| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. анимид̇д̇абан̃хаасуд̇д̇ам̣
9. Animittapañhāsuttaṃ
340. ‘‘‘анимид̇д̇о жзд̇осамаад̇хи, анимид̇д̇о жзд̇осамаад̇хий’д̇и вужжад̇и. гад̇амо ну ко анимид̇д̇о жзд̇осамаад̇хийд̇и? д̇асса маяхам̣, аавусо, зд̇ад̣̇ахоси – ‘ид̇ха бхигку саб̣б̣анимид̇д̇аанам̣ аманасигаараа анимид̇д̇ам̣ жзд̇осамаад̇хим̣ убасамбаж̇ж̇а вихарад̇и. аяам̣ вужжад̇и анимид̇д̇о жзд̇осамаад̇хий’д̇и. со кваахам̣, аавусо, саб̣б̣анимид̇д̇аанам̣ аманасигаараа анимид̇д̇ам̣ жзд̇осамаад̇хим̣ убасамбаж̇ж̇а вихараами. д̇асса маяхам̣, аавусо, иминаа вихаарзна вихарад̇о нимид̇д̇аанусаари вин̃н̃аан̣ам̣ ход̇и.
340. ‘‘‘Animitto cetosamādhi, animitto cetosamādhī’ti vuccati. Katamo nu kho animitto cetosamādhīti? Tassa mayhaṃ, āvuso, etadahosi – ‘idha bhikkhu sabbanimittānaṃ amanasikārā animittaṃ cetosamādhiṃ upasampajja viharati. Ayaṃ vuccati animitto cetosamādhī’ti. So khvāhaṃ, āvuso, sabbanimittānaṃ amanasikārā animittaṃ cetosamādhiṃ upasampajja viharāmi. Tassa mayhaṃ, āvuso, iminā vihārena viharato nimittānusāri viññāṇaṃ hoti.
‘‘ат̇а ко мам̣, аавусо, бхаг̇аваа ид̣̇д̇хияаа убасан̇гамид̇ваа зд̇ад̣̇авожа – ‘мог̇г̇аллаана, мог̇г̇аллаана! маа, б̣раахман̣а, анимид̇д̇ам̣ жзд̇осамаад̇хим̣ бамаад̣̇о, анимид̇д̇з жзд̇осамаад̇хисмим̣ жид̇д̇ам̣ сан̣табзхи, анимид̇д̇з жзд̇осамаад̇хисмим̣ жид̇д̇ам̣ згод̣̇им̣ гарохи, анимид̇д̇з жзд̇осамаад̇хисмим̣ жид̇д̇ам̣ самаад̣̇ахаа’д̇и. со кваахам̣, аавусо, абарзна самаязна саб̣б̣анимид̇д̇аанам̣ аманасигаараа анимид̇д̇ам̣ жзд̇осамаад̇хим̣ убасамбаж̇ж̇а вихаасим̣. яан̃хи д̇ам̣, аавусо, саммаа вад̣̇амаано вад̣̇зяяа – ‘сад̇т̇аараануг̇г̇ахид̇о сааваго махаабхин̃н̃ад̇ам̣ бад̇д̇о’д̇и, мамам̣ д̇ам̣ саммаа вад̣̇амаано вад̣̇зяяа – ‘сад̇т̇аараануг̇г̇ахид̇о сааваго махаабхин̃н̃ад̇ам̣ бад̇д̇о’’’д̇и. навамам̣.
‘‘Atha kho maṃ, āvuso, bhagavā iddhiyā upasaṅkamitvā etadavoca – ‘moggallāna, moggallāna! Mā, brāhmaṇa, animittaṃ cetosamādhiṃ pamādo, animitte cetosamādhismiṃ cittaṃ saṇṭhapehi, animitte cetosamādhismiṃ cittaṃ ekodiṃ karohi, animitte cetosamādhismiṃ cittaṃ samādahā’ti. So khvāhaṃ, āvuso, aparena samayena sabbanimittānaṃ amanasikārā animittaṃ cetosamādhiṃ upasampajja vihāsiṃ. Yañhi taṃ, āvuso, sammā vadamāno vadeyya – ‘satthārānuggahito sāvako mahābhiññataṃ patto’ti, mamaṃ taṃ sammā vadamāno vadeyya – ‘satthārānuggahito sāvako mahābhiññataṃ patto’’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. анимид̇д̇абан̃хаасуд̇д̇аван̣н̣анаа • 9. Animittapañhāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. анимид̇д̇абан̃хасуд̇д̇аван̣н̣анаа • 9. Animittapañhasuttavaṇṇanā
