| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
३. अनिच्चसुत्तवण्णना
3. Aniccasuttavaṇṇanā
४५. ततिये सम्मप्पञ्ञाय दट्ठब्बन्ति सह विपस्सनाय मग्गपञ्ञाय दट्ठब्बं। विरज्जति विमुच्चतीति मग्गक्खणे विरज्जति, फलक्खणे विमुच्चति। अनुपादाय आसवेहीति अनुप्पादनिरोधेन निरुद्धेहि आसवेहि अगहेत्वा इति विमुच्चति। रूपधातुयातिआदि पच्चवेक्खणदस्सनत्थं वुत्तं। सह फलेन पच्चवेक्खणदस्सनत्थन्तिपि वदन्तियेव। ठितन्ति उपरि कत्तब्बकिच्चाभावेन ठितं। ठितत्ता सन्तुस्सितन्ति पत्तब्बं पत्तभावेन सन्तुट्ठं। पच्चत्तंयेव परिनिब्बायतीति सयमेव परिनिब्बायति। ततियं।
45. Tatiye sammappaññāya daṭṭhabbanti saha vipassanāya maggapaññāya daṭṭhabbaṃ. Virajjati vimuccatīti maggakkhaṇe virajjati, phalakkhaṇe vimuccati. Anupādāya āsavehīti anuppādanirodhena niruddhehi āsavehi agahetvā iti vimuccati. Rūpadhātuyātiādi paccavekkhaṇadassanatthaṃ vuttaṃ. Saha phalena paccavekkhaṇadassanatthantipi vadantiyeva. Ṭhitanti upari kattabbakiccābhāvena ṭhitaṃ. Ṭhitattā santussitanti pattabbaṃ pattabhāvena santuṭṭhaṃ. Paccattaṃyeva parinibbāyatīti sayameva parinibbāyati. Tatiyaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ३. अनिच्चसुत्तं • 3. Aniccasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ३. अनिच्चसुत्तवण्णना • 3. Aniccasuttavaṇṇanā
