| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၁၀. အနိစ္စတာကထာဝဏ္ဏနာ
10. Aniccatākathāvaṇṇanā
၆၂၈. ရူပာဒီနံ အနိစ္စတာ ရူပာဒိကေ သတိ ဟောတိ, အသတိ န ဟောတီတိ ဣမိနာ ပရိယာယေန တသ္သာ တေဟိ သဟ ဥပ္ပာဒနိရောဓော ဝုတ္တော, ဥပ္ပာဒာဒီသု တီသု လက္ခဏေသု အနိစ္စတာဝောဟာရော ဟောတီတိ ယထာ တယော ဒဏ္ဍေ ဥပာဒာယ ပဝတ္တော တိဒဏ္ဍဝောဟာရော တေသု သဗ္ဗေသု ဟောတိ, ဧဝံ ဇာတိဇရာမရဏဓမ္မော န နိစ္စော အနိစ္စော, တသ္သ ဇာတိအာဒိပကတိတာ အနိစ္စတာသဒ္ဒေန ဝုစ္စတီတိ ဥပ္ပာဒာဒီသု လက္ခဏေသု အနိစ္စတာဝောဟာရော သမ္ဘဝတီတိ ဝုတ္တံ ‘‘တီသု။ပေ.။ ဟောတီ’’တိ။ ဝိဘာဂာနုယုဉ္ဇနဝသေနာတိ ပဘေဒာနုယုဉ္ဇနဝသေန။ တတ္ထ ယထာ ဇရာဘင္ဂဝသေန အနိစ္စတာ ပာကဋာ ဟောတိ, န တထာ ဇာတိဝသေနာတိ ပာဠိယံ ဇရာမရဏဝသေနေဝ အနိစ္စတာဝိဘာဂော ဒသ္သိတောတိ ဒဋ္ဌဗ္ဗံ။
628. Rūpādīnaṃ aniccatā rūpādike sati hoti, asati na hotīti iminā pariyāyena tassā tehi saha uppādanirodho vutto, uppādādīsu tīsu lakkhaṇesu aniccatāvohāro hotīti yathā tayo daṇḍe upādāya pavatto tidaṇḍavohāro tesu sabbesu hoti, evaṃ jātijarāmaraṇadhammo na nicco anicco, tassa jātiādipakatitā aniccatāsaddena vuccatīti uppādādīsu lakkhaṇesu aniccatāvohāro sambhavatīti vuttaṃ ‘‘tīsu…pe… hotī’’ti. Vibhāgānuyuñjanavasenāti pabhedānuyuñjanavasena. Tattha yathā jarābhaṅgavasena aniccatā pākaṭā hoti, na tathā jātivasenāti pāḷiyaṃ jarāmaraṇavaseneva aniccatāvibhāgo dassitoti daṭṭhabbaṃ.
အနိစ္စတာကထာဝဏ္ဏနာ နိဋ္ဌိတာ။
Aniccatākathāvaṇṇanā niṭṭhitā.
ဧကာဒသမဝဂ္ဂဝဏ္ဏနာ နိဋ္ဌိတာ။
Ekādasamavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၁၅) ၁၀. အနိစ္စတာကထာ • (115) 10. Aniccatākathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၁၀. အနိစ္စတာကထာဝဏ္ဏနာ • 10. Aniccatākathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၁၀. အနိစ္စတာကထာဝဏ္ဏနာ • 10. Aniccatākathāvaṇṇanā
