| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൩. അനിച്ചസുത്തവണ്ണനാ
3. Aniccasuttavaṇṇanā
൪൫. തതിയേ സമ്മപ്പഞ്ഞായ ദട്ഠബ്ബന്തി സഹ വിപസ്സനായ മഗ്ഗപഞ്ഞായ ദട്ഠബ്ബം. വിരജ്ജതി വിമുച്ചതീതി മഗ്ഗക്ഖണേ വിരജ്ജതി, ഫലക്ഖണേ വിമുച്ചതി. അനുപാദായ ആസവേഹീതി അനുപ്പാദനിരോധേന നിരുദ്ധേഹി ആസവേഹി അഗഹേത്വാ ഇതി വിമുച്ചതി. രൂപധാതുയാതിആദി പച്ചവേക്ഖണദസ്സനത്ഥം വുത്തം. സഹ ഫലേന പച്ചവേക്ഖണദസ്സനത്ഥന്തിപി വദന്തിയേവ. ഠിതന്തി ഉപരി കത്തബ്ബകിച്ചാഭാവേന ഠിതം. ഠിതത്താ സന്തുസ്സിതന്തി പത്തബ്ബം പത്തഭാവേന സന്തുട്ഠം. പച്ചത്തംയേവ പരിനിബ്ബായതീതി സയമേവ പരിനിബ്ബായതി. തതിയം.
45. Tatiye sammappaññāya daṭṭhabbanti saha vipassanāya maggapaññāya daṭṭhabbaṃ. Virajjati vimuccatīti maggakkhaṇe virajjati, phalakkhaṇe vimuccati. Anupādāya āsavehīti anuppādanirodhena niruddhehi āsavehi agahetvā iti vimuccati. Rūpadhātuyātiādi paccavekkhaṇadassanatthaṃ vuttaṃ. Saha phalena paccavekkhaṇadassanatthantipi vadantiyeva. Ṭhitanti upari kattabbakiccābhāvena ṭhitaṃ. Ṭhitattā santussitanti pattabbaṃ pattabhāvena santuṭṭhaṃ. Paccattaṃyeva parinibbāyatīti sayameva parinibbāyati. Tatiyaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൩. അനിച്ചസുത്തം • 3. Aniccasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൩. അനിച്ചസുത്തവണ്ണനാ • 3. Aniccasuttavaṇṇanā
