| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. анижжасуд̇д̇ам̣
3. Aniccasuttaṃ
45. саавад̇т̇инид̣̇аанам̣. ‘‘руубам̣, бхигкавз, анижжам̣. яад̣̇анижжам̣ д̇ам̣ д̣̇угкам̣ ; яам̣ д̣̇угкам̣ д̇ад̣̇анад̇д̇аа ; яад̣̇анад̇д̇аа д̇ам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа бассад̇о жид̇д̇ам̣ вираж̇ж̇ад̇и вимужжад̇и анубаад̣̇ааяа аасавзхи. взд̣̇анаа анижжаа… сан̃н̃аа… сан̇каараа… вин̃н̃аан̣ам̣ анижжам̣. яад̣̇анижжам̣ д̇ам̣ д̣̇угкам̣; яам̣ д̣̇угкам̣ д̇ад̣̇анад̇д̇аа; яад̣̇анад̇д̇аа д̇ам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа бассад̇о жид̇д̇ам̣ вираж̇ж̇ад̇и вимужжад̇и анубаад̣̇ааяа аасавзхи. руубад̇хаад̇уяаа жз, бхигкавз, бхигкуно жид̇д̇ам̣ вирад̇д̇ам̣ вимуд̇д̇ам̣ ход̇и анубаад̣̇ааяа аасавзхи, взд̣̇анаад̇хаад̇уяаа…бз… сан̃н̃аад̇хаад̇уяаа… сан̇каарад̇хаад̇уяаа… вин̃н̃аан̣ад̇хаад̇уяаа жз, бхигкавз, бхигкуно жид̇д̇ам̣ вирад̇д̇ам̣ вимуд̇д̇ам̣ ход̇и анубаад̣̇ааяа аасавзхи. вимуд̇д̇ад̇д̇аа тид̇ам̣. тид̇ад̇д̇аа санд̇усид̇ам̣ 1. санд̇усид̇ад̇д̇аа на барид̇ассад̇и. абарид̇ассам̣ бажжад̇д̇ан̃н̃зва бариниб̣б̣ааяад̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и. д̇ад̇ияам̣.
45. Sāvatthinidānaṃ. ‘‘Rūpaṃ, bhikkhave, aniccaṃ. Yadaniccaṃ taṃ dukkhaṃ ; yaṃ dukkhaṃ tadanattā ; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya passato cittaṃ virajjati vimuccati anupādāya āsavehi. Vedanā aniccā… saññā… saṅkhārā… viññāṇaṃ aniccaṃ. Yadaniccaṃ taṃ dukkhaṃ; yaṃ dukkhaṃ tadanattā; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya passato cittaṃ virajjati vimuccati anupādāya āsavehi. Rūpadhātuyā ce, bhikkhave, bhikkhuno cittaṃ virattaṃ vimuttaṃ hoti anupādāya āsavehi, vedanādhātuyā…pe… saññādhātuyā… saṅkhāradhātuyā… viññāṇadhātuyā ce, bhikkhave, bhikkhuno cittaṃ virattaṃ vimuttaṃ hoti anupādāya āsavehi. Vimuttattā ṭhitaṃ. Ṭhitattā santusitaṃ 2. Santusitattā na paritassati. Aparitassaṃ paccattaññeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. анижжасуд̇д̇аван̣н̣анаа • 3. Aniccasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. анижжасуд̇д̇аван̣н̣анаа • 3. Aniccasuttavaṇṇanā
