo. Imassa kho, bhikkhu, mayā saṃkhittena bhāsitassa evaṃ vitthārena attho daṭṭhabbo’’ti…pe… aññataro ca pana so bhikkhu arahataṃ ahosīti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-5. அனிச்சஸுத்தாதி³வண்ணனா • 4-5. Aniccasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-6. மஞ்ஞமானஸுத்தாதி³வண்ணனா • 2-6. Maññamānasuttādivaṇṇanā
