| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༩. ནཝམཝགྒོ
9. Navamavaggo
(༨༤) ༡. ཨཱནིསཾསདསྶཱཝཱིཀཐཱ
(84) 1. Ānisaṃsadassāvīkathā
༥༤༧. ཨཱནིསཾསདསྶཱཝིསྶ སཾཡོཛནཱནཾ པཧཱནནྟི? ཨཱམནྟཱ། ནནུ སངྑཱརེ ཨནིཙྩཏོ མནསིཀརོཏོ སཾཡོཛནཱ པཧཱིཡནྟཱིཏི? ཨཱམནྟཱ། ཧཉྩི སངྑཱརེ ཨནིཙྩཏོ མནསིཀརོཏོ སཾཡོཛནཱ པཧཱིཡནྟི, ནོ ཙ ཝཏ རེ ཝཏྟབྦེ – ‘‘ཨཱནིསཾསདསྶཱཝིསྶ སཾཡོཛནཱནཾ པཧཱན’’ནྟི།
547. Ānisaṃsadassāvissa saṃyojanānaṃ pahānanti? Āmantā. Nanu saṅkhāre aniccato manasikaroto saṃyojanā pahīyantīti? Āmantā. Hañci saṅkhāre aniccato manasikaroto saṃyojanā pahīyanti, no ca vata re vattabbe – ‘‘ānisaṃsadassāvissa saṃyojanānaṃ pahāna’’nti.
ནནུ སངྑཱརེ དུཀྑཏོ…པེ॰… རོགཏོ… གཎྜཏོ… སལླཏོ… ཨགྷཏོ… ཨཱབཱདྷཏོ… པརཏོ… པལོཀཏོ… ཨཱིཏིཏོ… ཨུཔདྡཝཏོ… བྷཡཏོ… ཨུཔསགྒཏོ… ཙལཏོ… པབྷངྒུཏོ… ཨདྡྷུཝཏོ… ཨཏཱཎཏོ… ཨལེཎཏོ… ཨསརཎཏོ… ཨསརཎཱིབྷཱུཏཏོ… རིཏྟཏོ… ཏུཙྪཏོ… སུཉྙཏོ… ཨནཏྟཏོ… ཨཱདཱིནཝཏོ…པེ॰… ཝིཔརིཎཱམདྷམྨཏོ མནསིཀརོཏོ སཾཡོཛནཱ པཧཱིཡནྟཱིཏི? ཨཱམནྟཱ། ཧཉྩི སངྑཱརེ ཝིཔརིཎཱམདྷམྨཏོ མནསིཀརོཏོ སཾཡོཛནཱ པཧཱིཡནྟི, ནོ ཙ ཝཏ རེ ཝཏྟབྦེ – ‘‘ཨཱནིསཾསདསྶཱཝིསྶ སཾཡོཛནཱནཾ པཧཱན’’ནྟི།
Nanu saṅkhāre dukkhato…pe… rogato… gaṇḍato… sallato… aghato… ābādhato… parato… palokato… ītito… upaddavato… bhayato… upasaggato… calato… pabhaṅguto… addhuvato… atāṇato… aleṇato… asaraṇato… asaraṇībhūtato… rittato… tucchato… suññato… anattato… ādīnavato…pe… vipariṇāmadhammato manasikaroto saṃyojanā pahīyantīti? Āmantā. Hañci saṅkhāre vipariṇāmadhammato manasikaroto saṃyojanā pahīyanti, no ca vata re vattabbe – ‘‘ānisaṃsadassāvissa saṃyojanānaṃ pahāna’’nti.
