| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
9. навамаваг̇г̇о
9. Navamavaggo
1. аанисам̣сад̣̇ассаавийгат̇ааван̣н̣анаа
1. Ānisaṃsadassāvīkathāvaṇṇanā
547. ид̣̇аани аанисам̣сад̣̇ассаавийгат̇аа наама ход̇и. д̇ад̇т̇а сагасамаяз сан̇каарз аад̣̇ийнавад̇о ниб̣б̣аанан̃жа аанисам̣сад̇о бассанд̇асса сам̣яож̇анаббахаанам̣ ход̇ийд̇и нижчаяо. язсам̣ бана д̇зсу д̣̇вийсуби згам̣сигаваад̣̇ам̣ г̇ахзд̇ваа ‘‘аанисам̣сад̣̇ассаавинова сам̣яож̇анаббахаанам̣ ход̇ий’’д̇и лад̣̇д̇хи, сзяяат̇ааби анд̇хагаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇асса ‘‘згам̣сигаваад̣̇о д̇аяаа г̇ахид̇о, аад̣̇ийнавоби д̣̇адтаб̣б̣оязваа’’д̇и вибхааг̇ад̣̇ассанад̇т̇ам̣ сагаваад̣̇ий сан̇каарзд̇иаад̣̇имааха.
547. Idāni ānisaṃsadassāvīkathā nāma hoti. Tattha sakasamaye saṅkhāre ādīnavato nibbānañca ānisaṃsato passantassa saṃyojanappahānaṃ hotīti nicchayo. Yesaṃ pana tesu dvīsupi ekaṃsikavādaṃ gahetvā ‘‘ānisaṃsadassāvinova saṃyojanappahānaṃ hotī’’ti laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Athassa ‘‘ekaṃsikavādo tayā gahito, ādīnavopi daṭṭhabboyevā’’ti vibhāgadassanatthaṃ sakavādī saṅkhāretiādimāha.
сан̇каарз жа анижжад̇о манасигарод̇и, ниб̣б̣аанз жа аанисам̣сад̣̇ассаавий ход̇ийд̇и бан̃хасмим̣ аяамад̇хиббааяо – аанисам̣сад̣̇ассаависса сам̣яож̇анаанам̣ бахаанам̣ ход̇ийд̇и д̇зсам̣ лад̣̇д̇хи. нану сан̇каарз анижжад̇о манасигарод̇о сам̣яож̇анаа бахийяанд̇ийд̇и жа будто ааманд̇аад̇и бадиж̇аанаад̇и. д̇зна д̇з сан̇каарз жа анижжад̇о манасигарод̇и, ниб̣б̣аанз жа аанисам̣сад̣̇ассаавий ход̇ийд̇и ид̣̇ам̣ аабаж̇ж̇ад̇и, гим̣ самбадижчаси зд̇анд̇и. д̇ад̇о бараваад̣̇ий згажид̇д̇агкан̣ам̣ санд̇хааяа бадигкибад̇и, д̣̇уд̇ияам̣ будто наанаажид̇д̇авасзна бадиж̇аанаад̇и. сагаваад̣̇ий банасса ад̇хиббааяам̣ мад̣̇д̣̇ид̇ваа анижжаманасигаарасса аанисам̣сад̣̇ассаавид̇ааяа жа згад̇о бадин̃н̃аад̇ад̇д̇аа д̣̇виннам̣ пассаанам̣ д̣̇виннам̣ жид̇д̇аанам̣ самод̇хаанам̣ ход̇ийд̇и бужчад̇и. ид̇аро д̣̇виннам̣ самод̇хаанам̣ абассанд̇о бадигкибад̇и. д̣̇угкад̇од̇иаад̣̇ибан̃хзсуби зсзва наяо. гим̣ банзд̇т̇а саннидтаанам̣, гим̣ анижжаад̣̇ид̇о манасигарод̇о сам̣яож̇анаа бахийяанд̇и, уд̣̇ааху ниб̣б̣аанз аанисам̣сад̣̇ассаависса, уд̣̇ааху д̣̇взби згад̇о гаронд̇ассаад̇и. яад̣̇и д̇аава анижжаад̣̇ид̇о манасигарод̇о бахаанам̣ бхавзяяа, вибассанаажид̇д̇знзва бхавзяяа. ат̇а аанисам̣сад̣̇ассаавино, ануссававасзна ниб̣б̣аанз аанисам̣сам̣ бассанд̇асса вибассанаажид̇д̇знзва бхавзяяа, ат̇а д̣̇взби згад̇о гаронд̇асса бхавзяяа, д̣̇виннам̣ пассаад̣̇ийнам̣ самод̇хаанам̣ бхавзяяа. яасмаа бана арияамаг̇г̇агкан̣з анижжаад̣̇иманасигаарасса гижжам̣ нибпад̇д̇им̣ г̇ажчад̇и буна нижжад̇од̇иаад̣̇иг̇ахан̣асса ануббад̇д̇ид̇хаммабхаавад̇о, ниб̣б̣аанз жа бажжагкад̇ова аанисам̣сад̣̇ассанам̣ иж̇жхад̇и, д̇асмаа гижжанибпад̇д̇ивасзна анижжаад̣̇ид̇о манасигарод̇о аарамман̣ам̣ гад̇ваа бавад̇д̇ивасзна жа ниб̣б̣аанз аанисам̣сад̣̇ассаависса сам̣яож̇анаанам̣ бахаанам̣ ход̇ийд̇и взд̣̇ид̇аб̣б̣ам̣.
