| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
10. анижжад̇аагат̇ааван̣н̣анаа
10. Aniccatākathāvaṇṇanā
628. ид̣̇аани анижжад̇аагат̇аа наама ход̇и. д̇ад̇т̇а ‘‘анижжаанам̣ руубаад̣̇ийнам̣ анижжад̇ааби руубаад̣̇аяо вияа баринибпаннаа’’д̇и язсам̣ лад̣̇д̇хи, сзяяат̇ааби анд̇хагаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яад̣̇и д̇з руубаад̣̇аяо вияа анижжад̇аа баринибпаннаа, д̇ассааби ан̃н̃ааяа баринибпаннааяа анижжад̇ааяа бхавид̇аб̣б̣а’’нд̇и жод̣̇зд̇ум̣ д̇ааяа анижжад̇ааяаад̇иаад̣̇имааха. ид̇аро д̣̇виннам̣ анижжад̇ааяа згад̇о абхаавзна бадигкибид̇ваа буна яасмаа саа анижжад̇аа нижжаа на ход̇и, д̇знзва анижжзна сад̣̇д̇хим̣ анд̇арад̇хааяад̇и, д̇асмаа бадиж̇аанаад̇и. ат̇асса сагаваад̣̇ий лзсогаасам̣ ад̣̇ад̇ваа яаа д̇зна д̣̇уд̇ияаа анижжад̇аа бадин̃н̃аад̇аа , д̇ааяаби д̇ад̇о барааяабийд̇и барамбаравасзна анубажчзд̣̇ад̣̇осам̣ ааробзнд̇о д̇ааяа д̇ааязваад̇иаад̣̇имааха. ж̇араа баринибпаннаад̇иаад̣̇и яасмаа уббаннасса ж̇араамаран̣ад̇о ан̃н̃аа анижжад̇аа наама над̇т̇и, д̇асмаа анижжад̇аавибхааг̇аануяун̃ж̇анавасзна вуд̇д̇ам̣. д̇ад̇рааби бараваад̣̇ино буриманаязнзва бадин̃н̃аа жа бадигкзбо жа взд̣̇ид̇аб̣б̣о.
628. Idāni aniccatākathā nāma hoti. Tattha ‘‘aniccānaṃ rūpādīnaṃ aniccatāpi rūpādayo viya parinipphannā’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘yadi te rūpādayo viya aniccatā parinipphannā, tassāpi aññāya parinipphannāya aniccatāya bhavitabba’’nti codetuṃ tāya aniccatāyātiādimāha. Itaro dvinnaṃ aniccatāya ekato abhāvena paṭikkhipitvā puna yasmā sā aniccatā niccā na hoti, teneva aniccena saddhiṃ antaradhāyati, tasmā paṭijānāti. Athassa sakavādī lesokāsaṃ adatvā yā tena dutiyā aniccatā paṭiññātā , tāyapi tato parāyapīti paramparavasena anupacchedadosaṃ āropento tāya tāyevātiādimāha. Jarā parinipphannātiādi yasmā uppannassa jarāmaraṇato aññā aniccatā nāma natthi, tasmā aniccatāvibhāgānuyuñjanavasena vuttaṃ. Tatrāpi paravādino purimanayeneva paṭiññā ca paṭikkhepo ca veditabbo.
629. руубам̣ баринибпаннанд̇иаад̣̇и язсам̣ саа анижжад̇аа, д̇зхи сад̣̇д̇хим̣ сам̣санд̣̇анад̇т̇ам̣ вуд̇д̇ам̣. д̇ад̇т̇а ‘‘яат̇аа баринибпаннаанам̣ руубаад̣̇ийнам̣ анижжад̇ааж̇араамаран̣аани ад̇т̇и, звам̣ баринибпаннаанам̣ анижжад̇аад̣̇ийнам̣ д̇аани над̇т̇ий’’д̇и ман̃н̃амаано зганд̇зна бадигкибад̇иязваад̇и.
629. Rūpaṃ parinipphannantiādi yesaṃ sā aniccatā, tehi saddhiṃ saṃsandanatthaṃ vuttaṃ. Tattha ‘‘yathā parinipphannānaṃ rūpādīnaṃ aniccatājarāmaraṇāni atthi, evaṃ parinipphannānaṃ aniccatādīnaṃ tāni natthī’’ti maññamāno ekantena paṭikkhipatiyevāti.
анижжад̇аагат̇ааван̣н̣анаа.
Aniccatākathāvaṇṇanā.
згаад̣̇асамо ваг̇г̇о.
Ekādasamo vaggo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (115) 10. анижжад̇аагат̇аа • (115) 10. Aniccatākathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 10. анижжад̇аагат̇ааван̣н̣анаа • 10. Aniccatākathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 10. анижжад̇аагат̇ааван̣н̣анаа • 10. Aniccatākathāvaṇṇanā
