| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༣. ཨནིཙྩསུཏྟཾ
3. Aniccasuttaṃ
༩༨. ‘‘‘སོ ཝཏ, བྷིཀྑཝེ, བྷིཀྑུ ཀཉྩི སངྑཱརཾ ནིཙྩཏོ སམནུཔསྶནྟོ ཨནུལོམིཀཱཡ ཁནྟིཡཱ སམནྣཱགཏོ བྷཝིསྶཏཱི’ཏི ནེཏཾ ཋཱནཾ ཝིཛྫཏི། ‘ཨནུལོམིཀཱཡ ཁནྟིཡཱ ཨསམནྣཱགཏོ སམྨཏྟནིཡཱམཾ ཨོཀྐམིསྶཏཱི’ཏི ནེཏཾ ཋཱནཾ ཝིཛྫཏི། ‘སམྨཏྟནིཡཱམཾ ཨནོཀྐམམཱནོ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ 1 ཝཱ སཙྪིཀརིསྶཏཱི’ཏི ནེཏཾ ཋཱནཾ ཝིཛྫཏི།
98. ‘‘‘So vata, bhikkhave, bhikkhu kañci saṅkhāraṃ niccato samanupassanto anulomikāya khantiyā samannāgato bhavissatī’ti netaṃ ṭhānaṃ vijjati. ‘Anulomikāya khantiyā asamannāgato sammattaniyāmaṃ okkamissatī’ti netaṃ ṭhānaṃ vijjati. ‘Sammattaniyāmaṃ anokkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ 2 vā sacchikarissatī’ti netaṃ ṭhānaṃ vijjati.
‘‘‘སོ ཝཏ, བྷིཀྑཝེ, བྷིཀྑུ སབྦསངྑཱརེ 3 ཨནིཙྩཏོ སམནུཔསྶནྟོ ཨནུལོམིཀཱཡ ཁནྟིཡཱ སམནྣཱགཏོ བྷཝིསྶཏཱི’ཏི ཋཱནམེཏཾ ཝིཛྫཏི། ‘ཨནུལོམིཀཱཡ ཁནྟིཡཱ སམནྣཱགཏོ སམྨཏྟནིཡཱམཾ ཨོཀྐམིསྶཏཱི’ཏི ཋཱནམེཏཾ ཝིཛྫཏི། ‘སམྨཏྟནིཡཱམཾ ཨོཀྐམམཱནོ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ ཝཱ སཙྪིཀརིསྶཏཱི’ཏི ཋཱནམེཏཾ ཝིཛྫཏཱི’’ཏི། ཏཏིཡཾ།
‘‘‘So vata, bhikkhave, bhikkhu sabbasaṅkhāre 4 aniccato samanupassanto anulomikāya khantiyā samannāgato bhavissatī’ti ṭhānametaṃ vijjati. ‘Anulomikāya khantiyā samannāgato sammattaniyāmaṃ okkamissatī’ti ṭhānametaṃ vijjati. ‘Sammattaniyāmaṃ okkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā sacchikarissatī’ti ṭhānametaṃ vijjatī’’ti. Tatiyaṃ.
Footnotes:
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༡. པཱཏུབྷཱཝསུཏྟཱདིཝཎྞནཱ • 1-11. Pātubhāvasuttādivaṇṇanā
