| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. анижжасуд̇д̇ам̣
4. Aniccasuttaṃ
66. саавад̇т̇инид̣̇аанам̣ . ат̇а ко ан̃н̃ад̇аро бхигку…бз… згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇у…бз… аад̇аабий бахид̇ад̇д̇о вихарзяяа’’нд̇и. ‘‘яам̣ ко, бхигку, анижжам̣; д̇ад̇ра д̇з чанд̣̇о бахаад̇аб̣б̣о’’д̇и. ‘‘ан̃н̃аад̇ам̣ бхаг̇аваа; ан̃н̃аад̇ам̣ суг̇ад̇аа’’д̇и.
66. Sāvatthinidānaṃ . Atha kho aññataro bhikkhu…pe… ekamantaṃ nisinno kho so bhikkhu bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu…pe… ātāpī pahitatto vihareyya’’nti. ‘‘Yaṃ kho, bhikkhu, aniccaṃ; tatra te chando pahātabbo’’ti. ‘‘Aññātaṃ bhagavā; aññātaṃ sugatā’’ti.
‘‘яат̇аа гат̇ам̣ бана д̇вам̣, бхигку, маяаа сам̣кид̇д̇зна бхаасид̇асса вид̇т̇аарзна ад̇т̇ам̣ ааж̇аанаасий’’д̇и? ‘‘руубам̣ ко, бханд̇з, анижжам̣; д̇ад̇ра мз чанд̣̇о бахаад̇аб̣б̣о. взд̣̇анаа… сан̃н̃аа… сан̇каараа… вин̃н̃аан̣ам̣ анижжам̣; д̇ад̇ра мз чанд̣̇о бахаад̇аб̣б̣о. имасса кваахам̣, бханд̇з, бхаг̇авад̇аа сам̣кид̇д̇зна бхаасид̇асса звам̣ вид̇т̇аарзна ад̇т̇ам̣ ааж̇аанаамий’’д̇и.
‘‘Yathā kathaṃ pana tvaṃ, bhikkhu, mayā saṃkhittena bhāsitassa vitthārena atthaṃ ājānāsī’’ti? ‘‘Rūpaṃ kho, bhante, aniccaṃ; tatra me chando pahātabbo. Vedanā… saññā… saṅkhārā… viññāṇaṃ aniccaṃ; tatra me chando pahātabbo. Imassa khvāhaṃ, bhante, bhagavatā saṃkhittena bhāsitassa evaṃ vitthārena atthaṃ ājānāmī’’ti.
‘‘саад̇ху саад̇ху, бхигку! саад̇ху ко д̇вам̣, бхигку, маяаа сам̣кид̇д̇зна бхаасид̇асса вид̇т̇аарзна ад̇т̇ам̣ ааж̇аанааси. руубам̣ ко, бхигку, анижжам̣; д̇ад̇ра д̇з чанд̣̇о бахаад̇аб̣б̣о. взд̣̇анаа анижжаа… сан̃н̃аа… сан̇каараа… вин̃н̃аан̣ам̣ анижжам̣; д̇ад̇ра ко д̇з чанд̣̇о бахаад̇аб̣б̣о. имасса ко, бхигку, маяаа сам̣кид̇д̇зна бхаасид̇асса звам̣ вид̇т̇аарзна ад̇т̇о д̣̇адтаб̣б̣о’’д̇и…бз… ан̃н̃ад̇аро жа бана со бхигку арахад̇ам̣ ахосийд̇и. жад̇уд̇т̇ам̣.
‘‘Sādhu sādhu, bhikkhu! Sādhu kho tvaṃ, bhikkhu, mayā saṃkhittena bhāsitassa vitthārena atthaṃ ājānāsi. Rūpaṃ kho, bhikkhu, aniccaṃ; tatra te chando pahātabbo. Vedanā aniccā… saññā… saṅkhārā… viññāṇaṃ aniccaṃ; tatra kho te chando pahātabbo. Imassa kho, bhikkhu, mayā saṃkhittena bhāsitassa evaṃ vitthārena attho daṭṭhabbo’’ti…pe… aññataro ca pana so bhikkhu arahataṃ ahosīti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4-5. анижжасуд̇д̇аад̣̇иван̣н̣анаа • 4-5. Aniccasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-6. ман̃н̃амаанасуд̇д̇аад̣̇иван̣н̣анаа • 2-6. Maññamānasuttādivaṇṇanā
