| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੦. ਅਨਿਚ੍ਚਤਾਕਥਾવਣ੍ਣਨਾ
10. Aniccatākathāvaṇṇanā
੬੨੮. ਇਦਾਨਿ ਅਨਿਚ੍ਚਤਾਕਥਾ ਨਾਮ ਹੋਤਿ। ਤਤ੍ਥ ‘‘ਅਨਿਚ੍ਚਾਨਂ ਰੂਪਾਦੀਨਂ ਅਨਿਚ੍ਚਤਾਪਿ ਰੂਪਾਦਯੋ વਿਯ ਪਰਿਨਿਪ੍ਫਨ੍ਨਾ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ‘‘ਯਦਿ ਤੇ ਰੂਪਾਦਯੋ વਿਯ ਅਨਿਚ੍ਚਤਾ ਪਰਿਨਿਪ੍ਫਨ੍ਨਾ, ਤਸ੍ਸਾਪਿ ਅਞ੍ਞਾਯ ਪਰਿਨਿਪ੍ਫਨ੍ਨਾਯ ਅਨਿਚ੍ਚਤਾਯ ਭવਿਤਬ੍ਬ’’ਨ੍ਤਿ ਚੋਦੇਤੁਂ ਤਾਯ ਅਨਿਚ੍ਚਤਾਯਾਤਿਆਦਿਮਾਹ। ਇਤਰੋ ਦ੍વਿਨ੍ਨਂ ਅਨਿਚ੍ਚਤਾਯ ਏਕਤੋ ਅਭਾવੇਨ ਪਟਿਕ੍ਖਿਪਿਤ੍વਾ ਪੁਨ ਯਸ੍ਮਾ ਸਾ ਅਨਿਚ੍ਚਤਾ ਨਿਚ੍ਚਾ ਨ ਹੋਤਿ, ਤੇਨੇવ ਅਨਿਚ੍ਚੇਨ ਸਦ੍ਧਿਂ ਅਨ੍ਤਰਧਾਯਤਿ, ਤਸ੍ਮਾ ਪਟਿਜਾਨਾਤਿ। ਅਥਸ੍ਸ ਸਕવਾਦੀ ਲੇਸੋਕਾਸਂ ਅਦਤ੍વਾ ਯਾ ਤੇਨ ਦੁਤਿਯਾ ਅਨਿਚ੍ਚਤਾ ਪਟਿਞ੍ਞਾਤਾ , ਤਾਯਪਿ ਤਤੋ ਪਰਾਯਪੀਤਿ ਪਰਮ੍ਪਰવਸੇਨ ਅਨੁਪਚ੍ਛੇਦਦੋਸਂ ਆਰੋਪੇਨ੍ਤੋ ਤਾਯ ਤਾਯੇવਾਤਿਆਦਿਮਾਹ। ਜਰਾ ਪਰਿਨਿਪ੍ਫਨ੍ਨਾਤਿਆਦਿ ਯਸ੍ਮਾ ਉਪ੍ਪਨ੍ਨਸ੍ਸ ਜਰਾਮਰਣਤੋ ਅਞ੍ਞਾ ਅਨਿਚ੍ਚਤਾ ਨਾਮ ਨਤ੍ਥਿ, ਤਸ੍ਮਾ ਅਨਿਚ੍ਚਤਾવਿਭਾਗਾਨੁਯੁਞ੍ਜਨવਸੇਨ વੁਤ੍ਤਂ। ਤਤ੍ਰਾਪਿ ਪਰવਾਦਿਨੋ ਪੁਰਿਮਨਯੇਨੇવ ਪਟਿਞ੍ਞਾ ਚ ਪਟਿਕ੍ਖੇਪੋ ਚ વੇਦਿਤਬ੍ਬੋ।
628. Idāni aniccatākathā nāma hoti. Tattha ‘‘aniccānaṃ rūpādīnaṃ aniccatāpi rūpādayo viya parinipphannā’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘yadi te rūpādayo viya aniccatā parinipphannā, tassāpi aññāya parinipphannāya aniccatāya bhavitabba’’nti codetuṃ tāya aniccatāyātiādimāha. Itaro dvinnaṃ aniccatāya ekato abhāvena paṭikkhipitvā puna yasmā sā aniccatā niccā na hoti, teneva aniccena saddhiṃ antaradhāyati, tasmā paṭijānāti. Athassa sakavādī lesokāsaṃ adatvā yā tena dutiyā aniccatā paṭiññātā , tāyapi tato parāyapīti paramparavasena anupacchedadosaṃ āropento tāya tāyevātiādimāha. Jarā parinipphannātiādi yasmā uppannassa jarāmaraṇato aññā aniccatā nāma natthi, tasmā aniccatāvibhāgānuyuñjanavasena vuttaṃ. Tatrāpi paravādino purimanayeneva paṭiññā ca paṭikkhepo ca veditabbo.
੬੨੯. ਰੂਪਂ ਪਰਿਨਿਪ੍ਫਨ੍ਨਨ੍ਤਿਆਦਿ ਯੇਸਂ ਸਾ ਅਨਿਚ੍ਚਤਾ, ਤੇਹਿ ਸਦ੍ਧਿਂ ਸਂਸਨ੍ਦਨਤ੍ਥਂ વੁਤ੍ਤਂ। ਤਤ੍ਥ ‘‘ਯਥਾ ਪਰਿਨਿਪ੍ਫਨ੍ਨਾਨਂ ਰੂਪਾਦੀਨਂ ਅਨਿਚ੍ਚਤਾਜਰਾਮਰਣਾਨਿ ਅਤ੍ਥਿ, ਏવਂ ਪਰਿਨਿਪ੍ਫਨ੍ਨਾਨਂ ਅਨਿਚ੍ਚਤਾਦੀਨਂ ਤਾਨਿ ਨਤ੍ਥੀ’’ਤਿ ਮਞ੍ਞਮਾਨੋ ਏਕਨ੍ਤੇਨ ਪਟਿਕ੍ਖਿਪਤਿਯੇવਾਤਿ।
629. Rūpaṃ parinipphannantiādi yesaṃ sā aniccatā, tehi saddhiṃ saṃsandanatthaṃ vuttaṃ. Tattha ‘‘yathā parinipphannānaṃ rūpādīnaṃ aniccatājarāmaraṇāni atthi, evaṃ parinipphannānaṃ aniccatādīnaṃ tāni natthī’’ti maññamāno ekantena paṭikkhipatiyevāti.
ਅਨਿਚ੍ਚਤਾਕਥਾવਣ੍ਣਨਾ।
Aniccatākathāvaṇṇanā.
ਏਕਾਦਸਮੋ વਗ੍ਗੋ।
Ekādasamo vaggo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੧੫) ੧੦. ਅਨਿਚ੍ਚਤਾਕਥਾ • (115) 10. Aniccatākathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੦. ਅਨਿਚ੍ਚਤਾਕਥਾવਣ੍ਣਨਾ • 10. Aniccatākathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧੦. ਅਨਿਚ੍ਚਤਾਕਥਾવਣ੍ਣਨਾ • 10. Aniccatākathāvaṇṇanā