Saṅkhāreca aniccato manasikaroti, nibbāne ca ānisaṃsadassāvī hotīti pañhasmiṃ ayamadhippāyo – ānisaṃsadassāvissa saṃyojanānaṃ pahānaṃ hotīti tesaṃ laddhi. Nanu saṅkhāre aniccato manasikaroto saṃyojanā pahīyantīti ca puṭṭho āmantāti paṭijānāti. Tena te saṅkhāre ca aniccato manasikaroti, nibbāne ca ānisaṃsadassāvī hotīti idaṃ āpajjati, kiṃ sampaṭicchasi etanti. Tato paravādī ekacittakkhaṇaṃ sandhāya paṭikkhipati, dutiyaṃ puṭṭho nānācittavasena paṭijānāti. Sakavādī panassa adhippāyaṃ madditvā aniccamanasikārassa ānisaṃsadassāvitāya ca ekato paṭiññātattā dvinnaṃ phassānaṃ dvinnaṃ cittānaṃ samodhānaṃ hotīti pucchati. Itaro dvinnaṃ samodhānaṃ apassanto paṭikkhipati. Dukkhatotiādipañhesupi eseva nayo. Kiṃ panettha sanniṭṭhānaṃ, kiṃ aniccādito manasikaroto saṃyojanā pahīyanti, udāhu nibbāne ānisaṃsadassāvissa, udāhu dvepi ekato karontassāti. Yadi tāva aniccādito manasikaroto pahānaṃ bhaveyya, vipassanācitteneva bhaveyya. Atha ānisaṃsadassāvino, anussavavasena nibbāne ānisaṃsaṃ passantassa vipassanācitteneva bhaveyya, atha dvepi ekato karontassa bhaveyya, dvinnaṃ phassādīnaṃ samodhānaṃ bhaveyya. Yasmā pana ariyamaggakkhaṇe aniccādimanasikārassa kiccaṃ nipphattiṃ gacchati puna niccatotiādigahaṇassa anuppattidhammabhāvato, nibbāne ca paccakkhatova ānisaṃsadassanaṃ ijjhati, tasmā kiccanipphattivasena aniccādito manasikaroto ārammaṇaṃ katvā pavattivasena ca nibbāne ānisaṃsadassāvissa saṃyojanānaṃ pahānaṃ hotīti veditabbaṃ.
548. ниб̣б̣аанз сукаанубассийд̇и суд̇д̇ам̣ ниб̣б̣аанз сукаанубассанаад̣̇ибхаавамзва саад̇хзд̇и, на аанисам̣сад̣̇ассаавид̇аамад̇д̇зна сам̣яож̇анаанам̣ бахаанам̣. д̇асмаа аабхад̇амби анаабхад̇асад̣̇исамзваад̇и.
548. Nibbāne sukhānupassīti suttaṃ nibbāne sukhānupassanādibhāvameva sādheti, na ānisaṃsadassāvitāmattena saṃyojanānaṃ pahānaṃ. Tasmā ābhatampi anābhatasadisamevāti.
аанисам̣сад̣̇ассаавийгат̇ааван̣н̣анаа.
Ānisaṃsadassāvīkathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (84) 1. аанисам̣сад̣̇ассаавийгат̇аа • (84) 1. Ānisaṃsadassāvīkathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. аанисам̣сад̣̇ассаавийгат̇ааван̣н̣анаа • 1. Ānisaṃsadassāvīkathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. аанисам̣сад̣̇ассаавийгат̇ааван̣н̣анаа • 1. Ānisaṃsadassāvīkathāvaṇṇanā
