| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൯. നവമവഗ്ഗോ
9. Navamavaggo
(൮൪) ൧. ആനിസംസദസ്സാവീകഥാ
(84) 1. Ānisaṃsadassāvīkathā
൫൪൭. ആനിസംസദസ്സാവിസ്സ സംയോജനാനം പഹാനന്തി? ആമന്താ. നനു സങ്ഖാരേ അനിച്ചതോ മനസികരോതോ സംയോജനാ പഹീയന്തീതി? ആമന്താ. ഹഞ്ചി സങ്ഖാരേ അനിച്ചതോ മനസികരോതോ സംയോജനാ പഹീയന്തി, നോ ച വത രേ വത്തബ്ബേ – ‘‘ആനിസംസദസ്സാവിസ്സ സംയോജനാനം പഹാന’’ന്തി.
547. Ānisaṃsadassāvissa saṃyojanānaṃ pahānanti? Āmantā. Nanu saṅkhāre aniccato manasikaroto saṃyojanā pahīyantīti? Āmantā. Hañci saṅkhāre aniccato manasikaroto saṃyojanā pahīyanti, no ca vata re vattabbe – ‘‘ānisaṃsadassāvissa saṃyojanānaṃ pahāna’’nti.
നനു സങ്ഖാരേ ദുക്ഖതോ…പേ॰… രോഗതോ… ഗണ്ഡതോ… സല്ലതോ… അഘതോ… ആബാധതോ… പരതോ… പലോകതോ… ഈതിതോ… ഉപദ്ദവതോ… ഭയതോ… ഉപസഗ്ഗതോ… ചലതോ… പഭങ്ഗുതോ… അദ്ധുവതോ… അതാണതോ… അലേണതോ… അസരണതോ… അസരണീഭൂതതോ… രിത്തതോ… തുച്ഛതോ… സുഞ്ഞതോ… അനത്തതോ… ആദീനവതോ…പേ॰… വിപരിണാമധമ്മതോ മനസികരോതോ സംയോജനാ പഹീയന്തീതി? ആമന്താ. ഹഞ്ചി സങ്ഖാരേ വിപരിണാമധമ്മതോ മനസികരോതോ സംയോജനാ പഹീയന്തി, നോ ച വത രേ വത്തബ്ബേ – ‘‘ആനിസംസദസ്സാവിസ്സ സംയോജനാനം പഹാന’’ന്തി.
Nanu saṅkhāre dukkhato…pe… rogato… gaṇḍato… sallato… aghato… ābādhato… parato… palokato… ītito… upaddavato… bhayato… upasaggato… calato… pabhaṅguto… addhuvato… atāṇato… aleṇato… asaraṇato… asaraṇībhūtato… rittato… tucchato… suññato… anattato… ādīnavato…pe… vipariṇāmadhammato manasikaroto saṃyojanā pahīyantīti? Āmantā. Hañci saṅkhāre vipariṇāmadhammato manasikaroto saṃyojanā pahīyanti, no ca vata re vattabbe – ‘‘ānisaṃsadassāvissa saṃyojanānaṃ pahāna’’nti.
സങ്ഖാരേ ച അനിച്ചതോ മനസി കരോതി നിബ്ബാനേ ച ആനിസംസദസ്സാവീ ഹോതീതി? ന ഹേവം വത്തബ്ബേ…പേ॰… സങ്ഖാരേ ച അനിച്ചതോ മനസി കരോതി നിബ്ബാനേ ച ആനിസംസദസ്സാവീ ഹോതീതി? ആമന്താ. ദ്വിന്നം ഫസ്സാനം…പേ॰… ദ്വിന്നം ചിത്താനം സമോധാനം ഹോതീതി? ന ഹേവം വത്തബ്ബേ…പേ॰… സങ്ഖാരേ ച ദുക്ഖതോ…പേ॰… വിപരിണാമധമ്മതോ മനസി കരോതി നിബ്ബാനേ ച ആനിസംസദസ്സാവീ ഹോതീതി? ന ഹേവം വത്തബ്ബേ…പേ॰… സങ്ഖാരേ ച വിപരിണാമധമ്മതോ മനസി കരോതി നിബ്ബാനേ ച ആനിസംസദസ്സാവീ ഹോതീതി? ആമന്താ . ദ്വിന്നം ഫസ്സാനം…പേ॰… ദ്വിന്നം ചിത്താനം സമോധാനം ഹോതീതി? ന ഹേവം വത്തബ്ബേ…പേ॰….
Saṅkhāre ca aniccato manasi karoti nibbāne ca ānisaṃsadassāvī hotīti? Na hevaṃ vattabbe…pe… saṅkhāre ca aniccato manasi karoti nibbāne ca ānisaṃsadassāvī hotīti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe… saṅkhāre ca dukkhato…pe… vipariṇāmadhammato manasi karoti nibbāne ca ānisaṃsadassāvī hotīti? Na hevaṃ vattabbe…pe… saṅkhāre ca vipariṇāmadhammato manasi karoti nibbāne ca ānisaṃsadassāvī hotīti? Āmantā . Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe….
൫൪൮. ന വത്തബ്ബം – ‘‘ആനിസംസദസ്സാവിസ്സ സംയോജനാനം പഹാന’’ന്തി? ആമന്താ. നനു വുത്തം ഭഗവതാ – ‘‘ഇധ, ഭിക്ഖവേ, ഭിക്ഖു നിബ്ബാനേ സുഖാനുപസ്സീ വിഹരതി സുഖസഞ്ഞീ സുഖപടിസംവേദീ, സതതം സമിതം അബ്ബോകിണ്ണം ചേതസാ അധിമുച്ചമാനോ പഞ്ഞായ പരിയോഗാഹമാനോ’’തി 1! അത്ഥേവ സുത്തന്തോതി? ആമന്താ. തേന ഹി ആനിസംസദസ്സാവിസ്സ സംയോജനാനം പഹാനന്തി.
548. Na vattabbaṃ – ‘‘ānisaṃsadassāvissa saṃyojanānaṃ pahāna’’nti? Āmantā. Nanu vuttaṃ bhagavatā – ‘‘idha, bhikkhave, bhikkhu nibbāne sukhānupassī viharati sukhasaññī sukhapaṭisaṃvedī, satataṃ samitaṃ abbokiṇṇaṃ cetasā adhimuccamāno paññāya pariyogāhamāno’’ti 2! Attheva suttantoti? Āmantā. Tena hi ānisaṃsadassāvissa saṃyojanānaṃ pahānanti.
ആനിസംസദസ്സാവീകഥാ നിട്ഠിതാ.
Ānisaṃsadassāvīkathā niṭṭhitā.
Footnotes:
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧. ആനിസംസദസ്സാവീകഥാവണ്ണനാ • 1. Ānisaṃsadassāvīkathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൧. ആനിസംസദസ്സാവീകഥാവണ്ണനാ • 1. Ānisaṃsadassāvīkathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൧. ആനിസംസദസ്സാവീകഥാവണ്ണനാ • 1. Ānisaṃsadassāvīkathāvaṇṇanā
