| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਅਨਿਮਿਤ੍ਤਪਞ੍ਹਾਸੁਤ੍ਤવਣ੍ਣਨਾ
9. Animittapañhāsuttavaṇṇanā
੩੪੦. ਅਨਿਮਿਤ੍ਤਂ ਚੇਤੋਸਮਾਧਿਨ੍ਤਿ ਨਿਚ੍ਚਨਿਮਿਤ੍ਤਾਦੀਨਿ ਪਹਾਯ ਪવਤ੍ਤਂ વਿਪਸ੍ਸਨਾਸਮਾਧਿਂਯੇવ ਸਨ੍ਧਾਯੇਤਂ વੁਤ੍ਤਨ੍ਤਿ। ਨਿਮਿਤ੍ਤਾਨੁਸਾਰਿ વਿਞ੍ਞਾਣਂ ਹੋਤੀਤਿ ਏવਂ ਇਮਿਨਾ વਿਪਸ੍ਸਨਾਸਮਾਧਿવਿਹਾਰੇਨ વਿਹਰਤੋ વਿਪਸ੍ਸਨਾਞਾਣੇ ਤਿਕ੍ਖੇ ਸੂਰੇ વਹਮਾਨੇ। ਯਥਾ ਨਾਮ ਪੁਰਿਸਸ੍ਸ ਤਿਖਿਣੇਨ ਫਰਸੁਨਾ ਰੁਕ੍ਖਂ ਛਿਨ੍ਦਨ੍ਤਸ੍ਸ ‘‘ਸੁਟ੍ਠੁ વਤ ਮੇ ਫਰਸੁ વਹਤੀ’’ਤਿ ਖਣੇ ਖਣੇ ਫਰਸੁਧਾਰਂ ਓਲੋਕੇਨ੍ਤਸ੍ਸ ਛੇਜ੍ਜਕਿਚ੍ਚਂ ਨ ਨਿਪ੍ਫਜ੍ਜਤਿ, ਏવਂ ਥੇਰਸ੍ਸਾਪਿ ‘‘ਸੂਰਂ વਤ ਮੇ ਹੁਤ੍વਾ ਞਾਣਂ વਹਤੀ’’ਤਿ વਿਪਸ੍ਸਨਂ ਆਰਬ੍ਭ ਨਿਕਨ੍ਤਿ ਉਪ੍ਪਜ੍ਜਤਿ। ਅਥ વਿਪਸ੍ਸਨਾਕਿਚ੍ਚਂ ਸਾਧੇਤੁਂ ਨਾਸਕ੍ਖਿ। ਤਂ ਸਨ੍ਧਾਯ વੁਤ੍ਤਂ ‘‘ਨਿਮਿਤ੍ਤਾਨੁਸਾਰਿ વਿਞ੍ਞਾਣਂ ਹੋਤੀ’’ਤਿ। ਸਬ੍ਬਨਿਮਿਤ੍ਤਾਨਂ ਅਮਨਸਿਕਾਰਾ ਅਨਿਮਿਤ੍ਤਂ ਚੇਤੋਸਮਾਧਿਂ ਉਪਸਮ੍ਪਜ੍ਜ વਿਹਾਸਿਨ੍ਤਿ ਸਬ੍ਬੇਸਂ ਨਿਚ੍ਚਸੁਖਅਤ੍ਤਨਿਮਿਤ੍ਤਾਨਂ ਅਮਨਸਿਕਾਰੇਨ ਅਨਿਮਿਤ੍ਤਂ વੁਟ੍ਠਾਨਗਾਮਿਨਿવਿਪਸ੍ਸਨਾਸਮ੍ਪਯੁਤ੍ਤਂ ਚੇਤੋਸਮਾਧਿਂ ਨਿਬ੍ਬਾਨਾਰਮ੍ਮਣਂ ਉਪਰਿਮਗ੍ਗਫਲਸਮਾਧਿਂ ਉਪਸਮ੍ਪਜ੍ਜ વਿਹਾਸਿਂ।
340.Animittaṃ cetosamādhinti niccanimittādīni pahāya pavattaṃ vipassanāsamādhiṃyeva sandhāyetaṃ vuttanti. Nimittānusāri viññāṇaṃ hotīti evaṃ iminā vipassanāsamādhivihārena viharato vipassanāñāṇe tikkhe sūre vahamāne. Yathā nāma purisassa tikhiṇena pharasunā rukkhaṃ chindantassa ‘‘suṭṭhu vata me pharasu vahatī’’ti khaṇe khaṇe pharasudhāraṃ olokentassa chejjakiccaṃ na nipphajjati, evaṃ therassāpi ‘‘sūraṃ vata me hutvā ñāṇaṃ vahatī’’ti vipassanaṃ ārabbha nikanti uppajjati. Atha vipassanākiccaṃ sādhetuṃ nāsakkhi. Taṃ sandhāya vuttaṃ ‘‘nimittānusāri viññāṇaṃ hotī’’ti. Sabbanimittānaṃ amanasikārā animittaṃ cetosamādhiṃ upasampajja vihāsinti sabbesaṃ niccasukhaattanimittānaṃ amanasikārena animittaṃ vuṭṭhānagāminivipassanāsampayuttaṃ cetosamādhiṃ nibbānārammaṇaṃ uparimaggaphalasamādhiṃ upasampajja vihāsiṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਅਨਿਮਿਤ੍ਤਪਞ੍ਹਾਸੁਤ੍ਤਂ • 9. Animittapañhāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. ਅਨਿਮਿਤ੍ਤਪਞ੍ਹਸੁਤ੍ਤવਣ੍ਣਨਾ • 9. Animittapañhasuttavaṇṇanā
