| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౯. అనిమిత్తపఞ్హసుత్తవణ్ణనా
9. Animittapañhasuttavaṇṇanā
౩౪౦. విపస్సనాసమాధింయేవ, న ఫలసమాధిం. ఛేజ్జకిచ్చం న నిప్ఫజ్జతి అవిచ్ఛేదవసేన అప్పవత్తనతో. నికన్తీతి విపస్సనం అస్సాదేన్తీ పవత్తతణ్హా. సాధేతుం నాసక్ఖి ఉపక్కిలిట్ఠత్తా. నిమిత్తానుసారీతి నిచ్చసుఖఅత్తనిమిత్తానం అపూరణతో రాగదోసమోహనిమిత్తానిపేత్థ నిమిత్తానేవ. వుట్ఠాన…పే॰… సమాధిన్తి ఏతేన యావ మగ్గో నాధిగతో, తావ వుట్ఠానగామినివిపస్సనమనుయుఞ్జన్తోపి యథారహం అనిమిత్తం అప్పణిహితం సుఞ్ఞతం చేతోసమాధిం అనుయుత్తో విహరతీతి వత్తబ్బతం అరహతీతి దస్సేతి. విపస్సనాసమ్పయుత్తన్తి విపస్సనాసఙ్ఖాతఞాణసమ్పయుత్తం. చేతోసమాధిన్తి చిత్తసీసేన విపస్సనాసమాధిమాహ. ఉపరిమగ్గఫలసమాధిన్తి పఠమమగ్గసమాధిస్స పగేవ అధిగతత్తా.
340.Vipassanāsamādhiṃyeva, na phalasamādhiṃ. Chejjakiccaṃ na nipphajjati avicchedavasena appavattanato. Nikantīti vipassanaṃ assādentī pavattataṇhā. Sādhetuṃ nāsakkhi upakkiliṭṭhattā. Nimittānusārīti niccasukhaattanimittānaṃ apūraṇato rāgadosamohanimittānipettha nimittāneva. Vuṭṭhāna…pe… samādhinti etena yāva maggo nādhigato, tāva vuṭṭhānagāminivipassanamanuyuñjantopi yathārahaṃ animittaṃ appaṇihitaṃ suññataṃ cetosamādhiṃ anuyutto viharatīti vattabbataṃ arahatīti dasseti. Vipassanāsampayuttanti vipassanāsaṅkhātañāṇasampayuttaṃ. Cetosamādhinti cittasīsena vipassanāsamādhimāha. Uparimaggaphalasamādhinti paṭhamamaggasamādhissa pageva adhigatattā.
అనిమిత్తపఞ్హసుత్తవణ్ణనా నిట్ఠితా.
Animittapañhasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౯. అనిమిత్తపఞ్హాసుత్తం • 9. Animittapañhāsuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౯. అనిమిత్తపఞ్హాసుత్తవణ్ణనా • 9. Animittapañhāsuttavaṇṇanā
