| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൧൦. അനിച്ചതാകഥാവണ്ണനാ
10. Aniccatākathāvaṇṇanā
൬൨൮. രൂപാദീനം അനിച്ചതാ രൂപാദികേ സതി ഹോതി, അസതി ന ഹോതീതി ഇമിനാ പരിയായേന തസ്സാ തേഹി സഹ ഉപ്പാദനിരോധോ വുത്തോ, ഉപ്പാദാദീസു തീസു ലക്ഖണേസു അനിച്ചതാവോഹാരോ ഹോതീതി യഥാ തയോ ദണ്ഡേ ഉപാദായ പവത്തോ തിദണ്ഡവോഹാരോ തേസു സബ്ബേസു ഹോതി, ഏവം ജാതിജരാമരണധമ്മോ ന നിച്ചോ അനിച്ചോ, തസ്സ ജാതിആദിപകതിതാ അനിച്ചതാസദ്ദേന വുച്ചതീതി ഉപ്പാദാദീസു ലക്ഖണേസു അനിച്ചതാവോഹാരോ സമ്ഭവതീതി വുത്തം ‘‘തീസു…പേ॰… ഹോതീ’’തി. വിഭാഗാനുയുഞ്ജനവസേനാതി പഭേദാനുയുഞ്ജനവസേന. തത്ഥ യഥാ ജരാഭങ്ഗവസേന അനിച്ചതാ പാകടാ ഹോതി, ന തഥാ ജാതിവസേനാതി പാളിയം ജരാമരണവസേനേവ അനിച്ചതാവിഭാഗോ ദസ്സിതോതി ദട്ഠബ്ബം.
628. Rūpādīnaṃ aniccatā rūpādike sati hoti, asati na hotīti iminā pariyāyena tassā tehi saha uppādanirodho vutto, uppādādīsu tīsu lakkhaṇesu aniccatāvohāro hotīti yathā tayo daṇḍe upādāya pavatto tidaṇḍavohāro tesu sabbesu hoti, evaṃ jātijarāmaraṇadhammo na nicco anicco, tassa jātiādipakatitā aniccatāsaddena vuccatīti uppādādīsu lakkhaṇesu aniccatāvohāro sambhavatīti vuttaṃ ‘‘tīsu…pe… hotī’’ti. Vibhāgānuyuñjanavasenāti pabhedānuyuñjanavasena. Tattha yathā jarābhaṅgavasena aniccatā pākaṭā hoti, na tathā jātivasenāti pāḷiyaṃ jarāmaraṇavaseneva aniccatāvibhāgo dassitoti daṭṭhabbaṃ.
അനിച്ചതാകഥാവണ്ണനാ നിട്ഠിതാ.
Aniccatākathāvaṇṇanā niṭṭhitā.
ഏകാദസമവഗ്ഗവണ്ണനാ നിട്ഠിതാ.
Ekādasamavaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൧൫) ൧൦. അനിച്ചതാകഥാ • (115) 10. Aniccatākathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൦. അനിച്ചതാകഥാവണ്ണനാ • 10. Aniccatākathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൧൦. അനിച്ചതാകഥാവണ്ണനാ • 10. Aniccatākathāvaṇṇanā