སངྑཱརེ ཙ ཨནིཙྩཏོ མནསི ཀརོཏི ནིབྦཱནེ ཙ ཨཱནིསཾསདསྶཱཝཱི ཧོཏཱིཏི? ན ཧེཝཾ ཝཏྟབྦེ…པེ॰… སངྑཱརེ ཙ ཨནིཙྩཏོ མནསི ཀརོཏི ནིབྦཱནེ ཙ ཨཱནིསཾསདསྶཱཝཱི ཧོཏཱིཏི? ཨཱམནྟཱ། དྭིནྣཾ ཕསྶཱནཾ…པེ॰… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ॰… སངྑཱརེ ཙ དུཀྑཏོ…པེ॰… ཝིཔརིཎཱམདྷམྨཏོ མནསི ཀརོཏི ནིབྦཱནེ ཙ ཨཱནིསཾསདསྶཱཝཱི ཧོཏཱིཏི? ན ཧེཝཾ ཝཏྟབྦེ…པེ॰… སངྑཱརེ ཙ ཝིཔརིཎཱམདྷམྨཏོ མནསི ཀརོཏི ནིབྦཱནེ ཙ ཨཱནིསཾསདསྶཱཝཱི ཧོཏཱིཏི? ཨཱམནྟཱ ། དྭིནྣཾ ཕསྶཱནཾ…པེ॰… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ॰…།
Saṅkhāre ca aniccato manasi karoti nibbāne ca ānisaṃsadassāvī hotīti? Na hevaṃ vattabbe…pe… saṅkhāre ca aniccato manasi karoti nibbāne ca ānisaṃsadassāvī hotīti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe… saṅkhāre ca dukkhato…pe… vipariṇāmadhammato manasi karoti nibbāne ca ānisaṃsadassāvī hotīti? Na hevaṃ vattabbe…pe… saṅkhāre ca vipariṇāmadhammato manasi karoti nibbāne ca ānisaṃsadassāvī hotīti? Āmantā . Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe….
༥༤༨. ན ཝཏྟབྦཾ – ‘‘ཨཱནིསཾསདསྶཱཝིསྶ སཾཡོཛནཱནཾ པཧཱན’’ནྟི? ཨཱམནྟཱ། ནནུ ཝུཏྟཾ བྷགཝཏཱ – ‘‘ཨིདྷ, བྷིཀྑཝེ, བྷིཀྑུ ནིབྦཱནེ སུཁཱནུཔསྶཱི ཝིཧརཏི སུཁསཉྙཱི སུཁཔཊིསཾཝེདཱི, སཏཏཾ སམིཏཾ ཨབྦོཀིཎྞཾ ཙེཏསཱ ཨདྷིམུཙྩམཱནོ པཉྙཱཡ པརིཡོགཱཧམཱནོ’’ཏི 1! ཨཏྠེཝ སུཏྟནྟོཏི? ཨཱམནྟཱ། ཏེན ཧི ཨཱནིསཾསདསྶཱཝིསྶ སཾཡོཛནཱནཾ པཧཱནནྟི།
548. Na vattabbaṃ – ‘‘ānisaṃsadassāvissa saṃyojanānaṃ pahāna’’nti? Āmantā. Nanu vuttaṃ bhagavatā – ‘‘idha, bhikkhave, bhikkhu nibbāne sukhānupassī viharati sukhasaññī sukhapaṭisaṃvedī, satataṃ samitaṃ abbokiṇṇaṃ cetasā adhimuccamāno paññāya pariyogāhamāno’’ti 2! Attheva suttantoti? Āmantā. Tena hi ānisaṃsadassāvissa saṃyojanānaṃ pahānanti.
ཨཱནིསཾསདསྶཱཝཱིཀཐཱ ནིཊྛིཏཱ།
Ānisaṃsadassāvīkathā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡. ཨཱནིསཾསདསྶཱཝཱིཀཐཱཝཎྞནཱ • 1. Ānisaṃsadassāvīkathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡. ཨཱནིསཾསདསྶཱཝཱིཀཐཱཝཎྞནཱ • 1. Ānisaṃsadassāvīkathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡. ཨཱནིསཾསདསྶཱཝཱིཀཐཱཝཎྞནཱ • 1. Ānisaṃsadassāvīkathāvaṇṇanā
